بنك السودان يمنح حوافز لإعادة الكتلة النقدية إلى المصارف

غالبية الشعب السوداني ( وانا خريج جامعي ضمنهم ) ليست لهم علاقة بالتعامل الالكتروني مع النقود .. فلا يعقل أن نجادل بفرضيات بعيدة عن الواقع كتبرير لحجز الكتلة النقدية بالبنوك و لسه بدري علي مساواتنا باليابان و امريكا في التعامل الالكتروني بدلآ عن النقود .

حكومة تتعامل مع مواطنيها بمبدأ سؤ الظن العريض يعني يا كدايس لميتو القروش في الخزن بضربة واحدة ترجعوها

كل الذي يجري من قبل الحكومة سيذهب هباء … فللسوق السوداني آلياته واساليبه في تجاوز كل العقبات التي تضعها الحكومة والتي تهدم كل خططتها وتزيد من اذماتها.. خذ مثالا لاحد وسائل التكيف للسوق عمليات البيع والشراء قال احد الاخوة منا في المهجر انه يرغب في تحويل مبلغ للسودان لشراء مواد بناء في السودان لكن تقابله مشكلة في السيولة عند تجار العملة بالسودان … فرد عليه احد الاخوة عليك ( بفلان ) تسلمه المبلغ هنا وتستلم كل المواد التي ترغب فيها فورا وتصلك في مكانك وبسعر مجزي … وقد تم ذلك بالفعل . وعلى ذات الشاكلة يمكنك شراء قطعة الارض والسيارة .ولا استبعد ان يشمل ذلك السكر والشاي والزيت والجزار والرغيف .. خلاصة الامر فان الترقيع لن يحل مشكلة اقتصأد بلد … ولن تستطيع جماعة القصر ان تدير اقتصاد بلد في حجم السودان بعقلية فريشة سوق ام دفسو ..

طيب انا بت اختي جايين يسدوا مالا تاني يوم في العيد
ياربي الناس الجايين يسدوا مالا ديل هايتصرفوا كيف والا
ناس اختي هايتصرفوا كيف ؟!!!!!!!!!!

وبعدين الحمار المتحدث باسم بنك الكيزان البقول
وأشار المتحدث باسم البنك المركزي سامي عبد الحفيظ إلى أهمية استخدام وسائل الدفع الإلكتروني في الاقتصاد، تماشياً مع ثورة الاتصالات والمعلوماتية في سبيل تطوير الخدمات المالية والمصرفية وتحقيق الشمول المالي.

هل هو متأكد انو بعدين مافي زول هايقول الشبكه طاشه وممكن تتطش يومين تلاته
عادى جدا كما يحدث الان بسبب عدم تطوير شركات الاتصالات لشبكاتهم ولم تطلب منهم
الهيئة القومية للاتصالات تطويرها طالما كل مسؤليها بياخدوا المعلوم أظرف مدنكله كل شهر من شركات الاتصالات الحراميه.

أيها المواطنين الشرفاء
حد يسلم قروشو مافي

مجتمع بلا نقود ؟
هههههههههههههههههههههههههههههههههههههههههه
مين البدقس ليكم يا كيزان

هههههههه الحكاية عملوها الكيزان زى شرك الفار يختو ليكم قطعة جبنة جوا الشرك تجو جارين تدخلوا وطق باب الشرك يقفل وبنى كوز يضحكوا عليكم.

الثقة يا ناسسسسسسسسسسسسسسسسسسسسسسسسسس. بعد الحصل دا فى زول تانى بودى قروشه لبنك ؟! وحاتكم الا بالشلوت وطبعاً دى ما ابتغلبكم يلا ودونا البنوك بالسونكى و الشلوتز

طيب عمك فى اقصي دارفور او الموجود فى قري حلفا و لا الموجود فى قد الهبوب و لا الموجود فى قري سنكات و همشكوريب لو عايز يقطع الجمار فى ادبخانات السوق الشعبي حتعملوا ليهو كرت دفع الكتروني يخش بيهو الادبخانة و لا التصرف كيف و انا ما جبت سيرة اظروب الببيع القهوة و لا العوض البوصل ليك بي كارو الحمار و لا الركشة و لا ترحال ذاتو و لا حاجة زينب البتبيع الدكوة …
انتو ناس عديمين فهم عايزين تأدبوا الشعب بالقلبة لما تعملوا كهرباء متواصلة و شبكة ما بتقع زى ما بتقولوا بنزين و جاز منساب و ديل اساس اى حياة بعدها تعالوا اعملوا دفع و رفع الكتروني

بعد ايه بعد أن افلستم المواطن وأصبح ليس له المقدرة على صرف حمية الف جنية
لعل الحكومة لا تعرف سلوك شعبها فنحن شعب انطباعي وسماعي وبعد ما ذقنا المرة لن ترجع القروش للبنوك بعد أن تحملنا الفساد وهم أموالهم في غرفهم وتحت السرير وفي ماليزيا فلماذا المواطن المسكين يلدغ من الجحر مرتين

بريطانيا خامس اكبر اقتصاد عالمي لسع بتعاملوا بالاوراق الماليه ومارفعوا شعار المغفلين ديل وقالوا سوق بلانقود؟
وامريكا اكبر اقتصاد عالمي لسع بتعاملوا بالاوراق النقديه ..
الكيزان ديل برفعوا الشعارات الوهاجه بدون مايكون عندهم اامعينات لتطبيقها وفي النهايه تكون نتائجها كارثيه علي العباد والبلاد .. من زمن شريعه ضروري يالكاروي .. وماشفنا شريعه طول ٢٨ سنه من حكمهم .. وقال نأكل ممانزرع وانتهوا ببيع مشروع الجزيره وتدميره وجوعونا .. قالوا السد السد الرد الرد .. بقت الكهربا تقطع اكثر من زمان وعشنا في ظلام

هم دائماً ما بتكلموا عن الشعب العام بتكلموا مع شعبهم الخاص اصحاب الكروش آكلي السحت

دفع الكتروني معناتها لازم حساب بنكي، التعامل مع البنوك السودانية اصبح مغامرة، اذا المشروع الاكتروني فاشل فاشل فاشل.

الذ حاجة قال Cashless society المفارقة انو ده الحاصل الآن, يا زول ماتشطح ساكت دول العالم الأول الصناعية المتقدمة تقنيا لسه بتتعامل بألكاش وانت يا العفين جاى تدافر في الصف وتقيف قدام.

وبعدين الشبكة مافي للدفع الالكتروني وطيب في الاقاليم الشبكة ح تكون كيف اذا في العاصمة مافي