الاتحاد العربي يرفض المادة “١٠” من قانون تفكيك الانقاذ

سبحان الله و الله من لحظة انضمامنا للجامعة العربية امورنا في تدهور.
بلاء يخمهم كلهم

الكلام ده مدغمس لغة و مضمونا.

كدي دقيقه زحوا كدا جنبا ، عشان فصاحتكم الغير منتجه دي ، التفكيك يجب ان يبدا بكم أولا . من المعروف ان اي اتحاد او نقابه في زمن الانقاذ لم يجاري فكرهم الاستحوازي العنصري الجهوي الغوغائي لم يمكث شهرا واحداً هذا ان لم يقم أصلا و لم يكن له وجود ، و يا ما منظمات وطنيه صادقه كافحت لتقوم و تم تدميرها في بواكرها بالدسائس و المكر و الوقيعة و التشريد . وجودكم و مباركتكم لكل تلك الظلم لهذا الشعب السوداني و انتم تحتسون الكذب و النفاق و تتمرقون في أموال السحت مع أعداء الشعب ثم الان تتكبكبون بان لا يحاسبونكم ، لا والله دي فنجريه فارغه و خلط للأوراق . عليكم بهم يا ثوار فانهم يكذبون ، فهم من جهجهوا الهويه السودانيه التي كانت من المفترض و ينبقي عليها القيام علي أساس المواطنه بين كل إثنيات السودان لكن ابت نفوسهم المريضة الا نشر البغضاء و الفرقة بين ابناء الوطن الواحد من اجل معارب اسيادهم الدخلاء و الظلمه .

اها يا اخوانا دي العوجة التخلي الذول يعضي ايديه.الاتحاد العربي دا كان وين ما كان شيفنا زمن الشلهتة والبهدلة…لو دير صلاحنا اليجي يشرف علي الانخابات الجاية وكدي يشوف ناسهم البمثلوا ارقام عندهم ديل بوصلوا وين مع الديمقراطية الحقة.
يا ناس خلوكم واعين. السودان خلاص فارق التبعية وقرارته لازم تكون من صميم ارادته ومافي زول يقول لينا انتو مربوطين بأتفاقيات ملزمة ! انحنا الشئ الي ما بنفع مانا ما بنفع…النقابات دي مش عمل طوعي لخدمة الاعضاء…مارسنا العمل النقابي مع الطغمة البائدة واجهتنا بالقمع والتشريد الآلاف راحو ضحايا التشريد والتمكين ناهيك عن الخصخصة وبيع مؤسسات الدولة الخدمية وما كان ليكم دور لا انتو ولا منظمة العمل الدولية مافيش وصاية! لمان ناخد القرار بكامل ارادتنا الف مرحب وحبابكم عشرة… لكن هسع ما تعقدوا لينا امورنا باوهامكم الما نافعة دي.

لا دخل لنا بالاتحاد العربي وهل يعلم الاتحاد العربي كيف كانت تتكون النقابات؟

اين كان الاتحاد العربي عندما حلت كل النقابات و تم تشريد مئات الالاف من الموظفين ؟!!!
الم يسمع بالتمكين؟!!