احدثت ضجة في الاسافير …اغنية جديدة للفنان شهاب الدناقلة بعنوان (اجيب ليكم فرح من وين)
الخرطوم:الراكوبة
كتب الفنان شهاب الدناقلة اغنية جديدة بعنوان (اجيب ليكم فرح من وين) احدثت ضجة في الاسافير ،مستلهما كلماتها من رد المذيعة بقناة النيل الازرق بسمات عثمان علي أحد المتصلين خلال البرنامج الصباحي للقناة وهي تقول له :(اجيب ليك فرح من وين حبيبي انا) .
و وجدت كلمات الاغنية انتشار كبير علي الفيس و تناقلها عدد من الشعراء و الملحنين بعد أن أبدوا اعجابهم بكلماتها
تقول كلمات الاغنية :
اجيب ليكم خبر من وين؟
خبر مفرح يسر العين
حبايبي انا
اجيب ليكم فرح من وين؟
وكل الناس بقت قاسية
لاهاميها الفة وحب
كمان للعشرة متناسية
بتاكل في بعض يوماتي
تطرب للشتيمة غنا
حبايبي انا
اجيب ليكم فرح كيفن؟
من الفيس بوك ولا الرادي؟
انافق وارسم البسمات
عشان يبقي الكذب عادي
اطبطب بالكلام الزيف
ازيد فوق للمعاناة عنا؟
حبايبي انا
**
مصيرك يافرح ترجع
مصيرك بكرة تاني تعود
ندندن في ضفاف النيل
نغني مع الكمان والعود
وترجع كل صفاتنا السمحة
تبقي بلدنا واقفة قنا
حبايبي انا
