حمد الريح: لن ارحل.. سنضع أي شخص في مكانه الطبيعي… وستغلق (اتحاد ستات الشاي) لنرى اين يذهب ترباس..!
هدد رئيس إتحاد المهن الموسيقية الفنان حمد الريح بإتخاذ ما وصفها بالقرارات الهامة والحاسمة والخطيرة والعاجلة ضد نعته بتطاول الفنان كما ترباس ضد الجسم النقابي.
وقال حمد الريح : سيكون هناك إجتماع استثنائي وسيشمل قرارات خطيرة وهامة وعاجلة ويحتوي على مواجهة كل الامور حتى نضع كل شئ في مكانه الحقيقي.
وعن حديث ترباس حول أن الجلوس خارج الاتحاد امام (ستات الشاي) افضل لأنه انظف من داخل الاتحاد، قال رئيس الاتحاد: (اتحاد ستات الشاي) الذي يتحدث عنه سنغلق ابوابه بقرار من الجهات الرسمية لنرى اين سوف يذهب بعد ذلك. واردف غاضباً: (من الآن فصاعداً نويت حسم كل الامور وبشدة).
وفي تعليقه على مطالبة ترباس له بالرحيل عن رئاسة الإتحاد قال حمد الريح: يبدو ان ترباس تأثر كثيراً بالثورات العربية التي حدثت مؤخراً في بعض البلدان وظل يشاهد الثوار في اليمن وليبيا الذين يطالبون رؤساءهم بالرحيل لذلك طالبني بالرحيل ولكنني اقول له (لن أرحل).
صحيفة فنون
غن قطعت رزق ست الشاي التي تجلس اما دار الاتحاد سوف يسلط الله عليك ماقد يكون جزاء فعلتك ……. احذر
يا كمال ترباس عينك للفيل وتطن في ضلو …. أرحل دى بقولوها اليومين ديل للحكام أمرق الشارع وقول أرحل … أرحل … أرحل . كان عكشوك قول أنا قصدى إتحاد الفنانين وكان جات سليمة بتخش التاريخ. يلا الجماعة وراك.:cool: :cool:
يا جماعة الخير اللقاء ده تم وين بالظبط أفيدونا أفادكم الله
ياود الريح عليك الله ماتقطعو رزق المسكينات ديل مشكلتك حلها مع ترباس اخنقوا بعمتو الطويلة دي وخلي ستات الشاي
حمد الريح مصاب بداء النرجسية وهو موتمرجى معفن.
ياجماعة كمال ترباس دة سالى لسانو فى كل زول هو فاكر نفسو شنو خليهو يقعد مع نفسو شوية ويراحع روحو ومافى داعى ننشر غسيلو بس حمد الريح سيدك وتاج راسك يا ابو عمة .:lool:
عمل ستات الشاي حلال بإذن الله وأفضل وأكرم من الغناء
حقيقة واحد متكبر والتاني مسيخ .
والله عجبني تعليق (محمد) كان عكشوك قول أنا قصدي اتحاد الفنانين وكان جات سليمة بتخش التاريخ ..
إن شاء الله ما تجي سليمة عشان يخش بيوت الأشباح وهو عارف هناك بعملوا ليهو شنو .. طبعا لو ترباس قرا التعليق دا حيقول إن شاء الله يدخلوني بيوت الأشباح . زي الحرامي المسكوه العزابة وسيخوه .. جاء تاني يوم ونط بالحيطة لما قالوا ليه انتا منو ؟ قال أنا الحرامييييييي.
ترباس شنو .. تربس الله قلبو .. عامل ليمونة في بلد قرفانة .. صحيح بلد ما فيها تمساح يقدل فيها الورل (أخخخ تف عليك يا بتاع قسمة)..
قالوا شقي الحل يقع في القيد ترباس مغرور وحمد مسيخ
ترباس علي حمد الريح الاتنين ماعندهم شغلة يقضوها
الناس في شنو وهم في شنو ؟
ديل كلهم فارغين وقايلين خلااااااس يعني في زول مهتم باتخادهم هذا ,, وهو بنيان غير مؤسس علي الفضيلة والاخلاق الطيبة لذلك سينهار بكل ما فيه وليته تم تغييره وهو موقع جميل الي ما ينفع الناس والعباد
لا نريد الدخول في مهاترات الفناننين ومكايدهم ….ولكن نقول لحمد لو كنت ريس اتحاد الفنانين في عهد الديمقراطية كنا احترمناك وقدرناك ,,,اما ان تكون ريس عهد بشبش احسن ليك تقع البحر وتصل لي اهلك عوامة…. ولا تركب [[[كبري]]] بشبش "اخذ نصف توتي وقال ((ميري)) للحيكومة واعمدة كبري بشبش نازلة نحر وهدام في ديار اهلك وتقولي ريس ؟…وغني مع ولي نعمتك بشبش :
ما كت مصدق اني بلقاك يا رهو!!!
ممكن إسم الأستاذة العاملة اللقاء دي وهل متزوجة؟
حقيقة ترباس راسه فاضي عشان كدا هو بحب يجلس مع ستات الشاي و ما عندو شئ يقوله مع الفنانين المثقفين ، من أمثال وردي و الكابلي و عبد القادر سالم و حمد الريح ، وما عندو شئ غير عِمتو الكبيرة دي
هههههههههههه العالم دي ما عندهم موضوع ولا شنوو الناس جعانه والثورات قايمه وديل بتشاكلو في رئاسة الاتحاد !!!!
:mad: :mad: :mad:
يالا يا تربوستي
اقعد في الصفائح وطلع
فضائح العفن الفني .;) ;)
;) ;) ;) ;) ;) ;) ;) ;) ;)
نقول لهذا الترباس : الزم حدودك وخـليك فى حـالك . لـيس هـناك اى اوجه شـبه بينك وبين حـمـد الريـح فى كل المجالات . نعم لديك بعض المعجـبين ولكن لا تتطاول على اسـاتذتك وقليل من الأحترام . العملية مش لـبـس عـمم . وتصريحات فى الصحـف . لو عـندك رغـبة فى تولى مـسؤلية الأتحاد فـيمكنك الترشـح فى الأنتخابات القادمـة ولو تم اخـتيارك نقـول ليك مبروك من دلوقـت.