أخبار السودان

الوضع الميداني في القيادة العامة الآن (الساعات الأولى من 10 أبريل)

السودان في الداخل والخارج لا يستطيعون النوم، قلقاً على أرواح الشرفاء من أبناء شعبهم المعتصمين أمام القيادة العامة لجيش بلادهم… يبحثون هناك عن السند والأمان، بينما عدوهم يستغل الليل وساعات النوم، ويطلق عليهم ذئابه والكلاب..
التقرير التالي من أحد الشباب الثائر(يونس سيف الدين) يحاول من خلاله بث الأطمئنان في نفوسكم:
‏للناس العايزه تتطمن في القيادة الحاصل كالآتي حتى الآن:

1- متاريس فُل حول وداخل الإعتصام مسامير أسلاك شائكة حجار أي شئ يخطر على البال في متاريس أعلى من طول الزول ذاتو الليله الكجر الا يجو برجلينهم تاتشر كان نطط ما بيخش ولا دبابة حتى ما بتقدر تخش.
‏2- الأعداد كبيرة جداً وماشة في زياده والحماس في السماء ومنتظرين كلاب البشير وقرد الفحم يجو.
3- الموية والأكل متوفرة جداً أشكال وألوان وخيم الإسعافات متوفرة وكلوو ظابط.
‏4- الكهرباء ما قطعوها وأمجد إستور دعم الإعتصام ب بوار بانك وشواحن ووصلات كهرباء وكلو تمام.
5- كشافاتهم فوق وموصله وجاهزة إحتياطي لو قطعو الكهرباء و ساوناتهم تلعلع.
‏6_الجيش مشى اتأكد عليهم بنفسه ولقاهم نفس الأبطال حقين أمبارح وجاهزين وقالو ليهم والله الليلة الا يطيروا كان جو ما ناسيين دم أخوانهم الإستشهدو ربنا يرحمهم الليلة ما مرتكزين لافين معانا عديل في الميدان بيطمنوا على الناس وبيدوهم نصائح للترس والتقفيل.

‏يعني كل الأوضاع تمام التمام لحدي آسي والحمدالله وما ناقصهم الا دعوات الناس ولو في ناس بتقدر تصلهم تكترهم يكون ممتاز جداً..

نُشر بتوقيت : 11:59 PM
منقول من Younes Saifuddin Jr. ..

#اعتصام_القيادة_العامة
#مدن_السودان_تنتفض

تعليق واحد

  1. يارب تسترها مع الشعب السودانى والله الشعب صبر حتى الصبر قال عليهم صبرتو ناس دايره ابسط حقوقها لو سالتهم عن السياسه بيقولو ليك نتعالج ونعلم عيالنا وناكل كويس ناس ابسط البساطه شعب مافى منو اتنين شعب طيب بشهادة كل البلاد شعب يستاهل رئيس وطنى يحكمو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..