اقيفوا ياوهم …. ده سعودي . – سهير عبد الرحيم

ما عندك موضوع….. عمود طويل في الفاضي…تحدثو عن الغلاء الذي طحن الجميع وخليكم من سفاسف الامور…… والله انا مع رجل المرور في اي شي عشان الناس السايقه العربات دي ناس همج وعشوائيين ياخ انتو ما بتفتحو الشارع للاسعاف… شعب عشوائي بغض النظر عن موقفنا من النظام الناس لازم تبطل شغل الهمجية والعشوائية في الشارع وتحترم الشارع

عساكر نظام البشير همجيين، اجلاف، رجرجه، دهماء .
من الذى سيعلمهم التهذيب اذا كان رؤسائهم جميعا بنفس الاوصاف .
لو كنت مسئولا من هذا البلد لسرحت كل من يسمون بالنظاميين وهم ابعد ما يكونوا عن النظام ولطردتهم جميعا من الشغل شر طرده وعينت طاقما جديدا يخضع لتدريب مكثف فى التهذيب والتحضر واللباقه فى معاملة المواطنين فنحن فى القرن الحادى والعشرين ولسنا فى العصر الحجرى !!!
اى واحد لابس كاكى اخضر او ازرق او ابيض او مبرقع عامل نفسه حاكم للبلد . ياللبؤس ،،،

والله اهديت رجل مرور 50 جنيه قام علي حيلو وقف العربات كلها اللفي الظلط وخلاني اقطع بعربيتي بكل يسر وسهولة (قدرة خارقة في توقيف العربات سبحان الله) مع انو الشارع كان وقت زروة وانا متأكد ما كنت حأقدر اقطع الشارع بي اخوي واخوك

يا سهير إنتي لسه ما (تثنى) لكي معرفة أخلاق السودان القديم نحو الأجنبي والغريب عربي ولا خواجة أو أفريقي زينا كدا كلهم ضيوف واجب إكرامهم على المستوى الفردي والعام مثل إكرام الكبير وتدليل الصغير وما كان بزعلوا لو الموظف الحكومي مششى الأجنبي قبل صف الجمهور و و و الكتير من خصال الكرم والمروءة التي لا تتوفر لدى جميع الاعراب لا في الماضي ولا اليوم والذين يعملون في دول الخليج العربي يعرفون كيف يزعل المواطن منهم لو دخلت الدوار قبالو ولا تجاوزتو في خط سيرك الموازي له فيسرع بسيارته حتى يتقدمك ثم يدخل على خط سيرك ويبدأ في الابطاء المتعمد حسادة وحقارة وعدم احترام بل يحسدك على سيارتك إن كانت أحدث أو أجد أما في صفوف الخدمات العامة فالمواطن مقدم رسمياً على الوافد أو هكذا يسمونه كأنما أتاهم هائما يبحث عن بلد وليس بتعاقد منهم!!!

ده حال البلد كده ياأستاذه لاثاقفة مروريه من قبل رجل المرور ولا من مستخدمين الطريق

انت ظهرتي من وين تاني .. ما كنّا مرتاحين منك يا البنية السكرية .. البلد في حالة توتر و الشعب في حالة احتضار و الناس بتفكر في كيف ينزاح مننا الكابوس دة و انت جاية تكتبي لي عن تقاطعات الشوارع و إشارات مش عارف ايه ، و الولد عماد و ابتساماتو .. كتابات الدلع دي ما محتاجين ليها هسع ..ارجعي عليك الله مكان ما كنتي و خليكي في بياتك .. بالذات النيل شتاء .. بلا ..

الله يديك العافية استاذة سهير وذكرتيني ايام شرطي المرور بشرى) في تقاطع شارع الجامعة وشرطي المرور (بريش) تقاطع شارع القصر حيث اولا محبة الناس المطلقة لحسن الاداء وانسياب الحركة والبشاشة وصداقة الجميع لهما ثم قريب دا اشوف ليك في (الراكوبة) صورة لعسكري مرور ياخد علقة والجمهو حوله يستزيدون الضاربين .زدقوهم ياخي دقوقم ..الامر مرفوع لجهات المرور وطبعا في حاجات تانية لكن سيبك منها خلينا في المهم

رجل المرور حسب ثقافته المتواضعة يعتقد انه يكرم ضيف وبطريقته العفوية لا اكثر ولا اقل، اعتقد ان المساحة كانت احق لموضوع اهم.

لا اعتقد ان هذا الحدث فريد من نوعه

يا استاذة رجل المرور وما ادراك ما رجل المرور فهم منذ تل صباح الباكر يقوم بالاتي مع المجموعة الواقع معاها ويتفقون علي الاتي:-
1_ مناقشة ميزانية الفطور علي ان لاتقل عن 300/400 جنية ،لزوم الفطور المدنكل +اللجنة والسجاير والتمباك.
2-ميزانية الغداء ويكون مشويات وعصابر ولا تقل عن 600 جنية للمجموعة.
3-ميزانية استراحة المساء والسهرة+زائد التوسعة علي البيت لا نقل عن 1000للمجموعة.
هكذا رجل المرور يقضي يوم و خنق ونهب واخذ رخص وفتونة والفاظ بذئية
والادهي من وذلك ميزانية ملازم اول ولا تاني بكون مركلس في السيارة ودة ميزانيتة الا نجيب ليكم الركابي وزير المالية يضربة ليكم.

مرحبا الاستاذة سهير بعد غيبة

وينك ياسوسو
وين مختفية
كنتى وين انتى ؟
اها
قصتك مع الوزير الارترى حصل فيها شنو ؟

اعتقد انو في سلبيات كثيره من شرطي المرور من استعماله للموبايل او قراءة الجريده وعمل الكشات والكمين في اوقات الذروه وعند اللفه مما يؤدي الي عرقلة الحركه

عنوان الموضوع جميل .. وكمان من بت ههههههه
نحنا الشرطه عندنا حدث ولا حرج من كميه الجهل العندهم
سبحان الله حتي المتعلمين منهم برضو جهلاء بعملهم

للأسف نحن شعب متخلف و عندنا inferiority complex

شيء مخزي حقاً.. لو تصرف بتاع المرور هذا التصرف.. لا اعتقد انه ممكن ان يقيف هنا لكي يعبر اخر الشارع.. كم كنت اتمنى لو جعلها بتاع المرور هذا سنة.. بعد ان قام العسكري بايقاف ليقطع هو.. كان برضو يوقف العربات لسوداني اخر أو اي حد لكي يعرف الخليجي بأن هذا التصرف ممكن يعملوها مع اي شخص..

ايش فايدة نحن ؟

معروف عندنا عقدة الرجل الابيض
اي واحد عامل ليه عقالات نعمل ليه شنه ورنه
وهو يكون اجهل الجاهلين
الشعور بالدونيه تجاه البيض والخواجات

عفيت عنك يا استاذه سهير
قديما قال الشاعر:
من يهن يسهل الهوان عليه وما لجرح بميت إيلام

اي ان من يقبل الذل والمهانة يصبح الذل والمهانة امرا معتادا عليه مع الزمن، وشبه الذليل القابل للهوان بالميت، فكما ان الجرح الذي يؤلم الحي لا يؤلم الميت فكذلك الهوان الذي يؤلم العزير لا يؤلم الانسان الذليل

– لسنا في حاجة لرجال مرور ينزلون الشارع لتنظيم حركة السيارات وعبور المشاة

– نحن في حاجة إلى إعادة تأهيل الطرق بمساراتها وإشاراتها المرورية …

– نحن في حاجة لإعادة تأهيل السائق وإنماء (الحس المروري) في داخله وأن يفهم أن الأولوية للمشاة وعابري الطريق … وأن إتجاه الحركة عندنا (يمين) …

– بعد ذلك يصبح شرطي المرور مجرد مشرف وموجه … من داخل سيارته … بالاضافة إلى تسجيل مخالفات المرور التي يتم تحصيلها عند تجديد الترخيص

– (شرطة المرور) باتت الآن أقسام متخصصة …بعضها لمراقبة حركة السير وتسجيل المخالفات … وآخر لرصد الحوادث المرورية وتحديد المتسبب فيها … وأخرى لرصد ومتابعة شكاوي الجمهور ضد شرطة المرور والتاكد من صحتها … وو …

– الأمر ليس في حاجة لكثير مال … وإنما إلى (عقل متفهم ونفس عفيفة) بالاضافة إلى صبر وإرادة وقدرة هلى العطاء

يعني هسع في داعي للكلام عن السعودي! خبر فضيحة ومفروض يتضارا. موضوع فارغ وتمام جاي من مراة.

(((الظروف البيئية السيئة التي يعمل فيها رجال المرور والضغوط الاقتصادية والنفسية التي يتعرّضون لها))))
الكلام هذا غير جائز اطلاقا !!!!!!
اذا قبلت بالعمل فى اي مرفق او عمل خاص عليك الالتزام بالمهنية العالية او اترك العمل و ارض الله واسعة ….

اصحى يا بريش ….

مقال راقي ولكن اعتقد ان زمن المرور الذي ينظم الشارع انتهي زمانه ان خطي التقنية تنداح من حولنا ونحن ما زلنا في حالنا لسة يا بتي في رجل المرور بالصفارة والحاجات التي عفي عليها الزمن

لكل داء دواء يستطب به.. إلا الحماقة أعيت من يداويها.

للاسف الشديد نحن كشعب سودانى نتصف بالحماقه والتهور وعدم الكياسه والرويه فى معالجة الامور
لانملك دبلوماسية الحوار ,, إنما شكل وخنق على طول ,ليتنا نتعلم من الشعوب الاخرى فن الحوار الهادى , وحل الامور بالابتسامه والكلمة الطيبه

لو كان شرطى المرور يعرف اخلاق الغالبيه من (بعران) اقصد عربان الخليج بالذات هؤلاء السعوديين لأوقف ذاك الشرطى الرجل السعودى على قارعه الطريق الى مغيب الشمس ، غالبيه العربان والسعوديين شعب مفترى وظالم وانانى وينظروا لنا السودانيين باستحقار وابدا لا تنظروا الى المدح الذى نراه منهم احيانا ،انتماءنا للعرب باللسان والذكريات وينبقى ان لانتشرف بالانتماء لعربان الآن الخونه عديمى الضمير والانسانيه ، من اراد ان يعرفهم حقا فليأتى الى الخليج ليرى كيف يذلون المساكين من شعوب آسيا التى الجأتهم الفاقه الى بلادهم

اعتقد انو في سلبيات كثيره من شرطي المرور من استعماله للموبايل او قراءة الجريده وعمل الكشات والكمين في اوقات الذروه وعند اللفه مما يؤدي الي عرقلة الحركه

سهير ؟ أزيك ؟ أخبار مصطفي البنغالي الشطف ليك كرعيك ، آسف، رجليك، شنو ؟ أموت أنا واتخفح تحت الزير ….

انا اعتقد المدير البتشتكيلو هو ذاتو فى ذات نفسو زى شرطة المرور الفى الشوارع واحد كلهم بيفكروا اول حاجة كيف يطلعوا من اليوم بمبلغ وقدره ثانيا هم تلقاهم ما مهتمين بحركة وتنظيم المرور قاعدين فى الصوانى مركلسين او فى عربات المرور يتونسوا يسفوا فى الصعوط والله مشيت نقطة المرور الفى المعمورة لقيت واحد متحرى لابس سفنجة وخاتى سفتو شلوفتو متر وخالف كراع فى كراع وبيستجوب بكل استفزاز الدنيا وعربية المرور مليانة شرطة واقفة فى تقاطع عبيد ختم مع شارع افريقيا ( مدنى الخرطوم ) حصل حادث جمبهم ما اتحركوا من عربيتهم لما جاهم واحد من الحصل ليهو الحادث بكل كسل قالوا ليهو امشى مرور المعمورة بدل ايتحركوا ويرسموا الحادث خلوهم براهم ياكلوا نارم

هنالك مواضيع اهم المرض قتل الناس الدواء الغلا الظلم الجهل
لكنك ايها الاخت تحبي ان تكتبي في توافه الامور لماذا هل لحاجة في نفس ماتسمي بسهير

شي طبيعي من شعب معقد ومليان عقد