كمان جابت ليهو يهود .يا سعادة وزير الاوقاف . نحن مامصدقين حيرفعوا اسم السودان من قائمة الارهاب . اتريد ان ترجعنا لمربع االقاعدة وداعش وهم على مرمى حجر بذريعة الدفاع عن ارض النيلين.. وهاك ياتغجير..
هات الحبوب ياولد .. كما يقول استاذنا. الفاتح جبرا.
هل انت اكثر حنية وفهما في حقوق اليهود من البروف عون الشريف وكل وزراء الشؤون الدينية المتعاقبين ام سبق اعلامي .. والله زعلتنا يامغرح.
يعني خلاص مشاكلنا اتحلت بعصا حميدتي وحمدوك وزعامة البرهان والعملية بحبحت وتبقت مشكلة يهود السودان. اهم عالقون في بلد ام لاجئون في حد اشتكى ليك .
هل رتبت امورك وتصورك لوزرارتك ومعالجة الخلل والقصور. وحصر الاوقاف. والشؤون الاخرى..هل لك تصور في القوانين الاسلامية والتي باتت مهددة. هل فكرت في حقوق الائمة والوعاظ والدعاة هل لك تصور في دعم ان تقبل الطوائف بعضها . هل فكرت في زيادة نسبة الحجاج. هل فكرت ان تلغي مايعرف بالحج التجاري. هل فكرت في التوجيه الى صيانة المساجد العتيقة والتوسعة والمواضىء ودورات المياه ونظافتها. او انشاء مدارس قرانية او دعمها وهل فكرت في نشر تقافة التسامح والوسطية ونبذ الغلو والتطرف. ونحن نسعى للسلام. هل فكرت في الخلاوى ودعمها وخروجها من تقليديتها والعناية بها. هل فكرت ان تراجع المناهج في التربية الاسلامية.. وهل وهل. وهل يهود السودان ينتظرون ان ترد حقوقهم وهم من اذكى البشر. وهل انت كوزير مخول ان تصرح في اشياء من
صميم اختصاص مجلس الوزراء والبرلمان في قضية بالغة الحساسية ام راي شخصي. واذا كان الناس مش قادرين يستوعبوا ويقبلوا الشيوعي السوداني .. ولا الجمهوريين من لحمهم ودمهم تريد ان تفتح جبهة بهود وصراع . ومن الذي اجلاهم في الاصل. ام هذا عربون تطبيع…
ام تريد ان يرجع الشباب الاسلامي الى المليونيات. مالك ياشيخ عايز تجيب لينا هواء.. الفينا كافينا. ثم ان يهود السودان اصلا وين وهل هم احفاد او نسايب اينشتين. ولا في وكالة ناسا. حتى نسعى لعودتهم. زعلتنا منك يامفرح.
عبد الله محمد خليل
مقال رصين
عفوا = كمان جابت ليها
يا عمنا عبد الله من حقك ان تكتب طبعا ما تراه لكني أنا اخالفك الراي أنا راي الوزير يريد أن يرسل رساله للعالم بأن. هناك تسامح ديني في السودان وهو يعلم علم اليقين ان من خرج يعود حتي السودانيين انفسهم
انا ارى ان السيد الوزير بيتعامل بمبدأ حقوق المواطنة و التسامح الديني. و لا تنسى اخونا عبدالله أن في السودان مسيحيين و بوذيين و سيخ و حتى اليهود موجودين و غيرها من الاديان و انت موجود في السودان و عارف كل شيء. مشكلتك أن اليهود الجايين ديل من عرقيات انت لا ترغب فيهم. لكن مافي اي طريقة لأنهم سودانيين.
اختلف معك اخي عبد الله .. و ان كانت هناك اولويات تواجه سعادة الوزير كما اشرت .. فاليهود السودانيين اهل كتاب و لا عداوة لنا معهم كما الحال مع اخوتنا المسيحيين .. و من نكن لهم البغضاء هم اليهود ( ذوي النعرة الصهيونية ) الذين يحلمون بابادة الفلسطينيين و اقامة دولة صهبونية علي ارض فلسطين المغتصبة .
اجو اشاركو فى بناء السودان الجديد بلا داعش بلا تخوين بلا لمة بعدين حكاية مشاكل السودان ما اتحلت دى حقو ما تلوكوها لبانة كل واحد فى مجالو داداير الاوقاف تعمل فى الحج والعمرة وتحصيل الايجارات طيب الفايدة شنو من الثورة
وكمان لو ما عاجبك كلام مفرح بعودة اليهود لحارتهم
ورينا انت لماذا يفضلو لاجءين فى انحاء العالم
يا عبد الله يا كوز خلي الشباب المتأسلم يطلعوا بالمليونات ان كانوا قادرين واقحامك للشيوعيين يعني النار اكلت قلبك والله انا شايف كتاباتك هايفة جدا والمفروض علي الراكوبة تحرينا من وجع الدماغ.
تصريحات الوزير جاءت من باب التسامح الديني يا صاحب المقال
حمار كاتب نهيق