أخبار السودان لحظة بلحظة

إنسانة وبس..

0

والضابط الامني يستجوبها ..فتقول له عمو كمال دا انا ..بحبو شديد ..وما كان يريد تلك الاجابة.. وما كانت تخشي التهديد ..فتقضي ليلتين وهي معتقلة ..برئاسة الجهاز ..ولحظة اطلاق سراحها ودعتني بنظرة ثقة وهي تقول ح نتلاقي اكيد ..
ومن قبل ذلك..اتصلت يوما لتقول ..لو ماعندك حاجة تعال لي في المستشفى ..واكتشف لاحقا انها صرفت اول مرتب ..وارادت ان تقاسمني اياه ..واخرج من المعتقل والمغص المعوي يكاد يقتلني وسمة دكاترة الامن الصهينة واللامبالاة ..وانا اكره مشاوير العلاج ..لكنها لا تتركني وتدور بي علي الدكاترة والمعامل ..وتدفع التكاليف خلسة وهي تظنني غافل ..كما تتكفل بالدواء ..وليس كل ما يعرف يقال في حقها ..
وفي كل حين هي ذات الانسانة مع الجميع ..وذات نفس ثائرة ..تخوض مع الخائضين بجسارة اتون الثورة الملتهبة ..
انها واحدة من جيل نفتخر به ..جيل استثنائي تتواضع امامه اجيال اكتوبر وابريل ..جيل قفز فوق حواجز ايدولوجيا الزيف ..والترسانة القمعية ..والتخذيل ليصنع سودان الغد المشرق ..سودان الكرامة ..سودان المواطنة ..
عذرا ابنتي تسابيح -بيحا – علي التخصيص فمن سمات ثورتنا الانصاف وقول الحق ..وبيحا شقيقة ابني امين التي لم تلدها شريكة حياتي نايلة ..وابنائى وبناتي ..كثر ..يجمعنا الامل والفكر والعمل .نسير جميعا ..في درب النضال ..وشعارنا لا بد لليل ان ينجلي ولا بد للقيد ان ينكسر ..
هي المواكب لا تخون ..تسقط بس
ومرحبا بالمعارك ..
كمال كرار

اترك رد

لن يتم نشر عنوان بريدك الإلكتروني.