كل عام وطني سلام.. وشعبي سلام

كل عام وطني سلام.. وشعبي سلام

سهيل احمد سعد – الارباب
[email][email protected][/email]

كل عام والاشواق لوطنى جناح…. وبلبل صداح ينشد الاحلام ترانيما وتراتيلا” مساء صباح…كل عام رفاقى نجاح….ودفاتر زكرى ملانة افراح ….كل عام وطنى سلام وشعبى وئام….كل عام فجر جديد ووعد جديد ….كل عام بلدى حباب وناسوا احباب .كل عام مافى حرب ومافى ضرب وسلطة رشيدة وناسة شباب متنافسين احزاب احزاب وسباقة شريف سباق اتراب …..وكل برنامج يشع اشراق وكل فكرة وراها كتاب… لا حولية ولادجال ……..راسمالية ناسة اشراف ومال اشراف…… واشتركية ناسة نضاف وعلمانية تساوى الناس ….وعلماء الدين كلامم صاح لامظلوم ولا ظالم… ناس لاميها وطن حالم وارض احلام ……..لاغربة ولافرقة… وكل الناس لاميها جناح ………وطن واسع وطن جامع وطن شعارو معانى جميلة وناسو جميلة …….تحلق فوق سما الاوطان……… ونجمة قريبة وماها بعيدة للمحتاج……وطن تنمية وانتاج…زراعة صناعة ومافى عطاله… .وطن امثولة لى غيرو … نفض توب الجهل هيلو ….رفع راسو بشبابو…..شباب عارفين شباب عالمين …. …شباب عارف هدفوا شنو…وقصدو منو …. وطن عاتى وطن خير ديمقراطى ….وطن انسان وحقوق انسان…وطن فزعة للجيران قريب وبعيد ….وطن ماؤى للمطلوم .. .وطن قدوة وطن قوة تلجا ليهو كم اوطان…. وتحلم بيهو كم اوطان..وطن بيهو الزمان يفخر…..وطن بيهو الزمان يزدان.