أخبار مختارة

تفاعل غير مسبوق مع (القومة للسودان)

ما زالت التبرعات تنهال.

الخرطوم: الراكوبة

تدافعت أعداد كبيرة من المواطنين السودانيين للمشاركة في الحملة الشعبية للبناء والتعمير التي أطلقها الدكتور عبد الله حمدوك رئيس مجلس الوزراء، وحملت إسم (القومة للسودان).

وشارك نشطاء على وسائل التواصل الإجتماعي قصاصات تفيد بدفعهم تبرعات لدعم الحملة. وأنهالت التبرعات من السودانيين ومن مواطني جنوب السودان، ومن أثيوبيا.

التفاعل غير المسبوق مع الحملة أكد أن الغالبية العظمي مع الوطن قلبا و غالبا رغم التحديات التي تواجهه.

في الوقت الذي قام فيه مجموعة من الشباب بتقديم أغنية بعنوان (القومة للسودان) يحثون من خلالها التفاعل مع المبادرة و المساهمة فيها وجدت انتشار مكثف علي مواقع التواصل الاجتماعي.

 

محتوى إعلاني

‫50 تعليقات

  1. بمنا سبة حملة القومة للسودان- أذكر بداية عهد الكيزان قاموا بحملة مشابهة أطلقوا عليها “السودان في قلوبنا” لكن سماها الظرفاء”السودان في جيوبنا” لعدم ثقة الناس في ذمة الكيزان؛ وفعلا نهبت اموال الحملة وراحت في حق الله.

    1. هههههههههههه ظريف جدا اخي اسماعيل. دي المفروض تنشر على نطاق واسع لانها تكشف عبقرية الشعب السوداني ومعرفته التامة للكيزان اللصوص. يديك العافية.

    2. تحياتي لك أبو جاكومة
      ياكيزان انتوا شلتوا مننا:
      ١-زاد المجاهد
      ٢-دمغة الجريح
      ٣-دمغة شهيد
      ٤-دعم غزة
      ٥-دعم مخيم جنين(ايوة مانسيتو)
      ٦-دعم العراق
      ٧-دعم سوريا
      ٨-دعم لبنان
      ٩-دعم الجهاد في افغانستان
      ١٠-دعم سد مروي
      ١١-جلد الاضاحي
      ١٢-زكاة المرتب(ودي بدعة طبعاً)
      ١٣-جنيه الفصل
      ١٤-جنيه الشهر
      ١٥-نفرة توريت والميل ٤٠
      ١٦-نفرة اصطفاف العزة
      ١٧-نفرة فلسطين(ايوة تاني)
      ١٨-نفرة برنامج الفضاء السوداني( اي والله)
      ١٩-نفير كردفان
      ٢٠-نفير القاش
      ٢١ البوسنه والهرسك
      ٢٢ مسلمي نيمار
      ٢٣ ترعتي كنانه والرهد
      ٢٤

      طبعاً دة كلو كان بيستقطعوه غصباً عن الموظفين وكان برجعونا من المدرسة عشان نجيب الدعم يعني كان اجباري وياريتو لو بيصل للجهات المعنية بل بيتنهب ويوزعوه بيناتهم في اقرب زقاق
      دة جزء يسير من عولاق الكيزان الاتذكرتو ولو في زول زول عندو اضافة طوالي يتفضل👍🏽👍🏽
      #القومة_للسودان

      منقول.

      1. عدد المتبرعين لا يتجاوز 1٪ من الشعب السوداني
        والمبلغ الذي جمع لا يكفي لدفع مصاريف إقامة وزير المالية في فندق كورنثيا لمده شهرين
        شكرا حمدوك وكده اثبت للعالم كله ان الشعب السوداني لا يرغب فيك
        فشل زائد فشل يساوي فشل زريع

  2. رجل فاشل من الاخر مساحة 425 ألف فدان قمح تحصد في الوقت الحالي تنتج 6 مليون جوال وزن الجوال 100 كليو لم يجد المزارع ادني اهتمام من حمدوك الذي ذهب حتي كاودا اذا تمت زراعة كامل مشروع الجزيرة والمناقل البالغة حوالي 2250 الف فدان يتبرع المواطن وهو لايملك مايسد حاجته ويتبرع عشان تركبها انت تمشي بيها نيويورك

      1. الفكرة ما هدم الفهم
        لكنو إكرام للعبيد
        ونحن شُعراء مكفرين مع انو ابليس يومداك
        بيصلي في جامع الشهيد
        (القومة للسودان والردمة للكيزان)

  3. هذا جزء بسيط من الحل وليس كل الحل.
    الحل في استرجاع الأموال المنهوبة بالخارج والداخل وتفعيل قانون من أين لك هذا لان اغلب الأموال ذهبت لشراء البيوت والمزارع والأراضي وبعد ذلك الاتجاه بكل الإمكانيات للزراعة ثم الزراعة ثم الزراعة بشقيها النباتي والحيواني وهذا ماسيحرك عجلة الاقتصاد ويضعها في المسار الصحيح .
    القصاص أولي الاولويات.

    1. نحن في السعودية بانتظار ارقام الحسابات للتحويل….وكم انتظرنا طويلا هذه الخطوة
      المهمة …. القومة ليك ياوطني

  4. الغالي ارخص ليك ياوطن،في حدقات. العيون ،يابلدي ياحبوب،افتخر اني سودانية وناس الحارة ديل اهلي

  5. بسرعة حمدوك الحسابات التى تنزل فيها المساهمات فى اماكن تجمعات السودانيين

  6. نعم نحن فى السعودية ننتظر الحسابات للدعم وهذا اقل واجب للبلاد والحمدلله علي زوال حكم اخوان الشيطان وبعدها نتحمل اى شئ وان شاء الله تنهض بلادنا وتخرج الى بر الامان والله المستعان

  7. سريعا ما سبكتشف بعض المغفلين النافعين كيف ان تبرعاتهم وتطلعاتهم ذهبت نثريات دولارية وفنادق فاخرة ورواتب وبدلات متخمة لحمدوك ونشطاءه.
    بينما 80% من السودانيين تحت خط فقط، و 70% من الشباب عطالى او سماسرة.
    كل ذلك يحدث وازمة قمح ودقيق طاحنة تضرب السودان بينما ملايين الافدنة الزراعية تموت عطش قبل حصادها باسابيع او تظل معظم الاراضي جرداء تنتظر حكومة مسؤولة تتخلى عن الشحدة جوة وبرة السودان لانو كرامة الإنسان السوداني وصلت إلى الحضيض.

    1. نموت ولا نسمح بعودة الكيزان ، إذا أصبح كلنا 100% تحت خط الفقر وعطالى فلا بديل لنا سوى دعم الثورة وحكومة الثورة ، ولا يمكن أن نسمح بمن قتل وعذب وإغتصب وجعل 80% من الشعب السوداني تحت خط الفقر وأحال كامل البلاد إلى خراب للعودة مرة ثانية ،

  8. السلام عليكم
    خقيقة هذه بادرة عظيمة جدا
    وعلينا ان نحسن النية ونحسن الظن ونتبرع لي بلدنا
    اذا اكلوها بعدين حسابهم علي الله

  9. حملة التبرعات يتم بها شراء الدولار من السوق السوداء لدفعها تعويضات للأمريكان لاهل ضحايا البارجة الامريكية عشان كدة الدولار في اسبوع بس من 117 جنيه وصل 140 جنيه.
    الطيبون والمدفعون بالحماسة من اهل بلادي سيدركون خلال اسابيع بس كما كانوا سذج واغبياء ومخمومين.

    1. موتوا حرقة يا فشله نحن ندعم وبس اشالله حتي يأكلها موظف البنك ندعم عشان تموتو حرقه
      تبا لكم أينما حللتم
      الي مزبلة التاريخ

    2. ما مشكلة يا كوز يا وسخان نفوض حكومتنا المدنية تشتري بيها الدولار عشان نسدد بيها غرامة البارجة وغيرها عشام نغسل بيها وسخكم ونتصالح بها مع الانسانية … موتو بغيظكم بس

  10. واحد كتب للكيزان قاليهم ما تشاركو في الحمله دي. السودان دا دايرين نبنيهو بالحلال.
    رد عليهو اخر وقال اعملوليهم صندوك براهم واستخدموا اموالهم الوسخه دي في بناء الحمامات.

  11. دي كلها ما تجيب عريية انفينيتي والا لكزيس الاشتراهم المخلوع والان راكبها حمدوك وشلة الوزراء الفاشلين بدل ما يركبو عربات رخيصة، وحمدوك عمل قصةاغتياله الوهمية دي عشان يركب عربات مظللة ويختفي من الجماهير

  12. 😂 😂 😂 😂 😂 حصل اتبرعتو للكيزان
    حمدوك شحات. ياخي والله انتو لو حمدوك باعكم رقيق برضو تقولو ليهو شكراً حمدوك

    1. من اجل الوطن الحبيب استحبنا ولكن بعد انتهاء الحملة لازم نعرف القروش دة مشت وين
      ونداء للشعب السوداني ان تطالبو بالبنية التحية
      للوطن خاصة الصرف الصحي بجلب اكبر الشركات العالمية والاستفادة من الدول الكبري
      بعدها الكهربا ء والمياه والاتصالات والنصافة
      والله اذا الحكومة لم تهتم بالبنية التحية للبلد فكل هذه الجهود ستذهب هباء منثورا

  13. وللأوطان في دم كل حر يد سلفت ودين مستحق انا من المقيمين بدولة قطر ارجو مدنا برقم حساب أو طريقة التبرع للوطن القومه ليك يا وطني

  14. تستاهل القومه ياوطن عبدالعظيم ومحجوب ورفاقهم شهداء الثوره النبيله.. تستاهل القومه ياوطن الكندكات.. تستاهل القومه ياوطن الثوار شباب الثورة وساحة الاعتصام والمتاريس.. تستاهل القومة يا وطن لجان المقاومه حراس الثوره.. تستاهل القومه يا وطن حمدوك
    ح ندفع ليك ونقول ليك شكرآ حمدوك
    لانك شريف عفيف.. نضيف ََ ود ناس ومتربي وعالم جليل
    ماك حرامي ولا قاتل ولا فاسد ولا شاذ.

  15. الكيزان حالهم يحنن الايام دي ..يتمطططططقو ولعابهم سااايل على كمية التبرعات الوصلت ملااايين للان وبيمنو النفس لو كانو للان في ايامهم الخوالي ايام اللهط والبلع ..الحمد لله اتبرعنا لوطنها ومابنقعد الا وطنا يقوم ويكون الاول بين الامم ..وحانتبرع تاني ان شاء الله ..بس المرة دي صراحة عشان مغصة الكيزااان..
    ❤هذه الارض لنا فليعش سوداننا علما بين الامم❤✌

  16. أعانكم الله في قومة السودان…. إطمئن يا حمدوك وراك شعب أبي كريم مفضال شهم جسور… وفقك الله لما فيه خير لها البلد الطيب

  17. إنه لمن المستحيل أن يستوعب تنظيم إخوان الشيطان الإرهابي، عظمة وفخار هذه القومة، وشرفها الباذخ،،،،،وذلك لسبب بسيط جداً، هو أن خريطة الجينوم خاصتهم جميعاً، تفتقر إلي جين الوطنية، ولا أدل علي ذلك من حال الوطن الذي إنتزعناه، منهم إنتزاعاً !!!!!!!!!!!!!!!!!!!!!!!!!!!!!!!!!

    إن تجار الدين الضالين، الذين لا يُقيمون وزناً للوطن، يجب ألا يعيشوا علي ترابه، ولا حتي تحت ثراه، وما علينا سوي نفيهم إلي الفضاء الخارجي من حيث أتوا،،،،،،،إنهم ليسوا ببشر، ناهيك عن أن يكونوا سودانيين……..

    #كل_كوز_ندوسوا_دوس، ليس حباً في الدواس، وإنما للإقتصاص لوطن الجدود.

  18. نحن ندعم المبادرة وزي قلتوا تسابق غير مسبوق وواحد قال في يوم واحد عملنا 8 مليار ج وبعد شوية حنقفل ميزانية 2020 ونحن في انتظار الاثر الفعال على الوضع الاقتصادي ومعاش الناس قريبا لانه ده كاش وما دايرين نسمع تاني ( الكيزان جو كسروا بنك السودان وسرقوا قروش القومة كوووولها ) ده عيب لازم تحافظوا على قروشنا تبسطوا الشعب ده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..