لا يا السيد وزير الثقافة والاعلام الاستاذ فيصل محمد صالح …

كفيت و وفيت .. و ليت الاستاذ فيصل يتعامل في موقعه الجديد كسلطة تنفيذية كاملة الدسم و ليس كصحافي مراقب .

يافيصل ،نحنا الرومانسية والحنية الزائدة بتاعتك دي مابتنفع معانا يعني هسه انت وزير ليك أسبوع وماشفنا منك اي حاجة ولااظن انه يخفي عليك انه من أولي الاولويات هو تنظيف الوزارة والتلفزيون والإذاعة من الوسخ القديم وانت ادري به اما قصة لا إقصاء لأحد ولم ناتي لتشريد احد فهذه ليست لغة الثورة فنحن مع إقصاء وتشريد ومحاسبة كل من عادي ووقف ضد الثورة والثوار وإذا كنت تعتقد انك كوزير ان مهمتك ان تلبس بدلة وتمشي الوزارة وترجع اخر اليوم بدون إنجاز اي شي في صالح الثورة فأنت مخطئ ولا فرق بينك وبين وزراء الإنقاذ وأحسن تستقيل وترتاح في بيتك اذا كنت غير قادر او غير راغب تغيير حال الاعلام المزري.
شِد حيلك يافيصل ونظف الوسخ وأبدا بالتلفزيون وكل السودان معاك .

كلام صاح، يا استاذ فيصل اكرب قاشك و ارفد من طرف و الشعب وراك ولا يهمك، نحنا دايرين إقصاء و عزل و رفد و بهدلة و محاسبة و سجون و مشانق، الكلام الني دا ما وقتو و الكيزان لو اتمكنو تاني (الله لا يعيدهم) حيبدو بيك انت اول واحد و حتعرف حاجة جد جد.
مافي حاجة اسمها التلفزيون تابع لي رئاسة الجمهورية، طيب انت وزير شنو؟؟ قوانين الكيزان دي محلها الكوشة.
مدنيااااااو

يا سعادة الوزير تلفزيون السودان ده بكل قنواته عايز كنس من الفراش و انتا طالع قنوات تشاهدها لمدة ساعة في اليوم تصاب بجلطة فى الدماغ و طوالي المقابر.تلفزيون لا يشبه هذه الثورة و مكرس للجهل فقط.

السيد فيصل ركب موجة الكيزان فى حكاية مافى اقصاء دى ويبدو انو صدقها.. لانو شايفهم منذ أن تم كنس نظامهم شابكين الناس حكاية الاقصاء دى وكمان فى لهجة تصعيديه لاتخلو من التهديد .. وطبعا هم انتشروا فى كل القنوات بصورة ممنهجة ومبرمجه لتهديد الناس كدى الراجل يقصينا ( ماعاف فيصل خاف وللا شنو .. ؟؟ ماعلينا ..بس هنالك نقطة مهمة يظهر الناس ماإنتبهوا ليها وهى منو البقصى منو ..؟؟ واسع لو مسكنا الموضوع بى مسألة حسابيه منو المسير دواوين الدولة الى الآن .. ؟؟ فلو مسكنا مجلس السياده بى الناس المتهم انهم محسوبين عليهم خمستاشر زول .. الحكومه بى الناس اللى حيعينوا ربما خمسه وعشرين زول .. يعنى كلهم مافايتين خمسين شخص وباقى إدارة الدولة كلها فى ايد الكيزان يعنى لو أن هنالك جهة تشكو من الاقصاء فهم من صنعوا الثورة والمشكلة أن من أتت به الثورة الجبناهو فزع الله يستر مايبقى وجع ..!!
ولكن طالما أن الثورة متقدة فى أفئدة وعقول الناس فمافى عوجه حتى لو حاد عن طريقها ولو كان اقرب الناس اليها فسناخذ الدنيا علابا .

والله الواحد بيخجل لمن نشوف الدول التانيه البتناقش كل سلبيات بلادها علنا البلد دي محتاجه شفافيه في كل شي
ياخ ارم الحق ولو على نفسك اي وزير مسكوه مسؤليه مفروض يكون قدرها ويخلي الخوف والمحاباه انهضوا من سباتكم يرحمكم الله… ارتقوا ببني السودان.. كلكم راع وكلكم مسؤول عن رعيته