الحبش والأفارقة . في جاه الملوك نلوك
الحبش والأفارقة ، فى جاه الملوك نلوك
شاذلي الزين*
[email][email protected][/email]
سُمعتنا التي بنيناها فى دول العالم لم تأتي محض صدفة ، أو عبر الفهلوة ،بل عبر قيم وأخلاق أنبياء رسخها آباؤنا وأجدادنا الاوائل الذين جابوا فى أرض الله الواسعة بحثا عن الرزق والتعليم ،فأصبح السوداني هو( الزول ) (الأمين) (القلبوا حار ) (الذكي ) المتميز على أقرانه العرب والأفارقة .
? بعض الأفارقة من جيراننا أرادوا أن يختصروا هذا التاريخ الطويل والشاق من تكوين السمعة والسيرة الحسنة فأصبح طريقهم السهل لذلك هو انتحال هويتنا السودانية . وساعدهم على ذلك التشابه فى السحنات ، بجانب أن بعض الأجانب لايميزون بين سود البشرة فأصبح تبعا لذلك كل أسود يرتدي جلباب فهو سوداني.
? واصبح من المعتاد أن ترى أثيوبي او صومالي يرتدي جلباب و(خاتي سفة) .
? وحدث يوم أن توقفت بسيارتي لأحمل سوداني وجدته فى الطريق جذبتني إليه العمامة الكبيرة فإذا بي أتفاجأ بكونه أريتري الجنسية ولم يزور السودان فى حياته.
? وفي مكان عملى السابق وجدت أثنين من الجنسية الأريترية عرفوا فى الشركة كسودانيون ، وعندما حاصرتهم بالأسئلة (الغتيتة) وبعد إنكار أعترفوا بأنهم ترعرعوا في السودان ودخلوا معي بعد ذلك فى حوار تاريخي بأن الحبشة والسودان ارض واحدة.
? ولنوبة مصر نصيب فى( السلبطة) في هويتنا فكثيرا ما يقابلك أعلان ” نوبي يبحث عن عمل” فبحثت عن دولة النوبة في عبر العم قوقل ،فما وجدت.
? وأما الصومالي فسيقنعك بأن هنالك قبيلة في السودان تدعى الصومالاب.
? والادهى والأمر أن البعض منهم يحمل الجنسية السودانية ؟ من اين يستخرجوها ،ومن يساعدهم ، .
? أما عن النساء فحدث وحرج.
? كم جميل أن تكون أخلاقنا وسمعتنا مدعاة للتشبه بنا ولكن هذا الفخر يشوبه بعض الخوف من أن يسيئ البعض الينا بتصرفاته.
? لم يتبقى لنا كسودانيين الا هذه السمعة التي بدأت فعليا فى التدهور فنرجوا من أبناء جلدتنا ومن ينتحلون هويتنا مراعاة وأحترام هذا الأرث الجميل.
————-
* إعلامي _الدوحة
الاخ الشاذلى بصراحة شديدة ماخرجت به من مقالك انك محتاج تقرأ كويس عن موضوع الهوية السودانية لتتحررمن الاوهام فى هذا الخصوص عشان تتواضع وما تسخر من اقوام اخرين.
سؤال من هم السودانيين؟ ومن اين تبدأ ارض(بلاد) السودان واين تنتهى ومن اين تبدأ ارض الحبشة واين تنتهى؟
يمكنك الاستعانة بالعلامة جعفر ميرغنى.
صدقت والله لكن المشكلة اننا نجامل في توضيح هويتنا ولا نعمل على توضيح من هو السوداني من الذين يرتدون ثوبنا من الذين يجاوروننا … ونهذه تشكل لي مشكلة مع بعض السودانيين الذين يوصمونني بالعنصرية وذلك لانني لا اجعل الموضوع يمر دون ان اوضح من هو السوداني الحقيقي ومن هو الذي يرتدي ثوبنا ولنه ليس من جلدتنا ولا يحمل اخلاقنا الحميدة التي بناها من سبقنا الى بلاد العالم باسره
شكرا لك الاخ شاذلي على هذه اللفتة البارعة
يا اخى لا تفتر كثيرا انت تدري نفسك فقط ولا تستطيع ان تضمن الاخرين من بنى جلدتك فكل من هؤلاء يفتخر بوطنه هل تدرى ان الاعراب يعتزون بالصوماليين والاريتريين اكثر من السودانيين لان هناك فى مخيلتهم ان تلك الدول عربية الاصل بينما السودان يظل بلد العبيد ليس الا
سمعتنا راحت في الكازوزة زي ما بيقول المصريين
الشهر الماضي تم القبض على سودانيين نشالين في الامارت بيشرطو الجيوب بالموس في الهايبرماركت طبعا مساكين ما عارفين الحكاية فيها كاميرات بتقبض دبيب النملة
وفي دولة خليجية اخرى تم قبض سوداني يقوم بكسر السيارات بسيخة عشان يسرق زبائن البنوك
والكثير والكثير ربنا يكون في سمعتنا التي انتهى منها الكيزان بسبب الجوع والمعاناة
ربنا ليك يا بلد
فعلا والله ونشكر ابهاتنا الذين تركوا لنا سمعة طيبة في دول الخليج وياريت اخوانا الموجودين الان بالخليج يحافظوا عليها
كمان ماتنسى التشاديين والنيجيريين كلهم يدعوون انهم سودانيين. وكان على الحكومة ان تنتهز فرصة انفصال الجنوب وتغير اسم السودان الذي يعرف تاريخيا بكل منطقة الحبشة والقرن الافريقي. الى اسم جديد.
اولا العمامة لا تخص السودانين وحدهم … ثانيا يا اخي لا يمكن لشخص ان يدعي او يتسودن لمجرد ان السوداني حسب ماذكرت انت……. (السوداني هو( الزول ) (الأمين) (القلبوا حار ) (الذكي ) المتميز على أقرانه العرب والأفارقة) انا اسالك سؤال مباشر هل تحس بهذا التميز وانت في الدوحة وسط هذا الكم الهائل من الاجانب دعك من القطرين لاني متاكد انك تحس بالدونية وبتكسر تلج شديد ( طال عمرك وماشابه ذلك …. اتفق معك في (الزول) والباقي كلام الطير في الباقير هههههه عليك الله الله يسالك متميز عن اقرانه العرب والافارقة في شنو ؟؟؟؟ انت زووول مسكيــــــن وعلي قول ( تمر الفكي ) اول المعلقين انت محتاج تقرا كتير لتتحرر من الاوهام لانو عندك مشكلة في فهمك للهوية والمواطنة …. واعمل حسابك عشان الصومالين لو قرو الكلام ده يودوك التووووج
غايتو انا لو واحد افتكرنى حبشى بتكيف شديد
ياخى كلنا عبيد الله والحساب بعدين فرادى ما بقولو ديل سودانيين ولا مصريين
السودانيين هسى بقو يعملو اى حاجه بقت تصل مرتو يفكها عشان يعيش من وراها
كانو زمان لما بيشتغلو موظفين حكومه والعرب ما ناقشين شى هسى الحكومه مسكوها المواطنيين وبقى ما ليك الا سوق الله اكبر تتميز تعيش ما تتميز الا تبقى حرامى وقد كان
دا كلو هين , المصيبة انو في بعضهم ينتسبون الي بعض القبائل الشمالية الكبيرة التي هي في الاساس لاتعترف بباقي قبائل السودان , خليك من انو تكون جاي من بره وشكلك مختلف عنهم كاختلاف الليل والنهار وبع دا كلو يقول انا من قبيلة كدا والاخطر من ذلك يطعن في نسبهم واصلهم ويحاربهم على مرمي البصر.هل هذا اجنبي ام مجنون؟
صدق الاخ بشاشا انت كاره لذاتك وتبحث عن هوية متوهمة كhouse niger يفعل ويتحدث ليقبله الاعراب في زرائبهم
فعلا يا كاتب المقال كلما جئت به صحيح وهذا يدل على وطنيتك وغيرتك على بلدك اكثر الله من امثالك ولا تنظر للذين ينعقون بتعلقياتهم ا
اشكرك ثاني على غيرتك وعلى حبك لوطنك فانتم زادنا الله يسدد خطاك ويحفظك ويحمي قلمك ذخرا للسودان وللسودانيين الشرفاء اردد الشرفاء
انت محتاج درس عصر فى التأريخ والجغرافيا اما البحث فى محرك قوقل فهذا مضحك شديد لانى هسه لو دخلت قوقل وبحثت عن عنوان موضوعك سوف اجده.
الاخ [صقيرها حام] سلامي،
بشاشا لايحب او يكره العروبة، بل العكس يرفض السطو الحاصل للعروبة في بلاد السودان.
اذن موقف بشاشا يتلخص في رفضو لادعاء ذنوجة السودان لهوية غزاتم العرب.
ليه؟
لانو الوهم ده هو اساس النار المولعة في بلدنا من نصف قرن.
ما لم نستوعب الحقيقة البسيطة دي فلا امل قط في اي مخرج من جحر الضب الخرب الحشرنا روحنا فيهو بي سبب هذا الوهم، اطلاقا، اطلاقا!
كل ما يمكن ان تتخيلو كسبب للوضع الماساوي الاحنا فيهو الان، ما هو الا نتيجة فقط لي AIDS وهم العروبة هذا لو تعلمون!
ده كلام زول دخل في الموضوع ده اكثر من ربع قرن، بحثا وتقصي او بي صورة تكاد تكون يومية تقريبا، حيث باستمرار الاحظ، اتابع، اختبر تصرفات من حولي سواء مباشرة او بي سبل الاتصال، فوق للمنابر الاسفيرية او قبلها مقهي النشاط في الجامعة الحرقتا فيهو 5 سنين من حياتي، لاتخرج من مقهي النشاط حقيقة وان كانت الشهادة من كلية الاداب اسما، بل عدت سنة بي سبب الانغماس في مقهي النشاط، مدورا مع الجميع من طرف او من دون فرز، ضد وهم العروبة، عشان اعيش واشوف اليوم كيف جل الكنا بنقول فيهو حدث كما هو بي ضبانتو احيانا، مما يؤكد صدق كلام الطير بتاعنا ده!
اذن نحن لازم ننتبه للوهم ده النفخو كيرو ناس نعوم شقير او ونجت، بي خبث، دهاء، او مكر، لا املك معه الا احترام عبقرية القائمين بامر الامبراطورية اللتي لم تغب عنها الشمس، بتقسيمنا الي عرب في مقابل ذنوج، شمال في مقابل جنوب، مسلمين في مقابل مسيحيين!
مين بصدق كيف في تاريخنا كلو، منذ بدأ الخليقة كقوم سود، عمرنا ما عرفنا حدود، ولا ده مسيحي او داك مسلم، وما شابه، بالصورة المبذولة اليوم، الي ان حل بديارنا جيوش الغزاة الاجانب، الاصلا دي طريقة تفكيرم تاريخيا، لدرجة اوربا، عكس افريقيا الي هذا التاريخ لم تعرف وحدة سياسية طوعية اطلاقا!
يكفي ما حدث في جنوب افريقيا من قبل، وما يحدث في مالي الان، كيف احنا كثقافة افريقية ما عندنا هوس او ولع تصنيفات كهذه، الا كتأثير اجنبي وافد ودخيل، واستلاب ثقافي امبريالي!
اذن Aids العروبة هذا حقيقة ضخم، ضخامة، ماقادرين زاتو نتصورا، يا للهول!
كل ما اهاجم هذا المرض الخبيث، يقولو ليك بشاشا بكره العرب!
ياخي العرب ديل وينم فيما اسموه العرب انفسم “بــــــــــــــــــلاد الســـــــــــــــــودان” حتي يكرهم بشاشا؟
بزمتكم ابو العفين نافع ده، فرقو من Kunta Kinte بتاع هيلي شنو، عشان واحد زي المجرم نعوم شقير يطلق علي امثالو “سادة القبائل العربية”؟
معقولة امثال نافع عرب في عيون اللبنانيين من دون خلق الله، البتقززو من مجرد “مضغ” امثال نافع لحروف عربية؟
ماعشان كده حتي نصرالله بتكلمو دارجي، حتي لاتجمعم الفصحي بالذنوجة من امثال نافع!
اللبناني في كالفورنيا لما يلقي سوداني “بحكي” عربي بخلي شغلو من الحيرة، او يفضل يسأل “بتحكي” عربي!
اللبنانية زي ما حكيت من التعجب، بتكرش في يدها كرش، في اشارة لي لون البشرة، وهي تطارد في سودانية، لانها ب”تحكي” عربي!
نعم بتكرش في يدها هي، او بتسال في السودانية بي تعجب، كيف سوداء “تحكي” عربي!
بزمتكم الحاج ساطور ده عربي ياخلق، حتي في عيون امثال البشير او نافع من ذنوجة كافور؟
نعم عادي، البقارة امثال ساطور هذا، بقولو علي اهلنا من دينكا نقوك في ابيي عبيد باعتبارم عرب من جهينة!
نعم كراهية ذنوجة البقارة لاهلهم من الدينكا، اكبر بما لايقارن من كراهية الجلابي للمسيري!
او ده كلو نتاج لي وهم العروبة، اللي بي دورو نتاج، لي قرون العبودية في حياتنا كقوم سود!
طبعا الجلابة الزيي طوالي بربطو العبودية بغير الشماليين، وهذا وهم اخر ضخم!
علي العكس نموذج الشمالي يظل اكثر من استعبد بطول وعرض اليابسة مقارنة بي بقية السود، بحكم الموقع الجغرافي او بالذات في مصر، علي مدي ال2,000 سنة الماضية، مقارنة بي اقل من 1,000 سنة لبقية السودانيين، او تحديدا ال600 سنة الاخيرة!
اذن ده موضوع ضخم جدا زي ما قتا، فارجو ان لا تختذلوهو او تبتذلوه، كموقف شخصي من بشاشا تجاه العرب!
لادخل للعرب قط بمشاكلنا، وان كنا من باب السرد نشير لدورم، ولكن احنا المسؤولين مسؤلية تامة من الحصل، الحاصل، والحيصل، وليس العرب او الخواجات!
انتم لاتفهمون ؟؟؟
كاتب المقال يتحدث عن موضوع معين ؟؟؟
أستغلال الهوية للأستفادة فى مجال العمل
شنو قلبتوها عنصرية وغيروا
غايتو الأسمو بشاشا ولد تراجي ده كرهنا النت ذاتوا
أقسم بالله كلكم عرب والدلالة علي ذلك بان فيكم شئ من
( الجاهليه ) !!! هل لديكم فكره عن ( يهود الفلاشا ) و
من اين هم وأين ذهبوا !!! فهل فيكم من يجزم بان اليهودي
لابد ان يكون ( ابيض ) !!! اين تقع مملكه ( الجنجبيل )
إذا ماذا حدث لها !!! بل ومن هو ( حام ) !!! إخوتي
ملك المغرب الراحل ( الحسن الثاني ) اسمر البشره !!!
امام الكعبة المشرفة اسمر البشره !!! من ينكر علي ( السادات سمرته )
فمن اين أتي بها !!! حضارة (( تمبكتو )) في أي قاره وما هو دورها!!!
كل هذا والبعض يستنكر خلو السودان من الدم العربي !!! وهذا أيضاً
لا يهم لان لدينا همم تجتاح ركام المخاوف لذا سنصبر وننتظر كحال
مانديلا 27 عاماً حتي نال مجده !!!
اخونا [صقيرها حام] مشكور علي المثابرة،
هسي كلامي الصفحة او نص علي قولك ابتذلتو او اختذلتو في موضوع كيف اللبنانين طلعو نافع عربي او ماطلعو بشاشا عربي؟
ماهذا؟
ابدا!
موضوعي امثال نافع والبشير والطيب مصطفي ابادو 8,000,000 من اهلهم باسم الدفاع عن العمق العربي وحماية ظهر مصر الخديوية!
نعم بعد ما ابادو قرابة ال3,000,000 في الجنوب في سبيل الحور العين والغلمان يا سبحانك، الجماعة ديل طاشمين بي وهم العروبة ولعوها في دارفور من اول اوجديد! ليه؟ لانهم كما تلك الناقة في السيرة، مأمورين بحكم البرمجة لي حاسوب الدماغ الجلابي!
نعم او بعد ما الجنوب فات، تاني من اول اوجديد ولعو النيران في الجنوب الجديد، انطلاقا من ذات وهم العروبة، او كفرو حتي مسلمي النوبة، فقط لانهم ماعرب في فهممم الذي جعل من العروبة ركن سادس لاركان الاسلام الكانو خمسة، او بعد ده كلو تقول لي انا زعلان لانو مابقوني عربي زي نافع؟
ماهذا؟
وهل صدفة الابتذال هنا، او تبلد الاحساس تجاه الموت بالملايين كنتيجة مباشرة لي وهم ناس جعلي “حــــــــــــر”؟
اما كلامك عن تعلق ذنوجة السودان بذوي البشرة الفاتحة او عبادتم للعربي كاله في اللاشعور، مما دفع بنساء السودان لي “تبشير” الجلد او غسل سواد البشرة بالمسرطنات، فهذا ما عنيناه بي كلامنا عن وهم العروبة، كاساس لي كل البلاوي الفي بلدنا علي مستوي حياة الفرد العادي، او كيف ده كلو نجم عن قرون العبودية بواسطة نخاسة العرب تحديدا، او كيف ده كلو انتهي بذنوجة السودان لتبني هوية النخاس العربي، كمخرج من جحيم الانتماء للسود، او بي كده ولعو البلد او اشعلو المحارق بحق البفتكروهم ذنوج او ما عرب احرار زيهم، عسي ولعل يتخلصو من شبح الذنجي البحدر ليهم في المرايا داااااااك، كل ما اشرقت شمس!
والله انا خايف الكاتب دا بكرة يقول الطفلة مرام تم اغتصابها من قبل ارترين وصوماليين لابسين جلاليب سودانية ها ها ها ها !!!!! واطفال المايقوما يجب ترحيلهم الي مقديشو واسمرا والطباخين شارع مدني نورررررررررررررر طويل ديل مكانم السودان لانو ارتريا والصومال مافيها مدني.