الخرطوم – الراكوبة
وصف رئيس حركة تحرير السودان، مني أركو مناوي، خيار نقل التفاوض إلى داخل السودان بأنه مجرد مزايدة رخيصة، يلعبها من يسعى لإجهاض عملية السلام المنعقدة جوبا.
وتستضيف جنوب السودان منذ أغسطس الماضي، مفاوضات السلام بين الحكومة الانتقالية والحركات المسلحة، لوضع للحرب الدائرة في عدة أقاليم من البلاد.
وقال مناوي” الحوار بين مكونات الوطن لن يقف مهما تعثرت الأمور ولكن التفاوض للسلام له طعمه الخاص”.
وجدد مناوي رفضه في تغريدة على منصته الرسمية بموقع التواصل الاجتماعي تضمين اتفاق السلام في الوثيقة الدستورية.
ويطلب عبد الواحد محمد نور بنقل المفاوضات إلى الخرطوم، الأمر الذي ترفضه بقية الحركات المسلحة.
مناوي والنوم هجو انتهازيين بامتياز ولا وزن لهما علي الأرض وكلاهما تودد للعسكر بعد فض الاعتصام وتعليق المفاوضات بين قحت والعسكر .
يجب التركيز علي حل أسباب التمرد مثل الحواكير وتغيير التركيبة السكانية وعودة النازحين ووضع خطط للتنمية والنهوض الاقتصادي .
طيب اصلا المفاوضات عشان الكلام دا ما جبت جديد
الصحيح أن تكون المفاوضات داخل السودان و بين السودانيين فقط و دون وساطة خارجية و بإشراك مواطنين أو شيوخ المناطق المتأثرة بالحرب و النزوح
الضمان شنو لرؤساء الحركات بنقلبو عليهم النخب النيليه ويعتقلوهم
يا جماعه الخير ، كدي نخلي لكلام السيد مناوي دا بالنا شويه ، باعتباره لاعب ليهو خبره بلعب الدافوري بالداخل وهو جرب لعبه الناس ديل لامن دخل عليهم من غير تسخينه من بره و عارفهم كيف اتخاشنوا معاهو و كسروا ليهو كراعو و ايدو و ورموا ليهو عينو و كيف انهم كانوا بيدخلوا الكوري قون بيدينهم و الحكم ساكت و اخيرا شرطوا ليهو قميصوا و اجبروهو علي الخروج من اللعب لامن طلع من اللعب و هرب بره و شكل ليهو فريق تاني و بيسلك في المهارات اللي سرقو منهم . عشان كدا لازم نفهم كلامو كويس و نعمل تسخينه كويسه ببره قبل ما نخش جوه .
بعدين انتو عينكم يا ناس في فريق الثوره بقياده قحت خاشي مع ناس الدافوري ديل في مباريات عده و كيف انو الناس ديل ما بتقيدوا بقوانين اللعبه الصحيحة دوليا مع انو فريق الثوره بيلعب في ارضه و أمام جمهوره و بقوانين دوليه و محليه و مع دا كلو شايفين كيف انهم من بدايه اللعبه نزلوا فيهم شلاليت و بوكس و عض و تشتيت الكوره خارج الملعب عشان يضيعوا وقت المباراة و يحولوا اللعب في النهايه درون صفر صفر و يلعبوهو لعبه ضربات ترجيحيه و عارفين ان حراس قحت اللي جابوهم بانتداب من ناس الدافوري منهم ذاتهم و متاكدين انهم ح يسرجوا ليهم كور عشان خاطر العشوه اللي اخدوها سوا قبل الدوري .
يبقي لازم يا جماعه الخير نسمع كلام الكابتن المخضرم دا و نقنع الكابتن الدولي داك اللي داير يلعب طوالي جوه عشان يجي جوبا اولا و يعمل ليهو شويه تمرينات و تسخينه لللعب الأفريقي الجامد .
حواشي:
كلمه الدافوري مصدرها من كلمه دفر ، يدفر وهو دافر و منها الدفار ، و حاله كونه دفر فهو دافوري . ودي لعبه كوره الشراب اللي بيعرفوها ناس قبل التسعينات و وهو نوع من أسلوب لعب خشن في الحواري الترابيه بين شباب الحي اللي ما بتطلع منو الزول و الا بجروح او مفكك او مكسور . طبعا نوعيه اللعبه دي اختفت مع ناس جيل الألفية التانيه ديل .
الضمان شنو لرؤساء الحركات بنقلبو عليهم النخب النيليه ويعتقلوهم
والله مافي ارخص منك يا عديم الفهم يجب عليكم التوقيع علي السلام علما بأن من تناصرونه العداء في مذبلة التاريخ ،ولماذا تصر بنقل التفاوض الي خارج السودان ،لعمك هذا يدل علي انكم لا تملكون الجرأة للتنافس واخراج من له حق اكثر منك الا وهو عبد الواحد محمد نور
شنو مزايدة رخيصة وما رخيصة ومرة تقول لن نتحارب مع اطفال قحت ، اتكلم باحترام اذا انت سياسي محترم شنو اطفال وما اطفال ، ديل شبابنا النبتت الثورة مروية بدمائهم ، انت متين اتعلمت السياسة عشان تضخم نفسك وتصفهم بانهم اطفال ، بطل الاستعلاء واتكلم بتواضع زي حمدوك ، تكابر في شنو اقعد في الواطة دي واعرف وزنك وحجمك قدر شنو بلا كلام فارغ حتى لو ما مضيت سلام ما في زول دايرك اركب شارعك
مناوي هو من يزايد في مسألة السلام
ماذا يمنع نقلها الى الخرطوم؟!!!
تعالوا كلكم الى السودان ونشوف منو بعترض وجودكم