فخامة رئيس جمهورية دنقلا !!
زهير السراج
* والله الناس ديل مَحنُونا، كل يوم قصة جديدة ومحنة جديدة ومنظر جديد .. وتقليعة جديدة !!
* آخر التقليعات .. التوديع والاستقبال الخرافى لوزير الدولة السابق للاعلام ووالى الشمالية الجديد (ياسر يوسف)، الذى ابتدر عهده فى وزارة الاعلام (عندما كان فرحان بالوزارة)، باطلاق الاكاذيب عن اشاعة الحريات الصحفية، ثم انتهى [حياء (هيئة البث) واستيراد معدات تجسس لمراقبة الاذاعات !!
* الوالى الجديد للشمالية السيد ياسر يوسف (عفوا الدكتور ياسر يوسف، جايز يكون لقى ليو دكتوراة واقعة فى المول، او أداها ليو واحد من أصحابو وانحنا ما عارفين، نقوم نتلوم معاو ساكت) .. بالمناسبة دى بعرف لى واحد ما دكتور ولا عندو علاقة بالدكترة، ولا حتى بالتمريض، لو بالغلط ساكت ما قلت ليو يا دكتور، الله قال بى قولك، جنس صرصرة وبويز، ولو بى مراده يطلع مسدس ويدشدش راسك .. (وانا جنى وجن المسدسات دى، حتى لو بتاعت اللعب ) ..!!
* الدكتور ياسر (أشارطكم لو ما بكرة بقى دكتور)، ما ممكن طبعا يغادر العاصمة والوزارة بتاعت الوجاهات والتصريحات والظهور اليومى فى تلفزيونات الحكومة، ويمشى يشتغل فى دنقلا (البعيييييييدة دى) سكيتى كده بدون بهرجة وتصاوير ونفخ وجوقة مطبلاتية وصرف بذخى، إن شاء الله الدولة تعدم التعريفة، المهم الوجاهة والمقام الرفيع حتى ولو المواطنين ياكلوا نيم!!
* أها الحصل شنو .. قال ليك أصحابو يتلملمو فى مطار الخرطوم .. وزير الاعلام المتورك، ووزير الدولة بتاع المالية (الإسمو د. عبدالرحمن ضرار)، ووزير الميرغنية (خالى شغل) .. ووكيل الاعلام ومدير الاعلام ومدير الطفلسيون وهلم جرا، وعملوا ليو هيصة كبيرة، هاك يا وداع وهاك يا قبلات وهاك يا دموع، تقول ماشى الجبهة، وهاك يا شنو ما عارف (على طريقة أخونا جبرا)، وبعدين عينك ما تشوف إلا النور .. طيارة قدر الهجمة تابعة للقوات الجوية واقفة (لأ رابضة) فى المطار منتظرة الفوهرر ياسر عشان توديهو دنقلا معززا مكرما (رغم شح البنزين والجازولين والغاز والقروش) .. عليكم الله الزول ده بيفهم؟ لو كان ركب البص كان عمل لى نفسو هلولة كبيرة أكبر بكتييير من الهلولة بتاعت طيارة الجيش دى، لكن الفهم من الله، ولمن الله يحرم زول من الفهم مافى زول بيقدر يعمل حاجة .. المهم الزول ركب الطيارة الهجمة دى تصحبه السلامة الى دنقلا حيث يحل واليا على الشمالية المحظوظة ((يا ربى الكباتن من وين، أوكرانيا ولا روسيا؟) .. ما علينا !!
* الناس مفتكرين الحكاية كده انتهت، لكن يا ما تحت السواهى دواهى ومنافقين ومطبلاتية ونفاخين، وشنو كده ما عارف (على طريقة جبرا) .. وعين الحسود فيها عود، والما عاجبو يشرب من البحر .. بس الطيارة تصل دنقلا بالسلامة !!
* وقامت الطيارة وصلت دنقلا، والما شاف الاستقبال العجيب نص عمرو ضايع .. نص عمرو شنو؟ عمرو كلو، وعمر اللى جنبو كمان، إنتو قايلين ياسر ده (معليش الدكتور ياسر) ــ هيِّن ولا مقطوع ليِّن .. ياخى ده ولا رئيس جمهورية، رئيس جمهورية شنو؟! .. والله فى لحظة من اللحظات وأنا بتفرج على الصور إفتكرتو (الأمير هارى وعروسته ميجان) ــ بساط احمر إيه، وبالبتاعة ديك الزى الكوشة البعملوها للملوك والرؤساء فى المطارات يقيقفوا تحتها .. وموسيقى وسلام جمهورى، وقرقول شرف .. والله العظيم قرقول شرف .. وكبار المستقبلين والمستقبلات ، ووفود شعبية وزهور وعطور .. هارى شنو وميجان شنو؟! .. والله الملكة إليزابيث ذاتها ما زيو !
* بالله عليكم الله ده كلام (على طريقة أخونا عبدالرحيم) .. بلد عدمانة التعريفة، والناس بتقاتلو على نقطة بنزين، ولقمة رغيف .. وده حال مسؤوليها وقادتها ؟!
الجريدة
عايره وادوها سوط
من سمات الأنظمة القمعية الفاسدة يا أستاذ زهير الإنفصام الحاد عن الواقع وهو عرض يصاب به عادة أعضاء العصابة الحاكمة لشدة غرورهم وفسادهم وعدم كفاءتهم
هل أقسم لكم أن الناجح من المسئولين في أي نظام مسئول لا يشعر البتة بأي رغبة في كل هذه البهرجة؟
ههههه والله فعلا قصة عجيبة،هل تفتكر يا دكتور ممكن يعملها ومن دنقلا يعلن إستقلال الولاية الشمالية عن السودان وإعلان ميلاد جمهورية دنقلا ؟ المهم ياربي العوقة الكبير شاف المنظر ده وحدثت له غيرة من حكاية الإستقبال الرئاسي دي؟وهل يشعر الولاة الجدد الذين تم تعيينهم مع ياسر في التعيينات الأخيرة شعروا بأن الدكتور ياسر أرفع شأنا ومكانة منهم لما لاقاه من استقبال رئاسي في ولايته وهم ربما سافروا لولاياتهم في مقاعد عامة مع ركاب الطائرة المتجهة لولايتهم أو ربما سافر بعضهم باللاندكروزر؟
هل ما تم من وداع ومن استقبال لهذا الياسر هل كان مقصودا ومرتبا له من جانب الحكومة،أي بمعنى أن الحكومة رضيانة عنه لذلك قامت بتكريمه وتشريفه؟
هل التكريم والتشريف لهذا الرجل له علاقة برفض علي كرتي وحاتم سليمان العمل كواليين للبحر الأحمر وغرب كردفان فعملت الحكومة بتشريف الرجل بهذه الصورة نكاية لكرتي وحاتم سليمان؟
الخراب سببو السفاح عمر البشير واسرته ، الله ينتقم منهم ويخلصنا قبل نهاية رمضان … يارب ياكريم
هــذه مـنـتـهى الـسـفـه . وعـلى قـول المـثـل : اذا لـم تـسـتـحـى * فـأفـعـل ما شـــئـت . عـلى كل حـال اللـوم لـيس عـلى هـذا الـسـفـيـه فـقط و عـلى الذى قام بـتـعـيـيـنه , بل اللـوم الأكـثـر عـلى الـمسـؤولـيـن الـسـفـهاء الذين اعــدوا لـه هـذا الأســتـقـبال , يـجـب مـحـاســبة ومعاقـبـة الجـمـيـع وكل من اشـتـرك فى هـذه الـفـضـيـحـة التى لـم يـسـبـق ان شـهـدهـا الـسـودان من قـبـل . اذا كان الـبـشـيـر نـفـسـه عـنـدما يـسـافـر للخـليـج , لا يـتـم اسـتـقـبالـه بـمـثـل هـذا الأسـتـقـبـال , بـل يـسـتـقـبـلـه مـدير بـلـديـة أو وزيـر دولـة او ابن امــيــر مـراهــق . حـسـبـنا الله ونـعـم الـوكـيـل , حـسـبـنا الله ونـعـم الـوكـيـل , حـسـبـنا الله ونـعـم الـوكـيـل . اللهـم بـحـق رمـضان الـمـعـظـم , نـسـألك بـقــدرتـك الـتى اســتـويـت بهـا عـلى العـرش ان تـعـجـل بـنـهايـة هـذا الـنـظام عـاجـلا ولـيس آجـلا . وصلى اللهـم عـلى حـبـيـبك محمد .
سنو سنو
عافيه كلو
عجائب الزمن وسودان المحن
عليكم الله الزول ده بيفهم؟
يا ناس ركزو شويه. ربنا يكضب الشينه . فوضة كونداليزا رايس الخلاقه شغاله. نسيتو ما يعرف ب(مثلث حمدي )؟.
الاستقبال الرئاسي الفاخر الحصل في الولايه الشماليه بكون تعليمات من الاداره الامريكيه الخبيثه لتقسيم السودان .
الولايه الشماليه تكون تاني دوله ستنفصل من السودان الكبير بعد انفصال الجنوب .ألحصل في الولايه الشماليه استقبال اول رئيس للدويله الجديده . الباقي شوية تفاصيل مثلا اختيار الاسم وترسيم الحدود وووووو الخ .
الدور علي ياتو اقليم الله هو العليم . براكم تقدرو تخمنو .
السودان زيو وزي الدول العربيه التشظت وتقسمت . مثال لذلك العراق 3 دول ليبا 3 دول .ٍ سوريا الموضوع شغال . قبلهم افغانستان والصومال برضو في حدود 3 كيانات مستقله. داعش صنيعه امريكيه زيها وزي تنظيم القاعده.
السودان لكير مساحته بكون 5 كيانات .الشغلانه اكبر مما تتخيلو .الكيزان ناقشين الحكايه دي ومأمنيين نفسهم بجنسيات امريكيه اوروبيه كنديه استراليه ..الخ ومعاهم دولار تقيل يعيشو في حياه آخر ترطيب .الكلام انتو خليكم في عبادة قببكم واضرحتكم . وحدو الله ما بتجيكم عوجه …
انتو عارفين المصيبة شنو … انو الحدث فى الولاية الشمالية .. ولاية العلم والمثقفين … الجعانين المنسيين من كل الحكومات الفاسدة التى حكمت السودان .. حكمت الله بالغة ،،،
هذا زمانك يامهازل فامرحي
قدعد الكلب الكوز عديم الاصل في الفرسان
هذه قاعده كل عديم اصل وضيع يحاول ان يرفع من خسته بمثل هذه البهرجه وزي ما ما بقولو بالبلدي كدي الرجرجه عامله بهرجه
اراضي الشمالية كلها حتبباع للكلاب العملو الزيطة للطرطور ده
هؤلاء هم حارقوا البخور الذي فرعنوا فرعون.. يتبارون في إظهار نفاقهم علهم يحظون بفتات من مائدة السلطان المسمومة. قاتلهم الله أنى يؤفكون.
وأنا بتفرج على الصور إفتكرتو (الأمير هارى وعروسته ميجان)
اضحك الله سنك
عايره وادوها سوط
من سمات الأنظمة القمعية الفاسدة يا أستاذ زهير الإنفصام الحاد عن الواقع وهو عرض يصاب به عادة أعضاء العصابة الحاكمة لشدة غرورهم وفسادهم وعدم كفاءتهم
هل أقسم لكم أن الناجح من المسئولين في أي نظام مسئول لا يشعر البتة بأي رغبة في كل هذه البهرجة؟
ههههه والله فعلا قصة عجيبة،هل تفتكر يا دكتور ممكن يعملها ومن دنقلا يعلن إستقلال الولاية الشمالية عن السودان وإعلان ميلاد جمهورية دنقلا ؟ المهم ياربي العوقة الكبير شاف المنظر ده وحدثت له غيرة من حكاية الإستقبال الرئاسي دي؟وهل يشعر الولاة الجدد الذين تم تعيينهم مع ياسر في التعيينات الأخيرة شعروا بأن الدكتور ياسر أرفع شأنا ومكانة منهم لما لاقاه من استقبال رئاسي في ولايته وهم ربما سافروا لولاياتهم في مقاعد عامة مع ركاب الطائرة المتجهة لولايتهم أو ربما سافر بعضهم باللاندكروزر؟
هل ما تم من وداع ومن استقبال لهذا الياسر هل كان مقصودا ومرتبا له من جانب الحكومة،أي بمعنى أن الحكومة رضيانة عنه لذلك قامت بتكريمه وتشريفه؟
هل التكريم والتشريف لهذا الرجل له علاقة برفض علي كرتي وحاتم سليمان العمل كواليين للبحر الأحمر وغرب كردفان فعملت الحكومة بتشريف الرجل بهذه الصورة نكاية لكرتي وحاتم سليمان؟
الخراب سببو السفاح عمر البشير واسرته ، الله ينتقم منهم ويخلصنا قبل نهاية رمضان … يارب ياكريم
هــذه مـنـتـهى الـسـفـه . وعـلى قـول المـثـل : اذا لـم تـسـتـحـى * فـأفـعـل ما شـــئـت . عـلى كل حـال اللـوم لـيس عـلى هـذا الـسـفـيـه فـقط و عـلى الذى قام بـتـعـيـيـنه , بل اللـوم الأكـثـر عـلى الـمسـؤولـيـن الـسـفـهاء الذين اعــدوا لـه هـذا الأســتـقـبال , يـجـب مـحـاســبة ومعاقـبـة الجـمـيـع وكل من اشـتـرك فى هـذه الـفـضـيـحـة التى لـم يـسـبـق ان شـهـدهـا الـسـودان من قـبـل . اذا كان الـبـشـيـر نـفـسـه عـنـدما يـسـافـر للخـليـج , لا يـتـم اسـتـقـبالـه بـمـثـل هـذا الأسـتـقـبـال , بـل يـسـتـقـبـلـه مـدير بـلـديـة أو وزيـر دولـة او ابن امــيــر مـراهــق . حـسـبـنا الله ونـعـم الـوكـيـل , حـسـبـنا الله ونـعـم الـوكـيـل , حـسـبـنا الله ونـعـم الـوكـيـل . اللهـم بـحـق رمـضان الـمـعـظـم , نـسـألك بـقــدرتـك الـتى اســتـويـت بهـا عـلى العـرش ان تـعـجـل بـنـهايـة هـذا الـنـظام عـاجـلا ولـيس آجـلا . وصلى اللهـم عـلى حـبـيـبك محمد .
سنو سنو
عافيه كلو
عجائب الزمن وسودان المحن
عليكم الله الزول ده بيفهم؟
يا ناس ركزو شويه. ربنا يكضب الشينه . فوضة كونداليزا رايس الخلاقه شغاله. نسيتو ما يعرف ب(مثلث حمدي )؟.
الاستقبال الرئاسي الفاخر الحصل في الولايه الشماليه بكون تعليمات من الاداره الامريكيه الخبيثه لتقسيم السودان .
الولايه الشماليه تكون تاني دوله ستنفصل من السودان الكبير بعد انفصال الجنوب .ألحصل في الولايه الشماليه استقبال اول رئيس للدويله الجديده . الباقي شوية تفاصيل مثلا اختيار الاسم وترسيم الحدود وووووو الخ .
الدور علي ياتو اقليم الله هو العليم . براكم تقدرو تخمنو .
السودان زيو وزي الدول العربيه التشظت وتقسمت . مثال لذلك العراق 3 دول ليبا 3 دول .ٍ سوريا الموضوع شغال . قبلهم افغانستان والصومال برضو في حدود 3 كيانات مستقله. داعش صنيعه امريكيه زيها وزي تنظيم القاعده.
السودان لكير مساحته بكون 5 كيانات .الشغلانه اكبر مما تتخيلو .الكيزان ناقشين الحكايه دي ومأمنيين نفسهم بجنسيات امريكيه اوروبيه كنديه استراليه ..الخ ومعاهم دولار تقيل يعيشو في حياه آخر ترطيب .الكلام انتو خليكم في عبادة قببكم واضرحتكم . وحدو الله ما بتجيكم عوجه …
انتو عارفين المصيبة شنو … انو الحدث فى الولاية الشمالية .. ولاية العلم والمثقفين … الجعانين المنسيين من كل الحكومات الفاسدة التى حكمت السودان .. حكمت الله بالغة ،،،
هذا زمانك يامهازل فامرحي
قدعد الكلب الكوز عديم الاصل في الفرسان
هذه قاعده كل عديم اصل وضيع يحاول ان يرفع من خسته بمثل هذه البهرجه وزي ما ما بقولو بالبلدي كدي الرجرجه عامله بهرجه
اراضي الشمالية كلها حتبباع للكلاب العملو الزيطة للطرطور ده
هؤلاء هم حارقوا البخور الذي فرعنوا فرعون.. يتبارون في إظهار نفاقهم علهم يحظون بفتات من مائدة السلطان المسمومة. قاتلهم الله أنى يؤفكون.
وأنا بتفرج على الصور إفتكرتو (الأمير هارى وعروسته ميجان)
اضحك الله سنك