معنى كلمة زول
معنى كلمة زول
محمد عبداللطيف البدوي الكرار
[email][email protected][/email]
احبابي واخواني اتمنى ان تنال رضاكم توضيحاتي المتواضعه في كلمة يعجز الكثير في شرحها حينما يسأل عنها
وقد تكون بمثابة مزاح او سخريه عند كثير من المجتعات الاخرى غير السودانيه..
كثيرون يعتقدون أن كلمة زول كلمة اخترعها السودانيون
وليس لها أصل ولا فصل , وللعلم والمعرفة إليكم
الزول تلك اللفظة العربية التي أصبحت تعادل كلمة (سوداني) في كل مهجر ومغترب ، حتى أصبحت شعاراً للسوداني ـ هي والعمامة ـ و (زول) من فصيح العربية ولها في لسان العرب لابن منظور أكثر من سبعة عشر معنى ، فالزول تعني
(1) الكريم الجواد ، أنشد السكيت المزرد
“لقد أروح بالكرام الأزوال من بين عم وابن عم أو خال”
(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .
(3) والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه:
“أشبه الأنبياء كهلاً وزولاً وفطيماً وراضعاً وغذياً”
4) والزّول : العجب، ألا ترى السوداني إذا استغرب شيئا قال: يازول ؟؟
يعني ياعجبي من هذا الشيء .
قال الشاعر في وصف سير ناقة.
“مرفوعها زول وموضوعها كمر غيث لجب وسط ريح”
فمرفوعها زولٌ يعني سيرها إذا أسرعت عجب من العجائب .
(5) والزول الخفيف الظريف الذي يعجب الناس من ظرفه
(6) والزول التظرف
(7) والزول : الداهية
(8) والزول : الشجاع الذي يتزايل الناس من شجاعته
(9) والزول الصقر
(10) والزول : معالجة الأمر كالمزاولة
(11) والزول الغلام الظريف
(12) والزول: الحركة
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة … قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء ،
قال رؤبة بن العجاج :
قد عتق الأجدع بعد رق بقارح أو زولة معق
(16) ووصّيفة زولة : إذا كانت نافذة في الرسائل
17) ويقولون فلان رامي الزوائل : إذا كان خبيرا بالنساء ،
قال الشاعر :
” وكنت امرأً أرمي الزوائل مرة فأصبحت قد ودعت رمي الزوائل”
ففتى، زول وفتاة ،زولة ، وفتية أزوال ، وفتيات زولات ، ونسوة زوائل .
والزول كلمة آتية من الزوال اي أنك انسان زائل
فالزول والعمامة شعار السوداني ـ والعمامة هي لباس النبي صلى الله عليه وسلم وأصحابه والتابعين والأئمة والفقهاء
I do not know if you want to remove. the shame of the word Zool. Is the definition that you provide is from arabs refrences .our you made it up. because I saw all the arabs countries use this word to make fun of the sudanese.are they not in their refrences.
is this word just like Zalama? any way good try.
يعني المعني يا اللخو بتمدح فينا ده معني زول اها واشرح لينا معني انبطاح ما بعيده من الزول
والله نحن فترنا من تبرير إننا عرب والتغرب من الرعاة ديل!!
يا ابوى الكلام موجود فى الانترنت بكل التفاصيل ومنذ 1993
جزاك الله خيرا علي هذه المعلومات القيمة…وممكن تضيف المعني رقم 18 لمعني زول وهي تعني الزوال مثلا زوال الظل.هذا والله اعلم وشكرا…
هذا التفسيردائما نسمعه من الاخوة السودانيين لمعنى كلمة زول فاذا كان ما اوردته من اشعار ومعاني لكلمة زول وارد عند العرب وشعرائهم فلماذا يستنكروا كلمة زول ويدعوا عدم معرفتهم بها، هل هذا نتاج جهل العرب بلغتهم؟ حسب معرفتي المتواضعة فان كلمة زول مشتقة من كلمة زولون القبيلة الافريقية المعروفة في جنوب افريقيا (قبيلة جاكوب زوما)فعندما غزا الاوربيون جنوب افريقيا كان افراد قبيلة الزولو يفرون من امام الغزاة متجهين شمالا، وعند وصولهم لمناطق جبال النوبة كان الاهالي يسالونهممن انتم؟ باللهجة المحلية للنوبة طبع (او تا مينا)فكان الزول يجيبون (آآآ نا زولو) وبمرور الزمن حرفت الكلمة من زولو الي زول ومن اليوم ديك صار كل شخص غريب يفد الى جبال النوبة يسمى زول (بمعني الشخص الغير معروفة قبيلته).
شكرًا علي المعلومات القيمه والمفيده. ومن الملاحظ انو المفردات والاشياء السودانيه دائماً مميزه. نحن شعب جميل بس محتاجين نكون عمليين اكثر ( نبطل التفكير بالطريقة العاطفيه ) لازم نساعد نفسنا اولاً عشان ربنا يساعدنا ( لايغير الله مابقومٍ حتي يغيروا مابأنفسهم )
برغم كوني لست متحمسا من ناحية عروبة السودان ولكن أسمح لي أخي أن ادلو بدلوي وأعلق على مقالك عله يحمل بداخله ماقد يفيد. الزول هو الشيء الذي نراه من بعيد ولا نميزه كون ملامحه ليست واضحة للناظر. والزول عند السوداني حتى وقت قريب هو الشخص الذي لا نعرفه فنقول للشخص “زول” ان لم نكن نعرفه أما المعروف لدينا فنناديه بإسمه والذي لا نعرفه فنقول له مثلا: شوفوا “الزول دا” و”الزول دا” ونقول ذلك أيضا عندما نكر عليه فعلا فعله أو قولا قاله فنقول: شوفوا الزول دا. وكذلك عندما نتشاجر مع أحدهم فيبلغ بنا الخلاف مبلغا فنقول له: يا زول أحسن ليك وهي عبارة تحذيرية وكأنك تقول له أفضل لك أن تتجنبني أو تتجنب شري. وكأننا ننكر معرفتنا به في هذه اللحظة. واذا حضر احدهم الى منزلك مثلا فيبلغك أهلك بقولهم: “في زول جاء هنا” أما اذا كان الشخص معروفا فيقولون لك: “فلان جاء هنا”. وهكذا فان كلمة زول تطلق على النكرة أي من لا نعرفه. وقد سمعت أحدهم منذ سنوات مضت في مسلسل بدوي أردني يقول لصاحبه: “شايف لي زول هناك يمكن يكون هو فلان قادم الينا” أي أنه رأي شبحالا يميزه كونه لا زال بعيدا عنه. فلا تستغربوا إن أنكرنا العرب أو إستنكروا عروبتنا فلهم في ذلك حجج منطقية من واقع ما يرونه أمامهم فالشبه بيننا وبينهم كبعد المشرق عن المغرب. أما الرسول محمدا عليه افضل الصلوات وأتم التسليم فقال في حديث ما معناه (صححوني ان كنت مخطئا) قال: أن كل من نطق بالعربية فهو عربي. فلا بأس أن ندعي العروبة على أساس حديثه صلى الله عليو وسلم.