شكاوى من معاملة سيئة للسودانيين بمشروع (أمطار) الأماراتي
شكا عدد من العاملين في مشروع (أمطار) الاماراتي الزراعي بمحلية الدبة بالولاية الشمالية، من معاملة الطاقم الإداري الأجنبي بالمشروع وزيادة ساعات دوام العمل اليومي الأمر الذي أدى الى احتجاج (21) من العاملين مع تذمر آخرين في الوظائف الاسطى.
وابلغ مصدر مطلع تحدث لـ(سودان برس) إن الشركة استدعت العاملين المحتجين لمقر الشركة بالخرطوم غير انهم رفضوا الخطوة، مع اتجاه العاملين لتقديم شكوى بمكاتب العمل بالولاية الشمالية، لكن الخطوة لم تتم بسبب ضغوط مورست من قبل الشركة.
وتقدمت الشركة حسب المصدر، بشكوى ضد العاملين لدى سلطات المحلية، لكن سرعان ما تراجعت عنها بقرار من ادارة الشركة بالخرطوم.
وفي خطوة لمعالجة القضية، قامت الشركة بإستبدال المدير الإداري (الأجنبي) بأخر سوداني للحيلولة دون تصاعد الأمر.
وقال المصدر، أن دوائر حكومية بالولاية طالبت في اوقات سابقة، بتنفيذ الشركة لمشروعات المسؤلية الاجتماعية بالمنطقة حسب مايتم مع الإستثمار الخارجي، غير أن الشركة لم تنشئ تلك مؤسسات كما هو الحال بالنسبة للشركات الموازية، واكتفت برعاية (500) يتيم فقط بمحلية الدبة، وتشترط تسليم الدعم مباشرة من الشركة دون مراعاة لأسر الأيتام.
وبحسب المصدر فإن الشركة تستحوذ على مساحات واسعة من الأراضي الزراعية بمحلية الدبة للإستثمار في مجال العلف للتصدير، مقابل نسبة قليلة للقمح الذي يعتمد عليه الشعب السوداني في قوته، وتسعى الدولة للتوسع فيه عكس مايتم في مشروع الراجحي بذات الولاية.
وتطالب عدة جهات بسودنة العمل في شركة (أمطار) مع إستيعاب الخبرات السودانية القادمة من الإغتراب.
الزعيم الدلاهة الرهن صكوك مشروع الجزيرة زمان عشان يطلع ليهم بترولهم
الأرض سودانية والمياه سودانية والخيبة سودانية ، لماذا لا يتم سوسنة العمالة كلها من مديرها لغيرها ، المهندسين الزراعيين زرعوا صحراء الربع الخالي « ليوا » في الامارات فلماذا العمالة الاجنبية في أمطار لولا خيبتنا ، طبعا كلهم ظلمات مصريين.
اصـبروا وما صبركم الا بالله , الفـرج لاحـت بوادره وعـن قـريب سـوف يـسـقـط النظام الـفاسـد ويخـتـفـى معـه هـذا الفـسـاد وكل تـوابعـه ومن ضمنها الأسـتـثـمارات الـزراعـية التى سـوف تعـود الى اهـلـهـا معـززة مكـرمـة .
لو ان إدارات الشركة سودانية لعاملتعم اسواء من ذلك،
غالبية الموظفين مصريين اردنيين فلسطينين لبنانيين, حارس بوابة مصري بياخد الف دولار, المشروع ده مفروض يتم حرقه
شركة كلها اجانب, لكن انشاءالله سيتم كنسها مع زبالة البشكير
مشروع امطار هو استثمار اماراتى يقوم بزراعة الاعلاف الحيوانية فى الولاية الشمالية ..
المشكلة تكمن فى الاتى :
1- العمالة السودانية بطبيعتها هى عمالة ( متمردة) وتتسم بعدم المسؤلية .
2- الادارة هى عبارة عن ( فلسطينيين , وعراقيين) وهؤلا يتسمون بعدم احترام السودانيين كما ان لديهم جوانب عنصرية فى سلوكهم .
3-تغيير الادارة او المسؤلين بادارة سودانية يعنى انهيار المشروع , يتسم غالبية الاداريين السودانيين وخصوصأ فى عهد الانقاذ بعدم الكفاءة والفساد .
4- المشكلة يمكن معالجتها بالاتى :
العمل على منع الاداريين الاجانب من التعامل المباشر مع العمال السودانيين وتعيين سودانى ليكون منسق (حلقة وصل) بين السودانيين والادارة .
الاتفاق على بنود وشروط محددة يلتزم كل طرف بتنفيذها كما هى بدون اى اجتهادات او معالجات .
اصدار قرار من رئاسة مجلس الوزراء بمنع اى مسؤل حكومى ( معتمد , ضابط ادارى , والى , وزير ولائى) من دخول المشروع او التواجد فيه لانهم ياتون لطلب الرشاوى وعندما لا يجدونها يثيرون المشاكل بتحريض المواطنيين على المشروع ..
تسميم التربة الخصبة بمساحات شاسعة عشان علف والقمح أهم محصول في العالم! الناس بتستهلك القمح مش البرسيم. دي واحدة من جرائم النظام في نسف قوت الشعب لصالح الإمارات.
الاستثمار الأجنبي موجود في بلد وهي ظاهرة صحية ان أحسن التعامل معه
بالنسبة لنسبة العمالة المحلية هي ضمن شروط الاستثمار ممكن 20٪ او 40٪ المهم حسب الاتفاق والدول التي تقدم تسهيلات دائما لا تعقد المسالة المهم في النهاية سوق وعرض وطلب
بالنسبة للعمالة السودانية هي عمالة غير مدربة سيئة جدا و متسيبة و كثيرة الغياب
ومافي سوداني وإلا يحكي لك معاناته مع سباك او كهربائي او مقاول
كصاحب عمل و من تجارب شخصيه حقيقه احنا عندنا مشكله في التربيه و السلوك
عانيت اكثر ما عانيت من الاتي:
1- العامل لما تكون ظريف معاه عشان تحفزو (حسب نظريات الأداره الحديثه) بيفهم غلط و يفتكر انو صاحب المدير و يمكن يتسيب
2- الثرثره في المكتب و عدم التركيز العمل كلو يوم عاوز يتونس معاك و مع الموظفين لا يشتغل و لا يخليهم يشتغلو
3- عدم احترام مواعيد دوام العمل
4- عدم احترام مواعيد تسليم العمل او التقارير ممكن لما يجي وقت تسليم التقرير يكون لسه ما بدأ فيه
5- الكلفته و دي حاااااره عديييل كده
6- بداية العمل بدون وضع خطه واضحه لنهايته زي الببدأ يمشي في مشوار و ما عارف روحو ماشي وين النتيجه في الغالب مجهود كتير غير مثمر
7- عدم و جود اهداف و اضحه في الحياة بس بيصحي و يلف و يدور و ياكل و يشرب و ينوم و بكره يوم تاني
8- دائما بيفتكر انو مظلوم (ماكلين ضراعو) مع انو هناك عقد واضح و حوافذ فوق العقد
9- مشتت الذهن
10- ممكن (بي حسن نيه او سوء نيه) يتعدي علي المال الذي في عهدته
11- غير دقيق في حفظ المعلومات (لا يسجل اول بي اول)
السوداني علي طيبة قلبه صعب جدا تشغيلو كموظف
هناك ناس مميزين بس حسب خبرتي نادرين
افضل طريقه للتعامل معاه ان تكون مثال الأب القاسي و حنون في نفس الوقت
نحنا محتاجين لتوعية الاباء و تعديل المناهج الدراسيه لمعالجة المشاكل أعلاه و الا حا نتخلف اكثر و اكثر نسبة لضعف الأنتاجيه
والله عمركم ماتتقدموا … لابتشتغلوا لاحاجه .. دايرين الساهله .. ازرعوا المشروع سعوط وانسوا الموضوع .. قال مصريين وعراقيين وفلسطينيين .. امركم عجيب .. قال ايدينا الخضرا قال .. اوهام ودعايه على الفاضى .. شعب عاوز اباده .. لادايرين تشتغلوا لادايرين تخلوا الناس يشتغلوا .. الغريبه كان سافرتوا بره تشتغلوا زى الحمير .. لا والعجب ممكن يكون المدير هندى
الزعيم الدلاهة الرهن صكوك مشروع الجزيرة زمان عشان يطلع ليهم بترولهم
الأرض سودانية والمياه سودانية والخيبة سودانية ، لماذا لا يتم سوسنة العمالة كلها من مديرها لغيرها ، المهندسين الزراعيين زرعوا صحراء الربع الخالي « ليوا » في الامارات فلماذا العمالة الاجنبية في أمطار لولا خيبتنا ، طبعا كلهم ظلمات مصريين.
اصـبروا وما صبركم الا بالله , الفـرج لاحـت بوادره وعـن قـريب سـوف يـسـقـط النظام الـفاسـد ويخـتـفـى معـه هـذا الفـسـاد وكل تـوابعـه ومن ضمنها الأسـتـثـمارات الـزراعـية التى سـوف تعـود الى اهـلـهـا معـززة مكـرمـة .
لو ان إدارات الشركة سودانية لعاملتعم اسواء من ذلك،
غالبية الموظفين مصريين اردنيين فلسطينين لبنانيين, حارس بوابة مصري بياخد الف دولار, المشروع ده مفروض يتم حرقه
شركة كلها اجانب, لكن انشاءالله سيتم كنسها مع زبالة البشكير
مشروع امطار هو استثمار اماراتى يقوم بزراعة الاعلاف الحيوانية فى الولاية الشمالية ..
المشكلة تكمن فى الاتى :
1- العمالة السودانية بطبيعتها هى عمالة ( متمردة) وتتسم بعدم المسؤلية .
2- الادارة هى عبارة عن ( فلسطينيين , وعراقيين) وهؤلا يتسمون بعدم احترام السودانيين كما ان لديهم جوانب عنصرية فى سلوكهم .
3-تغيير الادارة او المسؤلين بادارة سودانية يعنى انهيار المشروع , يتسم غالبية الاداريين السودانيين وخصوصأ فى عهد الانقاذ بعدم الكفاءة والفساد .
4- المشكلة يمكن معالجتها بالاتى :
العمل على منع الاداريين الاجانب من التعامل المباشر مع العمال السودانيين وتعيين سودانى ليكون منسق (حلقة وصل) بين السودانيين والادارة .
الاتفاق على بنود وشروط محددة يلتزم كل طرف بتنفيذها كما هى بدون اى اجتهادات او معالجات .
اصدار قرار من رئاسة مجلس الوزراء بمنع اى مسؤل حكومى ( معتمد , ضابط ادارى , والى , وزير ولائى) من دخول المشروع او التواجد فيه لانهم ياتون لطلب الرشاوى وعندما لا يجدونها يثيرون المشاكل بتحريض المواطنيين على المشروع ..
تسميم التربة الخصبة بمساحات شاسعة عشان علف والقمح أهم محصول في العالم! الناس بتستهلك القمح مش البرسيم. دي واحدة من جرائم النظام في نسف قوت الشعب لصالح الإمارات.
الاستثمار الأجنبي موجود في بلد وهي ظاهرة صحية ان أحسن التعامل معه
بالنسبة لنسبة العمالة المحلية هي ضمن شروط الاستثمار ممكن 20٪ او 40٪ المهم حسب الاتفاق والدول التي تقدم تسهيلات دائما لا تعقد المسالة المهم في النهاية سوق وعرض وطلب
بالنسبة للعمالة السودانية هي عمالة غير مدربة سيئة جدا و متسيبة و كثيرة الغياب
ومافي سوداني وإلا يحكي لك معاناته مع سباك او كهربائي او مقاول
كصاحب عمل و من تجارب شخصيه حقيقه احنا عندنا مشكله في التربيه و السلوك
عانيت اكثر ما عانيت من الاتي:
1- العامل لما تكون ظريف معاه عشان تحفزو (حسب نظريات الأداره الحديثه) بيفهم غلط و يفتكر انو صاحب المدير و يمكن يتسيب
2- الثرثره في المكتب و عدم التركيز العمل كلو يوم عاوز يتونس معاك و مع الموظفين لا يشتغل و لا يخليهم يشتغلو
3- عدم احترام مواعيد دوام العمل
4- عدم احترام مواعيد تسليم العمل او التقارير ممكن لما يجي وقت تسليم التقرير يكون لسه ما بدأ فيه
5- الكلفته و دي حاااااره عديييل كده
6- بداية العمل بدون وضع خطه واضحه لنهايته زي الببدأ يمشي في مشوار و ما عارف روحو ماشي وين النتيجه في الغالب مجهود كتير غير مثمر
7- عدم و جود اهداف و اضحه في الحياة بس بيصحي و يلف و يدور و ياكل و يشرب و ينوم و بكره يوم تاني
8- دائما بيفتكر انو مظلوم (ماكلين ضراعو) مع انو هناك عقد واضح و حوافذ فوق العقد
9- مشتت الذهن
10- ممكن (بي حسن نيه او سوء نيه) يتعدي علي المال الذي في عهدته
11- غير دقيق في حفظ المعلومات (لا يسجل اول بي اول)
السوداني علي طيبة قلبه صعب جدا تشغيلو كموظف
هناك ناس مميزين بس حسب خبرتي نادرين
افضل طريقه للتعامل معاه ان تكون مثال الأب القاسي و حنون في نفس الوقت
نحنا محتاجين لتوعية الاباء و تعديل المناهج الدراسيه لمعالجة المشاكل أعلاه و الا حا نتخلف اكثر و اكثر نسبة لضعف الأنتاجيه
والله عمركم ماتتقدموا … لابتشتغلوا لاحاجه .. دايرين الساهله .. ازرعوا المشروع سعوط وانسوا الموضوع .. قال مصريين وعراقيين وفلسطينيين .. امركم عجيب .. قال ايدينا الخضرا قال .. اوهام ودعايه على الفاضى .. شعب عاوز اباده .. لادايرين تشتغلوا لادايرين تخلوا الناس يشتغلوا .. الغريبه كان سافرتوا بره تشتغلوا زى الحمير .. لا والعجب ممكن يكون المدير هندى
أولا
الأرض عندنا راقدة بس ازرع وورينا شطارتك ما تتفلهم ساي
نحن عارفين بعض السودانيين اتكاليين وكسولون نعم و
ثانيا
نحن عارفين بعض الضباط إذا خشو المشروع بيفسدوها لكن الحل انو الدوله تفتح الزراعه وتساهم في خفض البطاله …..
الرجرجة الذين يدافعون عن شركة شفط مياه السودان الجوفية التي تسمى امطار التي ستجعل من المنطقة عبارة عن صحراء منعدمة المياه الجوفية خلال 10 اعوام سيبكون في المستقبل.
أولا
الأرض عندنا راقدة بس ازرع وورينا شطارتك ما تتفلهم ساي
نحن عارفين بعض السودانيين اتكاليين وكسولون نعم و
ثانيا
نحن عارفين بعض الضباط إذا خشو المشروع بيفسدوها لكن الحل انو الدوله تفتح الزراعه وتساهم في خفض البطاله …..
الرجرجة الذين يدافعون عن شركة شفط مياه السودان الجوفية التي تسمى امطار التي ستجعل من المنطقة عبارة عن صحراء منعدمة المياه الجوفية خلال 10 اعوام سيبكون في المستقبل.