محكمة “النظام العام” تُرجئ محاكمة ناشطة حقوقية متهمة بارتداء الزي الفاضح
أرجأت محكمة سودانية، يوم الإثنين، قضية صحفية وناشطة حقوقية، متهمة بارتداء زي فاضح في الطريق العام.
وأجلت محكمة النظام العام بحي الديم في العاصمة الخرطوم، قضية الصحفية والناشطة الحقوقية، ويني عمر، ليوم الاثنين المقبل.
وتم توقيف ويني، أمسية الأحد، بواسطة ضابط شرطة ووكيل نيابة، أمام مقر عملها، بتهمة ارتداء الزي الفاضح، وذلك بعد ساعات من تبرئة محكمة لـ 24 فتاة من ذات التهم.
وقالت في صفحتها على موقع التواصل الاجتماعي “فيسبوك” إنه تم توقيفها بذات الملابس التي شهدت بها وقفة تضامنية مع الفتيات اللاتي تم توقيفهن بواسطة افراد شرطة النظام العام من داخل حفل نسائي.
معربة عن دهشتها من كون الشاكي شخص أخر خلافاً لمن قاموا بتوقيفها.
وتشكو النساء السودانيات من حملة حكومية مسعورة ضدهن بسبب ما يرتدين.
وطالب نائب وزير الخارجية الامريكية، جون سوليفان، في زيارته الأخيرة للخرطوم، بالغاء قانون النظام العام المسيئ للنساء.
يعني اسمها ويني مش كلتوم تلبس زي مادايرة بس شكلها مش مساعدها ياجماعة عندنا مشكلة عمالة وبطالة وفقر وجوع ومرض وسرطانات وفشل كلوي بالكوم وشوارع محفرة واولاد مايقوما عددهم قارب شعب الصين وشغالين ببلوزة ويني وضرس لوشي واولاد الصادق القادمين من الشكينبة الي مسار ح الخرطوم والله الفراعنة من حقهم التمدد الي الخرطوم بس يخلوة لينا ابوحمامة
حكومة تجيب وجع المصران الغليظ
جاهم نائب وزير الخارجية الامريكية قبل أسبوعين
وقال ليهم ألغوا قانون النظام العام والملابس الفاضحة ده
عشان نرفع أسمكم من قائمة الإرهاب والكباب
قبل ما يجي الوزير ما كنا بنسمع أي قضايا نظام عام
شرطة النظام العام كانت نائمة عديل كده
لكن (يبدوا) أنهم نشطوا تاني والموضوع بقي كيدي وغباوة حكومية بس
يعني نظام أنو: كيف تجروء يا أمريكي أنك تطالبنا بحاجة ذي دي؟؟؟
هسع كيداً فيك ح نرجع نقبض النسوان يا كابوي يا معفن!!!
حكومة تجيب وجع المصران الغليظ
لأنو عقلها زاتو غليظ ومتغلظ
وما بيسمعوا النصيحة نهائي
والنصيحة عندهم أوامر ما بيقبلوها.
ياخي فكونا وأرحمونا
ياخي ألغوا قانون النظام العام ده نهائياً
أنا شخصياً مع أنو البنت تطلع وتمشي عريانة لو دايرة.
هي بنت ناس في النهاية!!
بنت ناااااااااااااس
يعني عندها أهل
عندها أب أو زوج أو عم أو خال أو أخوان رجال ضكور صعبين
ولو أهلها ديل ما سألوها عن ملابسها ما من حق الحكومة تسألها
أنا أختي لو طلعت من البيت وأنا راضي عن ملابسها ما من حق الحكومة تسألها
المشكلة تبقي إجتماعية في الشارع بس لغاية الشارع يتعود ويتحضر ويتمدن
أعمامك الكبار في الشارع ديل عاملين ذي ناس شرطة النظام العام برضو
يحشروا أنفهم في كل حاجة
الواحد يشوف ليهو بنت ملابسها ما تمام في نظره يقعد يديها نصائح ومواعظ
وعااااااادي ممكن يضربها كف كمان
خلوهو يضربها وبعد داك الموضوع يمشي المحكمة بقضية إعتداء
ودي قضية جنائية مدنية.
لكن مافي داعي الحكومة تقابض البنات عشان ملابسهم وتفحضنا في العالم
وتبقي القضية سياسية حقوقية.
خلوهم يمشن أنشاءالله عريانات ياخي.
عارفين ليه؟
لأنو البنات عندهم أهل وأهلهن هم المسؤولين عنهن.
والناس العاملين فيها أولياء الله الصالحين ديل يغضوا بصرهم بس ياخي
الداير يتفرج يتفرج والما عاجبوا يغض البصر ياخي !!!!!!
وبعدين في سبب مهم آخر لألغاء القانون ده
وهو النفااااااااااق
النفاق المجتمعي الكتير ده
السودان بقي بلد النفاق والمنافين والمنافقات
بقينا ما عارفين الصالح من الطالح
نفاق فااااااااق الحدود عديل كده أقسم بالله العظيم!
في بنات يطلعن من بيتهن محتشمات
لكن في الجامعة أو الداخلية تلقي الواحدة تغير ملابسها وتبقي ليلي علوي!
ولما ناس النظام العام يقبضوا أي بنت عشان ملابس غير محتشمة
أو حتي عشان زنا وفجور وشقق مفروشة
عارفين بيعملوا شنو؟؟؟
بيستروها وما بيكلموا أهلها ولا بيقولوا أسمها في الجرائد
وده بيجيب النفاق المجتمعي
تستروها لشنو طالما مقتنعين أنها مذنبة؟
مفروض يكلموا أهلها
تأخذ 40 جلدة في المحكمة وتمشي البيت بيقتلوها عديل كده!!
ليه السترة التي تؤدي للنفاق المجتمعي ؟؟
وأديكم سبب ثالث كمان لإلغاء قانون النظام العام الضار
وهو أنو مصائب السودان ومشاكله أكبر من ملابس وبنطلونات وستيانات
مشاكلنا مشاكل عويصة في الإقتصاد والحروب والأمن والتعليم والصحة وووو
بنطلونات شنو معاكم يا حكومة خم الرماد.
عينهم في فيل المشاكل ويطعنوا في الظل.
أعوذ بالله.
والله يا اخوانا اكبر مشكله اللبس الغير محتشم واي واح د يرضي بكلام زي ده المفروض يراجع نفسو ويعدل تربيتو وعليكم الله هسع الواحد يرضي لبتو او اختو تطلع الشارع بلبس شاذ؟وزنب الناس الملتزمين شنو ؟اليس العين تزني؟
حسبي الله ونعم الوكيل.
الغاز الخامل/ و الغاز النشط
كل من هب ودب عامل ناشط ؟؟؟؟؟
والبلد كلها غاز خامل ؟؟
قومي سرحي شعرك دة اول بلا ناشطة بلا بطيخ ؟؟
يعني اسمها ويني مش كلتوم تلبس زي مادايرة بس شكلها مش مساعدها ياجماعة عندنا مشكلة عمالة وبطالة وفقر وجوع ومرض وسرطانات وفشل كلوي بالكوم وشوارع محفرة واولاد مايقوما عددهم قارب شعب الصين وشغالين ببلوزة ويني وضرس لوشي واولاد الصادق القادمين من الشكينبة الي مسار ح الخرطوم والله الفراعنة من حقهم التمدد الي الخرطوم بس يخلوة لينا ابوحمامة
حكومة تجيب وجع المصران الغليظ
جاهم نائب وزير الخارجية الامريكية قبل أسبوعين
وقال ليهم ألغوا قانون النظام العام والملابس الفاضحة ده
عشان نرفع أسمكم من قائمة الإرهاب والكباب
قبل ما يجي الوزير ما كنا بنسمع أي قضايا نظام عام
شرطة النظام العام كانت نائمة عديل كده
لكن (يبدوا) أنهم نشطوا تاني والموضوع بقي كيدي وغباوة حكومية بس
يعني نظام أنو: كيف تجروء يا أمريكي أنك تطالبنا بحاجة ذي دي؟؟؟
هسع كيداً فيك ح نرجع نقبض النسوان يا كابوي يا معفن!!!
حكومة تجيب وجع المصران الغليظ
لأنو عقلها زاتو غليظ ومتغلظ
وما بيسمعوا النصيحة نهائي
والنصيحة عندهم أوامر ما بيقبلوها.
ياخي فكونا وأرحمونا
ياخي ألغوا قانون النظام العام ده نهائياً
أنا شخصياً مع أنو البنت تطلع وتمشي عريانة لو دايرة.
هي بنت ناس في النهاية!!
بنت ناااااااااااااس
يعني عندها أهل
عندها أب أو زوج أو عم أو خال أو أخوان رجال ضكور صعبين
ولو أهلها ديل ما سألوها عن ملابسها ما من حق الحكومة تسألها
أنا أختي لو طلعت من البيت وأنا راضي عن ملابسها ما من حق الحكومة تسألها
المشكلة تبقي إجتماعية في الشارع بس لغاية الشارع يتعود ويتحضر ويتمدن
أعمامك الكبار في الشارع ديل عاملين ذي ناس شرطة النظام العام برضو
يحشروا أنفهم في كل حاجة
الواحد يشوف ليهو بنت ملابسها ما تمام في نظره يقعد يديها نصائح ومواعظ
وعااااااادي ممكن يضربها كف كمان
خلوهو يضربها وبعد داك الموضوع يمشي المحكمة بقضية إعتداء
ودي قضية جنائية مدنية.
لكن مافي داعي الحكومة تقابض البنات عشان ملابسهم وتفحضنا في العالم
وتبقي القضية سياسية حقوقية.
خلوهم يمشن أنشاءالله عريانات ياخي.
عارفين ليه؟
لأنو البنات عندهم أهل وأهلهن هم المسؤولين عنهن.
والناس العاملين فيها أولياء الله الصالحين ديل يغضوا بصرهم بس ياخي
الداير يتفرج يتفرج والما عاجبوا يغض البصر ياخي !!!!!!
وبعدين في سبب مهم آخر لألغاء القانون ده
وهو النفااااااااااق
النفاق المجتمعي الكتير ده
السودان بقي بلد النفاق والمنافين والمنافقات
بقينا ما عارفين الصالح من الطالح
نفاق فااااااااق الحدود عديل كده أقسم بالله العظيم!
في بنات يطلعن من بيتهن محتشمات
لكن في الجامعة أو الداخلية تلقي الواحدة تغير ملابسها وتبقي ليلي علوي!
ولما ناس النظام العام يقبضوا أي بنت عشان ملابس غير محتشمة
أو حتي عشان زنا وفجور وشقق مفروشة
عارفين بيعملوا شنو؟؟؟
بيستروها وما بيكلموا أهلها ولا بيقولوا أسمها في الجرائد
وده بيجيب النفاق المجتمعي
تستروها لشنو طالما مقتنعين أنها مذنبة؟
مفروض يكلموا أهلها
تأخذ 40 جلدة في المحكمة وتمشي البيت بيقتلوها عديل كده!!
ليه السترة التي تؤدي للنفاق المجتمعي ؟؟
وأديكم سبب ثالث كمان لإلغاء قانون النظام العام الضار
وهو أنو مصائب السودان ومشاكله أكبر من ملابس وبنطلونات وستيانات
مشاكلنا مشاكل عويصة في الإقتصاد والحروب والأمن والتعليم والصحة وووو
بنطلونات شنو معاكم يا حكومة خم الرماد.
عينهم في فيل المشاكل ويطعنوا في الظل.
أعوذ بالله.
والله يا اخوانا اكبر مشكله اللبس الغير محتشم واي واح د يرضي بكلام زي ده المفروض يراجع نفسو ويعدل تربيتو وعليكم الله هسع الواحد يرضي لبتو او اختو تطلع الشارع بلبس شاذ؟وزنب الناس الملتزمين شنو ؟اليس العين تزني؟
حسبي الله ونعم الوكيل.
الغاز الخامل/ و الغاز النشط
كل من هب ودب عامل ناشط ؟؟؟؟؟
والبلد كلها غاز خامل ؟؟
قومي سرحي شعرك دة اول بلا ناشطة بلا بطيخ ؟؟
الي عبدالله المعلق على التعليق
يا حبيب امك الاستبيان اللي بتتحدث عنه استطلاع فيسبوك لم يتجاوز عدد المصوتين اربعين فرد. ثانياً حول قضية لبنى نعم كانت موظفة امم متحدة و لكن استقالت من عملها بسبب القضية و حتى لا تحتمي بالحصانة و مع ذلك لم تجلد و غرمت و لم تدفع الغرامة و ذهبت للسجن فدفعت الغرامة جهة حكومية
كامل التضامن مع ويني بس كلمينا المحكمة الجاية وين و متين ؟
والله أحسن ما في الحكومة دي هو قانون النظام العام
والله يا اخوانا نحن لسنا مع الأزياء الفاضحه ولكن المشكله أن هذه الأزياء الفاضحه روج لها ناس السلطه والحكم والنظام كيف الكلام دا. الناس ديل مش نشروا كل المظاهر الغريبه والأخلاق الدخيله على البلد دى؟ سؤال او عدة اسئله عاونهم يجاوبوا عليها :1/هل كان السودان قبل 89لهه شعب وبالأخص بنات يتميزن بالجرأة الفاضحه د؟ 2/هل كان فى السودان قبل 89 بنات بيرتدن فساتين افراح ينطبق عليها قول الشاعر(وربوة الوادى فى جلباب راقصة الساق كاسية والنحر عريان)؟ 3/هل كانت هذه الفساتين معروضه على الملأ فى الأسواق؟ 4/هل كانت هناك مناطلين نسائيه معروضه على عينك يا تاجر فى الأسواق ولبسات هنديه وغيره من الملابس التى ملأ بها تجار الحكومه السوق من تركيا وسوريا وغيرها من البلاد التى اصلا تعودت عليها. 5/ هل يا حكومه كانت عندنا صالات للحفلات الليليه والنهاريه؟ هل كانت عندنا مطاعم للوجبات السريعه يتجمع فيها الشباب من الجنسين ويغير ثقافته فى الاكل؟ هل كانت هناك هذه الكميه من العمارات؟
ياناس الحكومه ارحمونا بالله عليكم وخلوا أمور الاستهبال ومحاولة التنصل عن كل سيئه انتوا ادخلتوها لهذه البلد وما دام انتو شايفين انو دى من مظاهر الرقى والتحضر فالناس كمان شايفه ما تلبسه هو مظهر يتفق مع ما تسعون لنشره. أم فكركم انتو بس الصاح وفكر غيركم غلط.
أنتم سعيتم لنشر كل مظهر خليع وعايزين الناس تمشى بالحشم؟.
خلونا من اللبس حق البنية دي – انتوا وكلاء النيابة متين قاعدين يقبضوا الناس من الشوارع – القانون ده جديد ياربي و له شنو البنعرفه زمان و كيل النيابة ده بيمشوا ليهو بعد تتم التحريات – مسكين حبيبي السودان كل يوم في خازوق معنقل فيك – آه آه و تاني آه – الظلمة اصبحت حالكة يا ناس هوي؟
هذا القانون وغيره من القوانين المقيدة للحريات … القصد منها إذلال الشعب السوداني الذي رفض المتأسلمين …
الي عبدالله المعلق على التعليق
يا حبيب امك الاستبيان اللي بتتحدث عنه استطلاع فيسبوك لم يتجاوز عدد المصوتين اربعين فرد. ثانياً حول قضية لبنى نعم كانت موظفة امم متحدة و لكن استقالت من عملها بسبب القضية و حتى لا تحتمي بالحصانة و مع ذلك لم تجلد و غرمت و لم تدفع الغرامة و ذهبت للسجن فدفعت الغرامة جهة حكومية
كامل التضامن مع ويني بس كلمينا المحكمة الجاية وين و متين ؟
والله أحسن ما في الحكومة دي هو قانون النظام العام
والله يا اخوانا نحن لسنا مع الأزياء الفاضحه ولكن المشكله أن هذه الأزياء الفاضحه روج لها ناس السلطه والحكم والنظام كيف الكلام دا. الناس ديل مش نشروا كل المظاهر الغريبه والأخلاق الدخيله على البلد دى؟ سؤال او عدة اسئله عاونهم يجاوبوا عليها :1/هل كان السودان قبل 89لهه شعب وبالأخص بنات يتميزن بالجرأة الفاضحه د؟ 2/هل كان فى السودان قبل 89 بنات بيرتدن فساتين افراح ينطبق عليها قول الشاعر(وربوة الوادى فى جلباب راقصة الساق كاسية والنحر عريان)؟ 3/هل كانت هذه الفساتين معروضه على الملأ فى الأسواق؟ 4/هل كانت هناك مناطلين نسائيه معروضه على عينك يا تاجر فى الأسواق ولبسات هنديه وغيره من الملابس التى ملأ بها تجار الحكومه السوق من تركيا وسوريا وغيرها من البلاد التى اصلا تعودت عليها. 5/ هل يا حكومه كانت عندنا صالات للحفلات الليليه والنهاريه؟ هل كانت عندنا مطاعم للوجبات السريعه يتجمع فيها الشباب من الجنسين ويغير ثقافته فى الاكل؟ هل كانت هناك هذه الكميه من العمارات؟
ياناس الحكومه ارحمونا بالله عليكم وخلوا أمور الاستهبال ومحاولة التنصل عن كل سيئه انتوا ادخلتوها لهذه البلد وما دام انتو شايفين انو دى من مظاهر الرقى والتحضر فالناس كمان شايفه ما تلبسه هو مظهر يتفق مع ما تسعون لنشره. أم فكركم انتو بس الصاح وفكر غيركم غلط.
أنتم سعيتم لنشر كل مظهر خليع وعايزين الناس تمشى بالحشم؟.
خلونا من اللبس حق البنية دي – انتوا وكلاء النيابة متين قاعدين يقبضوا الناس من الشوارع – القانون ده جديد ياربي و له شنو البنعرفه زمان و كيل النيابة ده بيمشوا ليهو بعد تتم التحريات – مسكين حبيبي السودان كل يوم في خازوق معنقل فيك – آه آه و تاني آه – الظلمة اصبحت حالكة يا ناس هوي؟
هذا القانون وغيره من القوانين المقيدة للحريات … القصد منها إذلال الشعب السوداني الذي رفض المتأسلمين …