عاجل :الاتحاد الدولي لكرة القدم (الفيفا) يتجه رسميا لتجميد نشاط الإتحاد المحلي

كرة القدم امبراطورية من امبراطوريات الماسونية المتعددة ، فهي اداة لهو لكل الشعوب ، تجد الفقير يتمترس علي شاشات كرة القدم و اندية ورحلات وصرف اموال ضخمة .

ماذا سيحدث لو توقف النشاط الرياضي في السودان ما المشكلة ، باي حال من الاحوال سيجد الناس انفسهم امام فراغ كبير خصوصا الرياضيين منهم او المشجعين تحديدا .
كرة القدم في كل الدول هي منظومة متكاملة للوصول للاهداف العليا . اما في السودان فهي شواغل و صرف لا رجا منه.

احسن تقيف للابد و نخلص من هذا الشغل الشاغل ووقفوا لينا اغاني و نعاني و ابعاد السر قدور .

أوردت الراكوبة اليوم قبل هذا الخبر خبر مفاده أن سر الختم اعتزل الموضوع برمته بعد عدم تلقيه دعم من الرئيس ، وقيل أنه أغلق جواله وسافر إلى مدني . يبقى المشكلة شنو بعد كده؟
هل هناك مازال آخرون ممن الاتحاد الجديد مصرين على تسلُّم مباني الإتحاد ؟ أم ما أسباب تهديد الفيفا .

اجمل خبر عقبال تجميد نشاطات الفساد

اذا جمد نشاط الاتحاد المحلى من الذى يشرف على مباراة الهلال والمريخ وهلال الابيض. اذا جمد النشاط يعنى جمد داخليا وخارجيا ولا شنو.

والله خبر مفرح واخيرا ارتحنا من فشل الرياضة فى السودان باى باى

مبروك (لكيزان)الاتحاد:
سر الختم (الفاخورة اليابسي)
وهمد تور الساقية اللاّفي وما داري
والتبّع ( الفعوج)حيث البوامة والعوارة

حتى الكورة يا البشير ناس الأمن تدخلوا فوضى عارمة في سياسة أهل المؤتمر المسمى وطني وهم أسوأ من مر على السودان هذ متنفس أهل السودان الذي بقي لهم ترى لماذا البشير وحكومته وأمنه يكرهوننا ….كمان وقفوا الفول واقفلوا المطاعم إلا الهواء رحمة الله بخلقه لم يجعل لأحد عليه سبيلا ّ…اللهم أرنا آية في البشير أقسى من القذافي

خبر منجور ومبتور فالتجميد بخلاف التهديد ولماذا لم تنشر الجزيررة الخطاب او تشير لمن وقعه فملف السودان ما زال فى يد لجنة تقصى الحقايق ولم يعرض على المكتب التنفيذى بعديبدو ان الجزيرة تسعى لاستقطاب السودان فى حربها مع اهل الخليج وما درت ان حكومة الكيزن يسعدها خبر التجميد ولا يحزنها كما يفترض ان يكون الحال

احسن ذاتو لأنها ما كورة ذاتا .. الحاجة المحيراني انها عندها مليون جريدة ونحن ما قادرين نتخطي التصفية الاولي من اي دورة والممحني اكتر قالو جايبين لعيبة من بره ومدربين اجانب وكورتنا لسة بتاعة ابتدائي فيا المدربين الاجانب ما نافعين ولا ناسنا حمير فيا ناس الكورة كدي ورونا ياتو فيهم الصاح ؟

الحمد لله …ريحونا ذاتو …خلى الناس تشوف الكوليرا

علشان تكتمل الحكايه والروايه نسال الله انو ناس مجلس الامن يجمدوا نشاط الحكومه وتتم الناقصه.

مفروض اتحاد سرالختم يخلى مبانى الاتحاد قبل يوم 30.ثم يستعد للانتخابات فى اكتوبر.هذا هو الحل الوخيد لتفادى التجميد.المعلقون الذين سخروا من الكرة السودانية معهم الف حق فهى بائسة كل البؤس لكن طالما لها مريدين ومشجعين بحالتها الراهنة فالافضل ان لا يحرموا منها بالتجميد كفاية الناس محرومة من كل شىء فى البلد دى

ما فى انـسـان عـاقـل بـيـتـعـظ ؟ قـبل كـده نـفـس العـمليـة الـقـذرة دى عـمـلوهـا مع اتحـاد كمال شـداد وتـدخـل اتحاد الفـيفا وهـدد الأتحـاد السـودانى بالأيقاف ان تـمادوا فى فـسادهـم , عـنـدها عـرفوا أن الله واحـد وتـنـازلوا عـن كل قراراتهم وانـتصر عـليـهـم كـمال شـداد .الى مـتى هـؤلاء القـوم يـتـطاولـون عـلى كل مكـتـسـبات ومقدرات الشـعـب ويـسـعـون فـسـادا الى امتلاكـها بالباطـل ؟ ؟ حـسـبنا الله ونعم الوكيل منهم , حـسـبنا الله ونعم الوكيل منهم , حـسـبنا الله ونعم الوكيل منهم , حـسـبنا الله ونعم الوكيل منهم , حـسـبنا الله ونعم الوكيل منهم , حـسـبنا الله ونعم الوكيل منهم , حـسـبنا الله ونعم الوكيل منهم .

اذا صلحت البنيه الفوقيه للمجتمع وهي السياسه تلقائيا سنتصلح البنيه االتحتيه له سواء تعليم ولا صحه ولا اقتصاد ولا رياضه
الخلل من فوق يا اخوانا الكيزان دايرين يتدخلوا فى كل شي والقريبه السجم ديل كج كل يتدخلوا فيو يخرب
خربوا كل شي قبلوا علي التدخل فى الرياضه كمان ؟ ضيعوا ابوبكر كاكي العداء زول جاهو عرض يعيش فى امريكا ويمثلها فى اولمبياد بكين وياخد الجنسيه وهاك يا اخر تدريب وسكن واسطول سيارات ورصيد غير الأعلانات الملياريه البتجيو غشوه الكيزان هسي ساكن فى فى الشقيلاب خلف الاقمار الصناعيه
هسي الكورة كمان لحقوها أمات طه

قترب فريق سموحة من التأهل للدور قبل النهائي لبطولة كأس الكونفيدرالية الأفريقية ، وذلك على الرغم من احتلاله المركز الرابع والأخير في مجموعته بعد نهاية الجولة الرابعة لدوري المجموعات.

وقرر الاتحاد الدولي لكرة القدم (فيفا) ايقاف النشاط في السودان بسبب التدخل الحكومي ، واستبعاد المنتخبات والفرق السودانية من المنافسات القارية والعالمية.

ويصب قرار الفيفا في صالح فريق سموحة ، حيث يتصدر مجموعته فريق هلال الأبيض السوداني بـ 7 نقاط حصل على 4 نقاط منهم من فريق سموحة.

وبعد استبعاد فريق هلال الأبيض السوداني أصبحت المجموعة تضم 3 فرق فقط سيتأهل منهما فريقان الى الدور قبل النهائي.

وسيتم الغاء نتائج فريق هلال الأبيض في المجموعة وبالتالي سيتم خصم نقطة واحدة فقط من سموحة لتعادله معه في مباراة والهزيمة في مباراة اخرى ، ليصبح رصيد سموحة 3 نقاط بدلا من 4 ويتبقى له مباراتان.

على الجانب الأخر سيتم خصم 3 نقاط كاملة من فريق ريكرياتيفو الأنجولى لكونه فاز على هلال الأبيض ، وبالتالي سيصبح رصيده 3 نقاط بدلا من 6 ، وسيتبقى له مباراة واحدة فقط بعد الغاء مباراته أمام هلال الأبيض التي كان سيلتقي به السبت المقبل.

واقترب سموحة بشدة من التأهل حيث يتبقى له مباراتين ، فيما يتبقى لكلا الفريقين الآخرين زيسكو وريكرياتيفو مباراة واحدة فقط بعد الغاء مباراتهما أمام هلال الأبيض.

ترتيب المجموعة قبل استبعاد هلال الأبيض :

1- هلال الأبيض – 7 نقاط

2- ريكرياتيفو – 6 نقاط

3- زيسكو يونايتد – 6 نقاط

4- سموحة – 4 نقاط

ترتيب المجموعة بعد استبعاد هلال الأبيض :

1- زيسكو يونايتد – 6 نقاط (يتبقى له مباراة واحدة أمام في الاسكندرية)

2- سموحة – 3 نقاط (يتبقى له مباراتين أمام زيسكو بالاسكندرية وأمام ريكرياتيفو في أنجولا)

3- ريكرياتيفو – 3 نقاط (يتبقى له مباراة واحدة أمام سموحة في أنجولا)

مبروووووووك

يا مجموعة النهضة لماذا هذا الاصرار انتو جيتو تصلحوها ولا تخربوها

خلاص يا العساكر طنبجتوها ؟ مبروك وارتحنا ذاتو لأنها ما كورة ذاتها .. وعشان العطالي العاملين لعيبة ديل يمشو يشوفو ليهم زراعة ولا قدح مونة يشيلوه

مبروووووووووووك خبر يثلج الصدر عقبال لجماعة لاهاي ليتها تكون بقوة الفيفا
اصلا لن نرجع الرعاع ف صراعهم المادي ولا يهمهم البلد مقضومة اطرافيا بعد تقسيمها وإشعال الحرائق ف الغرب والنخيل ف الشمال
اللهم لا شماته
لكنه الواقع

الفكرة ما رجالة ما عندك اتحاد معترف بيهو من الفيفا معناها ما عندك نشاط عالمى و اقليمى نقطة سطر جديد فتش كيف تخلى الفيفا يعترف بيك ..بعدين فكرة انو الفيفا متآمر مع الاتحاد القديم دا كلام فارغ لانو مفروض لو فى تآمر يتآمر مع بلاتر مع ناس قريعتى راحت

اصلا مافي كورة ولا رياضة
هناك لمه من الانتهازين واللصوص ومرتزقة الانفاذ ..

زووووووط قول واحد!

نحنا في شنو وانت في شنو

صدق البشير وهو كذوب حينما نهر الفريق عبدالرحمن سر الختم قبل يومين بقوله (نحنا في شنو وإنت في شنو) والشاهد الشنو شنو كلها من عمايلهم

نعم للتجميد وحل الاندية السودانية وبيع اراضي الاستادات عبدالله حسن البشير ونافع على نافع الاول استاد الهلال والثاني استاد المريخ.
فضوها سيرة واستريحوا يا جماعة

جمدوه هو أصلا في كوره؟ ؟؟

اتحاد الكرة دا فيهو شنو بتشاكلوا فيهو كدا ؟!
دولارات الفيفا ولا ريالات الاتحاد العربى ولا شئ تانى؟

خبر محزن جدا ان كان حقيقة ، خيرا فعل السيد الفريق عبد الرحمن سر الختم بان قدم استقالته وفات ،واظن هذا الموقف يشير الى رغبته فى ااموافقة على خارطة ااطريق التى وضعتها الفيفا لحل المشكلة ، ولكن يبدو ان الاخرين الراكبين راس مامستوعببن خطورة اصرارهم على عدم الانصياع لتوجيهات الفيفا ،،وده حال البلد نركب راسنا ونشتم اجعص دولة واجعص (فيفا) فهى ليس لها مبانى اتحاد عام كما زكرت وزارة العدل فى ردها على الاستيناف ،وعندما تجى تاره علينا بعد مانخسر الكثير (ننبطح) ونستجدى العفؤ عنا،،
وبعد ما يوعدونا بالنظر فى امر العفؤ…نستبشر ونكبر ونهلل.

دة شيئ جميل ومنتظرين عدم رفع العقوبات الأمريكية بعد أسبوعين عشان نتم الخياطة بالحرير

يا ريت الفيفا يجمد نشاط المدعو محمد عبدالله مازدا(أبوثلاثات ) المدير الفنى للمنتخب – و يوقفه من ممارسة أى نشاط يتعلق بكرة القدم أو الرياضة عموما – حتى كورة الشوراب – بصراحة الزول ده كارثة حقيقية اكبر و أشد ضررا من كارثة أنقلاب الآنقاذ ..

مجموعه الفريق المدهش سر الختم ده لو انتظرت شويه كانو يشوفو نهاية الفرق التلاته امكن يطيرو …وبعد ده يقعدو يجننو الاتحاد المعترف بيهو ولا ما كده.

ياريت

اسال الله ان يتم بامر منه ربى العظيم يايقاف استنشاق الاوكسجين من كل كلب (مع احترامى للكلاب) من عصابات المتامر الواطى اللاوطنى والشعبوى