كيلو الطماطم 20 الف جنيه..تحقيق – السودانيون يقاطعون اللحوم لمحاربة ارتفاع الاسعار واتجاه لمقاطعة لحليب والخضروات
الخرطوم (رويترز) – نفدت الخيارات امام إشراقة يوسف مع استمرار ارتفاع اسعار الغذاء بالعاصمة السودانية الخرطوم فقررت اتخاذ اجراء جذري وهو مقاطعة اللحوم.
وخلال اليومين الماضيين جلس اطفالها امام عشاء نباتي نادر لتوفير المال في جزء منه وتضامنا مع احتجاج نادر ايضا يتمثل في مقاطعة منظمة للحوم الاغنام والبقر والدجاج وغيرها من انواع اللحوم الاخرى الاصناف الاساسية في المطبخ السوداني.
وقالت يوسف المحامية التي تعيش في الخرطوم في تصريح لرويترز وهي تقف امام منزلها الكائن بوسط العاصمة "اللحوم باهظة الثمن لذا فمن اليوم لن نشتري لحوما …هي ليست صحية على كل حال."
وتأمل الجمعية السودانية لحماية المستهلك التي تنظم المقاطعة ان ينضم الكثير لاشراقة يوسف خلال الايام المقبلة ليدفعوا بمطابخهم الى الخط الامامي لحركة جماعية ضد ارتفاع اسعار السلع الاساسية.
ويندر تنظيم احتجاجات في السودان. وقمعت قوات الامن على الفور بضع احتجاجات شوارع نظمت في وقت سابق من العام مستلهمة انتفاضات الربيع العربي.
ويقول الجهاز المركزي للاحصاء في السودان ان اسعار اللحوم ارتفعت بأكثر من 41 في المئة خلال اغسطس اب مقارنة بنفس الفترة في العام الماضي على خلفية ارتفاع التضخم الذي اتهمت الحكومة محتكرون ومخزنون بالتسبب فيه بينما يقول منتقدون ان سببه هو سوء الادارة الحكومية.
ووصل التضخم الاجمالي الى 21.1 في المئة في نفس الشهر مقارنة بنسبة 6 ر17 في المئة قبل عام. وقفزت تكلفة زيت الطهي 47.7 في المئة عن العام السابق بينما ارتفعت اسعار الاسماك التي يجلب اغلبها طازجا من النيل بنسبة 33.2 في المئة.
وقال ياسر ميرغني عبدالرحمن رئيس الجمعية السودانية لحماية المستهلك "اللحوم اصبحت باهظة الثمن رغم انها تنتج في اغلبها محليا. لا يوجد من يبرر (ارتفاع) الاسعار."
وقال وهو يوزع ملصقات للحملة في وسط الخرطوم "يصل سعر كيلو اللحوم الى ثلاثين (11.20 دولار بالسلع الرسمي) او حتى 36 جنيها (سودانيا). كان سعرها في العام الماضي عشرون."
ومضى عبدالرحمن يقول "سنواصل (الحملة) مع منتجات اخرى. الحليب والخضروات مثل العدس غالية جدا هي الاخرى."
وتأتي الاحتجاجات في وقت صعب على نحو خاص بالنسبة للاقتصاد السوداني المثقل بسنوات من الحرب الاهلية وعقوبات اقتصادية امريكية.
وفي يوليو تموز اعلن جنوب السودان استقلاله اخذا معه 75 تقريبا من احتياطات النفط السودانية شريان الحياة لاقتصاد البلاد.
ووعدت الخرطوم بتعويض الخسارة بالتنقيب عن المزيد من حقول النفط على الجانب الخاص بها من الحدود وتعزيز صناعة الذهب الصغيرة وتنويع الزراعة وغيرها من الصناعات بدرجة اكبر.
ولم تظهر حتى الان سوى دلائل ضعيفة على التقدم لبث الثقة في مستقبل الاقتصاد وتراجع الجنيه السوداني لمستويات منخفضة جديدة امام الدولار في السوق السوداء.
وزاد التضخم بأكثر من الضعف منذ نوفمبر تشرين الثاني عندما خفضت الحكومة قيمة الجنيه للتوافق مع اسعار السوق السوداء مما صعب اكثر شراء اغذية مستوردة وسلع استهلاكية. وزاد ايضا من ارتفاع الاسعار خفض الدعم الحكومي الذي فرض في اطار اجراءات تقشفية عاجلة عقب خسارة الجنوب.
ويتهم بعض المنتقدين الحكومة بإهمال وسوء ادارة الزراعة وصناعات الثروة الحيوانية خلال سنوات الغناء النفطي في السودان.
وقالت عائشة بكر التي تدير مطعما شهيرا في ضاحية الخرطوم-2 الراقية "يذهب اغلب ما عندنا من لحوم للتصدير الى السعودية ومصر واماكن اخرى. اذا أوقفت التصدير ستنخفض الاسعار اذا."
ودفع ايضا تجدد العنف على طول حدود السودان الجديدة غير المحددة بالضبط مع جنوب السودان الاسعار للزيادة بسبب اعاقة التبادل التجاري والوصول للاسواق.
وفي جنوب كردفان التي يقاتل فيها الجيش جماعات معارضة مسلحة قفز التضخم 35.6 في المئة في اغسطس اب مقارنة بنسبة 5.1 في المئة فقط قبل عام وفقا لبيانات الجهاز المركزي للاحصاء.
وقال تامر عبدالكريم وهو طبيب شاب في مستشفى بالخرطوم "ليست اللحوم فقط مرتفعة الثمن. سعر الخضروات مرتفع ايضا. يصل سعر الطماطم الى عشرين جنيها." وقالت سيدة منزل تدعى علوية محمد "ان الاسعار تزداد كل يوم
وبرضو بتهتفو سير سير يالبشير !!!
شعب جبان تتساهلو :confused: :confused: :confused: :confused: :confused: :confused: :confused: :confused: :confused: :confused:
بالامس اجريت اتصالا مع الوالدة حفظها الله وفي اثناء المحادثة تطرقنا للاسعار فذكرت لي بأن سعر كيلو اللحم العجالي تجاوز ال30ج و زيت الفول انعدم تماما وبلغ سعر الاولين 7 ج وربع الفول 40 ج
لك الله ي وطني فقد رقص ف جسدك الكيزان
مقاطعة اللحوم.. أليس هذا تطبيق وتأكيد عملي للمثل القائل " عينك للفيل وتطعن في ظله".
والغريبة أن حديث الاستطلاع الصحفي منسوب لمحامية ودكتور. يعني الطبقة المستنيرة.
المطلوب يا أيها الناس الخروج إلى الشارع والاحتجاج ضد ممارسات الحكومة أس الداء وسبب البلاء والابتلاءات التي تنصب علينا منذ 22 عاماً.
مقاطعة اللحوم أو الخضار أو التحول نباتيين أوحتى الصيام على طريقة شيخنا الصايم ديمة سوف لن يجدي ولا ينفع..
الثورة والتغيير ومحاربة الحكومة بالكلمة والسلاح وكل الوسائل الممكنة لكل فرد هي الحل
ههههههههههههههههههه هذه الحملة لمقاطعة اللحوم لا طعم ولا لون ولا رائحة لها وبتذكرني قصة طريفة أيام الاستعمار : فقالوا في واحد عمل جريمة وأخذوه للمحكمة وحكم عليه بالغرامة وغضب الرجل غضب شديد وأخذ فأسه وذهب الى الغابة وبدأ يقطع في الشجر من شدة غضبه على قاضي المحكمة ..ما ذنب اللحوم والألبان والطماطم والفجل والجرجير والخس والقائمة تطول وتطول …أحبابي الكرام المواطنون الغلابة اذا أردتم المختصر المفيد ..ودرب السلامة فعليكم بالتظاهر سلميا ضد هذا النظام وهو الداء والبلاء وام الكوارث ..والا نظل في دوامة المقاطعة الى ما لا نهاية لا ن قائمة السلعة المرتفعة ما ليها حدود ..الثورة …الثورة …ثم الثورة ضد النظام هو الحل الناجع..وماذا يفيد حبة البندول لمريض يحتاج الى عملية جراحية عاجلة لاستئصال ورم خبيث ؟؟؟؟؟؟؟؟؟؟؟؟؟؟؟؟؟؟؟؟؟؟؟
بعد رفع الدعم من كثير من السلع بالسعودية و غلاء الاسعار عالميا لم نحس بفرق يذكر مقارنة بالارتفاع الجنونى الذى نراه فى السودان .
و مقارنة بسعر اللحوم السودانية المستوردة يباع الكيلو بسعر اقل من السودان و بالنظر الى التكلفه تجد ان المستورد مستفيد و له ربح و ليس بهامشى بل ربح يتعدا 20%
الكيلو فى السودان = 00ر36 جنيه سودانى و فى السعودية 36 ريال و بسعر الصرف الرسمى للدوله يستاوى 26 ريال سعودى اى بفرق عشرة ريالات للكيلو ؟؟
نأتى للطماطم المستوردة من تركيا و الاردن و لبنان و المحليه .
كل خمسة كيلو بعشرة ريالات و كيلو الطمام فةى السودان بعشرين جنيه و بحساب السعر مقرنة بالسودان تجد أن 10× 0.733 = 7.33 جنيه سودانى اى بمعنى الكيلو 7.33 ÷ 5 = 1.47 جنيه .؟؟؟؟؟؟؟
و لنترك باقى السلع الضروريه للقارى و ليبدأ بالعدس قوت الغلابــه .
اين الرقابه و اين حماية المستهلك و وزارة التجارة و السيد الرئيس انهم بعيدون كل البعد عن ما يدور فى الشارع و ما يكابده المواطن المسكين و المغلوب على امره .
ذادة المرتبات للموظفين بمائة جنيه لا تعادل 5% و ارتفاع الاسعار الجنونى تجاوز 35%
فى عهد مايو ارتفع السكر خمسة قروش خرجت العاصمه و ضواحيها الى الشارع و لم يهدأ لنا بال و كانت بداية ثورة ضد الغلاء و اليوم نجد ان الشعب استكان و رضخ للظلم و القهر و مجابهة الظلم بالرضا التام و الخنوع .
للمعرضة دورا مشهود فى السابق عندما ترتفع الاسعار تجدهم يحركون اشرع و قواعدهم و لكن االيوم اضحت تفتقر الى القاعده و ذلك نتاج لساسية الحزب و عدم اطلاعه على مطالب القاعده و البحث عن السلطه على رقاب الضعوف و لكن هيهات بعد منالكم لقد وعينا الدرس و لن تتكرر مأسى الديمقراطيه الاسرية و العنقلاية .
والله الموفق و يصبرنا اهلنا بالداخل لحين ياتيهم الفرج .
يعنى بعد ده ناكل نيم ولا شنو والله لو اكلنا نيم يعملوا عليهوا رسوم وضرائب
اقتباس "سنواصل (الحملة) مع منتجات اخرى. الحليب والخضروات مثل العدس غالية جدا هي الاخرى."
يعني اضراب عن الطعام!!!!!!!!!!
قرأت قبل أيام ان اكثر من 2 مليون راس او نحوها سوف يتم تصديره الى السعودية للهدي ويتم التصدير الى مصر وبقية دول الخليج
هل تعلم ايها المواطن السوداني ان لحم الضأن السواكني السوداني يباع الكيلو منه في الرياض بـ 30 ريال وبافتراض ان الريال يساوي 1000 جنيه فان سعر الكيلو 30000 بالقديم طبعا
وعندكم هناك في السودان وصل الكيلو 50000 جنيه
هذا تفسيره واحد ان تجار المؤتمر الوطني همهم هو السيطرة على واردات كما جاء في موقع ويكليكس والسيطرة على الاقتصاد البلاد وبيعها حتى ولو بنصف القيمة وايداع العائدات في بنوكهم في ماليزيا واندونيسا والامارات وسويسرا وغيرها من البلدان لانهم لصوص واللص دائما يحاول ان يسرق اكبر كم يستطيعه قبل ان يصحو صاحب البيت من نومه وغفوته وعندما يصحو يجد ان الرمال كال حماد
بمعنى ان الرئيس البشير ولا ادري هل هو فعلا شايل هم البلد ام يمثل ما اريد قوله ان من يحارب عمر البشير من سلمهم اقتصاد البلاد لمصالحهم الشخصية فهم من سيقومون بقلبه وتضييعه في ستين داهية
أي سوف يغرسون الخنجر المسموم في خاصرته ويطيحون به مهما تشبث لأن الأمر خرج من يده واذا حاول ان يقصيهم فهم من سيتعشون به قبل ان يتغدى بهم لأنهم ذاقوا ومن ذاق سعر ، وجنت براقش على نفسها
والله كلامك صح يا سمارة مع الكلام دا كلو لسه بهتفو سير سير يا البشير
في ناس اللحمة مقاطعاهم من زمان ( مش هم مقاطعين اللحمة ) المقتدر يقاطع اللحمة ثم يعود لها بعد حين وبمزاجه اما الفقير الذي تقاطعه اللحمة ماذا يفعل ؟!!!!.
اللحوم بتسبب داء النقرس
مع العلم ان نقصها يسبب فقرالدم
الطماطم تسبب حصاوى
مع العلم ان نقصها يسبب امساك
الحليب يسبب امساك وكذلك الدجاج
مع العلم ان نقصها يسبب هشاشة العظام
البيبسى يسبب هشاشة عظام
مع العلم ان نقصه يسبب عسر هضم
( الناس ما عرفت اضرار الحاجات دى الا لما ارتفعت اسعارها عشان يكون عندهم تبرير لتركها بدل الفلس )
;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( :rolleyes: :rolleyes: :rolleyes: :cool: :cool: :cool: :cool: :cool: :cool: :eek: :eek: :eek: :eek: :eek: :eek: :eek: :eek: :eek: :eek:
وتقولو لينا انفصال الجنوب رحمة
لعنة الله عليك يالبشير انت وخالك والحركة الاسلامية ليوم الدين
الناس زهجانة من الحكومة بس خايفة تطلع الشارع وناس سيدي يركبو الكرسي يوم دي في المعارضة ويوم تاني في الحكومة وتعويضات ويطلع حزب مجهز ناسو في الجيش عشان انقلاب وترجع حليمة لقديمة هي دي السياسة في السودان الي يوم الدين الي متي ونحن يحكمونا الانتهازيون الوحد بعد مرات بفكر ياربي الانقلاب الجاي بعد فترة الاحزاب الجديدة ح يكون لمين الدور ده لانو ما زي الدوري يا هلال يا مريخ والله يكذب الشينة .
ياحليل زمن صفيحة الطماطم ب 15 جنية بالقديم
الصوره تعبر عن نفسها
قمة السذاجه من رئيس دوله شعبه جعان وزي الدلاه ينقز فرحان
ما تجو نقاطع الطماطم و اللحمه و اللبن و الرغيف و الكسره و الدكوه و الزيت و السكر و الشاى و المويه، يعنى بإختصار كده يعلن الشعب الفضل إضراب عام عن الطعام فى كافة أرجاء السودان الفضل، عشان نموت ونرتاح يمكن ربنا يعمر الخرابه دى بى ناس أحسن مننا.
قطعو الصفق من الشجرة بتاعت ( أسد البرامكة ) وعوسو بالخشب بتاعه يلا
وفكو الأحزمة للطيش عشان البطون ما تطرشق … حليلك ياسودان
من سلة غذاء لسجن الجوعى والمحرومين من السارقين اللصوص الحرامية تجار الدين
بكرة كمان تطلع مقاطعة الهدوم ويكون جوع وعري
الله عز وجل لا يكلف نفس الا وسعها والكيزان كلفو الناس أكثر من وسعهم وشغالين
هم لمن بقا الناس في أسفل سافلين وهم في أعلى عليين
ياشعب ياتسكت وتاخد علي راسك يا تاخد حقك الطبيعي من تعليم وعلاج وسكن
وغذاء الدول الكافرة بتعين الفقير والماشغال ومُدعي الإسلامي يطلعو على الناس
بالمخدر كل حين وآخر صيحة مقاطعة اللحوم !!! تفكير خبيث من كوز لئيم
اللهم عليك بمن طغى وبغى وتجبر وفسد وأفسد
اللهم خذهم أخذ عزيز مقتدر
اللهم أرني فيهم عجائب قدرتك وقوة سطوتك
اللهم مزقهم كما مزقوا الوطن وأفتنهم كما فتنوا الناس عن دينهم
لك الله ياوطني …
باناس دى سياسة (جوِع كلبك يتبعك).
سبحان الله يا جماعة انا الان فى بلد فقير جدا الناس حفاة نزلت السودان نصف شعبان لقيت الحال
مولع نار رجعت اخر رمضان لهذا البلد وجدت الاسعار ارتفعت عارفين كيلو الطماطم يعادل كم اليوم
بالسودانى لوالدولار وصل 4000 سودانى يكون كيلو الطماطم يعادل 2000 سودانى طماطم فيه طعم
السكر مش السماد قاطع قلبه وكيلو اللحم كان يعادل 5000 الان يعاد ل 7000 ايه رايكم تزحفوا
نحو هذا البلفد ولعوه نار وارجعوا استاذة اشراقة عفيت منك
بعد نجاح مقاطعة اللحوم والتى دعت لها الحكومة نفسها عبر واجهة اخرى(جمعية حماية المستهلك) اتوقع ان تعو عبر نفس الواجهة او اي واجهة اخرى الى مقاطعة اللبن-الفواكه-الخضروات-الكسرة-القراصة-الرغيف-العدس-الفول
ثم تدعو الناس للخروج فى مظاهرة ضد الغلاء من يستطيع الخروج يمنح جائزة الشهيد الزبير للابداع فى تحمل المعاناة
لو قاطعتو اللحوم اقرب كوز حيصدر الكمية لمصر او يهدوها ليها اصلكم ما بتستاهلو اكل اللحم
يا جمـــــــاعه والله العظيم الحل ساهل وسا هــــــل جدا كمان وهو عباره عن كم عمليه انتحاريه في كم مسئول من الدوله وعلي راسم المدعو البشير واتخيل لي استهدافم ماشي صعب وننتهي من قصة المؤتمر الوطني والكيزان دي وخلاص الموضوع بسيط جدا وانا اول زول ممكن انفذ العمليه دي عشان ارتاحو ناس كتار من بعدي
سبحان الله لماذا نسكت وعلي ماذا نسكت ؟ والله شئ يحير هل يعقل أن كلنا أصبحنا جبناء (الله من المغصة الدايرة تكتلني ) كل الشعب أصبح فقيراً معدماً لا مال ولا قيم ولا أخلاق والله عيشة أحسن منها يبيدونا بي طايرة ونتفكا من بلد يمرح فيها الحرامية أولاد الهرمة الله لا غزة فيهم بركة ..لكن هانت بنجيب تارك يابلد وذي ماقال الأستاذ حميد
يابلدى يافردة جناحى التانى
وكت الناس تطير لى عالمه
وآ وجعة الزول البيجيك
ما يلقى فيك غير الهجير
ناسا تواتى مسالمة
كل البشاشات القبيل
يلقاها ميته مسممة
والجاته جاته من الأرض
ما جاته من تالا السما
ما أعتى غبنك يا ولد
وأعدل قضيتك وأعظمة
لاترجع السيف الجفير
والدنيا فايره مصادمة
من غير تجيب تار البلد ..
مع تحيات مغترب مغبوووووووووووووووون وداير يتفشا
ياناس الراكوبة ماكدة الناس بطلع ة
الناس الفقاره الشقالين باليوميات هم المضررين من محاربت الغلا الاسعاربقسمه من قذ طلاب علاج مواصلات مجاملات رابط له خروف عشان يبعه يتم به الناقصه واصلا هى ناقصه حارب اسكر الشاى الزيت جمع انواعه الملابس الخبز ادخلى ياحمايت المستهلك الناس الفقاره غير مرغوبفيهم
قالو التسوي بايدك يغلب اجاويدك
اها ده البشير الشغالين ليهو سير سير لحدي ماوصلكم وين ؟ والبباري الكيزان بودو الاخرة .
لو وقفتوهو من زمان كان الحال غير الحال .
وبعدين لو قاطعتو اللحم ولا الحليب والخضار وين بتقبلو معناها انتحار عديل كدي
والتجار اليوم ماتشترو بكرة مابضبحو بس ويومكم التصالحو اللحم بعوضو خسارتم فيكم
احسن حاجة تعملوها ياتربوها زي باقي الشعوب وتجيبو عاليها واطيها
او ………………… تقاطعو الحياة ..
يا جماعة تعبنا من مسرحيات الكيزان يعنى حماية المستهلك دى جات بانتخابات ولا واحده من مؤسسات النظام ومتين النظام حريص على المواطن وراحته حماية الجن دى كانت وين لما السكر انعدم فى رمضان وليه بس دعت لمقاطعة اللحمه الطماطم ما بعشرين جنيه ولا الطماطم حقت مزارع الحماعة والبيوت المحميه حقت الجماعة والله بقينا واعين .بعدين حماية المستهبل دى لو حاجه مافى مصلحة النظام كانت اعلنت عنها الدوله عبر مؤسساتها الرسمية اذاعة ام درمان ياناس الجماعة عاوزين يصدروا الهدى للسعودية ويقولوا والله المواطنين قالوا ماعاوزين لحمه الاعيب جبهه فارغة اخر مره اكلنا لحمه فى العيد لكن الليله لازم نشترى اللحمة لو نعمل خته لازم اى زول يشترى اللحمه ولو حماية المستهلك عاوز راى الشعب يريد اسقاط النظام يلا ورونا شطارتكم
الشعب ليس جبان بل اوصلوة لدرجة اليأس . يجب على القائمين بالامر اعلان المجاعة فورا
ياود البشير ان قلبتك ادا غيرك الفيك عرفناء العاقل يقول بتغرق ليك الله ياسودانى