كلمات بسيطة.. إهداء لكل سوداني أصيل.. ولكل جندي شريف راضع حلال من ثدي البلد الجميل.. ولكل شهيد وجريح وأسير.. 6 أبريل يوم التحرير من الاخوان المسلمين الظلمة وتجار الدين✌
عشان بلدك ما يروح لعدوك
عشان أمك وأبوك وأخوك
ودم الشهداء الماتوا هدوك
هم بالروح الغالية فدوك..
*ـ*
أطلع يا زول ما تبقى خنوع
كفاك هوان وعذاب ودموع
وللفاسدين كفاية خضوع
لمتين الناس يهريها الجوع..
**ـ*
تلاتة عقود وبلدك مسروق
بالتمكين سلبوك حقوق
سقوك الذل وقلبك محروق
قوم يا أصيل لوطنك فووق..
*ـ*
وينك يا جيش وشعبك منحور
مالك مدسوس في بلد مقهور
يا الكان الشعب كم بيك فخور
أهي حوبتك جات وعليك الدور..✌
#موكب6أبريل
#تسقط_بس
