كتب الشاعر و الممثل و الدرامي د. عزالدين هلالي:
(البلد تُصنف كبلد موبوءة بالكورونا لما المرض يبدأ ينتقل بين شخصين ما غادروا البلاد في آخر اسبوعين وما زاروا دولة موبوءة.*
ودي حاجة ما حصلت في السودان الحمد لله.
كل الإصابات والإشتباهات المعلن عنها كانت إما لشخص قادم من دول متفشي فيها الفايروس، أو أشخاص خالطوهو بشكل مباشر.
الدول العظمى بتتمنى يرجع بيها الزمن للمرحلة النحن فيها دي،* لانها مرحلة تسهل فيها السيطرة والحلول ممكنة فيها بأقل التكاليف، شوية تعاون ووعي
مجتمعي وقرارات حكومية وحجر صحي وقائي. بدون أي ضغوط أو فحوصات واعتماد كامل على مراقبة الأعراض واجتناب الزحام وغسل اليدين الخ.
يعني حاجات كلها ممكنة وفي يدّنا.
كل المجتهدين فيهو أحبابنا الأطباء والمبادرين والمسئولين، إنهم يبعدونا عن دائرة الخطر و ال out break.. ويجنبونا المرحلة النحن ما جاهزين ليها، أو بالأصح مافي دولة في العالم جاهزة ليها.
نحن حالياً في نعمة مؤقتة، لو احترمناها حتدوم ، بس لو أي فئة من المجتمع مهما كانت قليلة إستهترت بيها قد تجر المجتمع كلو خارج منطقة السلامة.
اي زول بيقول ليك “وين الكورونا؟” لازم توريهو إنو اساساً التوعية والوقاية والحذر ما منهم فايدة بعد تشوف الكورونا بوضوح في الشارع. دي معركة وقاية وليس علاج.
وقاية مجتمع كامل، إذا اشتكى منه عضوٌ تداعى سائر الجسد.
صحتك بالدنيا
والبلد أمانة
سودان بدون كورونا بإذن الله
