حمدوك: فترة النظام البائد كانت طاردة لصناديق التمويل المختلفة

يا حمدك عليك الله اخت لينا مؤسسات التمويل دى وشيل من رأسك حتة القروض دى ، مافى دولة فى العالم نهضت بالقروض المكبلة دى ، ياخ سودانا دا غنى جدا جدا والله لو أى سودانى زرع ليهو شجرة ليمون فى بيته بس بكون عندنا ملايين الأشجار منها و حانكون الدولة الأولى لانتاج وتصدير الليمون فى العالم ، ,الليمون ما داير حاجة غير شتلة بحماية إنشاء الله بشوك وسقاية يوم بعد يوم لحدى ما تبقى شجرة ، دا مثال واحد بس ناهيك عن زراعة ألية ، زراعة على النيل ، زراعة مروية ، ياخ الملوخية فى مناطق فى السودان إتجاه حظيرة الدندر قايمة بكثافة وكميات كبيرة جدأ لو صدرتوها بس بتجيب ليكم ملايين الدولارات ، ياخ نحن دولة ممكن تشبع من جنب بيتها من خصوبة ارضنا حتى الساكنين فيها لا تحتاج مخصبات ولا تحتاج أسمدة بس تشتل الشتلة او ترمى البذور قبل الخريف وانشاء الله اربعة شهور ما تسقيها ، فى خير أكتر من كدا ، يا حمدوك عليك بالزراعة ثم الزراعة ثم الزراعة وموسم واحد ما بزيد عن الاربعة شهور يملأ خزنة البلد دولارات لو صدرت محاصيلنا الزراعية برة البلد …….. والله الواحد يحزن ويزعل شديد على بلد كلها خير زى بلدنا حتى الذهب فيها كتير ، ونحن نعانى ونعيش فى المنافى وفى بلدان العالم تاركين عزتنا وعزوتنا فى بلدنا ، وبعدين برضو مدارسنا الكتيرة دى لو زرعنا فى مساحة صغيرة منها اشجار مثمرة متنوعة شوف يكون إنتاجنا قدر شنو ، نحن محتاجين لزول خلاق وزول يقدر يساعدنا فى إستغلال مواردنا مش يمشى يتسلف لينا عشان نأكل قمح مستورد وبرتقال مصرى ملوث ونبق فارسى وطماطم تركية وتفاح من لبنا وزيتون من تونس والمغرب ، نحن قادرين نأكل من ارضنا ونأكل غيرنا بس منو الزول البقدر يقودنا للشئ دا ، أه أه أه والله الواحد يتألم وهو يشوف حالنا ووضعنا دا.