انهيار الجنيه السوداني يتواصل بشكل متسارع أمام الدولار..صاحب صرافة : كنا نعتمد على تحويلات المغتربين .. بعد ارتفاع سعر الدولار أصبحوا يقومون بالتحويل عبر مكاتب بالخارج لأسرهم بصورة مباشرة.
ندرة في الدولار بالصرافات رغم تأكيد بنك السودان بتسليمها حصتها
رباب محمود
تصاعدت خلال الأيام الماضية أزمة انعدام الدولار في الصرافات واشتكى عدد من المواطنين من عدم حصولهم على عملات صعبة، وأبلغ المواطن أحمد عثمان (التيار) أمس أنه ظل يتردد على الصرافات على لمدة أسبوع كامل دون أن يتمكن من تحويل مبلغ من المال لابنه الذي يدرس في الهند، وقال إن أصحاب الصرافات يخبرونهم بعدم وجود أية عملات حرة لديها في حين أن بنك السودان المركزي يؤكد بصورة مستمرة أنه يضخّ عملات حرة للصرفات، مؤكداً أنهم يحضرون للصرافات قبل ساعتين من افتتاحها للتغلب على أية عقبات بخصوص الزمن. وانتقد عدد من المواطنين حضروا لمباني الصحيفة السماح للعمالة الأجنبية بالتحويل رغم أنهم يقومون بتخزين العملة الحرة في الخارج، فيما لايسمح للمواطنين بالتحويل لأبنائهم الدارسين بالخارج، وطالب المواطنين بنك السودان المركزي بتخصيص مراكز وصرافات بعينها للمواطنين الذين يريدون التحويل لأبنائهم. وكشفت جولة لـ(التيار) بعدد من الصرافات عن تزاحم اعداد كبيرة من المواطنين الذين اشتكوا من طول الانتظار، فيما برر اصحاب الصرفات الازدحام بسبب قلة الوارد نهاية كل شهر، واكدوا انسياب التحويل في بداية كل شهر بصورة عادية، وقال صاحب صرافة فضل حجب اسمه: إنهم كانوا في السابق يعتمدون على تحويلات المغتربين لكن الوضع اختلف الآن بعد ارتفاع سعر الدولار إذ أصبحوا يقومون بالتحويل عبر مكاتب بالخارج لأسرهم بصورة مباشرة مما قلل نسبة العملات الصعبة في الصرفات. وتفيد متابعات (التيار) بتزايد أزمة الدولار خلال الفترة الماضية، الأمر الذي أكده طلب محافظ بنك السودان المركزي من محافظي البنوك المركزية العربية الأسبوع الماضي ضخ حوالي (4) مليارات دولار في البنك المركزي والبنوك التجارية في شكل ودائع الامر الذي فسره المحللون بوجود ازمة حقيقية في النقد الأجنبي.
التيار
——-
سعر الدولار وصل الى 4500 جنيه
افادت متابعاتنا ان سعر الدولار وصل يوم امس في السوق الاسود بالخرطوم الى ما بين 4400 و 4500 جنيه ووصل سعر الريال الى ما بين 1150 و1200 جنيه وذلك حسب الكمية.
الراكوبة
تحويلات مغتربين مافي!!!!!
لان الصرافة والحكومة اتفقوا على اكل اموال المغترب….
السعر الحقيقي للدولار هو سعر السوق الذي يقولون انه اسود…..ما قلتوا زمان سياسة التحرير. اسع بقينا اصعب من الدول الشيوعية….
تحويل الدولار الي الجنوب او مصر او الحبشة افضل…من غيرو….المصريين حتي الآن يسألوك عاوز دولار والا مصري….يا حكومة بطلوا اكل اموال الناس بالباطل
عمك بشبش واقف مع ايران فى اكبر غباء سيايى ووزير ماليته يطلب من دول الخليج الدعم للتدهر الاقتصادى لله درك يا وطن
ما دام طــــــــــــــــــــــــــــار جني الوزين…….يا داب قــــــل نوم العين
انا مغترب ولن احول قرش واحد عن طريق صرافات موتو بغيظكم وعلي وعلى اعدائي وان شاءالله صوتي بيصل لي رابطة جمعيات دنقلا في جميع بلدان العالم عشان الكيزان يموتو حسرة والشعب اللي في السودان يثور و يمص دم الكيزان زي بعوض اللاماب زي مامصيتو دمنا وجيبنا حريقة تحرقكم
لقد أقسمنا وعاهدنا الله بالا نقوم بتحويل اي أموال للسودان الا للضرورة القصوي. واذا قمنا بذلك فبالطرق الملتوية. نحن المغربين اصبحنا المصدر الرئيسي للعملة. اسمعو جيدا أيها الكيزان، لن نرسل اي أموال ليتم استخدامها في شراء الاسلحة التي توجه الي صدور ابناء الوطن. لن نرسل اي أموال ليتم تكديسها في ماليزيا. وللمرة الألف نداء الي كل المغربين. لا ترسلو اي أموال للسودان وهذا اقل شئ يمكننا ان نساهم به مع إخوتنا في بري وكل الشرفاء من ابناء بلادي.
ان سياسة الحكومة بهذة الطريقه ستزيد من التضخم وسيموت الجنية السوداني للمرة الثانية بعد تجمع الف جنية لساوي جنيه واحد سيعود لنفس السيناريو وربك استر وليس هناك اي حل الا ذهاب هذة الحكومة فتجار العملة موجدين في الخارج وسوف يشترون كل العمله الصعبة اذا كان البنك يصادر تحويلاتهم ويجبرهم لبيعهابسعر اقل بكثير من السعر الذي يجده بالخارج والمغترب يريد ان يستفيد من الفارق ليغطي به غلاء المعيشه الذي اصبح لايطاق فالسوق الاسود للعمله هو الواقع الحقيقي لاقتصاد البلدوسياسته وينبغي ان يعالج بالسياسه الرشيده لا بالقرارات التي تنهش من لحم المواطن البسيط
هناك عبارة درج على استخدامها في الغرب للسخرية من الرؤساء الامريكيين الذين تتضاءل فرصهم في إعادة الترشيح ومن اشهرهم جورج بوش الآب الذي تفكك الاتحاد السوفيتي في زمنه وانهار حائط برلين، والعبارة هي "it’s the economy, stupid"
فما تشيلو هم، كل ما عليكم عمله الآن هو الاسترخاء والاستمتاع بمراقبة "الجنرال دولار" يمارس عمله السحري في الفتك بنظام الدجل والشعوذة وتجارة الدين.
سوف يتغير هذا النظام قريبا، لكن كل ما نرجوه هو أن يتخلى السودانيون عن السذاجة والقابلية للإنخداع باسم هذا الدين مرة أخرى. مفهموم.
بالله عليكم الله وين نحن ماشين قال لو ما قلبناها كان الدولار وصل 20جنيه بالمناسبة دى وين المهندس صلاح كرار (دولار) سمعنا مختلف مع الجماعة بكون فى شنو ياربى
ايها المغتربون بالله عليكم اوقفوا تحويلاتكم عن طريق المصارف حتي ينهار الجنيه للاخر وتبدا الثورة
اصحاب الصرافات هم اكبر تجار السوق الاسود
معظم الصرافات في السودان تعدت حد المعقول في سعر الصرف بل اصبحت تنافس تجار السوق السوداء في استقبال التحاويل الخارجية
البنك المركزي على مسمع ومراى في كل تجاوزات اصحاب الصرافات ولكنه يغض الطرف وهو شريك في التجاوزات
اين صلاح كرار صاحب مقولة لو لم تأتي الإنقاذ لتجاوز الدولار 20ج؟
واين عبقري الإنقاذ مدمر الإقتصاد السوداني عبدالرحيم ؟
فالسيد دولار اصبح ف صعود مستمر وعملتنا اصبحت فاقدة قيمتها وإقتصادنا دخل ف مرحلة الصدمة وبعدها سندخل ف مرحلة الإنهيار التام وحينئذ لن نجد من يمد لنا يد العون لآن نظام الابالسة لم يترك صديق او حبيب بفعل سياساته الرعناء
فالحل ي إخوان ثورة شاملة تطيح بنظام الأبالسة وتسترد اموال الشعب المسروقة وتقدمهم للمحاكمة
امانة ياناس المؤتمر الضحك ما شرطكم
أعجبت جدا من الاخوة المعلقين الذين أقسموا بعدم تحويل مدخراتهم بالطرق الرسمية
وتفويت الفرصة على الكيزان الملاعيين من اللغف __
الشعب فى الداخل يحارب الغلاء بالمقاطعة ونحن هنا بعدم التحويل __ ونشوف
حيمشوا وين ؟؟؟__ كفى طول عمرنا بيمصوا فى دمنا ويبنوها عمارات وسيارات
وسفر وزواج بالثلاثة والاربعة وأولادهم يدرسوا فى أرقى الجامعات فى أنحاء
الدنيا __ كفى ___
عندى احساس ممكن نصحى ذات صباح و نجد الناس ديل كلهم ركبو طيارة و طارو ماليزيا
ليه لا ؟
و نصحى على العدم
و حينها تطلع فتوى فقه الهروب و استراحة المحاربين اللصوص
يا ود الخضر : صلاح دولار قال زعلان لانو لما يمشي نادي الضباط بمنعو يدخل بي عربيتو ويضطر ياخدا كداري من البوابه ………………… هو طبعا زعلان لانو اتهمش وكان عندو دور قذر رسمو ليهو الشيخ الثعلب ولما انتهي منو تم لفظه ولا يزال يحاول ان ينكر علاقته بقتل الابرياء بتهمة حيازة اموال وليس سرقتها ………………… لكن لكل واحد منهم يوم ولن ينقذهم من غضبة الشعب الا القبر ………….
هههههه ..ههههه والله بمناسبة انهيار الاقتصاد الكيزاني اتذكرت الكلام اللي كان يقولوا الكيزان في الجنوب ..
من أن القرود والشجر والحجر كلها كانت تقاتل معهم في أحراش الجنوب ..!!
ونحنا كمان هسي بنقول ليهم : ..الشعب السوداني يمكن يطلع المظاهرات ويمكن لا …لاسقاط حكومتكم العرجاء ..
ولكن حتى لو ما طلع الشعب وكما تعتقدون ..ناكد لكم بأن هنالك بعبع اخر غير الشعب السوداني راح يكنس دولة الظلم الى مذبلة التاريخ الا وهو : البطل المغوار …الدولار …الدولار .. وان شاء الله قريبا جدا راح يقضي الدولار قاهر الجنيه الاقتصاد السوداني مع ولة المافيات الى مثواهم الاخير وبذا يكون الدولار قد وفر على الشعب السوداني عناء ودماء وأرواح كانت راح تزهق من فبل السلطة الموكلة لحماية كرسي الفساد ..
نسأل الله أن يمد الجدع دولار بصحة وعافية وعضلات كافية حتى يسحق الجنيه الكيزاني ويزيل اقتصاد الربا والفساد الذي هو ألان أوهن من بيت العنكبوت ….
انتو هبل ولا شنو يا مغتربين عاوزين تضيعوا البلد وتودو اقتصادة فى داهية كــــــــــل من يوقف تحويلات النقد الاجنبى الذى يستفيد منة البلد وبالطرق الرسمية الامن الاقتصادى سيكون لة بالمرصاد وسيطالة القانون ولا عذر لمن انذر
عندكم عين تتكلمو عن المغتربين المغترب ياما ضحي لقي شنو من الحكومات المتعاقبه علي السودان عشان يحول قروشو عن طريق البنوك والصرافات انا واحد من الناس كنت بحول عن طريق الصرافات والبنوك بس لقيت انو مافي فايدة البتستفيد منو الحكومة اخير يستفيد و منو اهلي وبرضو لانو مشيت اجازة وكان معاي عربيه بعتها ولمن عاوز احول جزء من القروش لفيت كل الصرافات وابو يدوني ولادولار واحد ومشيت للسوق الاسود واشتريت بفرق كبير بالله ليه يعني احول قروشي عن طريق البنك او الصرافات انشاء الله مايلقو ولا دولار بعدين ليه يطلبو من البنوك العربيه ضخ 4مليار موجوده في حساباتم في سويسرا وداد براها ممكن تدفع 10مليار والله يكون في عونكم ايها الشعب الابي الكريم بس كرمكم جاء علي راسكم
عملات الجنيه السوداني الورقية وقعت لحدي مابقت اقل ورق الحمّامات ؟؟!!
بعد كدا حتصلو للعصر الحجري وتتم التجارة بدون عملات عن طريق المقايضة يعني تقايض من حاجات البيت بي الطماطم والبصل تقايض التلفزيون والراديو بالزيت والسكر تقايض السروال بالجلابية تكون ماشي بالنص الفوقاني وبعدين تقايض وتغير تمشي بالنص التحتاني زي كلام عادل امام !!!!
تم انشاء صفحة علي الفيس بوك لمقاطعة التحويلات. هيا تفعلو يا مغتربين لنساند شباب بري بالشئ الوحيد الذي يمكن ان نقدمه لهذا الوطن الاسير. قولوها بصوت عال لا لتحويل الاموال للكيزان. ومرحبا بجميع شرفاء بلادي بصفحة الفيسبوك. وهذا هو الرابط
http://www.facebook.com/pages/ظ?ط§-ظ?طھطظ?ظ?ظ?-ط§ظ?ط§ظ?ظ?ط§ظ?-ظ?ظ?ط³ظ?ط¯ط§ظ?/218419124884714
لازال الدولار في صعود واقدار الناس في هبوط … رحم الله الطيب صالح
نداء لجميع الاخوه المغتربين:>لا للتحويل البنكي
وين المنقذ صلاح كرار هاهاهاهاهاهاهاهاهاهاهاهاهخاهاهاها
احسن ليكم رجعوا شيخكم عشات تغرقوا كلكم
أيه رأيكم 00 بالأمس الثلاثاء أستبدلت مبلغ 10 الف دولار ب 50 مليون جنيه – بواقع الدولار 5000 جنيه – والله العظيم نادم على ذلك لأننى ضيعت عملة حرة فى مقابل ورق نيم 0 اللهم أستر و الطف بأهلنا 0
أنا مغترب وكنت أحول عن طريق البنوك التجارية عشماً في أن أجد مقابل لذلك من الدوله لكن للأسف لم نجد منهم ومن ديوان شئون المغتربين غير الذل والهوان.الأن لا ولن أتعامل مع البنوك التجارية والقنوات الرسمية لتحويل أي مبالغ للسودان لا بل سأحول ما لدي من أموال عن طريق التجار والسوق الأسود حتى لا تستفيد الحكومة من هذه التحاويل لمحاربتها بكل الوسائل والله لن أحول بالطرق الرسمية حتى لو لعبت بيها قمار
.
.
مافي قرووووش زاتووو, عشان نحولاااا
اعملوا الثورة وامشي لي البشير
وعلي عثمان في بيوتم
دولارات البلد كلها حتقوها مكدسنها هناك
لعنة الله على تجار الدين بالصلصة
:mad: :mad: :mad:
طيب لو الكيزان هم اصحابين السوق الاسود
:D :D
سعر الدولار وصل الى 4800 جنيه
ولا في الصرافات هذه الآيام أهلنا قد يصبرا شهر لكن الكيزان شهر سيزلزل عرشهم .
الدولار ف كل دقيقة ماش زايد ي ربي قبل 2012 حايصل ال 7 جنيه;) ;)
اليوم العصر حولت 500 دولار بسعر 4.700
ليوم الدولار 4.7جنية
الريال 1250
المتوقع الدولار 7
ناسك راحو وجابو الشيعى عشان يعطيهم دولارات قال ليهم انا ذاتى داير لى حاجة
ناسك خسرو دول الخليج بدعوتهم الى الايرانى وناس الخليج خسرو استثماراتهم فى السودان
ممكن تبيعو قصور ومزارع حراميتكم ديل وكذلك قصور كافورى وذهب وداد الموجود فى لندن وقصر نسيبة ابنة نافع فى الرياض مربع 6
]
اعلمو ان سعر الدولار دة هو البجيب خبركم ياحرامية
ايامكم اصبحت معدودة وعندما يصل راس الصوط كلاب امنكم سوف تختفو مثل الجرزان
دمركم اللة مثل مادمرتم الشعب السودانى
دمركم اللة مثل مادمرتم الشعب السودانى
دمركم اللة مثل مادمرتم الشعب السودانى
دمركم اللة مثل مادمرتم الشعب السودانى
آخــــــــــــــــــر زمن الغتــــــــــربين عاوزين يكونوا خــــــــــــــــــــــــــــــونة ومارقيـــــــــــــــــــــن !!!!!!!!