ارشيف- أخبار السودان

فساد يخجل !

الفاتح جبرا

وأنا أحاول كتابه هذا المقال وبعد أن طافت بذهني العديد بل الكثير من الأحداث المشابهة من (سرقات) و(إختلاسات) وما إلى ذلك من فساد (مفتشر) توصلت إلى حقيقة من المفترض أن تسجل بإسم العبدلله كقول من الأقوال الماثورة وهو قول إستلهمه العبدلله من القاعدة الفقهية التي تقول (الأصل في الأشياء الإباحة) ! هذا القول هو (إن الأصل في الإنقاذ الفساد) ! وتعالو نشوف الحكاية !

القصة :
قبل عدة أعوام إنهالت على بريد العبدلله الأليكتروني كمية من الرسائل (الأيميلات) معظمها من أبناء السودان المتواجدين بالمملكة المتحدة تطالب بفتح ملف عدد من العقارات الحكومية التي تعرف ببيوت السودان بلندن والتي تم بيعها في (تكتم) ، ولأن الصحافة قد علمتنا بعد كل هذه السنين الطوال ألا نعتمد على (القيل والقال) مهما تم تعزيزه بالأوراق (المروسة) و(الأختام) وصور التقارير و الشهادات فقد إعتبرنا أن الأمر ربما يكون مكايدات (سياسية) من (المعارضة) واضعين في الإعتبار أنه لا يمكن بحال من الأحوال أن تقوم (حكومة محترمة) ببيع (منازلها) بالخارج لأي ظرف كان .. (أيه يعني منازل بالنسبة لحكومة؟) !
وتمر السنون ? لتثبت أن (الإنقاذ) بالفعل قد قامت ببيع تلك البيوت (بالغمتي) وبصورة تثبت تماما أن (الأصل في الإنقاذ الفساد) ، نعم بعد ما يقارب الثمانية أعوام تقريباً على التصرف فيها (2011) ، إتضحت الصورة (البشعة) التي تثبت بيع الحكومة 11 من أصل 14 عقاراً من بيوت السودان في لندن بقيمة 24 مليوناً و995 ألف جنيه إسترليني (33.34 مليون دولار) وللأسف (الشديد) المحزن أن من بين هذه العقارات بيت السودان بالوسط الملكي اللندني في راتلاند غايت، والذي كان قبلة السودانيين منذ خمسينيات القرن الماضي والذي لكل مبتعث فيه ذكريات !
لقد تم التكتم عن تفاصيل هذه هذه (السرقة) القميئة ولم يعلن عنها إلا مؤخراً بعد أن تقدم (البرلمان) بإستجواب وزير رئاسة مجلس الوزراء أحمد سعد عمر والذي أقر ببيع ?11? عقاراً من جملة العقارات المملوكة للسودان بلندن البالغة ?14? عقارا في العام 2011.
بالطبع عزيزي القارئ (أيها المواطن المغلوب على أمره) أن القصة بشكلها (ده) ما بتدخل (الراس) وأن التصرف في ممتلكات دولة لا يتم بمثل هذه الطريقة (التحت تحت) التي لا يتم (الإعتراف) بها إلا بعد أن تفوح رائحتها المنتنة ! ففي الدول ذات الحكومات المحترمة يتم التعامل مع مثل هذا الأشياء في (الضوء) ويتم التعامل معها في (العلن) !
طيب (العقارات) وإتباعن ? السؤال الذي يطرح نفسه بقوة هو (إتباعن ليه؟) وشنو السبب (الضاغط) الممكن يخلي (دولة) تبيع (بيوت ذي دي) ؟ الإجابة عند السيد الوزير جاءت كالتالي (أبلع حبوبك عزيزي القارئ) :
? العقارات كانت تحتاج لصيانة وبعد الدراسة وجدت الصيانة مكلفة للحكومة وتم التأمين على خيار البيع.
بالطبع إن كلام السيد الوزير (كلام عجيب) لأن الحكومة تدفع (دم قلبنا) كإيجارات شهرية للدبلوماسيين وطاقم السفارة في لندن ، هذه الإيجارات ربما تتجاوز بكثير العائد من بيع هذه (هذه العقارات) ? وهنا يرسي السيد الوزير قاعدة إقتصادية (جديده لنج) تقول ( لو بيتك عاوز صيانة بيعو وأجر ليك بيت لمن قروشك تكمل!!) علما بأنو (الصيانة ذاااتا) لهذه البيوت تتم مرة واحدة كل 10 أعوام !
طيب تعالو نشوف البيع تم كيف؟ (تأكد عزيزي القارئ إنو حبوبك دي أصلية) !
? أقر السيد الوزير أمام البرلمان ببيع الحكومة العقارات المذكورة عبر ( وكالة) وليس (مزاد علني) !
(قابلكم فساد في الدنيا أكتر من كده؟) ? والله قروشنا دي بتلعبو بيها جنس لعب !!
طيب (القروش كم؟)
? يقول السيد الوزير أن التكلفة الكلية لبيع العقارات بلغت ?25.995? مليون جنيهاً إسترلينياً ( يا ربي حق السمسارة كم؟)
أها والقروش مشت وين؟
? يقول السيد الوزير أنه تم شراء عقارين منها لبعثة السودان بجنيف وعقار الملحقية العسكرية بلندن (يعني الزول الباع شال القروش ومشي فتش السماسرة وناس العقارات وإشترى لينا عقار في جنيف وأشترى لينا عقار في لندن ذااااتا) ورجع الباقي الفضل في جيبو ! (راجل عسل) !!
طيب (الفضل لينا من البيعة دي كم؟)
? يقول السيد الوزير أن باقي المبلغ البالغ ?17.5? مليون جنيهاً إسترليني مودع ببنك قطر بلندن !
طبعن المبلغ الباقي الذي أودع في بنك قطر ده (المالية وبنك السودان) ما عندهم بيهو (علم) لأنو أساساً ما مشاركين في عملية (البيع) طيب .. المبلغ ده يا ربي (وديعة) وللا (حساب جاري) وبي إسم منووو ؟ وهسسسه لو زول سحبو البعرف منووو؟) !! أليس ذلك مخالفاً للوائح الإجراءات المالية لحكومة السودان (يا سعادة السيد الوزير؟) !
عزيزي القارئ .. فضلا ً(أطلب الإسعاف) ثم اقرا الفقرة التالية :
? تقول (مصادرنا ) أن بيت السودان الذي يقع في منطقة ?روتلاند غايت? (31-32 Rutland Gate) والذي تم بيعه لشركة تدعى ?Lake? بمبلغ 12 مليون إسترليني تم بيع عقار مشابه له (في نفس الفترة) كان يملكه رئيس مجلس الوزراء اللبناني الراحل رفيق الحرير بمبلغ 75 مليوناً جنيه إسترليني !
كسرة :
والله ده كلام أقصد فساد (يخجل) !!

تنبيه :
يوجد (واو) جديد

كسرة تصريح النائب العام : (لا حماية لفاسد ولا كبير على القانون) ? الحصل في ملف هيثرو شنوووو (و+و+و+و+و) !
?كسرة جديدة لنج :
أخبار كتب فيتنام يا وزير المالية ووزيرة التربية والتعليم شنو(و+و+و+و+و+و+و+و+و+و) ?
? كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+(وووووووووووو)+و+و+و
? كسرة ثابتة (جديدة)
أخبار تنفيذ توجيهات السيد الرئيس بخصوص ملف خط هيثرو شنو (وووووووووووو)+ (وووووووووووو)+ (وووووووووووو)+وووووووووووو)+(وووووووووووو)+و+و+و+و

الجريدة

تعليق واحد

  1. وبعـد كل هـذا الـبـشـيـر ما بـخـجـل ويـنـادى بـتـعـديل الـدســـتور والـتـجــديــد له بخـمـسـة ســـنـوات اخــرى . انـشـاءالله الـخـمـسـة ســـنوات هـذه تـقـضـيـهـا فى ســجـن لاهـــاى بـبـركـة هـذا الـشـهـر الـفـضـيـل . آمـيــن يا رب العـالـمـيـن وصلى اللهـم عـلى حـبـيـبك مـحمـد .

  2. استاذنا جبره
    كنا نقرأ مقالاتك بصوت عال ونضحك بصوت اعلي لما فيها من حس الفكاهه الراقي ، اما هذه الاخيره المتعلقه ببيع بيوت السودان في لندن فقد حبست الضحك في افواهنا وحبست الدموع في محاجرها ، صدقني قد بكينا لحال البلد وبصوت عال (جعير وكدي)

  3. يستخدم الكيزان سياسية الأرض الحلوبة.. فيشكل العقار عنصر مهم في تغذية العجل الكوز الرضيع حتى يبلغ طور البقرة الحلوبة التي تتضرع ثم يصبح لها ضرع تقوم من خلاله بتغذية بقية العجول الكيزانية.. وهكذا كما قال اللمبي أن الوالي السابق لولاية الخرطوم قد تغذي بكل العقارات الموجودة ولم يترك لنا شي لنبيعه حتى نستطيع أن نكون بقرة حلوبة تضرع وليها ضرع.

  4. و لسه البشير بقول كل من عندو بينة على فساد او فاسد فاليقدمها؟؟؟!!! و الله نحن مفروض نعتذر لى مسيلمة اللى شوهوا سمعته و سمى بمسيلمة الكذاب, طيب السلف الصالح لو حضروا البشير او شافوا و سمعوا جنس كلاموا دا يقولوا شنوووووووووووووووو!!!!!!!

    انا لله و انا اليه راجعون حسبنا الله و نعم الوكيل.
    اللهم عليك بهم. اللهم ان تذرهم يضلوا عبادك و لا يلدوا الا فاجرا كفارا.

  5. بيت السفير في جنيف تم دفع قيمته من ريع بيع البيت الأول الذي تملكته الحكومة بعد دفع المبلغ بالكامل من الفلوس التي كانت تفدمها المنظمة العالمية للملكية الفكرية للسودان.
    ثم أن ثمن البيت الجديد لا يتعدى ثمنه اربعة مليون فرانك سويسري وليس جنيه استرليني.
    هذا التوضيح فقط للذين ما زالوا يدافعون عن هذا النظام الذي لا يستحي من فعل أي شيء مخجل ومخل بكل الأخلاق والقيم

  6. عليك أن تضع من الآن تحذيراً على مقالاتك يا أستاذ الفاتح، مثل إعلانات السجائر والسعوط، بأن المقال ربما يسبب الضغط والسكر والسكتة القلبية.

    إن لغة المقال الساخرة لم تخفف من وقع الصدمة بالمدى البعيد الذي وصل إليه فساد هذا النظام الذي لا يرغب في مؤمن إلاً ولا ذمة.

    إن المرأ ليحار في هذه النهمة التي لا تشبع في امتلاك الأموال والمتاع التي ابتلي بها هؤلاء القوم الاشرار.

    هم مثل ساري الليل لا يتركون أخضراً ولا يابساً.

    ولو تصرفت كل الحكومات الوطنية منذ الإستقلال مثل تصرفهم لما وجدوا وطناً فعلوا به كل هذه الأفاعليل المنافية للأعراف والأخلاق.

    هذا الفساد الذي يظهر هو الجزء الطافي من جبل الجليد، وما خفي كان أعظم.

    هيا بنا للمقاومة نزيل هذا الطاغوت الجاثم على صدورنا.

  7. الامه التي تبيع تاريخها لا يحق لها ان تعيش ونحن لم ولن نبيع تاريخ اجدادنا العظيم من باع سيدفع الثمن طال الزمن او قصر لك الله يا وطني

  8. هل تعلم ايها المعلق الكريم اين يسكن اباءه القطط السمان ؟ يجب علي الشعب السوداني الهجوم علي القصر الرئاسي وقتل كل من فيها من سكان لصوص مصاصي دماء الامة. (نحن جينا اشان نطبق الشريعة )

  9. يا الله متى وكيف الخلاص
    الشئ البحير منو التمت على يده البيعة – أبو كبير ولا زول تاني لانو شئ متل دا عاوز الراس الكبير

  10. يعني الناس الرسلت ليك ايميلس يا جبرة ينبهوك بالبيعة ما اشتغلت بيهم قلت ديل مرجفين؟؟؟؟؟ و لا حولت تتقصى و لا حاولت تسأل و لا ولا ولا… عشان كدة مفترض تتحاكم مع الحرامية ديل لي صمتك و كتمك للمعلومة… لو نشرت الخبر دة في وكتها او سلمت المعلومة دي لي صحفي شجاع كان لحقنا جزء من البيوت قبل ما تتباع لنك اخترت الصمت… طيب هسي مارق لي شنو؟؟ مااا كللللنا سمعنا بالخبر دة و انت ما عندك جديد غير انك كنت عارفو من 2011 يا للهول؟؟؟

  11. يا كاسترو عبدالحميد , لاهاي شنو ياخي كمان؟ لاهاي دي ما فيها موت ولا تعذيب بل خي مكان مريح كتير لهؤلاء العلوج وما يستاهلوه . أرجوك أتمني ليهم عود القذافي بدل لاهاي.

  12. سلام عمنا جبرا . الجفلن خلهن اقرع الواقفات. ( ال11 التى تم بيعهن خلهن هسع شوف ليك دبارة ما يغطسو حجر ال4 الباقيات ).

  13. وبعـد كل هـذا الـبـشـيـر ما بـخـجـل ويـنـادى بـتـعـديل الـدســـتور والـتـجــديــد له بخـمـسـة ســـنـوات اخــرى . انـشـاءالله الـخـمـسـة ســـنوات هـذه تـقـضـيـهـا فى ســجـن لاهـــاى بـبـركـة هـذا الـشـهـر الـفـضـيـل . آمـيــن يا رب العـالـمـيـن وصلى اللهـم عـلى حـبـيـبك مـحمـد .

  14. استاذنا جبره
    كنا نقرأ مقالاتك بصوت عال ونضحك بصوت اعلي لما فيها من حس الفكاهه الراقي ، اما هذه الاخيره المتعلقه ببيع بيوت السودان في لندن فقد حبست الضحك في افواهنا وحبست الدموع في محاجرها ، صدقني قد بكينا لحال البلد وبصوت عال (جعير وكدي)

  15. يستخدم الكيزان سياسية الأرض الحلوبة.. فيشكل العقار عنصر مهم في تغذية العجل الكوز الرضيع حتى يبلغ طور البقرة الحلوبة التي تتضرع ثم يصبح لها ضرع تقوم من خلاله بتغذية بقية العجول الكيزانية.. وهكذا كما قال اللمبي أن الوالي السابق لولاية الخرطوم قد تغذي بكل العقارات الموجودة ولم يترك لنا شي لنبيعه حتى نستطيع أن نكون بقرة حلوبة تضرع وليها ضرع.

  16. و لسه البشير بقول كل من عندو بينة على فساد او فاسد فاليقدمها؟؟؟!!! و الله نحن مفروض نعتذر لى مسيلمة اللى شوهوا سمعته و سمى بمسيلمة الكذاب, طيب السلف الصالح لو حضروا البشير او شافوا و سمعوا جنس كلاموا دا يقولوا شنوووووووووووووووو!!!!!!!

    انا لله و انا اليه راجعون حسبنا الله و نعم الوكيل.
    اللهم عليك بهم. اللهم ان تذرهم يضلوا عبادك و لا يلدوا الا فاجرا كفارا.

  17. بيت السفير في جنيف تم دفع قيمته من ريع بيع البيت الأول الذي تملكته الحكومة بعد دفع المبلغ بالكامل من الفلوس التي كانت تفدمها المنظمة العالمية للملكية الفكرية للسودان.
    ثم أن ثمن البيت الجديد لا يتعدى ثمنه اربعة مليون فرانك سويسري وليس جنيه استرليني.
    هذا التوضيح فقط للذين ما زالوا يدافعون عن هذا النظام الذي لا يستحي من فعل أي شيء مخجل ومخل بكل الأخلاق والقيم

  18. عليك أن تضع من الآن تحذيراً على مقالاتك يا أستاذ الفاتح، مثل إعلانات السجائر والسعوط، بأن المقال ربما يسبب الضغط والسكر والسكتة القلبية.

    إن لغة المقال الساخرة لم تخفف من وقع الصدمة بالمدى البعيد الذي وصل إليه فساد هذا النظام الذي لا يرغب في مؤمن إلاً ولا ذمة.

    إن المرأ ليحار في هذه النهمة التي لا تشبع في امتلاك الأموال والمتاع التي ابتلي بها هؤلاء القوم الاشرار.

    هم مثل ساري الليل لا يتركون أخضراً ولا يابساً.

    ولو تصرفت كل الحكومات الوطنية منذ الإستقلال مثل تصرفهم لما وجدوا وطناً فعلوا به كل هذه الأفاعليل المنافية للأعراف والأخلاق.

    هذا الفساد الذي يظهر هو الجزء الطافي من جبل الجليد، وما خفي كان أعظم.

    هيا بنا للمقاومة نزيل هذا الطاغوت الجاثم على صدورنا.

  19. الامه التي تبيع تاريخها لا يحق لها ان تعيش ونحن لم ولن نبيع تاريخ اجدادنا العظيم من باع سيدفع الثمن طال الزمن او قصر لك الله يا وطني

  20. هل تعلم ايها المعلق الكريم اين يسكن اباءه القطط السمان ؟ يجب علي الشعب السوداني الهجوم علي القصر الرئاسي وقتل كل من فيها من سكان لصوص مصاصي دماء الامة. (نحن جينا اشان نطبق الشريعة )

  21. يا الله متى وكيف الخلاص
    الشئ البحير منو التمت على يده البيعة – أبو كبير ولا زول تاني لانو شئ متل دا عاوز الراس الكبير

  22. يعني الناس الرسلت ليك ايميلس يا جبرة ينبهوك بالبيعة ما اشتغلت بيهم قلت ديل مرجفين؟؟؟؟؟ و لا حولت تتقصى و لا حاولت تسأل و لا ولا ولا… عشان كدة مفترض تتحاكم مع الحرامية ديل لي صمتك و كتمك للمعلومة… لو نشرت الخبر دة في وكتها او سلمت المعلومة دي لي صحفي شجاع كان لحقنا جزء من البيوت قبل ما تتباع لنك اخترت الصمت… طيب هسي مارق لي شنو؟؟ مااا كللللنا سمعنا بالخبر دة و انت ما عندك جديد غير انك كنت عارفو من 2011 يا للهول؟؟؟

  23. يا كاسترو عبدالحميد , لاهاي شنو ياخي كمان؟ لاهاي دي ما فيها موت ولا تعذيب بل خي مكان مريح كتير لهؤلاء العلوج وما يستاهلوه . أرجوك أتمني ليهم عود القذافي بدل لاهاي.

  24. سلام عمنا جبرا . الجفلن خلهن اقرع الواقفات. ( ال11 التى تم بيعهن خلهن هسع شوف ليك دبارة ما يغطسو حجر ال4 الباقيات ).

  25. يا استاذ الفاتح الناس ديل بصلو الاوقات الخمسة فى الجامع وبصوموا الاتنين والخميس والعمرة مرتين فى السنة والحج من العام للعام وبعرسوا مثنى وثلاث ورباع ويحىوا فى سنة نبينا الكريم تناكحوا تناسلوا فانى مباه بكم الامم يوم القيامة ,عشان كدى راقدين فى اماااااااااااان والميزان بعدين الخير بيغلب الشر ,يسرقوا ما مشكلة ينهبوا ابدا ما مشكلة فالحسنات يذهبن السيئات .صدقنى الناس ديل بيعملو كده جادييييييييين ومن صح بالهم,فالفساد عندهم اصل وبمرجعية فقهية من شيوخهم الكبااااااااااااااار

  26. الحرب بالوكالة في بعض الدول والكيل بمكيالين في اخري مصطلحات لاستراتجيات خبيثة اما في السودان استعمار الدولة بأبنائها ….!!!

  27. يا استاذ الفاتح الناس ديل بصلو الاوقات الخمسة فى الجامع وبصوموا الاتنين والخميس والعمرة مرتين فى السنة والحج من العام للعام وبعرسوا مثنى وثلاث ورباع ويحىوا فى سنة نبينا الكريم تناكحوا تناسلوا فانى مباه بكم الامم يوم القيامة ,عشان كدى راقدين فى اماااااااااااان والميزان بعدين الخير بيغلب الشر ,يسرقوا ما مشكلة ينهبوا ابدا ما مشكلة فالحسنات يذهبن السيئات .صدقنى الناس ديل بيعملو كده جادييييييييين ومن صح بالهم,فالفساد عندهم اصل وبمرجعية فقهية من شيوخهم الكبااااااااااااااار

  28. الحرب بالوكالة في بعض الدول والكيل بمكيالين في اخري مصطلحات لاستراتجيات خبيثة اما في السودان استعمار الدولة بأبنائها ….!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..