تجميد نشاط مبادرة شارع الحوادث في كسلا

شوف في كتير من الحلمانين في البلد دي عاملين فيها وطنيين ودايرين اصلحو ….عندهم رايفي الحكومة ما كويس لكن بوزنوهو برأي كعب برضو في المعارضة….نتيجة التيه والإحباط ووقوعهم تحت وطاءة الدعاية الإعلامية المستمره القاسية المسلطة من النظام ..لو سألته اي واحد اسمك منو ؟(اقول ليك طبعا نحنا كموؤسسات مجتمع مدني غير حزبية علينا دور تجاه المواطن بتاعنا لازم نطلع بيهو او الدولة مت بتقدر تعمل إي حاجة … وبنحاول نوفر ليهو الخدمات الضرورية وكمان ما تنسي يا أخ منظمة المجتمع المدني بترم الهوة الخلفها فراغ الدولة ..وكمية من البطيخ والطبيخ ) شوفو يا شباب النظام ده ما بتيح لا اي جسم فرصة انو اظهر في الساحة او اقدم خدمة للمواطن الا اجسام مواليه ليهو (كمجموعة إم الكرام الخيرية او الزبير الخيرية او مراسي بتاعت عناية إبراهيم مالك الماسكنها الكيزان القدامي والتايبين والناس المامنهم خوف و اللحظة الي اكبروا واعملو اسم ذي شارع الحوادث او دور خدمي وطني انتبهو ليهو الناس ..بقلبو عليهم بلحقوهم امات طه او طه ذاتو ) هوي يا ناس أصحو انتو قايلين النظام ده بهمو انك تقدم خدمة للمواطن ولا لا بعدين مفوضية العون الإنساني دي قايلينها شنو ؟ ده جسم امني كيزاني انشاء زمان لتعويق عمل المنظمات الدولية ومنع انتشارها تحت غطاء التنسيق واصدار تصاريح العبور …الجديد شنو قبل كده المجموعة بتاعت الغبش الكانت شغاله بنجاح في دري السيول والامطار موش وقفوها واعتقلو ناسها ..عشان كده انا برأي انو كل مؤسسات المجتمع المدني اي كانت اهدفها مفروض تكون يكون هدفها الأول علي قائمة الأولويات إسقاط هذا النظام الذي لا يعوق فقط العمل السياسي بل العمل الغير سياسي الطوعي والإنساني وايد علي ايد تجده بعيد …ما بالضرورة تطلع الشارع لا تتكلم مع ناس بيتكم وتشرح ليهم أولاد الحلة القرووب الاجتماعي بتاع الواتس ..بنصل يوم لنفس واحد وبنمرق ونرجم قفاهو حجر حجر. ..بالله عليكم هذا الخبر انشروهو في كل قروبات الواتس عسي انو اكون القشة التي قسمت ظهر البعير المشير