قصيدة وطن واحد
قصيدة وطن واحد
سوزان كاشف بدرى
[email][email protected][/email]
دايرين وطن صافى
لا فيهو قبلية
لا فيهو جهوية
زرقة و عرب مافى
وطنا هو السودان
واصلو السبب كافى
اولاد بنات دارفور
ما دمهم موية
ولا كان فى يوم مهدور
لما الصباح يطلع
و شمس الحقيقة تدور
نعرف نجيب تارنا
و شيهدنا مات مغدور
فجر الخلاص قرب
خطواتنا دغرية
علو الهتاف يا شباب
ماتناضلو بالنية
أطلع و ناضل و كون
لسة الوطن راجيك
و شارعنا ما بيخون
اطلع و ناضل و كون
صوت الوطن ناداك
كل الوطن ممكون
علو الهتاف يا شباب
لازم نعيش و نكون
علو الهتاف يا شباب
لازم نعيش و نكون
بكرة الصباح بطلع
و جراحنا تتعافا
نبنو وطن واحد
و قلوبنا تتصافا
علو الهتاف يا شباب
لازم نعيش و نكون
و الثورة لما تقوم
و تملا المدن نارها
ما بين هتاف و هدير
و تعبى ثوارها
فى حلفا فى مدنى
فى عطبرة و بارا
فى كسلا و الخرطوم
علو الهتاف يا شباب
لازم نعيش و نكون
علو الهتاف يا شباب
لازم نعيش و نكون
09/12/12
رايعه رايعه يا سوزان مانحتاجه الان هو الشعر الحماسي الثوري……اؤكد لك ان لا خطاب يلهب حماس الشعب السودانى مثل هذا الشعر والاجمل عندما يكون من المناضلات…وليتواصل
ممتاز جدا
لك كل التحايا ياسوزان