مقتل وإصابة “14” شخص نتيجة انقلاب بص بشريان الشمال

متين تنتهي حوادث انقلاب البصات والحافلات المؤلمة دي. الطرق السفرية تعبانة خالص، ودايما لو ملاحظين السبب إنفجار لستك، لان الزلط خشن شديد ومحفر فيزيد الاحتكاك وتزيد معاه حرارة وتتقطع السلوك ويضرب.
الطرق القومية محتاجة شغل من الاول، ودي شغلة بتاخد زمن طويل. حفظا للارواح في المرحلة الحالية، وكإجراء لتقليل الحوادث الزي دي، مفروض يلغو الجمارك عن لساتك البصات والحافلات وكل مواعين النقل العام. الناس ديل بجازفو بلساتك عارفنها منتهية عشان ما عندهم مقدرة يغيرو جديد او مستكترين السعر، وهي بالجد غالية شديد. نوجه نداء لإدارة الجمارك، عسي ان يصلهم، بإعفاء إطارات البصات السفرية والحافلات علي وجه الخصوص من الجمارك الباهظة حفظا للارواح.