فساد في تعيين نجل النائب السابق للبشير في وظيفة مهمة

الحاج ساطور ، بالله برضو ولدك بليد وعايز يبتدي حياتو المهنية بسرقة ؟

(التكمين)!!!!!!!!!!

معقول يادوب أكتشفو الموضوع ده بعد خراب مالطة وتشريد الكفاءات وإفقار الشعب حد الفاقة
أه أه يا وطن ما ليك وجيع….

يا صلاح قوش ما شايف شغلك ، بالذات ولد حاج ساطور ، حيكون ابلد واحد في المجموعة. ويمكن ولد تور الدبه بتاع المخدرات مع المجموعة دي.

يا خوانا هي بقت علي التعيين بس ؟مثل هؤلاء ليسو في حاجه للراتب ولا الوظيفه ، ديل يمكن حتي يتخلو عن الراتب ! همهم (الكموشينات) والسفريات الخارجيه وعقود من الباطن وتعلية الاسعار علي عاتق الدوله والترقي للمناصب الاعلي في الهيكل الوظيفي والوظائف القياديه في الحزب ثم البرلمان وكله علي حساب الشعب المسكين ، فهذا هو نهج التمكين الذي سلكه اباؤهم ، تمكين المقبور الترابي ، ماعافين ليهو ولا مثقال ذره من ما فعله فيا وحسبنا الله ونعم الوكيل

من اكبر الخوازيك التى عملها نام البشير في البلد هى المحسوبية في التوظيف و زلك ادى لفساد في كل مفاصل الدولة….. عبارة عمر البشير التى طال ما خدع الناس بها:(انها امانة اي السلطة و يوم القيامة خزي وندامة… فابشروا بالخزي و الندامة يوم القيامة يا البشير و زمرته لانكم ضيعتم الامانة و خدعتم الناس بالتدين الكازب

عرفنا اثنين , وين الباقين ؟

لابد من متابعة مثل هذه التعيينات وهولاء الأفراد متابعة لصيقة لأنهم هم اساس بناء الدولة العميقة التى لابد من اجتثاثها وكنسها حين تقع الواقعة الى يرونها بعيدة ونراها قريبة.

الرماد في خشمنا .. كل يوم تجيني قناعة إنو سودانا دا ما نافع

لو قوش وجيشوشه الجراره, إشتغلوا ليل ونهار فى مخلفات التعيين للوظائف سوف يحتاجون لسنين ععدا, وهذا الظاهرة من أخطر الجرآئم التى أتت بها عصابة الأخوان الشياطين.

#التغيير (من يوم 1-8-2018 حتى 4-8-2018)
الحكومة السودانية المبدعة في التسعينات عبر وزير ماليتها عبدالرحيم حمدي قررت سياسة التحرير الاقتصادي البتدي التاجر الحرية يبيع بالسعر البخترعو هو بغض النظر عن مدى معقولية السعر دة قياساً على راسمالو..الحاجة دي نحنا كشعب بدينا نتضرر منها من اليوم البعد القرار حتى لحظة قرايتك للكلام دة..و من الآخر الحكومة ما عندها و لا بتقدر و لا بتفكر في حل للمشكلة دي لأنها هي المتسببة فيها ببساطة..اها يبقى ما في حل؟!!!! لا اكيد في حل..ما في مشكلة ما عندها حل..عشان تحل اي مشكلة لازم تحللها في البداية،يلا مشكلتنا دي باختصار عندها تلاتة اركان اللي هما الحكومة و التجار و المواطن..الحكومة عملت العليها و حررت الاسعار..و التجار عملو العليهم و ما خافو الله و زادو الاسعار بصورة ما منطقية..اها الركن التالت هو المواطن..اللي هو في (الحقيقة) اقوى ركن لانو هو البتحكم في نجاح السياسة دي من عدمو..كيف؟!..بي انو يتراجع عن السلع البتتباع ليو باسعار خارج استطاعتو مش يقعد(يجازف) عشان يشتري السلعة اياً كان سعرها..كدة التاجر كل يوم حيزيد و دة الحاصل..لكن اذا المواطن قاطع السلع الغالية(تلاتة ايام بس) حيحصل شلل في السوق و تتعطل مدخولات الحكومة من الجبايات على التجار بالتالي تضطر الحكومة تحدد السوق و تضبط الاسعار براااها..
نجي لي موضوعنا..
عايزين بتوفيق الله مبدئياً نعمل #مقاطعة شاملة لي اللحمة و اللبن و البيض مدتها 3 ايام،لانو السلع دي حصلت اسعار ما منطقية(كيلو اللحمة 240..طبق البيض100..رطل اللبن 12) بدون اي مبررات موضوعية..مافي سلعة من التلاتة ديل مدخلات انتاجها مرتبطة بالدولار من قريب او من بعيد..كيف؟!!
علف التسمين و الحلوب يا اما اب سبعين..او الامباز و كلها منتجات محلية100%..
علف البياض عبارة عن ذرة و عظام و زيت و كلها منتجات محليه..السؤال:-
ليه السلع دي بالاسعار دي؟؟..الاجابة عشان نحنا بنشتريها فقط..ما اكتر
ياخ معقول الجزار كل 10 كيلو لحم يبيعهم بي 2400 جنيه؟؟ يعني لو باع 100 كيلو في اليوم يكون دخلو 24000 الف؟!!! اصلو العجول دي قاعدة تاكل من my place؟
نفس التراجيديا منطبقة على اللبن و البيض..رطل اللبن بقى بي 12 جنيه و البيضة بقت بي 4 جنيه سااي بس اتقول الجدادة باضتها بعملية قيصرية!!
لو في زول بقدر يربط لي زيادات الحاجات دي بزيادة الدولار يكتب لي السبب في تعليق و اكون شاكر جدا والله العظيم..
نجي للسؤال الكبير هل المقاطعة حتأثر ع الاسعار؟..اكيد حتأثر..كيف؟
الليلة نفترض انو سوق اللفة و الشعبي امدرمان و السوق المركزي الصحافة و المركزي بحري و سوق الحاج يوسف..الاسواق دي كلها نفترض انو اي سوق فيهم بيستهلك اقل شي :-
50 طن لحمة..يعني كلهم 250 طن
و 10 طن لبن..يعني كلهم 50 طن
و 1000 طبق بيض..يعني كلهم 5000 طبق
اتخيل الكمية دي كلها بارت..او قول 80% منها لانو في اطفال و كبار سن و مرضى ما بتحملو..
اتخيلها بارت لمدة 3 ايام بس..و دي سلع لا بتتخزن و لا يعاد تدويرها و لو بتتخزن هم م عندهم ليها تكلفة تخزين..

3 ايام بس والله العظيم البكاسي تجي لافة بيها زي ما قريب كانت بتلف بيها #تحنسك تشتري بسعر انت ما كنت متخيلو..
مش نحنا بقينا مربعين يدينا منتظرنها تفرج بطريقة ما؟..ليه ما يجي الدور عليهم..هم الينتظروها تفرج و المقاطعة تنتهي؟!!..و بالمناسبة تجار باقي السلع حيشوفو البقت في اخوانهم و يتعظو..فل اوتوماتيك
و يا الحكومة والله لا عايزين معاك فليق..و حريق..و قتل..و (هبالة)..نحنا #بنحرد بس..مش انتو فكيتو فينا التجار يبيعو على كيفهم..نحنا كمان بنقبل عليهم و نشتري العايزنو بالعندنا ولا بلاش..قروشنا عندنا و بضاعتهم عندهم و ابقوا انتو اتصافو في جباياتكم بقى..
#المهم بعد التلاتة ايام دي نحنا عايزين الاسعار التالية:-
كيلو اللحمة الضاني 80 جنيه
طبق البيض 30جنيه
رطل اللبن 4 جنيه
و إلا تستمر المقاطعة اسبوع كامل قابل للتجديد..
انا كلمتا ناس بيتنا و وافقو..انت كمان كلم ناس بيتكم و اشرح ليهم و حيوافقو اكيد..ما عندنا حل غير بعض ي جماعة✋
يلا المقاطعة عندها شعارات..اي سلعة عندها شعار🌚
اللحمة #خليها_تدود🐛
اللبن #خليه_يزبد كاس زبادي😂😂
البيض #خليه_يفقس🐣
ممكن خلال فترة المقاطعة تخت الصورة دي في البروفايل بتاعك..
الشير اهم من اللايك بكتير..ممكن تشيل الكلام كوبي بيست و تنشرو في صفحتك عادي
ما ترجع ورا💪
تاريخ البداية و النهاية من 1-8-2018 حتى 4-8-2018
#مقاطعون

لا تصدق هؤلاء القتلة الفاسدين المفسدين إذا ارادوا محاربة الفساد عليهم أن يبدأون بالتالي:
1. من الذي باع خط هيثرو بتراب القرووش ناهيك من محاسبته (غير معروف).
2. من الذي باع الخطوط الجوية السودانية لشركة عارف الكويتية (غير معروف).
3. أن يفتحوا قضية مكتب الوالي وأن نعرف من الذين (غير معروفين) كانوا مع الضابط غسان ومحاسبتهم.
4. اين ال 40 مليون دولار التي يسأل عنها (علي الحاج) والتي تخص طريق الإنقاذ الغربي يجب أن لا تستمر مستورة وأن تصبح مكشوفة.
5. اين ال 25 مليون دولار التي يسأل عنها المتعافي والتي تخص مصنع سكر مشكور.
6. عليهم التحقيق مع عوض الجاز والذي كان لديه وزارة مالية داخل وزارة الطاقة واين ذهبت أموال البترول؟!!
7. عليهم مراجعة كل حركة الاراضي خلال ال 29 سنة في مصلحة الاراضي.
8. أن يحسموا قضية شركة الاقطان التي لها أكثر من 8 سنوات دون القضية الأخيرة والتي لديها حوالي 6 أشهر.
9. عليهم التحقيق لماذا كان لا يدخل انتاج الذهب ضمن الميزانية من وزارة المالية أين ذهب ولمصلحة من؟!!
10. محاسبة شركات الأدوية والتي نهبت بنك السودان طوال السنين الماضية دون وجه حق.
11. عليهم مراجعة كل العطاءات والمناقصات منذ مجيئهم الي السلطة.
12. ليس لدينا أدني شك أن اي إجراء مالي ملئ بالفساد.
13. وإذا طبقوا قانون من اين لك هذا فالسجون لا تكفيهم!!

مع ملاحظة نحن هنا فقط نتحدث عن الفساد المالي… أما القتل والفساد السياسي والإداري والمحسوبية واستغلال النفوذ الخ،، فحدث ولا حرج!! وما خفية كان أعظم!!!!!

لو فعلوا كل ذلك يمكن لنا ان نصدق!!

البكاء على شنو ؟؟؟
شعب فارق هو البلد كلها بناسها تحت امرهم تقول لى وظايف

هذا قليل من كثير …………..

ماذا عن التوظيف البترول ؟ اللسته تطول من ابناء المسؤلين وسفراء ….وخاصه سودابت والراوات واساور .

والتعينات في السلك الدوبلماسي ……..

مشروع لانقاذ السودان قبل الانهيار :::
خبراء الاقتصاد يدقون ناقوس الخطر ويعلنونها صراحة بلا مواربة ان السودان مقبل على كارثة وانهيار تام لجميع مؤسساته المالية ومن ثم انهيار غير مسبوق لكل مشاريعه الزراعية والصناعية والصحية والتعليمية ثم يتبعها انهيار أمني شامل .
مالم يتم تنفيذ المشروع الانقاذي بكل تفاصيله فسوف تنهار الدولة فورا ولن ينجو احد وكل من يظن انه سيحظى بحماية وحصانة ومنعة ضد الطوفان الهادر يكون واهم ومغرور غرور نيكولاي شاوسيسكو وزوجته باختصار ومن غير فذلكة ورتوش اليكم خطوات مشروع مارشال نعرضها عليكم لغل متخذ القرار ومن جاء قديما بحجة انقاذ السودان ان يروعي ويعود الى رشده ويفي بآخر وعد في حياته حتى ينقذ السودان وشعبه وإلا فالطوفان قادم لا محالة وسوف يقتلع الجميع .
الخطوات: –
1- تنازل البشير وحكومته عن السلطة فورا وتشكيل حكومة انتقالية من التكنوقراط مدتها عامين لتنفيذ الاجراءات التالية:
– إعادة كل ثروات واموال البلاد المنهوبة داخليا وخارجيا.
– تغيير جمبع اجهزة الدولة وكوادرها ذات الصلة بالمجالات المالية والامنية والعسكرية والدفاعية .
– تغيير جميع ولاة الولايات والغاء وظائف المعتمدين وكل طابور العطالة واستنزاف موارد الدولة.
– استعادة كل مخصصات الولاة والمعتمدين من عقارات وسيارات لصالح خزينة الدولة.
– جرد ومراجعة جميع العقارات والاراضي والمشاريع الزراعية والصناعية وتحديد الجهات المالكة لها ومن ثم محاسبة كل من تثبت تورطه في استغلال مركزه للاستيلاء على موارد البلاد ومصادرتها لصالح خزينة الدولة.
– تغيير جميع رؤساء ومدراء الشركات الكبرى والمصانع .
– تغيير كل رؤوساء ومدراء القطاعات الاتية ،الجمارك،المغتربين،الضرائب ،الثروة الحيوانية، الجوازات والجنسية ،
– تشكيل محاكم ناجزة لمحاكمة واجراء تحقيقات مع كل من لا يتناسب مستوى دخله مع حجم ممتلكاته وارصدته المالية.
– اعادة النظر في منح جوازات السفر والجنسية لغير السودانيين مع فتح تحقيق يشمل جميع من تحصل على الجوازات السودانية والجهة المانحة وطرق الحصول عليها مع الغاء جواز وجنسية كل من يثبت تورطه في حصوله على الجواز بطرق فاسدة وكل من ثبتت ادانته في قضايا فساد مالي او اخلاقي او ارتكاب جرائم مخلة بالشرف والامانة.
– حصر جميع الاجانب بالعاصمة وتحديد اماكن اقامتهم ورصدهم عبر بطاقات هوية خاصة مع ابعاد كل من لا يملك مهنة ثابتة او لا يزاول عملا معتبرا خارج البلاد .
– ادراج كل المستشفيات الخاصة ضمن مظلة الضمان الصحي واعادة صيانة واصلاح جميع المستشفيات الحكومية .
اعادة صياغة المنهج التعليمي والغاء نظام التعريب في الجامعات والغاء الجامعات الخاصة وتحويلها لحكومية وبنفس المستوى ومنح القطاع التعليمي الاولويةمن حيث الوضع المالي والاجتماعي والصحي وان يمنح الاستاذ الجامعي وقطاع التدريس اعلى رواتب في الدولة بحسبان انه القطاع المسؤول عن تأسيس جيل من العلماء والعباقرة والمبدعين.
– الغاء اي جماعة او جهة تقوم باعمال امنية او دفاعية خلاف الجيش والشرطة والامن وسحب اسلحتها واعادتها للخدمة المدنية او ضمها لصفوف القوات النظامية.
ثانيا :-
اعادة تشكيل جميع المؤسسات المالية والاقتصادية بالبلاد واعادة الثقة اليها مع اخضاعها مباشرة لرقابة ومتابعة جهاز الامن والمخابرات ورئاسة مجلس الوزراء.
ثالثا :- النهضة بالمشاريع الزراعية الكبرى وتغيير اداراتها وهبكلها واخضاعها لرقابة جهاز الامن ومجلس الوزراء.
رابعا :- اصلاح علاقات السودان الخارجية عبر حزمة من الاجراءات بما يعود بالنفع على اقتصاد البلاد وقطاع الاستثمار. مع قطع الطريق على كل الدول والمحاور التي لا تريد بالسودان واهله خيرا.
خامسا :- منح كل من تثبت ادانته في قضايا تتعلق بالمال العام ونهب ثروات البلاد واستغلال المنصب فرصة للتوبة وارجاع كل ما اخذ بغير وجه حق او مواجهة المحاكمة والمصادرة والملاحقة الدولية والاي ربما تصل للسجن المؤبد والاعدام .
سادسا :- الشروع فورا في حل جميع المشاكل العالقة في دارفور وجبال النوبة والنيل الازرق والشرق مع اعادة توزيع الثروة والسلطة واشراك كل القوى الفاعلة في عملية التنمبة والنهضة.
سابعا :- اعادة طرح مشروع الوحدة مع دولة الجنوب وفق نظام يضمن حقوق جميع الاطراف واستقلالية ضمن اطار وحدوي يسهم في حلحلة جميع الاذمات وينهض بالسودان موحدا قويا .
ثامنا :- اعلان حرية الصحافة وتشكيل الاحزاب بما يخلق مناخا ديمقراطبا يمهد لما بعد الفترة الانتقالية لانتخابات حرة ونزيهة مع استبعاد جميع معاول الهدم التاريخية والممثلة في عائلات المهدي والميرغني والتي فرضت نفسها في الساحة السياسية مستغلة ارثها التاريخي وافساح المجال امام جيل الشباب والعلم والخبرة والكفاءة .
تاسعا :- استحداث وزارتين جديدتين تحت مسمى التخطيط الاستراتيجي والبحث العلمي ووزارة الهجرة والمغتربين مع الغاء جهاز المغتربين .
عاشرا :- انشاء بنك حكومي تابع لوزارة الهجرة والمغتربين لتسهيل عمليات تحويلات المغتربين للبلاد والقيام بجميع عمليات التمويل العقاري والاستثماري للمغتربين مع اصدار حزمة من المحفزات واللوائح الحقيقية لصالح المغتربين وعمل نظام معاشات وضمان صحي لهم بعد عودتهم للبلاد مع الغاء نظام الضرائب والزكاة واستبدالها بالحوافز التحويلية وفتح الباب لاستيراد السلع الاستراتيجية عبر شركات مساهمة للمغتربين او مجموعات تحت رعاية السفارات السودانية تهتم بالسلع الاتية:-
– القمح
– المحروقات
– الادوية
– الاجهزة الطبية
– الاجهزةوالتجهيزات التعليمية.
– الاسمدة
– مدخلات الانتاج الزراعي والحيواني،
– قطع غيار المصانع والاليات والسيارات.
– الزيوت النباتية والالبان .
الحادي عشر:-
اعادة نظام الجمعيات الاستهلاكية التعاونية مع عمل بطاقات تموينية للاسر الفقيرة والمتوسطة والارامل والمطلقات والايتام وتخصيص المواد الاتية ضمن مظلة النظام التعاوني باسعار الجملة مباشرة من الدولة للمستهلك وهي:-
– السكر،الزيت،الشاي،اللبن،العدس،الفول ،الرز،الصلصة،البصل،اللحم،الدواجن،البصل،الغاز،البيض،الجبنة.
وللحديث بقية نتمنى التجاوب من الجميع عبر اسهاماتهم وتوجبهاتهم ليكتمل المشروع ونواجه الباطل بمشروعنا واستماتتنا في انزاله لارض الواقع والدفاع عنه والا فالكارثة على وشك والمجاعة على الابواب ولا مجال للمساومة مع من اضاعوا السودان .

بالمناسبة التوظيف بالطريقة دي يعتبر ركيزة قوية وداعم قوي جدا لاستمرار الفساد والفساد لا يتأتى الا من الجهلاء.

من أن تنصب المشانق لن ينتهي الاستهتار والمحسوبية والفساد.
ولا علماء تحريم السكر عندهم رأي تاني؟

السلام عليكم — التوزيع( التمكين) في مواقع مهمة وخطل ادارة الدولة وسوء توزيع الغنائم وجهل سوس معاش الناس هو ما برع فيه ( الاخوان) مع القدرة علي تفكيك بنيات اساس الدولة العامرة فكان فصل الجنوب وتحطيم المشاريع الحيوية لتتمكن عناصرهم من تكوين الثروات فغادر مشروع الجزيرة محطة الانتاج ودخلت الخطوط الجوية العناية المثفة وتشاء ارادة المولي عز وجل ان يمتد سوء توزيع الغنائم بينهم فيغتني بعض ( الاخوان) فيما يسمي بالقطط السمان وتبقي فئة في هزال ونظرات متحفزة لانتزاع الفريسة من بين انياب تلك التي تعض عليها وهذا ما يدق الاسفين بينهم كما تتنازع مكونات الدعم السريع فيما بينها واخيرا لا يصح الا الصحيح

(متوسم ) !!!!!!!!!!!!!!!!
معقولة ده إسم .
فيه مخالفة شرعية واضحة : فقد نهى رسول الله صلى الله عليه وسلم عن التسمى بأسماء فيها تزكية .

الولاء قبل الكفاءة وطز في الشعب السوداني دا لسان الحال

ويقولو ليك مهمشين وعايزين قسمة الثروة والسلطة واعادة تفكيك دولة ما بعد الاستعمار وهم أس الفساد

مممممم حدثني صديقي في بلاد الغربة .. كنا بنتكلم عن اوضاع السودانيين المغتربين في الخارج .. حكى لي انه كان يعمل في المواصفات والمقاييس وللأسف توقف عن العمل واغترب للسعودية لأنه لا يقبل ان يأكل الحرام .. من غير الاطالة لو عايز تبيع دواء مسرطن او مشروب منتهي الصلاحية او حبوب قاتلة كلها بتظبط وضعها بس تدفع .. لدرجة بتباهو بالرشاوي القبضوها .. للعلم فطورهم دلفري كان من عوضية للاسماك يوميا .. للأفادة فقط

البشير الكبير اجتاز الامتحان
مالكم كيف تحكمون
دي حكومة انقلاب الحركة الاسلاميه
الماعاجبو يعمل اعادة توطين في مكان
ارض الله واسعه

ده السبب في كوارث النهود وكسلا وانهيار الاقتصاد وشيوع الفساد، وكل بلاوي الإنقاذ.

وبرضو ده نوع من أنواع الاتجار بالبشر

ما تشوف معاك بنك السودان المركزي ….اولاد الوزراء و المدراء و الكيزان بطريقة فاضحة… طيش الفصل بالتمكين يبفي وزير ومدير… الواحدة في الجامعة مبلطة وهمها كله الاستايل و اللبس و الفارغة عشان ابوها سافي النقد الاجنبي كله بعد داك يعينا بعين قوية… ده وراثة ما تعيين.. ان شاء الله تضوي ليك يا حلوف…

هذا موضوع هزيل الناس في انتظار ارجاع المليارات من الدولارات المنهوبة ومحولة لبنوك الخليج وماليزيا . التركيز علي القضايا الهامشية يعني أن الحملة علي الفساد كزر الرماد في العيون.

هو كويس انهم رضوا يشتغلوا موظفين بينما غيرهم من ابناء المسئولين الكبار امتلكوا الشركات والحسابات بالخارج رغم انهم لم يعملوا في اي وظائف في السودان او غيره

فى وطن ضائع تقول لى ود الحاج ساطور