قال إن الشعب رفض الاستجابة للدعوة اليها .. زعيم الحزب الشيوعي يستبعد وقوع حرب شاملة بالبلاد.

الخرطوم : علوية مختار:
استبعد زعيم الحزب الشيوعي، محمد ابراهيم قيام حرب شاملة في السودان ،على خلفية الاحداث في جنوب كردفان والنيل الازرق،مشيراً الى عدم تجاوب المجتمع السوداني مع الدعوة للحرب،» الى جانب ان المجتمع الدولي نزل بثقله لانجاح وايصال اتفاق نيفاشا لنهاياته «.
وطالب نقد في تصريح لـ «الصحافة» بإشراك كافة الحركة السياسية بالبلاد في حل قضية المنطقتين النيل الازرق وجنوب كردفان ،واعتبر حصر القضية في حزبي المؤتمر الوطني والحركة الشعبية امرا يستحيل معه ايجاد الحل ،ورأى ان المؤتمر الوطني والحركة الشعبية يتبعان اسلوباً خاطئاً بالظن ان الحل بيدهما فقط، ،مشدداً على ان القوى السياسية موجودة في المنطقتين قبل ميلاد الحزبين، وسخر من مطالبات الوطني للاحزاب بتحديد مواقفها مما يجرى بالمنطقتين ،وقال «نحن لسنا سلعة في سوق الاستقطابات، ولنا رأي ولكننا لن نعلنه في احد منابر الشريكين « وتساءل ان كانت أية مشكلة بين الشريكين ستتحول لازمة، واستبعد نقد قيام حرب شاملة بالبلاد رغم التهاب الاطراف في النيل الازرق وجنوب كردفان، مشيراً الى عدم تجاوب المجتمع السوداني مع الدعوة للحرب الى جانب عدم استعداد المجتمع الدولي والاقليمي ودول الجوار للانشغال بأية حرب، خاصة في السودان لاسيما بعد الجهود التي بذلت لتحقيق اتفاق نيفاشا، واضاف « المجتمع الدولي نازل بتقلو لانجاح الاتفاقية حتى النهاية « وزاد «لقد بذل فيها جهدا ولن يسمح لهما بالرجوع للحرب»، وحمّل نقد الشريكين مسؤولية تخريب اتفاق نيفاشا.

الصحافة

تعليق واحد

  1. يا نقد انت بقى ما عندك دور فى الساحه السياسيه وبقيت ما قادر تحرك ناس بيتكم خلى تحرك الشارع السودانى وبالمناسبه الكلام ده ينطبق على الميرغنى والصادق
    ربنا يعين السودان ويقوى ابناءه ومفروض نعمل جبهه قويه لمناهضته هذا النظام الفاسد

  2. انا اشك ان هذا التحليل الغير منطقي قد صدر من السيد نقد الا ان يكون حصل شيء جديد في المنطق تحمل المسؤلية للمؤتمر الوطني دي واضحة بس فسر لينا تحمل الحركة الشعبية دي في شنو بعدين الحرب الشاملة دي بعدها وين؟ انت ما شايف الحرب الدايرة في كل مؤسسات المجتمع؟ ولا خلاس الحرب تاني الا بالسلاح و البارود وعند الجيوش؟ يعني تاني نرجع لمجتمع الرق والعبودية ( الرق في السودان) لك العتبي ونتمني لك عاجل الشفاء.

  3. طيب الحرب الشاملة دى كيف ؟ النيل الازرق وجنوب كردفان ودارفور والجبهة الداحلية والشرق ولا انت عايز تسمع صوت الدوشكة فى الخرطوم . بعدين الحركة الشعبية الم تكن هى التى جعلتك تخرج من الحفرة ماذا تحملها , بعدين الحرب الشاملة ما من مصلحة البلد لكن نقلع العصابة ديل كيف ؟ الشارع وماقادرين الحوار وبقى حوار طرشان المجتمع الدولى لا لا طيب شوفو الخيار .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..