تشبيهات

تشبيهات
الفاتح جبرا
[email][email protected][/email]
? كراعو حارة : تقال للشخص الذي ما أن يقصد مكان ويصل إليه إلا وتحدث كارثة عند وصوله ، وقد تقولها أنت حين وصولك عائداً إلى منزلك فتجد بعض الضيوف الثقلاء الذين يأتون بغتة دون سابق إنذار وهم على أهبة المغادرة فتقول لهم (الظاهر كراعنا حارة) مع إنك في قرارة نفسك في غاية السعادة لهذا التزامن بين عودتك ومغادرتهم .
? عينو حارة : تقال للشخص الذي ما أن ينظر إلى شئ ويقوم بالتعليق عليه ووصفه وصفاً دقيقاً حتى يتأثر ذلك الشئ من فرط عينو الحارة كذلك الذي زار صاحبة فوجده يربي كلباً (أبيض بأسود) فقال له (كفر برازيلي) !
? عينو زايغة )(طايرة) : تقال للرجل يدمن النظر للنساء ومحاولة التودد إليهن على الرغم من كونه متزوجاً (وإحتمال مربع كمان) والعبارة لا تقال لغير المتزوجين لأنهم في مرحلة (البحث) وكده !
? خشمو خفيف : تقال للشخص الذي لا يحتفظ بالسر .. فما أن تخبره بسر من الأسرار حتي يقوم بإفشائه في (أقرب ملف) وقد كان أمثال هؤلاء سبباً ريئساً في فشل كتير من (المحاولات التخريبية) التي يتضح فيما بعد أنها (إنقلابية) !
? أضانو تقيلة : تقال لمن به علة في سمعه وعليك ان أردت التحدث إليه أن (ترفع الصوت شوية) وقد يكون (تقل الأضان) تصنعا من الشخص خاصة لو القصة جابت ليها (سلفني)
? إيدو خفيفة : تقال للشخص (الحرامي) الذي يمتاز بأداء مهمته في سرعة قياسية إذ (يلفح) ما يقابله من مقتنيات الغير في لمح البصر
? أيدو لاحقة : تقال للشخص الذي يتوسم فيه الناس الصلاح فتذهب إليه لأنك تعاني من مرض ما فيقولون لك أنه ذهب للاردن للعلاج من نفس المرض
? دمو خفيف : تقال للشخص صاحب النكتة والطرفة والتعليقات الساخرة الذي يلطف أجواء الجلسات والمناسبات وهو عكس الزول (الدمو تقيل) وهنالك فرق بالطبع بين (الرشاقة) و(خفة الدم)
? بطنو غريقة : عكس الزول الخشمو خفيف إذ تقال للشخص الذي لا يمكن ان يبوح بالمعلومات أو الأسرار الذي يحتفظ بها مهما حدث (خاصتن حاجاتو)
? عينو باردة : عكس الزول العينو حارة .. يعني مهما نظر إلى تعمة أو قام بوصفها أو علق عليها فلا يصيبها مكروه
? أضانو خفيفة : تقال للشخص الذي له مقدرة فائقة على إستقبال الذبذبات العالية والإستماع إلى الأصوات الهامسة من مسافات بعيدة (رادار بس)
? كيسو فاضي : تقال للشخص الذي ليس لديه ما يقوله في موضوع معين كما تقال للشخص (المفلس) !
? وشو مختوف : تقال للشخص ذو الوجه المرهق التعبان الشاحب دلالة على أنه يعاني من المرض (الشعب الفضل وشو كلو مختوف) !
? عينو واقعة : تقال للشخص عندما تصغر عينيه وتعتريهما حالة من الذبول وهي أيضاً دلاله على التعب والمرض وإذا كان الشخص (وشو مختوف) وكمان (عينو واقعة) تكون مصيبتو مصيبة !
? دورو ميت : تقال للشخص لا يقوم بتقديم خدمة أو مساعدة أو البت في اي موضوع .. يعني لا بيقدم ولا بيأخر
? رافع نخرتو : تقال للشخص (المتكبر المتعنطز) الذي ينظر إلى الناس كما لو انهم دونه وغالباً ما يكون (جديد نعمة)
? جلدو تخين : تقال للمسئول (على وجه التحديد) الذي لا يتفاعل مع ما يكتب عن المصلحة التي يتولى مسئوليتها وما فيها من أوجه (فساد)
? صاري وشو : تقال للشخص العابس الذي يقوم بشد جميع أطراف وجهه إلى مركز الوجه (من الزعل طبعن)
? رافع أيدو : تقال للشخص الذي إنتظم في عمل ثم تركه لسبب من الاسباب ورفع إيدو منو زى الحكومة الرافعة أيدها من التعليم والعلاج
? قاطع كراعو : تقال للشخص الذي كان يقوم بزيارة مكان ما ثم توقف عن ذلك (وقطع رجلو) كما مفتشين الصحة في الاسواق
? حيلو ميت : كناية على أن الشخص مصاب بالهزال والضعف (هسه الحيلو ما ميت منو؟)
? دمو حار : حرارة الدم يقصد بها التصدي لكل عدوان حتى وإن لم تكن طرفاً فيه .. يكفيك أنك آمنت بالحيثيات التى أمامك
? ضلو ميت : تقال لمن لا تأثير له ووجودو زي عدمو فلا تكاد تحس به إن كان في مجتمع ما
? كيسو فاضي : تقال للشخص المخو فااااضي وبرضو عاوز يعمل فيها (عارف) !!
? راسو قوي : شخص لا يمكن إقناعة .. مثلاً لا يمكن إقناعه بإستحالة أن يستمر حكم البلاد في يد جماعة واحدة وإنو لابد من إشراك الجميع (جنس قوة رأس)
? كاسر عينو : تقال للشخص الذي يعلم بأنه منبوذ من المجتمع لسلوك أشتهر به (زى حرامي الحلة مثلاً) لكن حرامية الزمن ده يعاينو ليكا
جوه عينك.
? ريالتو صابة : تقال للشخص الذي من فرط عدم توازنه العصبي والنفسي لا يستطيع التحكم في سريان وإمتصاص لعابه فيسيل في شكل ما يعرف (بالريالة ) …….(وبس)؟ !!
كسرة :
بالو طويل .. (النائب العام) ؟
كسرة ثابتة :
أخبار ملف خط هيثرو العند النائب العام شنو(وووو وووو وووو)+(وو)
الأستاذ الفاضل الفاتح جبرا جبر الله خاطرك
كلامك ده بيذكريني نكتة ظريفة واحد مسطول ولده بيسأل فيه ويرد بأنه لايعرف الجواب فأحرج هذا الموفق زوجته وقالت لابنها ياولد خلي أبوك يأخذ راحته وبلاش أسئلة رد عليها زوجها المسطول وقال ليها ياولية خلي الولد يستفيد ـــ أهو زي حكايتك ده هذه الأشياء من المسلمات ( حتي عنقالية جرجيرة عارفها ) أما بخصوص الخط ده بقي مسخرة ومفروض تنساه وهو نحن المانسيناه شنو بقت علي الخط
– نقتو كتيرو ( نقناق ) تقال للزول الاربعة وعشرين ساعة ماسك المكرفون
– قلبو خفيف تقال للزول البيمشي في الشارع ومعاهو عشرين عربية حراسة
– زول واصل تقال للزول البيعرف يرشي وين عشان مصلحتك يمشي
– جبهجي ما محتاجة تفسير
– امنجي ما محتاجة تعليل
– منتفع كلنا عارفنو
اهلنا
جيبو مخروم للزول المسرف
حمار شغل ما محتاجة
دقوسة ناس سوق المواسير
ناس طيبين بيقولوها اهلنا في الدول العربية علي السودانيين لانهم عورة
اضرب اكتل ما تجيبو حي تقال لاهلنا ناس دارفور
زول بيض
زول تفتيحة
زول وهم
زولنا
زول معلم
واخيرا دباجتك يا الفاتح يا مفتح
زولكم بتاع خط هيثرو اخبارو شنو
كاتل حيلو , يعني لابد ليك ياجبرة ويم يلم فيك بيكرهك مهابشتك ليه في عمودك ده
ريالتو صـــــــــــــــابة وقوامو لادن كأنو زهرة !!!
شايف نفسو …. شفافية عالية .
ريالة وبس يا كبير خليك واضح ياجميل كان تضرب ليك كاسين شجاعة وتقولا يعنى ماحتفرق كتير انت عارف الجداد القاعد يقرا ويعلق معانا قايلهم عندهم ريالات برضو ديل يخلو الاسد يعترف بانة قرد قال ريالة وبس كلم ام العيال تجهز الشنطة والعمدان خليها علينا لحدى ما يشوفو ابو ريالة منو يا ابو تشبيهات
عينك نجيضة يا ود جبره
زول بي وشين زي الحكومه مع الشعب السوداني
مادى كرشو قدام وماشايف تحته
طاقى سفروكه فى كتفه
سامع و عامل نايم
عاض عراقيهو فى خشمو
وبمناسبة عاض عراقيهو فى خشمو دى بحبو الارنب والشعيريةلدرجة انه الشعيرية لو ما جابوها فى الشيلة العرس ما بتم.. ففى واحد منهم عنده مناسبةلطهور اولاده وماشى مع جماعتو فى الطريق ظهرت ليهم ارنب زولك عض عراقى فى خشمه وقال لجماعتو لو ما جيت العيال طهروهم0
والله مشكلتنا كلها في الزول اليالتو صابه و صاحبو ابو دور ميت!!!!
براي تقال للشخص الكلامو كتير ( زي ………. )
ماسورة تقال للشخص المظهرو عكس جوهرو(مقلب)
سحسوح تقال للولد المايع
ارجو وضع النقاط في الحروف
لانه الزول الريالتو سايلة ما حا يفهم معنى الكلام ده شنو
وخط هثرو رغم انه طار
لكنه مقصود بيهو اشغال الراي العام عن اشياء هي اكبر واكبر
وهاك انقلاب وصلاح قوش ونافع ما بضر
والبشير السموهو بالغلط بدل عن التذير
قال واحد عربي ليه الرؤساء العرب اسماؤهم عكس سلوهم قلت كيف
قال:
زين العابدين – من العبادة في المساجد
ومبارك منحوس
الاسد بقي دجاجة
البشير بتاكم بشر بالطلاق وما طلق وبشر بالانقاذ واغرق الشعب السوداني
والله حكاية
? ريالتو صابة : تقال للشخص الذي من فرط عدم توازنه العصبي والنفسي لا يستطيع التحكم في سريان وإمتصاص لعابه فيسيل في شكل ما يعرف (بالريالة ) …….(وبس)؟ !حكاية الريالة دى فيها ان بس خلاص
ما هي الصفات التي تنطبق على وزير دفاعنا غير (ريالتو سايله)؟
شنو ياجبرة لافي بينا برأس الرجاء الصالح علشان الكسرة الأخيرة…ياخي ماتقولها عديل أنت البيسألك منو ؟
عينو قويه …الحرامى الذى يتحدث عن الفساد
(رأسه قوى )حلوه والله ده ياربى مش البشكير الرأسه قوى ومليان مخاخيط.ريالتو صابه ده ماصاحبنا صاحب النظر بالعين المجردة فى حالة هجوم الطيران الأسرائيلى وطافى نوره. والله مبدع ياجبرة.لى طلب منك وهو أن تعمل كتاب بكلامك العسل ده وينشر بعد ذهاب بنو قريظة طبعا(طبعن).
وحلايب وين
يا جبرة العلاقة شنو بين البشير والزمبلك بتاع الساعة
الاثنين بيرقصو لينا
يا جبرا إنشاء الله تكون شاهدته برنامج المحطة الوسطى حلقة البارحة مع الفريق يوسف مدير عام الطيران المدني و المداخلة من المهندس مدير إدارة صيانة المطارات (35 شنة خبرة) كل ما تقدم به الرجل من نقد لا دارة الطيران المدني و هو العالم بدواخلها تعامل سعادة الفريق مع الرجل كأنه عسكري (مجند حديث) تحت قيادته و أن الحلقة هي معيار للفشل الذي نرزح تحت طائلته بصرف النظر عن المحتوى الذي دار فيه الجدل عن اللبناني السمسار المقيم في فندق السلام روتانا و إشرافه على المناقصات و راتبه الكبير تخيل رد الفريق إنه الراجل يتمتع بخبرات إدارية كبيرة للمشاريع و لا غضاضة في عدم توفر خبرة في الطيران تخيلوا معي هذا المنطق المعوج هكذا تدار مؤسساتنا .. أنا الخايف منو المهندس يكون اليوم صبح جنب كوشة الجبل و منو البيسأل منو تاني خليه يركب خط هيثرو آآآ آآآ آآآ آآآه يا بلد !!!!
شهادة حق :
ليس بيني و بين هذا الفريق إلا أنه على رأس الطيران المدني..
شرفان: دا الزول الما (بيشبع)
سلام
تمساح يعنى حرامى كبير
دقوس .. مغفل وريالته ماسايلة
ثعلب … اكال وخاصة الدجاج. ( بمناسبة الدجاج كان فى والى بياكل اكل طبق البيض المسلوق بيقضى علية وهو لسع ماوصل البيت بالاضافة الى ملوة بلح وفول مدمس قال بيطرى قال…)كما ان فى ثعلب اخر والله اشتكتو منو الضبط الاداريين فى المناطق البيزورها قال مابياكل الا الدجاج المشوى ويغمسو ليهو فى العسل) وهذا يطلق عليهو البطينة.
الطيرة ويطلق على الابلة ذى زولنا يعرض بس.
المصفح.. وتطلق الزول الموت بيخاف منو حتى لو وقع من الطيارة او جاهو سرطان فى الحلق او الدم….الناس ديا مابيموتو سبحان الله.
زول كل(CUll) ومعنهو لافائدة( تطلق على الدجاج المريض او المعوج زمان كان بيدهو ناس الميز مجان
زول اسريقو (دى يفسرها ود عووضة) ذى بشيرنا ؟؟؟
اختيار قليل الذكاء من مسئولي ونافذي الحكومة الحالية يتم عمداً لأن التيار الماسوني النافذ يريدهم كذلك لسهولة السيطرة عليهم ولو كان هؤلاء المسئولين أذكياء وذوي كفاءة لصعبت السيطرة عليهم. انظر إلى كرتي وعلي محمود ووزير الدفاع لتعرف معنى قلة العقل! لا يظنن إلا ساذج أن البشير هو رئيس الحكومة الحالية! البشير واجهة إسلامية للتيار الماسوني المتحكم وعلي طه هو المدير التنفيذي للمحفل الماسوني! الرئيس الحقيقي للسودان حالياً هو بنيامين نتنياهو! جرأة الصهاينة على البلد وضربة اليرموك ودرجة الذل التي وصل إليها المؤتمر الوطني والتنازلات المجانية التي تقدمها الحكومة للحركة الشعبية وللصهاينة والأمريكان كلها دلائل على صدق كلامي!