الحاج آدم : أعضاء الحركة الإسلامية لا يتطلعون للمناصب والمكاسب والغنائم

الله يجازي الترابي سواها فيكم وفات .. والله ركبكم خوازيق ما تطلع منكم الا بالخروج من الحركة الاسلامية والانضمام الى جنماعة المسلمين السودانيين ناس ابوي وابوك يا حاج ادم …

والله الاسلام اصلو ما داير التعب القاعدين تسووا فيه ده.. يا اخوانا قولوا بسم الله الرحمن الرحيم الحكاية دي بسيطة وما دايره التعب والاجتماعات والنفرات ومشاريع الهجرة الى الله والمسميات الكثيرة القاعدين تسووا فيها دي .. يا جماعة الله اهدوا وهدوا اللعب
نفرة في بورتسودان ومشروع هجرة في مدني ومرة في دارفور ؟ مالكم؟ انتو دايرين شنو بالضبط ؟ الاسلام يا اخي نحن مسلمين ؟
الاسلام شنو هو؟
صلاة ؟ نحن قاعدين نصلي
صيام: نحن قاعدين نصوم
زكاة : قاعدين نزكي
الشهادة: والله نشهد ان لا إله الا الله وان محمد عبده ورسوله
حج : الحمد الله الناس قاعدة تحج وتعمر لمن استطاع اليه سبيلاً

دايرين مننا شنو تاني ؟ منو العينكم علينا وكيل ؟ منو الذي ريسكم علينا؟ يا حاج ادم ويا الزبير محمد الحسن وقطبي وغيره يا اخي شوفوا نفسكم ؟؟ ما تضيعوا الشباب كما ضعتوا انتو ؟ ما ضيعوا انفسكم بعد داه العمر لا يستحمل وسيبوا الكذب واللف والدوران ؟
والله القروش القاعدين تصرفوها في الاجتماعات والنفرات والكلام البلد احوج لها والفقراء الذين افقرتموهم بسبب فقركم الفكري والاخلاقي محتاجين ليها اكثر من اجتماعاتكم دي

بعدين كردفان دي جننتوها يا اخوانا كفاها كردفان دي والله ناس كردفان ديل اسلم منكم واكثر تدينا ومعرفة بالدين ما تخربوهم ساكت
روقوا المنقة شوية واهدوا وخلوا السودان ينطلق والله انتو مأخرين السودان يا اخي الساعة ذاتها قربت تقوم والشمس قربت تشرق من مغربها وانتو لسه في دجلكم دا؟ لا حول ولا قوة الا بالله العلي العظيم. بسم الله الرحمن الرحيم من شواطين الانس والجن..

خلص كلامك قبل رمضان.

)(قال ممثل الأمين العام الحركه الاسلاميه الحاج ادم ان أعضاء الحركه لا يتطلعون إلى مناصب او مكاسب او غنائم )……
و(طالب آدم خلال مخاطبته الجلسه الافتتاحيه لمشروع الهجرة إلى الله الوثبه الثانيه.اعضاء حزب المؤتمر الوطنى والحركه بتطبيق قواعد الحزب فى الجهاز التنفيذى والعمل الرسمى)…….
وأشار إلى أن حكومة الإنقاذ تغلبت على التحديات التى واجهتها بقربها من الدين وتطبيق شرع الله .

أولا شر البلية ما يضحك
انتوا خليتوا فيها مكاسب والا غنائم ما البلد كلها زمان قسمتوها بينكم وقعدتوا .وبعدين انت مش الحاج ادم اللى كان وإلى على الشماليه ؟
يعنى كنت شغال تربال ما فى منصب وإلى والا شنو ؟ قال لا تطمع فى مناصب قال …حكم.
بعدين شنو حكاية المؤتمر الوطنى دى انتوا ما قلتوا منظمه دعويه .ودعا أعضاء المؤتمر والحركه بتطبيق قواعد الحزب اى حزب تقصد حزب المؤتمر والا حزب الحركه عاملين زى صندوق الساحر حزب داخل حزب ..
تغلبت الإنقاذ على ياتو تحديات .إلى الآن النقاء ما قدره تعرف وين رأسها ووين أرجلها تحديات شنو الاتغلبت عليها كمان بتطبيق شرع الله قال وقربها من الدين.يا راجل اتقى الله فى نفسك أولا فلا يغرنكم طول بقاءكم فى السلطه وما ذاك إلا لضعف الشعب الذى كسرتموه وقصصتم اجنحته ..
قال قرب من الدين وتطبيق شرع الله هكذا اثبتم استهتاركم بالدين اللهم إلا دينا غير الإسلام ..

هذا الرجل لو كانت هذه الجكومة عادلة ونزيهة وعاش الشعب في ظلها في رفاهية ونعيم … وكانوا كل أعضائها نزيهين ووطنيين لقلنا هذا الرجل مدسوس من جهة ما لأجل أن يكرهو حكومة الإنقاذ
لأن الذي يقوله هذا النكرة لا يستطيع أن يتحمله عقل … !!!!

( قال ممثل الأمين العام للحركة الإسلامية الحاج آدم، إن أعضاء الحركة الإسلامية لا يتطلعون للمناصب والمكاسب والغنائم، إنما يتطلعون لإرضاءالله) طيب يا المابتتطلع للمناصب والغنائم ( البناية من خمسة طوابق في شارع الهوي بديتها لمن كنت مساعد رئيس الجمهورية وماقدرت تتمها لحدي الآن جبت قروشها من وين ؟؟؟؟؟ كانت عندكم تركة في شارع 15 بالعمارات ولا بيوت في نمرة 2 بالخرطوم؟؟؟ ياخي اتقي الله في مال اليتامي والمساكين انت وكووووووول الجوقة المهاجرة معاك دي !!!

مناااااااااااااااااااااااافق وكذاااااااااااااااب لعنة الله عليك وعلى أمثالك

عندما تقول كلاماً لا يمت للواقع بصلة فأنت إما كاذب أو مخرِّف