@ طيب واضح انو المسالة دي أكثر تعقيدا من ما بتصورها الطريفين الناس الشايفين انها قدر الوزارة والناس البتهموها بمساندة النظام .
@ خلال متابعتي للناس البتهموها بانها كوزة حقيقي ما لقيت ما يثبت انو الزوله دي ساندت النظام علي المستوي السياسي الواضح بل بالمقابل لقيت ناس جابو ما يثبت انها شاركت في وقفات ايام الثورة وقدمت افادات داخل وخارج السودان ضد النظام .
@ بالمقابل واضح انو اتهامها بمساندة النظام ما ناجم عن فراغ ابدا بل هو قرايه لتوجهها الاسلاموعروبي البيدعم خط النظام في اظهار كل ما هو اسلامي عربي ومحاولاتو لطمس كل ما هو غير ذلك او محاولة استعرابو في سياق اكاديمي .
@ الشايفين انو انتصار ما بتنفع تتولي الوزارة دي ما كلهم شايفين انها كوزة بالمعني السياسي بل شايفين انو توجهها الاسلاموعروبي بخليها غير محايدة في ادارة الوزارة دي باعتبار انو كل ما يهمها في تاريخ السودان هو تاريخ ما بعد دخول الاسلام للسودان, اما الشايفين عكس ذلك بشوفو انو د انتصار اكاديمية واهتمامها بالاثار الاسلاميه هو جزء من عملها كـ اكاديمية .
@ عدد من الناقشتهم شايفين انو الاثار والسياحه مفترض يكونو مدخل مهم لدفع عملية الاقتصاد السوداني وانو الدوله لو حتمشي في اتجاه رؤية انتصار للاهتمام بالاثار الاسلاميه فدي سكه حتكون مًنفرة للسائح البكون عندو خيارات كتيره لزيارة الاثار الاسلاميه في دول ومناطق اخري غير السودان علي عكس اثار حقب ما قبل الاسلام البتكون جاذبه جدا للسائح لقدمها وغموضها وتفردها بالاضافه لانهم شايفين انو تولي اكاديمية ذات توجه عروبي حيكون مواصله لمشروع الاستعراب المسنود بالبترول القطري .
@ المهم انو المسالة ما مسالة كوزة ولا مناضله ولا مسالة انها نوبية ولا دارفورية ولا شايقية بقول الكلام دا بس عشان ما نسطح القضايا ونفرغها من مضامينها .
عاطف عابدون – فيسبوك
يا
عاطف عبدون
إثارة اشياء شخصية ثانوية بهذه الطريقة في شخصية محددة بالاسم في هذه اللحظة يشتم منه رائحة أهداف شخصية تهمك تجاه صغيرون…
المعيار الان هو الكفائة و الإيمان باهداف ثورة ديسمبر المجيدة.
ما فهمت عايز تقول شنو بالضبط ..يعني تنفع و لا ما تنفع .بعدين انا ما شايف اي أهمية لمثل هذه الوزارة في هذه المرحلة الانتقالية
اقتصاد مصر قائم على وزارة السياحة,وانت بلدك فيها اماكن سياحية اكتر من مصر, قال ما شايف اهمية ليها قال, غباء منقطع النظير.
يقولوا ليكم دي مؤتمر وثني وشاركت في انتخابات 2015 قطاع المرأة في الحزب تقولوا تنفع ولا ما تنفغ! طبعاً ما تنفع وشهاداتها دي مضروبة تبلها تشرب مويتها ولازم تكشفوا لينا الرشحها منو من قوى الحرية والتغيير، ديل مندسين أكيد، وبي كدا شغل ممثلي التغيير عبارة عن ماسورة والله يعوضنا شبابنا الراح
يعني السودان ده كله مافيه شخص وطني مؤهل يدير الوزارة دي, عشان نجيب الزولة دي.
المشكلة ما في الشخصية دي..المشكلة في الغواصات داخل قوي الحرية والتغيير. .ومؤشرات ذلك واضحة كموضوع السلطة القضائية والنائب العام والمحاكمات واسترداد الأموال المنهوبة وخلافه.يعني كل الأنظمة والشخصيات مازالت كما هى والنظام غاب عنه المشير البشير فقط بمعني ان البنية الحاكمة الآن هي الانقاذ2.وهذا هو سيناريو الهبوط الناعم
طالما كانت مرشحة مؤتمر وطني
تكون مصيبة كبيرة
والله لا الوزاره اسه مهمه ولا للبروف أهم… اسه في الحاله النحنه فيها دي السياحه ترف لا نقدر عليه في بلد النظافه والبيئة والبنيه الاساسيه معدومه.. اسه آت في الخرطوم دي مويه نضيفه مافي والضبان موجود في كل مكان والشوارع لاتسر عدو ولاصديق. ََََفاين سيسيح السائحون!! دعك من الانهيارات للطرق والبرك والتلوث…
وأعتقد أن التغيير يحتاج لكفاءات أيضا لتحديد الأولويات الوزاريه… فوزاره بيئه وتنميته اجتماعيه كانت أولى من سياحه… لبلد لن يقربها احد في الوكت الراهن..؟؟ فخلينه واقعيين… ولنستغل الوكت المتبقي من الانتقاليه في وزاره تقييم الأساس للبلد ولنترك الأحلام الكبار لمابعدها والا فلن نبلغ بلح الشام ولا عنب اليمن إذا لم نوسس لدوله مدنيه حقيقيه في هذه الفتره.. والجماعه بيحبوا لاعاده الحزبيه التعيسه بعدها.. ولتنظر حولك…
السياحة بتجيب ليك دخل ولا ما بتجيب, عليكم الله يا ناس خليكم فاهمين شوية, بلاش غباء, كفاية الغباء الكنا متحملينو 30 سنة
يا جماعة ورونا الرشحها منو من قحت و هي مؤتمر وطني كامل الدسم و في قائمة مرشحنه في انتخابات 2015
بعدين سياحة شنو إذا كان الناس في قلب العاصمة بتقضي حوائجها في قارعة الطريق…. يا قحت خليكم واقعيين
هي كوزة اصلية لان منهج الكيزان الاساسي هو لا ثقافة ولا دين ولا بني ادم يعلو فوق الثقافة العربية الاسلامية وهكذا قادت الجبهة الاسلامية حرب الابادة بجنوب البلاد
حتي مآخذ جون قرق علي الصادق المهدي ان الاخير ذكر في اجتماع قمة للمؤتمر الاسلامي في جدة انهم في السودان يدافعون عن العروبة والاسلام
وهذه الكوزة نقل عنها انها شاركت لمؤتمر للحضارات في فرنسا ورفضت الاشارة للحضارة النوبية اي رفضت الاسهاب فيها و تحدثت عن الحضارة الاسلامية ودخول العرب في السودان وهلمجر ……… وهذا ما نقل عنها في التواصل الاجتماعي والله اعلم
كوزة مندسة عرفنا وهذا معلوم ؟؟ ثقافيا محصورة في فترة معينة وهذا ما قدمها للمؤتمر الوثني …….. ان كنت معارضا حقيقا لنظام البشير وانت تعلم كل ما مر بالسودان من انحطاط لا يمكن ان تقبل المشاركة في اي مستوى من مستويات الحكم فيه ان شاء الله محلية ؟
الناس المعارضين الصااااح تركوا له السودان كله وعملوا من الخارج .
صغيرون لا تصلح لاي منصب لانهاء امتداد لما سبق الاعين على الوزارة . وان كانت تملك شي من لكرامة لقدمة اعتذارها عن الترشح كغيرها مما سبق مجرد ان دار لغط حولهم .
كثير من التعليقات ترى لا اهمية لهذه الوزارة في الوقت الراهن . ثلاثة سنوات لا يمكن التعافي من اثار الفيضانات والسيول في البنية التحية لاي ولاية …..
الاولى الان وزراة تهتم بالبئية بالانسان .
باختصار . هي تنتمي لعائلة معروفة جميع افرادها كيزان يعني في جميع الاحوال حتى لو كانت شيوعية لابد ان يكون بداخلها كوز صغير !!!!! يعني ما تنفع
طبعا واضح انها محاولة بائسة لاغتيال شخصية وتلطيخ سمعة انتصار صغيرون لصالح جهات سياسية معروفة. ما أضر وأخر السودان شي زي استمرار الملتويين في إزاحة المستقيمين، لم يعرف عن البروف انتصار وأسرتها المعروفة في السودان إلا النزاهة والكفائة العلمية والترفع عن المناصب، فلا هي كوزة ولا الأسرة أسرة كيزان والشمس مابغطوها بغربال ولكنه الغرض والمرض والجهل في بعض الحالات. للأسف هذه نفس الألاعيب القذرة التي مورست سابقا مع عميد الأسرة وجد البروف الراحل عبد الرحمن على طه وللدكتور النور حمد مقالات منشورة عن ذلك. الناس الماعارفة وعاوزة تقف على الحقيقة عليها ان تشاهد الفيديوهات المهنية المنشورة للبروف في اليوتيوب وتبحث عن اسمها وتحكم بنفسها. وفي الأخير دي ثورة وعي والألاعيب السياسية القديمة في تغبيش الوعي العام لتمرير الاجندات الرخيصة ماعادت تنفع، ستسمر هذه الثورة وستنتصر بعز عزيز او ذل ذليل.
الشايفين انو انتصار ما بتنفع تتولي الوزارة دي ما كلهم شايفين انها كوزة بالمعني السياسي بل شايفين انو توجهها الاسلاموعروبي بخليها غير محايدة في ادارة الوزارة دي باعتبار انو كل ما يهمها في تاريخ السودان هو تاريخ ما بعد دخول الاسلام للسودان, هذا يكفى لإزالة اسمها من اى قائمة فما اضر بالسودان غير هذا التوجه الذى يلغى الاخر أيا ككان دينه وعرقه
ما عندها علاقة بالكيزان وضد اللاسلاموعروبية أستمعوا لها في لقاء سابق لها الشهر الماضي في حلقة على قناة سودنية 24
المفؤوض تكون اول وزيرة اثار السيدة مؤهله لهذالمنصب
والدكتورة انتصار صغيرون وزيرة التعليم العالي هذه السيد ة كانت تشغل برف اثار وسياحه مقعدها الوزارة فى مجال تخصصها كان ا نفع للثأر والسياحه وان توكل مهمة التعليم الأعلى لاحد المعلمين هذا رأي