فجر القيادي بقوى الحرية والتغيير وحزب البعث العربي الاشتراكي محمد ضياء الدين مفاجأة من العيار، وأكد أن كل الأحزاب السياسية لديها وجود داخل المؤسسة العسكرية حتى الآن، وفيما قال إن الإسلاميين ما زالوا يدبرون لانقلاب والعودة من جديد للمشهد السياسي عبر مجموعاتهم التي ما تزال موجودة في جهاز الأمن والشرطة والقوات المسلحة، أضاف “السلطة فطامها صعب ما زالوا يدبرون من أجل العودة من جديد للسلطة بوسائلهم التقليدية التي عبروا بها في 1989″، في وقت نفى ضياء الدين بشدة وجود أي دور لمدير جهاز الأمن السابق صلاح قوش في التغيير، وأردف “قوش أحد مجرمي النظام السابق الذي يجب أن يكون موقعه الآن في سجن كوبر، كيف لقوش الذي يعتقل ويعذب أن يحدث ثورة ضد النظام السابق”، وزاد “قوش لم يكن جزءا من التغيير والتغيير أحدثه الشعب عبر ثورة شعبية”.
وقلل ضياء الدين خلال حديثه في برنامج “حوار مفتوح” بفضائية النيل الأزرق من دور رئيس مجلس السيادة الفريق أول ركن عبد الفتاح البرهان في انقلاب حركة “28” رمضان، مشيراً إلى أن مشاركته كانت في جزئية محددة، وكشف أن الولاة المدنيين سيكونون سياسيون، معلنا اختيار (14) مرشحا تابعين لحزب البعث العربي الاشتراكي ضمن قوائم المرشحين للولاة.
السوداني
بالمنطق كدا ، و خلونا من المزايدات و الخم بالكلام السياسي للناس البسطاء ، الكيزان ديل اذا عملوا انقلاب ح يحكموا منو ؟ مش الشعب دا اللي طلع عن بكره ابيه و ترك وظائفه و أعماله و دفع في سبيل حريته دماء شبابه الغاليه . انا أقول بالمنطق كدا مستحيل يبركوا و يذلوا الشعب دا تاني باخوي و اخوك كلو كلو ، خلاص الناس دي فتحت ، لا بتنفع معاها تخويف و لا تنفع معاها كتل و لا بتنفع معاها سجون ، و ما بينفع معاها الا المنطق و اللي بيقول أنت داير تجي تعمل انقلاب عشان تعمل شنو ؟!!! ٣٠ سنه ادوك فرصه عملت فيها شنو !!! ، غير زرعت فيها العنصريه و الكراهية و نشرت فيها الكتل و قسمت البلد الي نصفين و النصف الباقي عملت فيهو اللي ما بيعملوا النجار في الخشب تقطيع و تفتيت في البنيه الاجتماعيه و النشاره بتكبها بره و الباقي بتبيعو يمين و شمال بابخس الثمن و عملت اكبر ازمه انسانيه في تاريخ الأمم و ادخلت في اراضيك اكبر قوه امميه في تاريخ الأمم المتحده عشان تحمي الشعب من بطشك و حصل في وقتكم اكبر هجره بشريه في تاريخ السودان الي اصقاء العالم هربا و بحثا للعيش الكريم و عملتوا اكبر دمار لأعظم اداره خدمه مدنيه في القاره الأفريقية بتشريد الملايين من وظائفهم . بالله إنجازاتكم شنو في كيان الامه السودانيه غير الكراهيه عشان تاني الناس دي تطلع تؤيدكم و تشتغل تحتكم بعد انقلابكم المزعوم . اوعك تقولوا عملنا كباري و طرق و عمارات و كهرباء و اتصالات ، عشان ديل مش إنجازات ديل خدمات اي حكومه ملزم يعملها عشان دا شغلوا أصلا مش حاجه فوق الواجب عشان تجوا تستعلوا بيها علي الشعب . مع انو في ناس في الأقاليم شربه مويه ما لاقينها خليكم من الكهربه . ناس مرت في حياتها من المهد الي اللحد علي الترانزيت زي ما بيقول الأستاذ المخضرم فتحي الضو ، و ما شافوا ليهم حاجه اسمها متاع الدنيا . هوي احسن ليكم تقربوا بأدب و ترضوا بما كسبت ايديكم من الموبقات اكسبتكم اللعنه الي يوم الدين . كدي اقعدوا و استغفروا الله في اللي عملتوا في الشعب دا و اطلبوا منو العفو و التوبه و المجرم فيكم يرضي بعقابه و يراجع نفسو .
براااافوو عليك …