تحسبوهـ لعب!! … كاريكاتير عمر دفع الله

دى الناس البتحترم شعبهاوبتعملوا اعتبار وفى المقابل روحوا شوفو جهاز المغتربين الناس متكسرين قاعدين كانهم فى بيت عزاء اعداد مهولة قمة فى عدم الاحترام والشبكة طشت والشبكة جات ضياع مجهود وضياع وقت وضياع صحة لانو صراحة الناس قمة الارهاق والتعب من طول الانتظار وما تنسوا الرسوم مبالغ مبالغ فيها ورغم ذلك عدم احترام والبشير يقولك عائز فترة تانية قدروا هذا الشعب واحترموه ثم اطبلوا منه ان يصوت لكم لفترة تانية وتالته .

عليك الله يا عمر دفع الله راجع كريكتيرات عز ألدين .. أنت تفتقد الطرافة و الفكاهة ورسام مافي شك لكن المفروض تستعين بكويمدي يعطيك الفكرة . صراحة يعني كل أعمالك مسيخة وتخلو من الفكاهة و السخرية ،. وانا ما فاهم كيف عاملين لاعمالك قومة وقعدة. والله ما حصل أنا قريت كركتير بتاعك وضحكت . معتمد علي موهبة الرسم لكن ما كل رسام كركترست .

بلد زي السودان رئيس الجمهورية بمشي بيفتتح مكينة اي تي ام ( صراف الي بتاع بنك) والجماعة يكبروا ويهللوا ، عايزنها تجاري الفلبين او حتى بنغلاديش فى التقنية انتم بتحلموا ، الطفرة التقنية ممكنة اذا اتيحت الفرصة للشباب دون الثلاثين ان يتقلدوا زمام الامور ، اما الديناصورات الواجعين راسنا ديل كلهم لايعرفوا ضبط المنبه فى الجوال . ناهيك عن ان يجلبوا تقنية لاستخراج الوثائق . احد الاخوة المهندسين قال ذهبنا للخرطوم قبل سنوات من السعودية مع عدد من زملاء المهنة ،وطلبنا مقابلةمع المختصين فى احدى الوزارات المختصة بتطوير مرفق تنموي مهم جدا فى البلد ، قال اخذنا معنا خطة مدروسة ومسجلة فى فلاش ميموري وقمنا بعرضها على السادة المسئولين وعدد من موظفيهم وكانت خطة متكاملةلتطوير العمل لديهم . قال بعد الفراغ من اعمال الورشة ، كانت تعليقات الجماعة كلهم ، يااولادي انتم بتحلموا ساكت تقنية زي دي هنا فى السودان مافي زول بعمل بيها ، فما تتعبوا انفسكم ساكت نحن خلونا فى خمجنا دا احسن لينا .. قال صاحبي خرجنا باحباط ومن يومها مافكرنا فى عرض اي خطة عمل على جهة مختصة.
اما موضوع استخراج الجوازات فى قنصلياتنا ، يكفى زيارة واحدة لسفارة السودان فى الرياض او القنصلية فى جدة لمعرفة الامية المطبقة فى الاجراءات . وخاصة هذه الايام بعد كل البهدلة فى استلام الرقم الوطني والصور وملئ الارانيك ودفع رسوم مضاعفة ثلاثة مرات عن سعر الباسبورت فى السودان بعد دا كله يقول ليك والله الجوازات حتجي من ( الهرتوم ) ياحليلكم يالغبش اللابسين الكنقولي الاغبر . الفاتحة ياجماعة على الخدمة المدنية ورحم الله اولئك الموظفين الفارقوا الديار وحل مكانهم السمبر .