فجر جديد

فجر جديد
كلمات: حسين شنقراي
إيد ياسودانا
في إيد
لي مجد أكتوبر
تاني نعيد
نصرك قرب
ماهو بعيد
أنهض وأضرب
كل العامل سيد
وغني الحرية
وسام ونشيد
صبحك أذن
وفجر جديد
——
ماكا الهين
وديمة عنيد
الصاد حريتك
ليهو تصيد
ويصبح بيكا
صريم وحصيد
أصلو الواقف
ضدك ياخي بليد
فجرك قرب
وباكر عيد
——
فجر الثورة
عليكم بان
صاح الثائر
والأذان
أيامكم قصرت
يا كيزان
ما بجدي سلاحكم
والبمبان
خلاص إنتفض
المارد في السودان
شمالو جنوبو
شرقو وغربو
الثوار في
كل مكان
هتفوا ونادوا
بفجر جديد
ميثاقو أمان
——-
كذاب القال
مافيهو الدين
رفع الظلم
وعدالتو تبين
نتساوي جميع
متحابين
نبني وطنا
المافيو تلوين
كلنا واحد
أبيض وأسود
وخاتف لونين
كلنا واحد
وما نحنا إتنين
ودي ياها
أصول الدين
كيف بيقولوا
فصلنا الدين
ودينا مساواة
عدالة تبين
ما فيو ياناس
تمكين
أهو ده الأسلام
أهو ده الدين

[email][email protected][/email]