1000 وحدة سكنية بالتقسيط للمغتربين السودانيين

السداد بعد الاستلام والشوف والاطمئنان من كل
النواحي .انتهى لعب الملوص .هذا مستقبل أجيال
وشقى عمر.والاصابة بتكون في مقتل.حيث لاتوجد
تعويضات ولاضمانات ولا مسؤول للتعامل معه.
سندس تتحدث .

كلام مبهم ،، زي ونسة الحريم ، وتعالي اقول ليك سر !! اشرحوا مشاريعكم بالتفصيل وخلوها في العلن لكل مغترب ، 20% ؟ لكن العشرين في المية دي من اصل كم ؟؟ ودي فلل يعني لي فئة معيتة من المغتربين ، طيب والباقين ؟؟ والله انا شخصيا مقتنع تماما الا خير ياتي من اي طرح من اي مؤسسة سودانية لانهم لا ينطلقون الا من دوافع الانانية والفساد بل حتى انهم يتنافسون فيمن الاشطر في الفساد ومن الافسد الذي يستحق الجائزة ،، في رايي من اضطرته الظروف للعودة ، يمكنه تقديم خدمة لنفسه ولاهله وهي العودة لاصلنا وراكوبة تكفي ، اليس الان نحن نستظل بظل راكوبة ؟؟

دائما يغكرون في خدعة جديدة ؟؟ وين سندس ؟؟؟

عليك الله هسة لو عملت رأسي ده كل أضنيين .. وعندي قروش ودولارات مالية الصالون الأنا هسه بكتب فيه ده … والقروش دي قعدت تنطط وقالت لي وووووب طلعني من هنا ووديني لمشروع الكيزان الأنا ما قدرت أكمل قرايته لأنه عرفت انه فخ من فخوخ عصابة الكيزان عليك الله بديكم دولار واحد ؟؟؟؟
يا ناس خليكم عاقلين وواقعيين كم مشروع سرقتوه … وليس فشل فهناك فرق بين الفشل والسرقة عشان ما تخمونا ساكت … الصافي جعفر الشيخ البتكلم عن السيرة ولابس لبس الجهاد أكل قروش أبواتنا وأعمانا ولا زول سأله مافي فده مثال فكيف عاوزين زول عاقل كدة ونصيح وقروشه حلال يديكم ليها ….
حلكم واحد عندكم أي مشروع أعملوه وخلو الناس تشوفه بعينه دي تطلع على الاوراق وتسجيلاته وشهادات البحث بعد داك برضو أنا مابقتنع
أنتم فاقدين للمصداقية … وما تفتكروا سكات الناس عن سرقاتكم وعمايلكم رضى لا والله أنتم واهمون بس الخوف والصبر … لكن ساعة النصر لا ريبة فيها

دي مأكله و الفكره زاته فاشله اولا ما كل الناس بسكنو في مخططات سكنيه مقفوله و في الخلا فيم الداير يسكن جمب اهلو و فيهم الداير يسكن في قريتو وفيهم الداير يسكن في اي مدينه تانيه من مدن السودان و بعدين الفلل المطروحه دي اسعاره غاليه يعني متاحه لشريحه معينه و هي اقليه و ما عندها مشكلة سكن اصلا ده غير ان الزول البدفع قروش بكون داير بيت بمواصفات معينه لو فعلا فيكم خير افتحو التمويل العقاري للعامه في زول عندو ارض ما قادر يبنيها و في البدى يبني و ماقدر يكملو امافللكم دي الا تسكنو فيها براكم

من الصندوق القومي للإسكان والتعمير وشركة ساريا للاستثمار والتطوير العقاري على طول لماليزيا

فى مرة كنت ازور و ابحث عن قطعة ارض منحت فى خطة اسكانية فى منطقة الوادى الاخضر مربع ١٠ و صادفت مغترب يبحث عن مربع ١٦ و عن قطعته فقال له صاحب مكتب العقارات مربعك دا منو و ابودليق …فظهر الاحباط عليه لا تشتروا الهواء ايها المفتربون سوف يبيعونكم بى ٣ و ٤ مليار و عندما تحضرون تجدون السعر الحقيقى مليار و نصف و اثنين مليار

بالطبع حسب كل من غلام الدين وعبدالرحمن وحسبو فائدتهم من طرح هذا المشروع الاستثماري السهل للغاية لأنه ببساطة ان تمشي وتشتري مساحة من الأرض في الإطراف ثم تقوم بتوصيل شارع اسفلت لربطها بالمدن الكبري م تدخل الخدمات المطلوبة وتبدأ بتشييد مسجد جميل من أموال الشحدة وبالقرب منه مركز شرطة وتقوم بتخصيص سوق صغير كدا حتي تكون المنطقة جازبة وخاصة بعد رسم مجسمات في شكل ناطحات سحاب وميادين خضراء فيها مجموعة من الصبية يلعبون كرة قدم وباركنج للسيارات تحت ناطحة السحاب وهكذا تحلب دولارات ودارهم المساكين الذين فروا من جحيمكم…
هل نسيتم أن ذلك الاسلوب الرخيص تم جذب المغتربين به للبقعة بأمدرمان وتم بيع القطعة الواحدة بأربعة الف دولار عام 1995؟؟؟؟؟؟ياخوانا اختشوا كل ما جلس أحدكم علي كرسي سلطة يبدأ اولا في وضع خطة جهنمية للحس أموال الناس …
يا مغتربين احذروا عديمي الضمير ولا تغرنكم اسماء والقاب علمية حصل عليها هؤلاء بطرق معلومة … من منهم الذي التحق بمؤسسة تعليمية طالباً لعلم؟؟ فجأة يظهر بوليمة يحتفل فيها بنيل الشهادة أركلوا هذه الالقاب وجردوها من حاملها لتجدوا شخصية عادية ليس الا…….

التجربة الآثيوبية فى دعم أسكان المغتربين الاثيوبيين — تقوم الحكومة بمنح قطع ارضى أو مخططات سكنية الى مقاولى الانشاءات – وذلك بسعر رمزى يكاد يكون مجانا – و بعد ذلك تلزم المقاول بأنشاء مجمعات سكنية أو عمائر تحتوى على عدد من الوحدات السكنية – وبعد الانتهاء من البناء تقوم الحومة بتأجير تلك العمائر بنطام الايجار المنتهى بالتمليك – و بايجارات رمزية للمعتربين الاثيوبيين – يعنى المغترب بعد أن يسكن فى شقته بعد ذلك يبدأ فى دفع الاقساط التى هى عبارة عن ايجار الشقة و فى النهاية يتملك المغترب شقته — هذا الكلام قاله لى السيد بيكلى راسنقاى – المحاسب المالى بالسفارة الاثيوبية بالرياض …

مخطط سارية ده نهب بس ..بعدين محمد عبدالعزيز مدير سارية احد الكيزان النصابين كان رئيس اتحاد الطلبة في مصر .. يحمل جواز سفر امريكي ..يعني ينهب ويتخارج .. فشلت الشركة بفلل سارية 1 ..دخلت مخطط ساية 1 باسم شركة دي سي بعد فشل المشروع ونهب المواطنين ودخول الشركة في قضية فساد و ثراء حرام ..تم تغير اسم الشركة الي ساية الخرطوم تمهيدا لعملية نصب جديدة باسم جديد لكن نفس اللعيبة ..

اكيد الشركه عايزه تكسب ذي اي شركه في العالم يعني ما حيعملو مشروع زي دا صدقه المهم انهم يفضلو علي المستوي النفزو بيهو ساريا واحد انا اتملكت فيلا في ساريا واحد وكانت بي تراب القروش السي الفيلا بتاعتي زاد سعرها قريب المليار اليهيا حاجه بتاعه 60 الف دولار زياده واسي انا لو لقيت لي فرصه في ساريا 2 اكيد حاشتري شركه ممتازه جزاهم الله خير بس لو في واحد يوريني هم بيجو امريكا متين.
هم عندهم كم عيب بسيط انهم مرات بيتاخرو في التسليم عندي زول بعرفو سلموهو 3 اسابيع متاخر مع انو كان نازل يفرشها ونص الاجازه بتاعتو ضاعت قبل ما يستلم .
العيب التاني ساريا واحد مسكو الاداره بتاعتها لي اتحاد ملاك مكون من السكان. ورايس اتحاد الملاك ضابت (كوز فاشل اسمو مزمل محجوب دا طبعا اسغفر الله من حقو دا . اساسا بتدور حويلينو ميه دايره عندو شقق في جبره و4 او 5 فلل في ساريا جاب قروشهم من وين الله اعلم )
غير كده المدينه ممتازه جدا ولو راعو الحاجات دي يكونو ابدعو بالجد