البشير : النهائي سيكون بين السودان وغانا .. كاس العالم الجاي حايشيلو السودانيين الزُرق ديل.

اقول كما قال حسني مبارك عن شعار "ناكل مما نزرع"
اقول " نضحك مما نسمع"

hhhhhhhhhhhhhhhhhhhhhh:mad:

يفوز السودان بكأس العالم..!!!!!!!!!

غايتو احد من اتنين
اما الزول ده سكران او بقى الاخطبوط بول

البشير ده عيان ولا شنو كأس عالم شنو البشيلو السودانيين …….. أحلام اليقظة وجعجعة في الفاضي :mad:

الراجل ده ياعوير يابكر .. بطل خفة الدم وعالج الدم والهم النازف فى كل السودان

hhhhhhhhhhhhhhhhhhh

الكلام ده قلته لي الرئس الاىطالي في اديس ابابا قبل كم سنه ونقلت لينا انك قابلت برلسكوني وقلت ليه نحن ح ناخد منكم كاس العالم
كدي وريني رجعت بي كم هدف في مرمك من كاس افرقيا بعد غياب دام

الهروب الي الامام .. الجنون .. الانحطاط .. داء الكذب المزمن .. سمه ماشئت .. كله مؤشر خطير لعاهه عقليه عضال .. لا أمل في شفائها .
أنا رجل الشارع .. المواطن البسيط .. لا اجرؤ ، علي مثل هذا الخيال الجامح ، المريض .. والبلاد حبلي بعظائم الامـور .. والويل والثبور .. إنفصال نصف الوطن .. يطرق باب كل سوداني بشده وعنـف ، يقلق منامه ، وصحيانه . تهمة الابادة الجماعيه ، المضافه لتهمتي جرائم الحـرب ، وجرائم ضد الانسـانية .. تدخل البلاد في حالة تصادم دولي ، وتشل حركة راس الدولة . ضحايا دارفور ، من بقي منهم أحياء مازالوا يفترشون الارض ، ويلتحـفون السمـاء . المسلسل الذي اوصـل اشقائنا في الجنوب الي الانفصـال ، غلاء المعيشـة الذي يضـرب السواد الاعظم ويدخلهم حـد الزهـول ، والمسـغبه ..
( فساد يزكم الأنوف و الفاعل حر طليق .. لقطاء ضاقت بهم دور الرعاية .. عدل معطل في محاكم تؤمر و لا تأمر .. أمن متفلت .. خدمات متردية .. نقابات تتململ كبركان وشيك بالإنفجار .. موجة الخصخصة تضرب حتى عقول النشء و لا رقيب و لا حسيب.. مناصب سيادية مترهلة ترضع دون إرتواء من ثدي ميزانية عجفاء ..دولار صاروخي أمام جنيه سلحفائي السرعة .. تضخم لا يعرف إلا أن يتضخم .. ديون تتراكم على أعناق أجيال أجيال أجيالنا.. حلايب مغتصبة و فارسها لا يحمل إلا سيف لسان يجهل متى و كيف يستخدمه..علاقات دول الجوار إلى الأسوأ .. سرطان العزلة الدولية يستشري .. مستثمرون أجانب يتراجعون و رأسمالية وطنية تفر.. رؤية ضبابية للمستقبل تنتظر دون إنقشاع.. و حكومة عاجزة فاقدة للهيبة حائر بها الدليل!!
إنا لله و إنا إليه رادجعون .. حقا إن المصائب لا تأتي فرادى و لا عجب أن تصاب الحكومة بحالة من التوهان و الإنفصام يجعلها عاجزة تماما عن قراءة الواقع ناهيك عن تقديم حلول .. )
لأن الانحياز للحق موقف اخلاقي قبل ان يكون سياسيا ، واتباعك اسـلوب تخـدير الناس وصـرفها عـن همومها الوطنيه بمثل هـذه الترهــات يصـب في مصـلحـة هـذه الطـغـمـه التي تريـد لـهـذا الشـعب ان يعيش الغيبوبة الي يوم الدين
مابين القوسين .. بسيف علي الكرار

انتو يا أخوان البشير ده قايلنا طير ولا شنو ..
يا عمي روحي قال كأس عالم قال ..
ممكن كأس عصير ..
هاهاهاهاهاها

العبوب اللاميه التوب . ( التريتنج سوت )
و الله عباطة زي دي لا سمعنا بيها و لا حكو لينا بيها .

***********************************

ارسلوا هذا الخبر لاوكامبو , وقولوا له :

( البشير اصبح فاقد الاهلية ولا تصح محاكمته )

مش يمكن يكون ده قصد البشير ؟

يعمل فيها مجنون وبيخطرف عشان تسقط محاكمته ؟

***********************************
( يا اوكامبو ما تسرع .. تخفف لي نار وجدي )

ياخونا انتوعمكم مافهمتوه ساكت ياخونآنتوعلى عثمان قبال يومين موش طلب رفع الرقابه الشرعيه عن البنوك وقال انوالنظام الاسلامى معيق للنموالاقتصادى يعنى ياخونابالواضح مشروعنآلاسلامى انهاروتعاملوبالربه اه عمكم داقاصدكاس البتاع وغانادى قاصدبيهآلدخانه وجايب معاهوزوجتودليل على اباحة الاختلاط وماتنسوانوالاستادداء فى الحاج يوسف . فالرجل بدل نشكره نقوم نبهدلوبالشكل داء

البشير دا قايل نفسو اسم على مسمى
لكن جنس كلاموا دا بعمل للواحد انتفاخ
ياربي دي خفة دم وللا استحفاف وللا الراجل اتطلش كتير وكلاموا بقى لايحمل اي ملامح
يارب سترك وعفوك

سير سير سير سييييييير سير سييييير يا بشير نحن جنودك للتعمير
كدة خلونا من كاس العالم والسودان يشيلوا ولا ما يشيلوا طول عمرها لانكم انتم المعلقين على الموضوع لو انتم فعلا سودانيين وقسما بالله ما تستاهلوا كاس عالم بل تستاهلون كاسا من السم اذا كان الرئيس البشير قال الكلام دة متمنيا فى تحقيقها حتى ولو بعيد المنال لا يستحق كل هذا التجريح والكلام الفاضى ومهما كان دة رئيسكم غصب عنكم ورغم انفك ولو ما عاجبكم امشو اشرب من المالح
وتعليقاتكم فى الراكوبة عامة وفى الموضوع دة خاصة يثبت بان فى السودان فى ديمقراطية كدة هسى افتح اى موقع عربى او افريقى او اى موقع فى العالم لو لقيت لو فى زول بسب لرئسوا بشكل دة ايوة ممكن تنتقد باسلوب يليق بمكانته مش تقولوا فى كلام ذى دة بس انا اشك انكم سودانيين صراحة لانو مافى زول فى رئسوا بقول كلام ذى دة شوف المصريين جنبكم عاجبهم حسنى مبارك ابدا بس لو جبت سيرة حسنى مبارك بكلمة مش كويسة او سيرة مصر بكلمة مش كويسة ما بخلوك لانهم عندهم وطنية وعشان عندهم وطنية وبعزوا لوطنهم متقدمين عننا فى كرة القدم وفى كل شى بس انتم السودانيين ما عندكم وطنية اصلا واللاعب السودانى ما عندوا وطنيه عشان يجيبوا ليكم كاس اللاعب السودانى بلعب عشان القروش بس ما حكاية مدينة رياضية ولا ملاعب ولا شى مافى وطنية فى السودان لو فى وطنية كان السودان مشت لقدام فى كل المجالات مش قاعدين تسبوا لى فى رئيس بلدكم كدة ودايرين كاس عالم قال ما تختشوا بالله خليك من سودانى يقرا الكلام دة ما تختشوا اى زول غير سودانى يقرا الكلام دة حيقول فيكم شنو بالله عييييييب يا ناس دة مهما كان رئيسكم انتقدوه بس بالاسلوب اللايق واصحوووووا يانااااس

يا جماعة ما تمشو بعيد الرئيس يقصد انو نحن نقدر نشيل كاس العالم اذا ادونا ليهو ساكت ملح دون منافسة!! يعني اعيبتنا قادرين على حمل الكاس رغم ثقل وزنه!!
اجمل وانسب ما يصف علاقتنا بكاس العالم هو اغنية (بنسال عنو كان طول وما هاميهو كان غبنا)

اتو ياناس البشير يريد ان بحفزنا ونجتهد ونحصد واتو تعلقوا على كلامو وتسخروا اتو بشر حطمكم الله وهدم بيوتكم

اخونا نادر كتب :
وتعليقاتكم فى الراكوبة عامة وفى الموضوع دة خاصة يثبت بان فى السودان فى ديمقراطية
————————
والله ضحكتني اكتر من البشير ..
هي الراكوبة دي قبل شوية مش لحقوها امات طه ؟
برضو تقول لي ديمقراطية ؟؟

حاضر يانادر

البشير دا طايرليهو اوكامبو في راسو …. بقي يهدرب ساكت !!

الحـــــــــــــــــــــــلم حـــــــــــــق مشــــــــــروع:cool: :cool: