السعودية تبحث إمكانية استقدام العمالة المنزلية من السودان ودول أخرى

والله ياهو الفضل
الناس ديل وهم ولا شنو
سودانيه تشتغل خدامه ووين فى السعوديه
والله ما بنرضاها حتى لو الشعب السودانى كلو ما فضل فيه راجل واحد
:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

شوفوا يا ناس واسمعوا واعوا
من الله خلقنا نحن ما شفنا لنا خدامة سودانية
جامعة الدول العربية مانعة وظيفة خدامة من اي دولة عربية على اعتبار مافي حد احسن من حد
و800 ريال دي والله ما توكل عيش ولا شي
دحين الدايرة تتبشتن وتتعرض لمضايقات واحتقار اكثر مما احتقرنتا بيهو الحكومة دي التجي هنا
ولا عذر لمن انذر
والبتجي هنا بعثر لها
مشوا اندونيسيا ما لقوا ، المغاربة قالوا ما ديرانهم

يا ناس الحقونا الكلام دخل الحوش , بعد بلاوي د. عبد الهادي الذي نشر اسرار مرضاه, وبعد العبوديه اللي نحن فيها دي كمان السعوديين عاوزيين يخدموا نسوانا لا لا لال لالالالالا؟ نعمل منظمه نعمل اي شئ لنع هذا الاستغلال ,الحره تموت ولا تأكل ثديها , ولينا معاكم يوم يا الجبهجيه

نحن فى دول فى السعودية منذ ثلاثون عاما خلت و لم نشاهد اى خادمه سودانية و اكاد اجزم و احلف اليمين و انا صادق و منذ ان بدات الهجره و فتحت ابوابها و الطفره التى عمت دول الخليج و بموجب اللوائح المعمول بها فى جمهورية السودان الديمقراطيه يمنع منعا باتا منح اى امراة او فتاة تأشيرة خروج للعمل كخادمه و يستثنى من ذلك النعلمات و بمرافقة محرم و الممرضات و خريجات المعهد العالى للتمريض و تسمى فى السودان بالسستر و الاالطبيبات و حتى الواتى يعملن فى مجال التجميل و الخياطه غير مسموح لهن من ذلك .
يكفى ما نراه و ما نقراه و ما نشاهده من اضطهاد و اذلال للعماله الاجنبية اسيوية او عربيه لو افريقيه الا يكون هذا عبره لمن لا يتعظ .
اجلسن فى بلدكم و تحملوا سياسة الانقاذ افضل من المهانة و التكبر و الاسدراء و الاضطهاد و انى على يقين بان المراة السودانية لا تتحمل التعسف و المعامله غير الانسانية .
و ربنا اجيب الفرج و نستقدم نحن الخادمات من اسيا كما يفعل حكامنا اليوم ؟؟؟؟؟

القصد من العمالة المنزلية من السودان الســــــواقين وليس الخادمات لانه ممنوع في السودان تصدير خادمات واصدار جوازات سفر بهذه المهنه لكن التحايل علي الممنوع يكون بمهنة مربية منزلية وهنا الكارثة
وأرجو من حكومة سجم الرماد اصدار بيان عاجل بالرفض والتصدي لمثل هذه الامور التي ستكون وبال علينا بسبب الفقر والبطالة الحاصلة حاليا مع انهيار الجنيه والتضخم الحاصل ممكن كثير من النساء تقبل بهذه المهنة للهروب من واقع السودان المرير
وحين تذهب للمملكة سوف تصطدم بالواقع المرير وتفكر في الهرب واللجوء لاشياء اخري معيبه
حكومة السجم ستفرح بهذا الفتح وستفتح المجال للفتيات بالسفر حتي الي جهنم لان تفكيرهم الان كيف الحصول علي العملة الصعبة باي وسيلة من المغتربين

الله هزلت آخر الزمان يطلب من السودانيات بأن يكونو خدم لغيرهم بالله عليكم كيف ترضون ذلك وكيف تتجرأون بأن يكونو بناتكم خادمات فى المنازل أين أنتي يا حكومة السودان من ذلك لقد وصل الحال بكم حتي تبيعو فتيات السودان ليعملو خادمات أتقو الله يا حكومة السودان وأنهضو بالسودان و لنترك المشاكل فى من يأخذ هذه الوزارة وتلك أعملو من أجل السودان بدل المهاترات

طبعا مستحيل مستحيل مستحيل … لو الراتب 80000 الف في الشهر مستحيل …. ارجو من الحكومة النظر بعين الحكمة في هذا الموضوع

مستحـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيل

مــهيرة بنت عبـــــــــود دايرين يشغلوك خدامة بيوت

والله هذا استهتار واستهزاء برجولتنا كيف بالله نسمح لبناتنا العمل خادمات وعند هولاء ،،،،،،،،،،،،،،
لكن نرجع ونقول السبب هذا النظام الذي جوع وافقر وشرد وجعل الكثير التفكير باسغلال هذه الظروف
ولكن اذا حدث ذلك مافي راجل يقول انا سوداني وبدل سودان العزة يكون سودان الاهانة والذلة
بالله كيف لهولاء الاوغاد يفكروا في استقدام بناتنا حتي لو كانت مجرد فكرة فقط هم الظاهر ما بعرفونا
والله ان حدث ذلك مافي سوداني يكون عنده عزة ولاعرض ولا شرف لانو نحن عارفين اه البحصل لهن حتي لو كانت غير شقيقتك فانها سودانية وهذا يكفي

اود ان اطمن كل سوداني شريف بان هنالك قانون يمنع عمل المراة كخدم منازل في السعودية …..الا اذا اصدر قانون جديد ؟؟؟
والمراة السودانية قادرة علي حفظ ماء وجهها في كل العالم فهي تعمل بائعة وموظفة ومزارعة ولها شخصية تمكنها من امتحان الاعمال الهامشية الربحية بعيدا عن ما يدخلها في دائرة الشبهات والزل والهوان.
اناشد الاتحاد العام للمراة السودانية والبرلمان القومي ووزارة العمل بمناهضة اي قرار يهين قوارير السودان المصونات .
وبعدين اقول لاخواني وابهاتي وخيلااني واعمامي …انتو كمان ليكم دور في منع هزة الفوضي اللتي ستحدث اذا وافقت السلطات بطلب السعودية؟؟
بدل رجال الاعمال وكبار الموظفين والميسوري الحال (تجيبوا حبشيات واجنبيات )احسنوا في اخواتكم اللائي لهن الرغبة في العمل المنزلي بدل ما تتعرض للاهانة .
وعشان اي سوداني يقول افو نحن بناتنا ما بشتغلن خدامات واتحد اي زول في المملكة يقول عندو شغالة سودانية ………دي بس تكفي يا ناس واللة دي اخر الزمن؟؟؟؟؟ واللة عجايب الانقاذ الوطني ما عارفين والفينا مكفينا

لا وألف لا لعمل السودانيات خدم في بيوت السعوديين ، لن نسمح ولن نعرضهن للأنتهاكات والعنف الجسدي والجنسي واللفظي ، لاننا موجودون بالسعودية وندري بما يحدث للخادمات من فظائع ومايرتكب فيهن من جرائم .

ما اظن الحكومة توافق بإرسال خادمات بالمنازل وقالو السعيد يشوف في اخوهو بدل الغربة والعزاب يبقي للرجال ونحنا متحملين عشان خاطرن يقومن يجن هن والله مصيبة وهنت ياسودان لمجرد الفكرة زمان بقولو :
ياجت مالاً فرح ام سوميت …… ياكوكن فوقي الصقور ماجيت
والتعب ليهن امات ضفاير

مانامتكلمين عن الحكم و بناتنا بنقدر نحميهن الجية بس ماتصدقوا علي الموضوع واذكر احدث ايام مبارك في مصر عندما وافق علي عمل المصريات كخادمات كيف ان الاعلام والشعب وقف ضده الا ان اثناهو عن الموضوع

منو الهيعترض الناس دايرا تمرق انشالله 8 ريال الجووع كااااااااافر ياخ مافي كرامه مع الجوع

سبحان الله ..فى العيد ده قبله بايام قليلة كنت لافة فى اركويت مع قريباتى نبحث عن حبشية للشغل ولما لقيناها واتفقنا على السعر مشت تجيب حاجاتها طوالى استغربنا انها ما سالت البيت وين؟او تلفون وعلقت انه لو استمر الحال فى السودان كده حيجى اليوم نشتغل فى البيوت لكن ماقايلاه بالسرعة دى!!!حسبى الله ونعم الوكيل
حسبى الله ونعم الوكيل

احنا اولاد جعل نقعد ونقوم على كيفنا احنا فوق رقاب الناس مصلت سيفنا
حرّم بناتنا يشتغلن خادمات

الجبهجية اصحاب الكروش جاعوا بعد توقف دولارات البترول بعد الانفصال الآن بقوا يبيعوا في حريمنا الجوع كافر يا جماعة نعلت الله عليهم و علي آباهم الديوسين هذه حتكون نهايتم الديوسين ‏:mad: :mad: (؟) (؟)

مافي مستحيل تحت حكم الانقاذ وشوفوا بكرة الفضائح كيف يا هيف ….

حكومة قوادين وسماسرة ماذا ننتظر منها
بالتاكيد كل الانقاذيين بدوا يجهزوا شركات تصدير العمالة او ما يلازمها من ايصالات ضرائب, قيمة مضافة, زكاة, …………الخ

ازل الله البشير واعوانه ومن وافقه على اى رائ معقولة بلغت بيهم الزلة والمهانه يوافقو على امر زي دا
يعنى التعليم دمروه
الاقتصاد دمروه
الصحة دمروها
السياسة دمروها
السودان فتفتوه
والدعارة على قفا من يشيل
كمان عايزين يزلونا نحن برة بان يشغلو بناتنا خدامات وهو نحن في السودان ماراضين ليهم يشتغلو كمان في السعودية يعنى الواحد يمشى وراسو في الارض بين الشعوب التانية
اذا وقع الامر دا
والله افضل الواحد يرجع ويقاوم الفساد دا من داخل السودان وافضل ليهو يموت على يد الظالمين ديل ولا يجي يوم ينظر لينا نحن اخواتنا خادمات
والله واكبر والعزه للسودان والموت لاعداء الكرامه السودانية

لا حول ولا قوة الا بالله لعنة الله عليكم ايها الكيزان التافهين هذا آخر ما وصلتم له خادمات سودانيات ! ! ! وللعمل بالسعودية وبأجر فى حدود 800 ريال ! ! ماهـــــــــذا نعم والله لقد هنت يا سوداننا العزيز كما قلنا من قبل هؤلاء الخنازير يهمهـــــم جمع المال وبأى وسيلة طبعا حسبوها من الناحية المادية هذا استثمار جديد لهم وبئس استثمار البغاء هنالك الاف من النساء بذهبن للعمل كخادمات وكل واحدة ملزمة باستخراج وثائق من جنسيات وبطاقات وجوازات ورسوم تاشيرات ورسوم مغادرات ورسوم ………. المهم هذا الموضوع سزف يدر عليهم مليارات الجنيهات من عرق هذه النساء الضحيات . والله اقولها وبكل صدق امرأة تعمل فى السوق تعمل شاى او محل اكل وعصائر او حتى عاملة بمطعم فى وطنها افضل لها من 8000 ريال خارج الوطن ولا اريد ان اقارن بين نساء وطنى وبين الفلبينيات والاندونيسيات والسيرلانكيات وما شابه من حثالة دول العالم . مــــا كنا نتوقع مثل هذا يحصل لكن فى عهد حكومة الكيزان والبشير هذه كل شىء وكل مصيبة نتوقعها وفى اى لحظة أتمنى ان يهلك هؤلاء الرجال الديوسين والذين سمحوا بالعمالة النسائية للعمل بالخارج أتمنى هلاكهم قبل تتنفيذ هذا القرار الرخيص . ماذا بقى لنا من الرجولة والاخلاق ايها التعساء . ربنا يخسف بكم الارض اليوم قبل الغد ايها المناكيد .

عندنا عرض كويس للحكومة السعودية بدل خادمة سودانية عندنا خادم زول مفتول العضلات يعمل أي شغل في البيت.

حاليآ المغتربين السودانيين يحترمهم اهل السعودية لكن لو جابوا شغالات سودانيات المغتربين ديل يدسوا ريسانهم وين؟ ح نكون بعد ده فى مرتبة واحدة مع البنغالين والحبش

الحاجة التانية النسوان ديل حيتعرضوا لمضايقات وتحرشات واغتصاب .

والله انا اشوف الواحدة تشتغل فى بلدها ست شاى اشرف ليها من الذل الحتلقاه مع البدو ديل

وتانى حاجة مفروض السودانيين يكسروا ويحرقوا اى مكتب هجرة يفتح الباب ده

اى حاجة ولا شرف نسوانا

وحواء والدة رجال

ارجو واقترح علي جميع الاخوه السودانيين الاصيلين المعلقين والمطلعين علي هذا الخبر ارجو منهم بان نقوم بثوره مضاده لهذا الخبر حتي لا يتحقق
وبكره طاش ما طاش تقبل علي اخوانتا وبناتنا وتمسح بينا الواطه فلذلك نرجو من الاخوه السودانين تحريك الثوره المضاده لهذا الموضوع عبر النت والمواقع المختلفه وتحرض الاخوه الصحفيين في السودان لتناول هذا الموضوع الحساس يوميا وتحريك الموضع الي البرلمان السوداني وتحريك الناشطين السودانيين والمراءه السودانيه لتقف سدا لهذا المشروع المدمر للسمعه السودانيه والمراءه السودانيه وحرم والف حرم بناتنا اشتغلن خدامات كفايه الشايفنو باعيننا ما يحصل لبقيه الشغالات الاسيويات …… لا لعمل اي سودانيه شغاله

يا اخوانا المشلكة الاساسية الان ان بنانتنا نحن عايزين يشتغلونهم تحت جزم السعوديين هؤلاء الاقزام الجهلة والله ظفر سودانية واحدة بالسعودية وملكها وشعبها الجاهل ده كله. وبعدين نقول للجعليين الذين يتولون امور البلاد دي اذا انتم جعلييين ديوثيين وما عندكم نخوة ولا رجالة وبتبيعوا بناتكم من اجل دارهم معدودات .. دي حاجة بتخصكم انتم لوحدكم .. بس اياكم والتعميم على باقي السودانيان الاصيلات بنات الحسب والنسب . . يعني ممكن تسموها حوش بانقا للخادمات الجعليات.. لعنت الله على كل ديوث.
:mad: :mad: :mad: :mad: :mad: :mad: :mad: :mad: :mad: :mad: :mad:

في كرامة في السودان الرجال ماتو في كرري بناتكم واللة والله انا بخجل امش حديقه الراجل راقد حاتي سفه مجموعة من البنات السودانيات يلفو وعبيد السعوديه ماشين وراهم يوزعو الارقام كم مره يقبضوهم يحطفوهم ياحليلك يابلدنا السفاره مافاضين ماجاييين حدمه السوداني كلكم عارفين \\\\\\ جبهجيه وعرس مافي بس شغل طوالي\\\\\\

الشغل ما عيب بس العيب الاستقلال الماكويس من قبل الحكومة في السودان والمستقديمين السعوديين والرجال السودانين الممكن يستخدمو القصة دي بسلوب ماكويس……….يعني لو تم فتح مراكز اعداد وتاهيل للخادمات 1.عمر الموظفة 2.معرفة القراء والكتابة…………..الخ بعدين ياجماعة احسن تشتغل خدامة في السعودية؟؟؟؟ وله تزور دكتور عبدالهادي عشان تعيش في السودان؟؟؟؟ عارف كلو ماكويس بس اخف الضررين…………والله من وراء القصد

مسألة السودانية تشتغل خدامة ولا ما تشتغل دي مفروق منها المشكلة الكبيرة إنو الحمار المدعو البشير ده لحدي الآن حكومتو التافهة دي ما أصدرت بيان شجب ورفض لهذا الكلام الإستفزازي . لازم الحمار ده يكون ليهو رد فعل

NOOOOOOOOOOOOOOOOOOOOOOOOO
SHAMEFUL

انا مغترب فى لسعودية … والله لو يصبح الكلام ده واقع .. قسم بالله ما اقعد فيها ولا دقيقة .. بصراحة السعوديين وغيرهم من الجنسيات ما بنقدر نوريهم وجههنا تانى

ارجو من جميع المعلقين والحاذقين على امر الوطن الحبيب ان يتفقوا على تحديد شخصية من المعلقين يكون كأمير على المعلقين وهو بدورة يقوم بتحديد زمن للدعاء على اهل الانقاذ وان يلتزم الجميع بالدعاء عليهم في الزمن المحدد عسيى ان يكون فيما بيننا من هو صالح ويستجيب الله له بازاله هولاء الطغمة عن صدورنا ويولي من يصلح بشرط الدعاء في زمن واحد وتكرار ذلك عده ايام تحدد من قبل الامير.

( معارضينا يحتاجون ايضاً لدعاء يرفع هممهم )

والله يأتي الملك من يشاء وينزع الملك ممن يشاء

:confused: مشكلتكم إنتو يا سودانيين ناس مطنقعين في الفاضي ساي وعاملين فيها ناس عرب ومساوين نفسكم بي ناس ربنا أداهم العروبه كأصل وعرق يعني مميزين من باقي الخلق كناس أما إنتم عرب لسان ساي بس …. دنقلاوي ومحسي وحلفاوي وديل ناس بعتزو بجنسهم النوبي لكن في ناس جدي العباس ديل عايزين يتساوا مع العرب في النسب يا ناس الإختشو ماتو بالجد عشان كده لامن قالو ليكم عايزين خادمات قلتو الروب ما بالكم اليمانيه أصل العروبه يقولو شنو؟لامن الكيزان يقتلو أهلكم في دارفور إنتو ساكتين ساي يا عرب ولسه الجايات كتيره مش من باب الشماته لكن من باب السكوت عن كلمة الحق ح تجيب ليكم بلاوي وسيتذوق الجميع طعم المرارة وربنا عادل………مع حبي ليكم يا عرب يا حلوين:eek:

رد على الجعلى حكومتك هذة وافقت على جلب 500 الف اسرة مصرية كدفعة اولى للاستيطان فى السودان وانتم عاوزين ترسلوا بناتكم للسعودية الحكـــــــــــــــــــــــــــاية تحسين نسل ولة شنو

لو ماجيتا من زي ديلا

وآسفــــــاي … وآ مأسأتــــــي .. وآ ذلــــــــــــــــي…

شكرأ أخواني وأخواتي المعلقين الشرفاء

نرجو من الحكومة السودانية عدم النوافقة علي هذا الطلب وكفاية مرمطة لحفظ ماتبقي من كرامة وماء وجهه .

البيباري دجاج بوديهو الكوشه!!!!

وكلمة للمنتظرين الحكومة السودانية ترفض :
مش ياها الحكومة السودانية الجابت ليكم العرب في السودان وقعدوا يبرطعوا يمين وشمال في بناتنا ؟؟
مش ياها الحكومة الجابت ليكم البنغالة الاتزوجوا بناتكم ؟؟؟
مش ياها الحكومة الجوعتكم وقالت ليكم قاطعوا اللحمة ؟؟

دي حكومة آخر حاجة تفكر فيها مصلحة الشعب وعرض الشعب وشرف الشعب

يا محسي دنقلاوي
انت سوق بناتك وديهن لاسيادك السعودين ديل عشان يدوك التابعية
مش تدعو الاخرين يا (طباخ) وطباخ دي للذكياء

العمل ماعيب… لكن العيب هو الحيحصل ليهم هناك في بيوت السعوديين …… وليس من رأي كمن سمع

هوى يامحسى فتح عينك فاذا كان السعوديون اولياء نعمتك فنحن لسنا من امثالك فهل ترضاها للاختك ؟ فاذا كانت اجابتك لا فالذى لاترضاه لنفسك .لاترضاه للآخرين اذا كنت منصفا كما ارجو من حكومتنا بان ترد على هذه الاهانه الرد الذى يعيد لنا كرامتنا المهدوره من قبل المملكه السعوديه

هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا
من رجْسِها، حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
:mad: :mad: :mad: :mad: :mad: :mad: :mad: :mad: :mad: :mad:

اللهم لا تمكن حكومة الانقاذ من هدر ما تبقى لنا من كرامه حرصنا عليها رغم المرارات والإحن

اللهم عليك بهم ……… اللهم شتت شملهم وارخى قبضتهم عن الشعب السودانى اللهم اجب

اللهم تفاضلوا علينا وزكوا انفسهم بأنهم اسلامييين—- والاسلام برىء من فعالهم—–وادعوا ان من خالفهم عدو للاسلام والمسلمين ،وانت تعلم ما فى النفوس اللهم عليك بهم اللهم سلط عليهم ما سلطته على الجبابره والفراعنه .

اللهم ضاقت علينا الارض بما رحب وكثر الهرج والمرج والزنا والخنا بسبب سياسة التجويع والتركيع. والان ياربنا ويا مولانا يدبرون ويمكرون لاذلال هذا الشعب الكريم الابى ببيعه فى سوق ناخسة من لايرعى حرمة ولا ذمه .اللهم لا تمكنهم اللهم لاتمكنهم اللهم لا تمهلهم حتى يبرموا ما دبروا.
آآآآآآآآآآآآآآآآآميييييين

إلى الدكتور مفرج الحقباني، نائب وزير العمل، هذه تجارة رقيق .
هل يعقل أن تتراوح رواتب العمال ما بين 220 و270 دولا , في حين أن
ورسو التأشيرة والاستخدام 2,160 دولار , ومن سيدفع هذه الرسوم؟
أين العدل وأين منظمة حقوق الإنسان ؟

الريس عمر البشير / على عثمان / نافع على نافع / عوض الجاز ….. والبقية الباغية من العصبة المسلطة على رقاب الشعب السوداني المدعين الإنتماء للعباس بن عبدالمطلب
– قرار عمل المرأة السودانية خادمة منزلية ؟ هل تقبلونه على أمهاتكم وزوجائكم وبناتكم وأخواتكم وخالاتكم وعماتكم وبنات أهلكم ونسائكم الأقربين؟
– قد تحتجون بأن بعض النساء فى السودان يعملن بالبغاء والدعارة أو فى مهن هامشية مثل بيع الشاي والطعام فى الطرقات والأسواق. ولكن والله ثم والله إن ذلك أكرم لهن مليون مرة من أن يعملن خارج السودان – حفاظاً على سمعة البلد.
– وإليكم بعض الوقائع الحقيقية التى يشيب لها الولدان : سألت إحداهن زميلتها المشرفة على حلقة تحفيظ القرآن عن إختلاء أولادها الشبان بخادمتها الاندونيسية وذلك لا يجوز شرعاً!! ردت عليها: أليس أفضل من أن يرتكبوا الفاحشة مع أي بنت من بنات الجيران؟ (هذا يعنى أن الخادمة حلالهم – ما ملكت أيمانهم).
– هذا غير المعاملة القاسية وصنوف الإيذاء والتى تؤدى لفقدان العقل وانتقام بعض الخادمات من كفلائهن وأسرهم إلى درجة ارتكاب جرائم القتل بحق الكفيل وأسرته وأطفاله.
– قد تحتجون بأن بعض السودانيات استقدمن بمهنة عاملة منزلية ولكن غالبيتهن استقدمن عن طريق أزواجهن تحايلاً.
– اتقوا الله فى بنات ونساء السودان. اتقوا الله فى سمعة بلادنا التى تمرغت بالتراب.
– فتح هذا الباب سيفتح عليكم كوة من غيظ جهنم وسيعجل بزوال نظامكم القمعى المتهالك .
اللهم عليك بعصبة الانقاذ الظالمة .
اللهم شتت جمعهم وفرق كلمتهم وأرنا فيهم يوما أسودا كيوم عاد وثمود
اللهم اجعل تدبيرهم تدميرهم وكف عنا شرورهم

السلام عليكم
قبل الاجابة على إمكانية استقدام العمالة المنزلية من السودان ابدا بشئ من المشهد الخليجى كما اراه من موقعى فى دولة خليجية حيث اعمل لاكثر من سبعة سنين
نظرة العرب للاخر لا زالت يحكمها ثنائية الحر و العبد تجد هذا فى تعاملهم حتى فى نطاق مجتمعهم الخليجى الضيق
القبائل تاتى فى المرتبة الاولى و القبائل درجات
ثم افراد القبيلة فى الدرجة الاولى و القبيلة نفسها تنقسم لافخاذ تختلف مجدا و عزا
بعد القبائل مجموعات من اصول عربية انقطعت صلتها باصولها بسبب امتهانها اعمالا يدوية تحط من القدر و ان كانت اعمالا شريفة , فمن تقاليدهم فى الماضى, كان الاعتداء على الحجيج و نهبهم اكرم من عمل اليد
ياتى بعد هؤلاء طرش البحر من متخلفى الحج و متخلفى الدولة الاسلامية من عهد الرسول صلى الله عليه وسلم و من اتى بعده من الخلفاء و الدول الاسلامية التى نشات فى جزيرة العرب
ثم فى ذيل القائمة من كان فيهم عرق العبودية و السود تحديدا
لسوء حظ دول الخليج لم يشهدوا فترة نقاهة مع رياح التغيير التى انتظمت العالم فى النصف الثاى من القرن العشرين ليتعافوا من ترسبات عهد الرق
الغاء و تحريم الرق تم فى الستينات مع ظهور البترول
تم التعويض سريعا باموال البترول
السيد العربى تحول الى الكفيل يمارس علي المقيم ما ظل لعهد طويل يمارسه عىلى العبد
و بنفس القدر مع الشغالة و هى الجارية حكما
فالشغالة كجارية و لاعتبارات كثيرة تجد نفسها بالاضافة للعمل المضنى طوال اليوم تلبى رغبات فحول البيت و اولى القربى
اولى القربى اولى بالمعروف
لهذا السبب نجد كثيرات من الشغالات تهرب من بيت الكفيل فى البلد الخليجى الى فضاء الله الواسع لتكون سيدة نفسها على و تعرق ذلك العرق لنفسها. على الاقل تكون تخلصت من العمل المضنى
و لتمارس اقدم مهنة فى التاريخ بمقابل هذه المرة بدل السخرة فى بيت الكفيل
هذه حقيقة الخادمة فى دول الخليج
لا كرامة و لا حقوق و لا يحزنون
و الان اخى الكريم هل ترضى لمحارمك او غيرهن من بنات الوطن هذا المصير
تونس هى الدولة العربية الوحيدة التى ترى كرامة للشغالة و يسمونها معينة منزلية
هذه المعينة تعمل لثمانى ساعت فقط فى اليوم و لها الحق فى عطلة يومين فى الاسبوع
و لانها معينة فلا تتوقع منها القيام بكل اعمال البيت فهى اتت لمساعدتك فى جزء من اعمال البيت
و هى مع ذلك تنتظر منك الشكر على ما ادته من عمل فى نهاية دوامها ..يومها
و يقف على حقوق معينات المنازل فى تونس كتيبة محامين من قبل وزارة العمل , هم من النوع الذى نقول عنهم فى السودان متلقين حجج
ان تذهب السودانية كمعينة منزلية الى تونس نعم
ان تذهب كمعينة منزلية عند الكفار فى اوربا نعم
ان تذهب كمعينة منزلية عند الكفار فى اميركا او كندا نعم
ان تذهب كمعينة منزلية عند اليهود فى اسرائيل نعم
فرسولنا الكريم صلى الله عليه و سلم ربط الهجرة و هذه نقيس عليها الهجرة لطلب الرزق ربط ذلك الى حيث من لا يظلم عنده احد
لهذا هاجر الصحابة و معهم ابنته رقية الى نجاشى الحبشة حيث لا يظلم عنده احد
و الذى لا يظلم عنده احد فى وقتنا الراهن ليس فى الخليج و لا فى بلاد الحرمين

العمل ليس عيباً وليس هناك حرج ان تشتغل المرأة في اي مجال متى ماكان عملها شريف وتتطلع فيه لسبل العيش الكريم ويجب على المعلقين ان يكونوا منطقيين وان يتعاملوا مع الامور بعقلية بعيد عن العواطف وأن عمل المرأة في منزل ليس فيه انقاص لحقها كانسانة ولا يرتبط بالشرف والاهانة كما يتصور البعض بل أفضل للمرأة ان تعمل بعرق جبينها من أن تعمل في مجال غير شريف لان هناك نساء فقيرات ليس لهن دخل محدود وأن المملكة العربية السعودية بلد يشهد لها بالاسلام فاذا ماوافقت المرأة بمحض ارادتها للعمل فهذا حق من حقوقها بعد أن تقوم الدولة بعمل عقد عمل لها يحميها ويحمي حقوقها يجب على الاخوة ان يكونوا على درجة عالية من الوعي والادراك فاذا كنت انت ميسور الحال واهلك اغنياء فهنالك فقراء ومساكين لا يحصلون على قوت يومهم فإن العمل الشريف اجدى وانفع لهم ، وأن هناك جنسيات كثيرة تعمل بناتها في مجال خدمة المنازل وفي مجال نظافة المستشفيات ولا يمكن بأي حال من الاحوال وصفهم بأنهم غير شريفات او أن هذا العمل يخالف العادات والتقاليد والدين الحنيف ، فإنني انظر إلى هذا الموضوع من زاوية موافقة المرأة نفسها فإذا كانت ترغب بارادة حرة مختارة وأن الحاجة دعتها لقبول هذا العمل فليس من حق أي كائن أن يرفض طلبها مادام عملها في حدود اللوائح والقوانين والاخلاق وحسن السير والسلوك ، هناك نساء سودانيات كثيرات بحاجة للعمل وبحاجة للمال ويعانون من ظروف مالية صعبة فالعمل عبادة وليس هناك فرق بين الطبيب والخادمة مادام عمل شريف ومصرح به دنياً وقانونياً وليس فيه انقاص لحقوق المرأة أو اساءة لكرامتها ، فالوعي مطلوب والحكمة ايضاً والله هو المرتجى وهو خير معين