الخرطوم:الراكوبة
ارتفعت اسعار الليمون بصورة لافتة في عدد من أسواق الخرطوم،و بلغ سعر الليمونة الواحدة خمس جنيهات عكس ما كان عليه في السابق.
وأبدي عدد كبير من المواطنين تذمرهم من ذلك الارتفاع الذي يرونه غير مبرر،مشيرين الي أن الليمون من الأشياء التي يتم استخدامها علي مدار اليوم و ارتفاع سعرها لخمس جنيهات فيه إنهاك مادي بالنسبة لهم .
في الوقت الذي أكد فيه البعض استغناءهم المؤقت عن الليمون و استخدام (ملح الليمون) بديلا عنه لان سعره رخيص و يقوم بذات وظيفة الليمون
من جانبهم أوضح بعض الباعة أن الزيادة لم تأت منهم بل من تجار الإجمالي بالسوق المركزي الخرطوم و أنهم كانوا يشترون الجوال الصغير منهم بسعر الف و خمسمائة و الآن يشترونه بمبلغ خمسة الآلاف و ذلك ضعف المبلغ المتعارف عليه في السابق ما جعلهم يضطرون لتلك الزيادة .
بلد عجيبة جداً ، الليمون من الإشجار المثمرة طول العام وليس لديها موسم معين فإذا وجدت الماء الكافئ فإن الشجر الواحد تكفى عشرين أسرة ، لو زرعت كل أسرة او صاحب منزل شجرة ليمون فى حوش بيته او قدام بيته لن يحتاج احد لشراء الليمون بل يمكن تصدير الفائض منه ، زراعة شجرة ليمون ما محتاج رعاية كتير ، أستغرب لماذا لماذا لم يزرع الناس الليمون فى البيوت وتربتنا صالحة جدا لزراعته ، حقيقة نحن شعب غريب ، وليس الليمون وحدة يمكن ان تزرعه فى بيتك ، ممكن تزرع معاه شجرة جوافة واى شجرة مثمرة أخرى والجوافة مع الليمون لا غنى لأى بيت سودانى خصوصا اوراق الجوافة لها فوائد صحية لعلاج السعال بغليها ثم شربها وهى معروفة ، والله ثم والله نحن لو أستغلينا الارض الفى بيوتنا بصورة أمثل سوف نحصل كثير من الخضروات والفاكهة وبدون ولا رهق ولكن ماذا نفعل مع التفريض فى مواردنا هذه اللهم إلا الحداثة وسعينا كلنا أن نكون أفندية ، الواحد يدرس من الإبتدائية للدكتوراه بدون أى هدف محدد او معين وإذا سألته بتقرأ كتير عشان شنو ، يقول لك لازم أطور نفسى وارفع نفسى أها بعد ما ترفعها بتصل وين يا رقشة يا قدمت لوظيفة وقالوا ليك الوظيفة أقل من مؤهلاتك وما ممكن الكل يكون هئية تدريس فى الجامعات ، يا جماعة أى واحد من الأن يزرع ليهو شجرتين ليمون او شجرة ليمون وجوافة لو عنده مساحة فى البيت ولو مافى الشارع قدام البيت تكون صدقة وحسنة للناس ساى ، والله حقو اى زول عندو بيت فيهو حوش ولو صغير ما يزرع فيهو طماطم ، بامية ، جرجير ، خضرة ، وزمان كنا كدا حتى فى المدرسة كان بعلمونا الفلاحة عشان نزرع فى البيت .