استشهد قبل ساعات من الآن الطفل مؤيد ياسر جمعة – خمس سنوات – ، وأصيب شقيقه محمد – ثلاث سنوات – إصابات خطيرة بالصدر سببت له نزفاً بالرئتين و ذلك إثر دهسهم بواسطة سيارة ( تاتشر ) تتبع لمليشيات النظام داخل منزلهم وهم نيام في حي الدروشاب بالخرطوم بحري.
أحد الشهود العيان أفاد على مواقع التواصل الاجتماعي وقال: (سبحان الله
الحادث دة حصل قدامى والله العظيم انا ساكن دردوق بشارع الهواء مع اللفة الكارثة من نبتة وآخر السامراب جنوب على شارع الهواء فى لفة حارة شديد لو ما حافظة تمام بتنقلب، فبتاع التاتشر العسكرى جاء بسرعة مبالغ فيهووالشارع لف وهو واصل طوالى نزل من الزلط وخبط عمود ضغط عالى وفى صبة كبيرة طلع فيها وخشا للأسرة دى جوة بيتها صدم طفلين والام كانت شايلة التالت فى يدها وبتصرخ كتل كتل اولادى. وللأسف طلع جبان وما راجل رجع خلف بقوة ما عادية وركب الزلط متجه جنوبا بشارع الهواء المؤدى للمايقوما وانا ومجموعة من العربات وقفنا ونزلنا من عرباتنا عشان نسعف ففاجانا بتصرفه دة بس فى بتاع كريز وبتاع توسان كانو مدوريين عربياتهم لسه سكوهو ونحن جرينا اسعفناهم فى عربية صالون بيضاء للحوادث وانا على استعداد للشهادة).
