الخرطوم : الراكوبة
تعهد عضو مجلس السيادة الفريق الركن ياسر العطا , أنهم لن يسمحوا بأن يكون هنالك انقلاب مرة أخرى , وقال ( مافي انقلاب تاني) , وشدد على أن الثورة لن تفشل لكن المخاض عسير جداً.
وأكد العطا حسب صحيفة الصيحة الصادرة اليوم الاثنين أن الثورة حققت الكثير في الحرية للشعب السوداني وتحقيق العدالة ودعم السلام , وقال إن حمدوك ووزراؤه لم يفشلوا , مؤكدا أن الحكومة عرفت الطريق السليم وتعمل بناء على أهداف الثورة .
وأشار العطا أن نائب رئيس مجلس السيادة الفريق أول محمد حمدان دقلو( حميدتي ) رصيد حي لتأمين الثورة , وقال للتاريخ البرهان وكباشي وحميدتي بريئون من فض الاعتصام ,
وقلل العطا من الهجوم على مبادرة رئيس الوزراء عبد الله حمدوك ” القومة للسودان ” وأعتبر أن من يهاجمونها رأوا أن الخطوة تذهب ضد مصالحهم , وأستبعد أن تقود الأزمة الاقتصادية لإجهاض الثورة , وقال الشعب السوداني لا أظنه سيفقد ثورته من أجل الخبز .
اتقوا يوما ترجعون فية الي الله وعندها سوف يكون هناك كشف حساب
بما انك تعرف الابرياء حتما تعرف المتهمين .. ولا شنو يا سعادتك
العطا انت كذاب خطير جدا دة ماكلامي دة كلام العميد كلمون واني الاشتغلت معاه في تركاكا اكتر من 10 سنوات وكنت برتبة رائد قال انت كعسكري ممتاز لكن كانسان ماعندك اخلاق نهائي عشان كدة الكيزان استخدموك للتمويه حقهم دة قوم لف يابتاع البنقو
@وقال للتاريخ البرهان وكباشي وحميدتي بريئون من فض الاعتصام ,@
Of course you have to prove it !!!
يا ود العطا اذا صدقناك ، طيب الكتل الناس ديل وكان بيغتصب واللبس الناس سبح البلوكات ورماهم في البحر منو أ ؟ والظهروا في الفيديوهات منو ؟ وانت ليك قريب الاربعين سنة بتاخد ماهية مخصصات الخ وين كنتا ولساعات المغول مدورين في اهلك المفروض تحميهم . اذا انت كنت في مامورية وين بقية العسكر الماقدروا يحموا الناس قدام رئاسة الجيش حيحموهم كيف في كلوقي الغبشة سنكات الدمازين الخ؟ هل تظن ان الناس عندها قنابير ؟
قلت: (( نائب رئيس مجلس السيادة ))
ونحن نقول: بموجب نصوص الوثيقة الدستورية لا يوجد منصب نائب رئيس لمجلس السيادة.
قلت: (( البرهان وكباشي وحميدتي بريئون من فض الاعتصام ))
ونحن نقول البينة على من إدعى، واليمين على من أنكر. ثم كما علمت – بزعمك – انهم بريئون فيفترض اان تعرف من هم المجرمون بذات الصفة التي تبرئ بها هؤلاء. ثم ان برهان وحميدتي وكباشي كان من كبار المسؤولين فهم إما أن يعترفوا بجرمهم او يأتوا بالمجرمين الذين قتلوا الابرياء وفي نظر الشعب هم لا يخلون من الإجرام في كلتا الحالتين.
لا خلاص فهمناك يا ياسر العطا…يعني هسي انت والبرهان وحميدتي وكضباشي بريئون من جريمة فض الإعتصام وكمان برئيون من تدبير اي محاولة انقلابية.. واكان كدي يكون الجانب المدني في مجلس السيادة هو المسئول
النفرض اننا صدقناك…بالمقابل اكشف لنا اسماء من امر بفض الاعتصام وبكده تكون بنيت جسور الثقة بين المكون العسكري بالسلطة والشعب السوداني لان حق شهدائنا لايمكن التنازل عنه او نسيانه لازم يتحاسب من قتلهم او شارك في قتلهم ده موضوع لايمكن التنازل عنه مهما حصل ومهما طال الوقت ومهما تغيرت الاسماء والمكان….لا تنازل عن دم شهدائنا.
انت ذاتك معاهم كنت عارف وموافق وما بعيد تكون بتتفرج من شباك في برج القيادة أحدث فيديو لفض الاعتصام يثبت بوضوح ان الجنجويد هم من قاموا بالمجزرة الفيديو واضح لدرجة وصورو واحد من الجنجويد نفسهم
براءة البرهان وحميتى والكباشى تحددها المحكمة وليس ياسر العطا
طيب منو المسؤول من فض الاعتصام ؟ دة خلوها للمحكمة انتو نحن بنعرف انو الجيوش بتلعب دور في بناء الدولة انتو قاعدين تعملو في شنو ورونا اجازاتكم ان كانت لكم
طيب يا شاطر يا ود امو. ورينا مين القتل الشهداء.مادام ماقتلهم البرهان وحميرتى وكضباشى وانت كمان.. يلا يا ابو العريف ورينا
هو الكباشي بنفسه اعترف قال خططنا ونفذنا تاني شنو؟
البرهان وحميدتي والكباشي كلهم مجرمين وانت ذاتك مجرم والحساب قريب .
من فض الاعتصام?