بسبب الدعم السريع: لجان المقاومة تغادر اجتماع نظافة الخرطوم

شي بيجيب الاستغراش علي قول الأستاذ المخضرم الفاتح جبرا ، ليه كل حركه شبابيه صادقه او نشاط لابراز روحهم الوطنية في عمل اجتماعي ما ، يجي ينحشر الدعم السريع فيها رغم معرفته التامه لما لوجوده الحساسيه المفرطة بسبب تلك الصوره الغاتمه و القبيحة و الغير مشرفه التي ظهرت به اثناء الانتفاضة الشعبية؟!! ، ليه دايما الدعم السريع تتفرد بانتساب الخير له ، في وقت الأجدر به بان ينسب الأمر الي الحكومه او تصرح بنوعيه المساعدة بانها حكوميه بدلا من أنسابها الي نفسه ؟! أليس الدعم السريع جزء من الحكومه ام انها حكومه اخري ؟!! فان كانت جزء من الحكومه فبالمنطق عليها تزييل أعمالها باسم الحكومه ، إما ان يري بانه جسم غير حكومي بسلطه تالته غير الحكومية او الشعبية المعروفة و لإجلاء الصوره عليه توضيح و ذلك درعا للفتنه و اثاره المرارات و النعرات بسبب ماضيه الكئيب . و هم عارفين كويس انو في ناس ماتت و اهينت علي أيدي ناس لابسين كاكيهم دا ذاتو و الصوره النمطية ما زالت راسخة في ازهان الشعب السوداني ، كان الأجدر بهم تغيير تلك الصوره النمطية بزوبانهم في الجيش تماما و لو حتي بمسميات جديده و تغيير كاكيهم دا و تغيير شعاراتهم دي و عقائدهم القتالية و تثقيف منتسبيهم و تغيير ألوان عرباتهم و تغيير حتي مسماهم من دعم السريع الذي ما يزال يذكر الناس بانهم ما زالوا يحملون مسمي البشير المخلوع . كان الأجدر بهم تحويل مسماهم الي مسمي توحي بروح التغيير الذي عم البلاد ، مثلا باسم قوه حفظ الكيان القومي مثلا او قوات حفظ السياده الوطنية او اي شي تاني بس تنسينا انو انتو ناس تانين مش الوحوش اللي كانت شايفه الشعب عدوها اللدود عشان علي الأقل تزرعوا القبول في نفسيه قلوب مكلوبه فقدت ناسها العزاز في كل أنحاء الوطن . و الله دي نصيحه ، دايرين الناس تقبلكم لازم تتغيروا و الا قطار التغيير ح تسحقكم اردتم ام ابيتم عشان دا وجدان شعبي و الوجدان الشعبي اذا كرهت شي فمن الصعب إقناعه باخوي و اخوك . و انتو براكم شفتو ، لامن الكيزان قدر ما حاولوا يغيروا الجنيه للدينار الناس دي بس مصره علي الجنيه و قدرما يقولوا جنيه الناس دي تقول الف جنيه و قدر ما الكيزان غير مسميات الشوارع و الكباري باسمائهم الناس دي بس مصره علي الاسماء القديمة . تعرفوا ليه ، عشان وجدان الشعب السوداني ما دايره و لا طايقه باللي بيحصل في البلد و عشان مستحيل ينفرض حاجه علي الشعب السوداني بالقوه أبداً مهما كانت قوه تلك القوه . عشان كدي ما تنسوا يا ناس الدعم السريع انو انتو مسمي إنقاذي يعني بالظبط زي الدينار اللي الشعب أباهو !!

وهي عاشة موسى دي ما بتفهم ولا بتسأل؟ دي المرة التانية تحرج الثوار بحشرها للجنجويد الرعاع القتلة في العمل التطوعي الشعبي وبمحاولة تنظيف سجلها الإجرامي. ألا يمكنها التحفظ على مشاركة هؤلاء الاوباش كجهة لا محل لها من الإعراب في الدولة فضلاً عن سجلهم الأسود؟ ألا تعلم مدى بغض الثوار وذوي الشهداء والمغتصبين لهؤلاء القتلة، أو أن تشترط مشاركتهم تحت مسمى الجيش إن كانت مقتنعة بأنهم قوة فعلاً تنتمي وتأتمر بقانون القوات المسلحة النظامية؟ أليس الأحرى بالمكون المدني في مجلس السيادة تسوية هذا الوضع في المجلس وتصحيح قيادة هذه المليشيا بتذويبها في الجيش بحيث يكون على قيادتها أي قائد سلاح أو فرع بالجيش كما في بقية الأفرع الأخرى؟ ولماذا اكتفى البرهان بجعل قائدها نائباً له ولماذا يخشى أن يجعله قائدا لسلاح البحرية مثلاً ويجعل قائد البرية مثلاً قائدا للدعم السريع؟ في حالة استمرار هذا الوضع غير المفهوم لماذا لا يتحفظ أعضاء المجلس المدنيين على التعامل مع هذه المليشيا في العمل الشعبي وهم يعلمون مدى كراهية الشعب لهم خاصة وهم المتهم الأول في أفظع جريمة ضد الشعب والإنسانية ما تزال قيد التحقيق وفي انتظار القضاء؟ من أين أتيتم بهؤلاء يا قحت؟؟؟

غايتو كل ما الزول يشوف شباب المقاومة وهم لسه متمسكين بمبادئ الثورة وقابضين على جمر القضية، يطمن على مستقبل البلد فى يد الجيل البطل ده. ديل مستقبل السودان ومختلفين من الأجيال الفاتت.