والي الخرطوم :( كل ما أشوف ست شاي قلبي بتقطع)
الخرطوم : محمد داؤود
أقر والي الخرطوم، الفريق أول ركن عبدالرحيم محمد حسين بوجود عجز (500) ألف متر مكعب من المياه، مشيراً إلى توقيع حكومته لعقودات بلغت (65) مليار جنيه لمعالجة الأزمة، في وقت تأسف عبدالرحيم عن وجود بائعات الشاي في أرصفة الطرق ، لافتاً إلى أن المهنة لاتليق بالمرأة، موجهاً وزارة التنمية الاجتماعية بتوفير مهن أخرى لهن، قائلاً ( كل ما أشوف ست شاي قلبي بتقطع)،وأشار عبدالرحيم في (الملتقى التفاكري)،بأمانة الحكومة أمس، إلى أن (60%) من المتسولين أجانب، و(40%) من الولايات، معتبراً أن هجرة الولايات إلى الخرطوم أعاقت عملية التنمية وتسببت في نقص الخدمات بإعتبار أن حكومته تخطط لعدد معين وتتفاجأ بالزيادة المتوالية،وفي سياق متصل كشف والي ولاية الخرطوم عن مضي حكومتهم في تصوير كل أرجاء ولاية الخرطوم ( كيلو كيلو)، موضحاً بأن الهدف من التصوير عبر الطيران كشف إحتياجات الولاية من الخدمات.
آخر لحظة.
ضحكتنا.
ضحكتنا.
المرة دي بالطيران هههههههه قصة النظر ما جابت حقها …..
انا زاتي لما اشوفك قلبي بتقطع
بليد واهبل
خليهم يصوروك انت كمان من فوق
يا سلااااااااام ياخ! أخيرا اللمبي نطق
مسكين ي حنين
والله يا والى الهنا العوقه التلوقه راح ليك الدرب
كيلو كيلو…زنقه زنقه…حته حته
يعني (40%) من كرمة البلد والباقي اجانب
يلموا الدراويش يجيبوهم لينا
خليتوا الناس تمارس دعارة حتي تعيش
يوم الدين انتظروا القطيع الاصلي انت والبشير
زنقه زنقه. ليكم يوم. ونراه قريبا
افشل من مشي علي وجهه الارض دمر اي وزاره كان علي رأسها .الله ينتقم منكم دنيا واخره وحسبي الله ونعم الوكيل
قلبي بيتقطع حتة حتة
ما نص الشعب السوداني بيفتخر انو جدودو جو من السعودية . واغلبنا وعلى رأسهم عبد الرحيم جاء من خارج العاصمة . وين المشكلة ؟انه عرفنا انو عبد الرحيم عنده قلب . لمن انهارت المستشفي وضاعت المعدات ومات البعض او جرحوا ده ماكان مؤلم ؟ وعبد الرحيم في الحكومة وشايف الشلاليت والكجم والسف والقرش في اقتصاد البلد . قال قلبوا بيتقطع لمن يشوف بائعة شاي ! كلاب الولاية ينهشون قوت بائعات الشاي وانت بتتفرج . كان بيغني قلبي طار منى وقال ماهو عايد .
باعتبار إنو عندو قلب والي الخرطوم! هههههههه! ضمير ما عندك ولا دين ولا عقل!
انا بعرف كتير من ناس الخرطوم شحاديين و ناس ساكنين فى ااحياء الخرطوم الشعبية بشحدوا
دفاعك بالنظر
صورك بالطيران
وقلبك بتقطع
ريالتك سايلة
وخدك نديان
ماشى بتتبرطع
وفى صدرك نيشان
والينا ال مو هيّن
ماكل .. شارب … شبعان
تلهف يمين وشمال
فوق وتحت
ومالى الجزلان
مطرة قليلة
بتملأ الخيران
وشوية كمان بترمى الدكان
ويقعد متحير مقطوع راسو
عمّك عثمان
موية فول ومصير مجهول وهوان فى هوان
نرجوك رجعنا محل ماكنا زمان
آآآه يافنان
صاحبك بِشة
مادى الكرشة
وعامل هرشة
وخارب السودان
وفى الاخبار
مسكو الزول وجابو الزول
وسجنو الزول
وحُكُمكُم بالبمبان
موية فول
وعلّة تطول ومصير مجهول
وزهول فى زهول
ده حالنا كمان
كوز بيصرّح
وكوز بصرّخ
وكوز ماشى وكوز جايى
والزول زهجان
من الحاكميننا…اولاد كنعان
كلاماً شين وفعلاً شين
خلاصنا متين؟…. ماعارفين
ياكيزان
ياوالينا ما انت رؤوف…ما انت عطوف
ما انت خجول والحل فى ايدك يامهبول
اسمع منى وانا ح اقول:
جيب ليك كم مليون من جيبك…. وانت بتقدر
وافتح مصنع
ونادى العازة ونادى بتول وكل ستات الشاى
واملأ المصنع بى ستات الشاى
واظبط شغل المصنع…… وح تشوف يازول
مكنات شغالة دور وراء دور
والكانن ستات شاى بقن الاستاذة محاسن والاستاذة بتول
وكلم باقى الكيزان يعملو زيك
ويدخلن ستات الشاى فلول وفلول
ويربو عيالم والغمة تزول
وتطل البهجة على وجوهن والبسمة تطول
وتكون انت يا مأفول كسبت اجر رغم انك كوز سهلول
وفى النهاية تقول ياوالينا قلبك بتقطع
ونحن نقول ريالتك سايلة!!!! لانك كوز مهبول
ريالتك.. سايلة لانك… كوز مهبول
ريالتك سايلة…. ريالتك سايلة ….ريالتك سايلة
ريالتك..ريالتك….ريالتك
(شعر بداية مشوار)
يا لمبى تقصد كيلومتر كيلومتر………..ولا كيلو لحمة
هو ات عندك قلب يحس ويتألّم كالبشريا دلاهة؟!
التقطيع والفرم المنتظرك قرّب اثبت ولا تريّل
والله يا حليلك يا الليمبى يا حنين .
الزول ده بالمناسبه تعبان عندو نفسيات ، حقو تدوهو اجازه اجباريه يا ناس الخرطوم عشان يجيكFresh😥😥😥
أها..وبعد ما قلبك يتقطع..بتقوم تعمل شنو..
أيوة..أيوة..تكتشف إنو الفشل..سببو الفشل…!!
ههههه وانت عندك قلب لامن يتقطع كمان؟ قلوبكم ما سرقوها الكيزان زمان وخلوكم لافين والله الكيزان ورطوكم في الحكومة دي واتورطوا هم.
الزول ده يا داير يموت او كمان يكون قرررب يفلس . ما شايف سبب يحننو على ستات الشاى لمن قلبو ” يتكطع ” غير كده .
ي حرام انا من جوه اتقطعته حتي حته ي ريس عدي بينا عدي بينا ي ريس
ك بل جيوبك م اتقطعت
الحمد لله الما تقطع نظرك00000 كان رحنا فيها0
الـخـال الـرئاسـى لـما يـسـمـع بـياســر عـرمان ” مـرارتـو بـتـنـقـطع ” والـلـمـبى لما يـشـوف سـتـات الـشـاى” قـلـبو بـيـتـقطع ”
وبعـديـن شـنـو ؟ ؟ ؟
ونحن قلوبنا تتقطع عند رؤية مئات من الاشخاص عند الاشارات لبيع مناديل الورق وقوارير المياه.والادهي والامر اعداد المتسولين وهم يحملون الاطفال واصحاب العاهات واكثرهم الما الصغار وهم يحملون قطعا ليمسحوا بها السيارات من اجل ان يعيشون
مانتوا السبب في هجرة ناس الأقاليم للعاصمة ناس لاتوجد عندهم خدمات ولا صحة ولاتعليم ولا مياه شرب نقية ولا كهرباء ولا أي شي يعيشوا كيف مالازم يهاجروا الي العاصمة والشي الثاني ماأنتوا بنفسكم بتبيعوا في أراضي الخرطوم وتوسعوا في مساحاتها السكنية من دون أن يستفيد مواطن الخرطوم الفائدة تذهب الي فئة محددة لقد أصبحت الخرطوم متسخة بسوء أداراتكم لملف النظافة وكذلك لا أستثني المواطن الذي يرمي الاوساخ في أي مكان والنظافة ثقافة يجب افهامها لكل من سكن العاصمة أو هاجر أليها زمان قبل ماتجي انت الخرطوم ياوالي الخرطوم كانت الشوارع تغسل بالماء وتوجد أماكن محددة لرمي الأوساخ واماكن للترفيه كل هذة الاشياء ضاعت وسط مشروعكم الحضاري حسبي الله ونعم الوكيل فيكم وفي مشروعكم الحضاري
اللمبي هاك اغنيه البياح اسمعها كل ٦ساعات لمده ٧ايام بعد ذلك مراجعتنا وماتنسى مراجعه كشف النظر عند محمد نور بالشفاء ان شاء الله..
قال السيد اللمبي : ( كل ما أشوف ست شاي قلبي بتقطع)….
ياسلاااام …..
وا حلاااتي … يا نااااسي ….
أعرف أنك حنين وقلبك طيب … وطيب ليه بتكشوهن وتبهدلوهن !!!؟؟؟
إتقوا الله في ستات الشاي … وأنتم السبب ..لأن تمتهن أسر كثيرة هذه المهنة
من أجل الفقر والعوز …وأنتم السبب نهبتم البلد وسويتوها فلل …وعمائر
ومزارع … ورصيد بنوك … أنت وجماعتك سلبتوا حقوقهن بل كل حقوق الشعب
السوداني المسكين ….وبصراحة ضيعتوا البلد …ولسه قاعدين وبدون خجلة
وبقلب قوي …وكل يوم تغشوا الشعب المسكين بكذبة جديدة …وبالمناسبة
بتكون كذبة قوية جدا وأحيانا عمر البشير ابو الحكايات نفسه بصدقها …
أسأل الله أن يحل السودان من هذا الكابوس …يارب …يارب …وأن يعيش
شعبنا االسوداني الاصيل في سعادة ورخاء تام …
“كشف والي ولاية الخرطوم عن مضي حكومتهم في تصوير كل أرجاء ولاية الخرطوم ( كيلو كيلو)، موضحاً بأن الهدف من التصوير عبر الطيران كشف إحتياجات الولاية من الخدمات”
كشف إحتياجات الولايه بالنظر….
ههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههه
خطير يا لمبى نظريات
ماانت وحكومتك لو رجال وسودانيين مافى مره سودانية بتطلع الشارع تبيع شاى عشان تاكل وتأكل عيالا حلال …عايزها تبيع شنو انت ؟!!!
وهم
انت والكيزان البتقطعوا القلب تاكلوا فى الحرام وتأكلو عيالكم
الزول دا يامجنون ياعوير..زيعني قلبك بتقطع لما تشوف إمرأة شغالة ست شاى ؛ وأطلقت الشرطة وكلاب البوليس في ستات الشاى وقطعت رزقهن وعيشهن أريتو قلبك بالرصاصة الماتشهدك.
اوناقلبي بيتقطع لما اشوفك…..
بلا ياخدك…
انت عندك قلب انت غفير في مستشفي ما نقبل بيك ولكن هذا زمانك يا مهازل فامرحي انا ما عارف انتو جيتو من وين كل يوم تحكمو فيه البلد بترجع سنة لورا وصلنا الي ما قبل الميلاد انت يا بتاع النظر ما تخلي عندك حبة نظر تنظر للبلد دي غطستو حجرة الله يفطسكم انت والباقي المعاك والله انت ابلد سوداني مزرعة في كرمة ما تديرة
قلبك ….ياخ كفايه كفايه انتي ست الشاي دي لو مقطعه قلبك صاح وعايز تساعدها بتساعدها بحاجه واحده بس لم منهم كلاب المحليات واديهم اكشاك بالقسط كده بتكون ساعدتها وخلينا من كلام الطلس بتاعك ده