أبو الزواحف … كاريكاتير عمر دفع الله

ما أروعك يا استاذ دفع الله . صوره ذات تجسيد واقعي و معبره تحكي عن نفسها و بنفسها .

و اسمح لنا عشان من خلال منبرك الثوري نرسل برقيه عاجله للسيد الصادق .

يا السيد الصادق المهدي !

بالله ! عليك الله ! بالمنطق كدا بينك و بين نفسك كنت شغال ثائرا ضد النظام و لا مطبلاتي مع النظام ذاتو ؟ بعدين ، اللي عاني من ظهورك الكتير في الميديا و كثره تصريحاتك و اقتراحاتك و نبذ بالباطن ، منو ؟ مش الثوار ديل اللي قايد تحتقرهم ليل نهار عشان تحمي ولي نعمتك العساكر من زمان و تحت و تحت الكيزان ذاتهم . و لسه ما تبت و برضو حنستهم عشان يرجعوا ليك ولدك للعسكريه تاني زي ما البشير رجع ليك اولادك في العسكريه و بيهم كانوا كاسرين عينك . انت أصلا قلبا و غالبا ما مع الثوار، و دي حقيقه بيفرضها علينا تصريحاتك المخيبة ضد الثوار . نعم حزب الامه كحزب تاريخي بنحترمو بس عشان موسس الثوره المهديه اللي كان فعلا زول وطني بكل ما تحمل الكلمه من معني ، بس احفادو طلعوا خيابه ساكت و انت أولهم . بعدين عشان البشير و الكيزان أصلا ما كانوا ح يستمروا في الحكم غير عشره سنوات و ما طول عمرهم الا خذلانك المتكرر يا سيد صادق حتي شباب الانصار ضاغوا ذرعا من استهانتك بيهم و بأفكارهم النيره و المواكبة للأحداث و بسبب عمايلك الخايبه أنصاركم اللي كانوا يمثلوا اكبر ثقل حزبي علي الإطلاق في غرب البلاد كلهم اتخارجوا من الحزب العائلي دا و اسسوا ما هو معروف الان بالحركات المسلحه في كل من دارفور الكبري و كردفان الكبري و ارض النيلين الأبيض و الأزرق و جزء اتلحسوا في دعم حميدتي و البقيه لحسوهم منك بقيه الاحزاب و حتي الكيزان ذاتهم ، و أصلوا الكيزان ديل ظهروا من وين ؟! ، ما من انقاضكم و انقاض الطوائف الاخري بسبب الحنين الديني اللي الكيزان استثمروهوا في اتباعكم الطيبين البسطاء بكل مكر و حرفيه حتي انت ذاتك لحسوا مخك معاهم و لهسه ما قادر تنفك منهم . و فعلا قولتك المشهورة اللي قلت فيها انو عمر البشير دا جلدكم اللي مابترضوا تجروا في الشوك ، دا اللي أكدت الفرضيه اللي ذكرتها سلفا . هل تصدق يا الصادق المهدي انو انا في الثمانينيات كنت عضو في حزب الأمه حتي انو كنت من المنظمين لانتخابات حزب الامه في ١٩٨٥ م و كنا ما ذلنا في المدارس الثانوية و اللي شفتو و عرفتو ان الحزب دا ما بيمشي لقدام هو تدخلاتكم متكررة كاسره مالكه للحزب و احتكاركم القياده بالباطل و نكوصكم عن التطوير و كبح طموحات شباب كثيرين بخذعبلاتكم الوهميه من الغيبيات اللي ما بتقنع الجيل الحاضر من الشباب ، و اللي بسببها شردتوا شباب كثيرين و علي رأسهم انا واحد منهم و التحاقنا كلنا لاحزاب ثوريه و معظمنا ذهبوا للحركه الشعبية لوضوح رويتها التصحيحية و بالذات في معالجات الإشكاليات العنصريه و القبلية و الجهويه اللي بعض أعضاء حزب الامه كانوا من اللاعبين الأساسين فيها بدليل منظومه قريش ون و قريش تو اللي كانت القشه اللي قصمت ظهر البعير و الكيزان حضروا من بعدكم و طبقوها بكل خبث و حقد و كانت النتيجة انهيار الهامش ككل عن ركب التطور و التنمية .
يبقي اعتمادك علي المحصله الحزبيه لسنه ١٩٨٥م و بدون احصاء حقيقي جديد و تشبسك لرياسه الحزب و رفضك لاراء الإصلاح و خاصه من الشباب ، ح يقطس حجرك عديل كدا . دي نصيحه من زول عارفكم كويس . و نحن عارفين سرك ، انو انت داير الانتخابات مبكره قبل السلام الشامل ليه؟ ! ما عشان تعمل لعبتكم القديمة مع الكيزان في حصر الانتخابات في مثلث حمدي بس بحجه عدم الاستقرار في مناطق الحركات عشان تزوروهوا لمصلحه النخبه المركزيه الطفيليه اللي موضوع انخراط الحركات و بمناطقهم في عمليه الانتخابات القادمة دي عامله ليكم إسهال عديل كدا !

ههههههه ده كلو عشان البروفات القام بيها
والله الاعصار جاييكم وشغل اللغوسة والاستهبال بتاع اليسار ده بنوقفو عند حدو
واى كانى مانى الكبس قدام