مظاهرات داعمة للخلاص في (5) عواصم عالمية
تظاهر السودانيون في عدة دول عالمية أمس بالتزامن مع مسيرات الخلاص بالدخل أمام السفارات السودانية في بريطانيا وهولندا وأمريكا وألمانيا وكندا ضد الجوع والغلاء وإسقاط النظام ونظم عشرات السودانيين أمس وقفة احتجاجية أمام السفارة السودانية بلندن تضامناً مع مسيرة الخلاص ببحري. وردد المتظاهرون هتافات تدعو لإسقاط النظام وتنادي بسلمية التظاهر ورفض الغلاء وارتفاع الأسعار.
واستدعت السفارة السودانية الشرطة البريطانية وامتنعت عن استلام مذكرة تم إعدادها بواسطة المتظاهرين.
وفي هولندا تظاهر عشرات السودانيين أمس الأربعاء أمام السفارة السودانية في مدينة لاهاي تضامناً مع مسيرة الخلاص وخاطب المظاهرة التي استمرت من الساعة الواحدة حتى الساعة الثالثة ظهراً عدد من ممثلي القوى السياسية والروابط والاتحادات السودانية في هولندا.
وأعلن مصطفى عبد الرحمن علي دينار في كلمته أمام المتظاهرين تضامن الجالية السودانية في هولندا مع مسيرة الخلاص التي نظمتها المعارضة ببحري. وندد بالاعتقالات والغلاء وارتفاع الأسعار وأكد مناهضتهم لهيمنة المؤتمر الوطني على الأوضاع في البلاد وفصل وتشريد عمال الخدمة العامة.
وفي العاصمة الأمريكية واشنطن تظاهر أيضا عشرات السودانيين أمس الأربعاء أمام السفارة السودانية بواشنطن تضامنا مع الاحتجاجات التي انتظمت الخرطوم وعدد من مدن السودان تنديداً بالغلاء وارتفاع الأسعار. وقال معتصم احمد صالح الناطق الرسمي بإسم تحالف قوى المعارضة السودانية بأمريكا “إن مظاهرة واشنطن تأتي في إطار المظاهرات التي انطلقت في عدد من العواصم والمدن الغربية مثل اوتاوا وتونتو و كالقري في كندا ولندن وهولندا والسويد تعبيراً عن التضامن مع مسيرة الخلاص التي نظمتها المعارضة أمس بالسودان.”
وفي نيويورك سلم عدد من القيادات السياسية والمدنية مذكرة لرئيس مجلس الأمن لشهر يناير وممثل كازخستان السفير كيرات عمروف ومساعد الأمين العام للأمم المتحدة لحقوق الإنسان أندريو قلمور، بالإضافة إلى منظمة العفو الدولية وهيومان رايتس ووتش. وقال معتصم “إن المذكرة نددت بانتهاكات حقوق الإنسان في السودان ، وقمع المظاهرات السلمية والاعتقالات التي طالت المئات من القيادات السياسية والصحفيين والناشطين كما استنكرت المذكرة المصادرات المتكررة للصحف. وأضاف معتصم احمد صالح الناطق الرسمي بإسم تحالف قوى المعارضة السودانية.
وفى العاصمة الالمانية برلين خرج عشرات السودانيين فى تظاهرة حاشدة نددوا بالغلاء وارتفاع الأسعار وطالبوا المتظاهرين بإطلاق المعتقلين فورا ووقف الحرب وتسليم المطلوبين لدى المحكمة الجنائية الدولية انفسهم للمحكمة ، الى جانب تقديم كل من نهبوا وأفسدوا وأجرموا فى حق الشعب السودانى للمحاكمة. وقال المتظاهر سيف الدين مساعد عوج الدرب “إن السودانين بالمانيا بالتزامن مع مسيرات الخلاص بالداخل تظاهروا أمس أمام السفارة السودانية ببرلين ورددوا شعارات تندد بالغلاء وتنادي برحيل النظام وتدعو الجيش والشرطة للانحياز للشعب.”
(دبنقا)
صفوف# الوف _من _اجل_الوطن
بالله يا جماعة عاوزكم بروااااقة ..نتناقش ونتفاكر في الامر دا @@
كلكم ملاحظين حجم الركود الاصابنا وقلة الحماس مهما ادعينا واظهرنا حماس زايف والتكرار المملل في المواضيع لاظهار سوء العصابة الحاكمة العارفنها كلنا …
واكيد ملاحظين انه (الجداد ) شغال قرف في شغلهم الخبيث في العمل على الاحباط والتثبيط باساليب اقل ما يقال عنها بانها مكشوفة وخبيثة وماكرة وعقيمة ..
يعني يا شباب هم مواصلين في حراكهم وخططهم ونحن لا زلنا في اتباع نفس الطرق والاساليب والتي لم تصعد احتجاجاتنا لاعلى مستوياتها وصولا لاقتلاع هذا السرطان الجاثم على جسد الوطن قراية ال 30 سنة ..!!
الوقفات والاحتجاجية والمظاهرات ال دعت لها المعارضة في الخرطوم /وام درمان/ وبحري نجحت بشكل محفز حتى اكثر المتشائمين مندهش وما مصدق ..
وانا عندي اسئلة ليكم اسئلة ليكم كلكم واجابات على الاسئلة بالسنتكم شنو كان الهدف الاساسي من تلك الدعوات ؟؟
*هل كان اسقاط النظام بالقاضية ؟؟
ج/ طبعا لا ..
*هل هي لزيادة الضربات المتتالية على النظام المتهالك المتشقق ؟؟
ج/ اكيد نعم ..
*هل الضربات دي موجعة و بتزيد التشقق والتفكك حتى ينهار ؟؟
ج/ ايوة طبعا ..
*هل حققت تلك الاحتجاجات التوحد والالتفاف والتلاحم ؟؟
ج/ نعم كبيييييرة ..
*طيب شنو المطلوب بعد دا ؟؟
نتراجع ونتغالط ونرجع بيوتنا عشان نجحنا في تحقيق اهداف كانت منتظرة من الاحتجاجات دي !!
*الحديد عشان يتشكل بالصورة العاوزنها مفروض نعمل شنو ..؟؟
طبعا لازم نضرب عليه وهو ساخن لسهولة تشكيله في الحالة دي وعشان نحن العاوزين الشكل النهائي ليهو ..
*لكن لو برد حيكون من الصعوبة نشكله كما نود حنبدأ من الصفر لغاية ما نصل درجة الغليان والسخونة .
كلكم لاحظتوا الحماس والتفاعل والانتشار الرهيب لما تم الاعلان عن تلك الاحتجاجات وكان التجاوب فوق الخيال والحماس كبير جدا ومواقع التواصل في تفاعل وحراك بلغ مداه وكل العالم عرف اننا ناوين على عمل وشغل كبير ..
نحنا في حاجة لفعل قوى وجماعي وحماسي ..
المظاهرات بشكلها المعلن مسبقا بمكان وزمان محدد فيه سلبيات كثيرة رغم نجاحها في توحدنا وحماسنا ونعتبرها تمرين جيد للقادم وحنرجع ليها لانها ضرورية وبتشكل اكبر الضربات في وجه العصابة وعشان كده (جعيرهم وصراخهم وجقلبتهم) كلها كانت خوفا من خروج الناس للشوارع ..
بس نحنا اذكى منهم بالتاكيد واقوى منهم واكتر منهم بمراحل ..
طيب المطلوب شنو .؟
في فكرة طرحتها من بعد العصيان وحاعيدها اليوم تاني والفكرة بصراحة وجدت نجاح وقبول منقطع النظير وفي خلال ساعات انتشرت بشكل كبير خلى الدجاج يشن هجوم على صفحتي ونجحوا في قفلها واعدت الفكرة بحساب جديد وعملوا نفس الشيء ثلاث مرات …وانا متوقع ان يتم نفس الحصل معاي عشان كده بطلب من الشباب دعم صفحتي باي شكل..
وياريت يقوم بعضكم بنسخ المنشور واعادته مرات ومرات في حال تعرض صفحتي للهجوم المتوقع ..
ويا ريت اخوانا في القروب يتبنوا الفكرة بشكل جدي وعاجل لانه الزمن ما في صالحنا..
طيب بعد المقدمة الطويلة دي الفكرة شنو …؟؟
**الفكرة كانت وقفة جماعية في الشوارع الرئيسية بشكل سلمي بلا هتاف .. ***
صفوف# الوف _من _اجل_الوطن
وحاطرح الفكرة بشكل اوسع وازيد في شرحها واكيد هي قابلة للنقاش الى ان نصل للشكل والاتفاق النهائي..
الفكرة ما جديدة قبل كده تم تنفيذها من قبل المحاميين الديمقراطين والصحفيين الاحرار واسر المعتقلين في وقفاتهم الاحتجاجية المعروفة وعملوها بعض الشابات الراقيات الغيورات في شارع المطار ايام اعلان رفع الدعم عن الادوية ..
طيب كيف مكن نطور الفكرة ونوسعها ؟؟
*حنقيف وقفة( صاامتة ) في صفوف طويلة وممتدة على جوانب الشوارع الرئسية في كل الاحياء ..
*حنطلع حتى الاطفال معانا وحنشركهم في الهم الوطني ..
(أي شارع رئيسي من أي بيت في الحي لو بعيد خالص ما ببعد اكتر من 500 متر ..)
* الشوارع الرئيسية المقصودة هى الشوارع الكبرى في كل حي (مثلا وليس تحديدا ..(شارع الشنقيطي) لسكان الثورات ? (شارع الشجرة ) لسكان اللاماب والشجرة والعزوزاب ? (شارع عبيد ختم) لسكان البراي والرياض واركويت ? (شارع الصحافة ظلط) لسكان الصجافات والامتداد ? (شارع االجريف شرق) لسكان الجريف – وووو…..)
* ما ح نهتف ولا ح نكورك ولا حنسد الشوارع ولا حنوقف حركة المرور..
*الوقوف حيكون على بعد مترين من الشارع في صفوف ممتدة ..
*أي واحد ح يقيف في الصف الاقرب والمقابل لبيته ..
*ح نشبك الايادي ونضع كمامات على الفم (دلالة على انها وقفة صامتة) مكتوب عليها عبارات متفقة عليها لزيادة السلمية في ممارسة حقوقنا الدستوربة ..
*الوقفة حتكون قبل المغرب بنص ساعة وينفض الناس بعد اذان المغرب مباشرة بشكل هادئ ..
* الوقت المحدد ما وقت عمل عشان يفصلوا واحد مننا ولا وقت مدرسة عشان يجلدوا طلابنا .
*في الوقت المحدد أي صاحب مركبة عامة او سواق ركشة يجنب في اقرب وقفة ويقيف مع شعبه لمدة نص ساعة وممكن بعد داك يوصل البعيدين (مشوار مضمون بحقه ) ..
*في الوقت المحدد أي صاحب متجر او محل يقفل محله ويقيف مع شعبه قصاد محله في الشارع لمدة نص ساعة بدون خسارات او مضايقات ..
*في الوقت المحدد أي واحد مار بالشارع وشاف الناس واقفين ياخر مشواره لمدة نص ساعة عشان الوطن .
* في الوقفات دي مستحيل نتعرض لمطاردات او كر وفر وجرى وبمبان واطلاق نار وغيرها من وسائلهم المعروفة في تشتيت التجمعات (وحنكون كتلنا ليهم الدش في ايدهم )وحتى لو حصل حنتفرق بهدوء وسلامة لبيوتنا القريبة ..
* وح نحرص على الدفاع على سلمية الوقفة وما ح ندى فرصة للمخربين ح نحافظ على سلميتنا عشان معانا اطفال واسر..
* كضاب وستين كضاب الح يقول اننا حنتعرض للخطر وحنعرض اطفالنا للخطر بالوقفات دي .
* طيب واحد ممكن يسأل ايه الهدف المرجو من هذه الوقفات ؟؟!
الاجابة مختصرة جدا ما ننسى يا شباب بانو الثورة فعل تراكمي بتزيد بقوة الارادة والحماس والابتكار في طريق شاق ملئ بالمتاريس والاشواك وكل ما نفتح باب في طريق الثورة بنصل للهدف المنشود واكيد هذه الوقفات ان نجحت حتثبت للعالم كله مدى تحضرنا وسلميتنا ..وبالنسبة للجماعة المنبوذين الهنا حنوريهم مدى رفضنا لهم باستفتاء ظاهر وباين بدون انتخابات مخجوجة وبطيخ …
عاوز اكثر من الفين ( لايك) لزيادة الحماس واضمن ليكم الترويج للفكرة على اوسع نطاق ..
عاوز (تعليقات) مؤيدة او معارضة (عدا الدجاج بنعرفهم من ريحتهم )…
عاوز( شير) عشان نطرح الفكرة على اكبر عدد من المهتمين بامر الوطن …
صفوف# الوف _من _اجل_الوطن
اكرر دعم الفكرة ونسخ المنشور في حالة تعرض صفحتي للهجوم المتوقع …
وحنبنيهو البنحلم بيهو يوماتي …
وطن شامخ وطن عاتي ..
صفوف# الوف _من _اجل_الوطن
صفوف# الوف _من _اجل_الوطن
بالله يا جماعة عاوزكم بروااااقة ..نتناقش ونتفاكر في الامر دا @@
كلكم ملاحظين حجم الركود الاصابنا وقلة الحماس مهما ادعينا واظهرنا حماس زايف والتكرار المملل في المواضيع لاظهار سوء العصابة الحاكمة العارفنها كلنا …
واكيد ملاحظين انه (الجداد ) شغال قرف في شغلهم الخبيث في العمل على الاحباط والتثبيط باساليب اقل ما يقال عنها بانها مكشوفة وخبيثة وماكرة وعقيمة ..
يعني يا شباب هم مواصلين في حراكهم وخططهم ونحن لا زلنا في اتباع نفس الطرق والاساليب والتي لم تصعد احتجاجاتنا لاعلى مستوياتها وصولا لاقتلاع هذا السرطان الجاثم على جسد الوطن قراية ال 30 سنة ..!!
الوقفات والاحتجاجية والمظاهرات ال دعت لها المعارضة في الخرطوم /وام درمان/ وبحري نجحت بشكل محفز حتى اكثر المتشائمين مندهش وما مصدق ..
وانا عندي اسئلة ليكم اسئلة ليكم كلكم واجابات على الاسئلة بالسنتكم شنو كان الهدف الاساسي من تلك الدعوات ؟؟
*هل كان اسقاط النظام بالقاضية ؟؟
ج/ طبعا لا ..
*هل هي لزيادة الضربات المتتالية على النظام المتهالك المتشقق ؟؟
ج/ اكيد نعم ..
*هل الضربات دي موجعة و بتزيد التشقق والتفكك حتى ينهار ؟؟
ج/ ايوة طبعا ..
*هل حققت تلك الاحتجاجات التوحد والالتفاف والتلاحم ؟؟
ج/ نعم كبيييييرة ..
*طيب شنو المطلوب بعد دا ؟؟
نتراجع ونتغالط ونرجع بيوتنا عشان نجحنا في تحقيق اهداف كانت منتظرة من الاحتجاجات دي !!
*الحديد عشان يتشكل بالصورة العاوزنها مفروض نعمل شنو ..؟؟
طبعا لازم نضرب عليه وهو ساخن لسهولة تشكيله في الحالة دي وعشان نحن العاوزين الشكل النهائي ليهو ..
*لكن لو برد حيكون من الصعوبة نشكله كما نود حنبدأ من الصفر لغاية ما نصل درجة الغليان والسخونة .
كلكم لاحظتوا الحماس والتفاعل والانتشار الرهيب لما تم الاعلان عن تلك الاحتجاجات وكان التجاوب فوق الخيال والحماس كبير جدا ومواقع التواصل في تفاعل وحراك بلغ مداه وكل العالم عرف اننا ناوين على عمل وشغل كبير ..
نحنا في حاجة لفعل قوى وجماعي وحماسي ..
المظاهرات بشكلها المعلن مسبقا بمكان وزمان محدد فيه سلبيات كثيرة رغم نجاحها في توحدنا وحماسنا ونعتبرها تمرين جيد للقادم وحنرجع ليها لانها ضرورية وبتشكل اكبر الضربات في وجه العصابة وعشان كده (جعيرهم وصراخهم وجقلبتهم) كلها كانت خوفا من خروج الناس للشوارع ..
بس نحنا اذكى منهم بالتاكيد واقوى منهم واكتر منهم بمراحل ..
طيب المطلوب شنو .؟
في فكرة طرحتها من بعد العصيان وحاعيدها اليوم تاني والفكرة بصراحة وجدت نجاح وقبول منقطع النظير وفي خلال ساعات انتشرت بشكل كبير خلى الدجاج يشن هجوم على صفحتي ونجحوا في قفلها واعدت الفكرة بحساب جديد وعملوا نفس الشيء ثلاث مرات …وانا متوقع ان يتم نفس الحصل معاي عشان كده بطلب من الشباب دعم صفحتي باي شكل..
وياريت يقوم بعضكم بنسخ المنشور واعادته مرات ومرات في حال تعرض صفحتي للهجوم المتوقع ..
ويا ريت اخوانا في القروب يتبنوا الفكرة بشكل جدي وعاجل لانه الزمن ما في صالحنا..
طيب بعد المقدمة الطويلة دي الفكرة شنو …؟؟
**الفكرة كانت وقفة جماعية في الشوارع الرئيسية بشكل سلمي بلا هتاف .. ***
صفوف# الوف _من _اجل_الوطن
وحاطرح الفكرة بشكل اوسع وازيد في شرحها واكيد هي قابلة للنقاش الى ان نصل للشكل والاتفاق النهائي..
الفكرة ما جديدة قبل كده تم تنفيذها من قبل المحاميين الديمقراطين والصحفيين الاحرار واسر المعتقلين في وقفاتهم الاحتجاجية المعروفة وعملوها بعض الشابات الراقيات الغيورات في شارع المطار ايام اعلان رفع الدعم عن الادوية ..
طيب كيف مكن نطور الفكرة ونوسعها ؟؟
*حنقيف وقفة( صاامتة ) في صفوف طويلة وممتدة على جوانب الشوارع الرئسية في كل الاحياء ..
*حنطلع حتى الاطفال معانا وحنشركهم في الهم الوطني ..
(أي شارع رئيسي من أي بيت في الحي لو بعيد خالص ما ببعد اكتر من 500 متر ..)
* الشوارع الرئيسية المقصودة هى الشوارع الكبرى في كل حي (مثلا وليس تحديدا ..(شارع الشنقيطي) لسكان الثورات ? (شارع الشجرة ) لسكان اللاماب والشجرة والعزوزاب ? (شارع عبيد ختم) لسكان البراي والرياض واركويت ? (شارع الصحافة ظلط) لسكان الصجافات والامتداد ? (شارع االجريف شرق) لسكان الجريف – وووو…..)
* ما ح نهتف ولا ح نكورك ولا حنسد الشوارع ولا حنوقف حركة المرور..
*الوقوف حيكون على بعد مترين من الشارع في صفوف ممتدة ..
*أي واحد ح يقيف في الصف الاقرب والمقابل لبيته ..
*ح نشبك الايادي ونضع كمامات على الفم (دلالة على انها وقفة صامتة) مكتوب عليها عبارات متفقة عليها لزيادة السلمية في ممارسة حقوقنا الدستوربة ..
*الوقفة حتكون قبل المغرب بنص ساعة وينفض الناس بعد اذان المغرب مباشرة بشكل هادئ ..
* الوقت المحدد ما وقت عمل عشان يفصلوا واحد مننا ولا وقت مدرسة عشان يجلدوا طلابنا .
*في الوقت المحدد أي صاحب مركبة عامة او سواق ركشة يجنب في اقرب وقفة ويقيف مع شعبه لمدة نص ساعة وممكن بعد داك يوصل البعيدين (مشوار مضمون بحقه ) ..
*في الوقت المحدد أي صاحب متجر او محل يقفل محله ويقيف مع شعبه قصاد محله في الشارع لمدة نص ساعة بدون خسارات او مضايقات ..
*في الوقت المحدد أي واحد مار بالشارع وشاف الناس واقفين ياخر مشواره لمدة نص ساعة عشان الوطن .
* في الوقفات دي مستحيل نتعرض لمطاردات او كر وفر وجرى وبمبان واطلاق نار وغيرها من وسائلهم المعروفة في تشتيت التجمعات (وحنكون كتلنا ليهم الدش في ايدهم )وحتى لو حصل حنتفرق بهدوء وسلامة لبيوتنا القريبة ..
* وح نحرص على الدفاع على سلمية الوقفة وما ح ندى فرصة للمخربين ح نحافظ على سلميتنا عشان معانا اطفال واسر..
* كضاب وستين كضاب الح يقول اننا حنتعرض للخطر وحنعرض اطفالنا للخطر بالوقفات دي .
* طيب واحد ممكن يسأل ايه الهدف المرجو من هذه الوقفات ؟؟!
الاجابة مختصرة جدا ما ننسى يا شباب بانو الثورة فعل تراكمي بتزيد بقوة الارادة والحماس والابتكار في طريق شاق ملئ بالمتاريس والاشواك وكل ما نفتح باب في طريق الثورة بنصل للهدف المنشود واكيد هذه الوقفات ان نجحت حتثبت للعالم كله مدى تحضرنا وسلميتنا ..وبالنسبة للجماعة المنبوذين الهنا حنوريهم مدى رفضنا لهم باستفتاء ظاهر وباين بدون انتخابات مخجوجة وبطيخ …
عاوز اكثر من الفين ( لايك) لزيادة الحماس واضمن ليكم الترويج للفكرة على اوسع نطاق ..
عاوز (تعليقات) مؤيدة او معارضة (عدا الدجاج بنعرفهم من ريحتهم )…
عاوز( شير) عشان نطرح الفكرة على اكبر عدد من المهتمين بامر الوطن …
صفوف# الوف _من _اجل_الوطن
اكرر دعم الفكرة ونسخ المنشور في حالة تعرض صفحتي للهجوم المتوقع …
وحنبنيهو البنحلم بيهو يوماتي …
وطن شامخ وطن عاتي ..
صفوف# الوف _من _اجل_الوطن