خلاصة تسجيلات العربية

كانت مقصقصة وممنتجة لكن بصراحه ما بتهمني القصة دي كتير لانو دي قناة دولة اخرى عندها مصالح وما مطلوب منها تقدم مصلحتنا نحن السودانيين على مصلحة بلدها.
ما منتظر من العربية تكشف كل حاجة ولا بنتظر من قناة الجزيرة في يوم من الايام تكشف فساد واستبداد الحركة الاسلامية في السودان او الاخوان في كل مكان لانو مافي اعلام محايد ومافي دولة بتسخر وسائل اعلامها لمصلحة الغير.

المطلوب من الاعلام السوداني يقوم بالدور دا لانو واجب وطني
لا يشبه اعلام الثورة ان يكون مجرد اغاني ثورية وبرامج اخبارية وسياسية فقط يجب ان يخصص برامج وثائقية توضح للناس كيف كانت تجربة الخداع باسم الدين 30 عام من اجل السلطة والثروة حتى لا تتكرر هذه المآسي في بلادنا بعد الاف السنين وحتى لايأتي جيل سوداني اخر ويعاني ما عانته اجيالنا في ظل حكم التجارة بالدين وتحت شعار هي لله.

من تسجيلات العربية اخدنا النافع من اعترافات موثقة بالقتل والفساد والاجرام
عرفنا الخبرا والمحللين المركبين مكنات تموبه وشاركوا في غدر الشهداء بالتبرير والتحريض.
عرفنا انو مدير جامعة سودانية زي عوض حاج علي بدعو لقتل شباب واطفال في عمر احفاده.
عرفنا انو قناة دينية زي طيبة بتمول من مال المسحقوين والمحرومين.
اهم حاجة في التسجيلات دي عرفنا اننا هزمناهم بي وحدتنا
قبل محاربة بقايا الكيزان حاربوا كل من يحاول تفرقه الناس على اساس قبلي وعنصري ويثير الفتن الدينية والجهويه.

سيد الطيب – فيسبوك