أهم الأخبار والمقالات

”الراكوبة“ تتحصل على معلومات حول مقطع فيديو بشأن سيارات لجنة إزالة التمكين

بعض الأعضاء يستقلون المواصلات.. 

الخرطوم: الراكوبة

تحصلت “الراكوبة” على معلومات جديدة تتعلق بلجنة إزالة التمكين.

وأوضحت مصادر مطلعة في تعليقها على الفيديو المتدول على مواقع التواصل الإجتماعي أن المعلومات المنشورة بشأن سيارات أعضاء اللجنة غير صحيحة.

ونوّهت إلى أن أعضاء اللجنة لا يستخدمون «عربات حكومية سواء ماركة “انفنتي” أو غيرها».

وأضافت:”العربات المصورة داخل مقر اللجنة تتبع لضيوف صادف حضورهم مع موكب لأعضاء غرفة النقل ببحري الذين سجلوا اللايف من داخل المقر”.

وأشارت المصادر إلى أن «بعض أعضاء اللجنة يستخدمون المواصلات العامة، فيما يستخدم بعضهم سياراتهم الخاصة».

وفي غضون ذلك، علمت “الراكوبة” أن وزارة المالية إلى الآن لم تخصص اي ميزانية للجنة التمكين حيث يعمل أفراد اللجنة متطوعين.

شوفو ناس لجنة ازالة التمكين الحراميه،، ديل المحتاجين اتبرعوا ليهم عشان يزيدو غني فوق غناهم،، دي الحكومه المحتاله… شوفو الانفنيتي،،، المليارات القدونا بيها دي بتجيب وحده بس…. وأعضاء المجلس الاجرامي كلهم راكبنها،، افنديه عواليق،،قحاته حراميه وسخيين،،الله يقطع دابركم بكري محمود قلت لي كيف وكيف؟

Opublikowany przez ‎رامي التهامي‎ Piątek, 3 kwietnia 2020

‫28 تعليقات

  1. الأستاذ احمد ربيع سايق عربية انفنتي أستلمها من البرهان ويدعي للمساكين بتاعين نقابة المعلمين انها تتبع للجنة الإزالة.
    احمد ربيع برضو سلّم أحد أعضاء اللجنة 15 ألف بدون مستند، وذلك العضو عرض المبلغ في اجتماع عاصف وقال ما بتسلم القروش لأنه ما عارف مصدرها.
    ما علاقة أحمد ربيع بالعساكر
    ولماذا هذا المعلم أصبح منتفخاً بعد الثورة؟
    ولماذا لا تقوم النقابة بسحبه?
    هل اشترى بعض اعضائها؟
    أسئلة تحتاج إلى إجابة
    وآخيراً بعد أن عُرضت مستندات تثبت أنه توسط لشقيقة زوجته بالعمل لدى مدير مكتب الشركة السودانية للموارد المعدنية بطلب قدمه مبارك أردول.. هل تم استجواب أردول وأحمد ربيع بهذا الخصوص؟

  2. محمد ناجي الاصم راكب برادو موديل السنة سعرها اليوم 10 مليار جنيه سوداني !!
    دي بتبني ليها عشرة مدارس في قرى يهاجر اطفالها عشرة كيلومترات كظاري جيئة و ذهابا..

    1. الكلام الفارغ دة مافي حد بصدقو شوفو ليكم حاجة تانية…عيب حكومة حمدوك الوحيد هو عدم محاسبتكم علي تدميركم البلد وتقسيمه والانتهاء من مشاريعه المنتجة واهانة واذلال الشعب ..ونحن كلنا ثقة في اعضاء حكومة الثورة وهم ناس عينهم مليانة ما زيكم

  3. احمد ربيع راكب برادو انتوا بتتكلموا ساكت معلم فيزياء زميل احمد ربيع هو القال الكلام دا اخشي ان يكون هؤلاء اسواء من الكيزان في اللغف والسرقة ربنا يرحم الشهداء الماتوا

    1. كوز كذااااااااااااااااااااب وفتان… ان شاء الله يركب طيارة نحن رضيانين بيهم وهم افضل منكم مهما يكونوا افضل منكم يا جدادة

  4. ليه نحن ماشين بعيد ؟ ما ياهو رشيد سعيد وفي اول فرصة ختف وكجم، نصب نفسو وزوجتو سفراء عشان في اول كشف خارجية قادم يعين نفسو هو سفير لدى بلجيكا وزوجتو سفيرة لفرنسا لتقاسم الغنائم بعيدا ودون شوشرة، ولو كتمت فيو لاي سبب يشهر جوازو الاوروبي ويبقى في فرنسا مثلما فعل في السابق بدعوى انو تم استهدافو واللذي منو.

  5. الجداد الالكتروني غلمان الكيزان يحبون جدآ استخدام مفردات بعينها.. مثل راكب! الاصم راكب برادو فلان راكب انفينتي حمدوك راكب روز رويس! نحن جيل الثوره نفضل وصف يقود.. افضل من الركوب
    لكن انتو بتحبو الركوب. ليه م عارف!!!

  6. انا والله لو لقيت البصور الفيديو ده كنته بسالو سؤال واحد ليه ما صورتهم وهم راكبين جوة العربات ما ممكن تصور عربية في الشارع وتقول دي بتاعت حمدوك واصحى يا ترس والجلافيط البتقول فيهو ده

    1. طيب ياناس قحت خلي أحمد ربيع ينفر والان ينفي لانو والله بالحالة التى نحن فيها دى والله وضع لايطاق والحكومة ماعامله اى حاجة ولا كانوا فى حكومة والله نحن ما عملنا الثورة عشان يكون وضعنا أقبح مما كان في عهد الإنقاذ عشان كده يا اما بقدروا يعملوا حاجة ويا كمان يدونا عرض اكتافهم حواء السودان والده ممكن نجيب ١٠٠ غير حمدوك ٢٠٠٠ غير مدنى وبعدين مدنى عباس مدنى ابوه كوز كبير يعنى كأننا ما عملنا حاجة لابد الوضع ان يتعدل والا حنخرح ونعدل الثورة من جديد

  7. ههههههههههه….. الكيزان راحت عليهم..ان شاء الله يركبوا طائرات نحن راضييييييييين بس انتو حلوا من سمانا يا كيزان

  8. الجداد الالكتروني قام على أكاذيبه ، يجيك واحد يقول ليك فلان راكب برادو و فلان راكب انفنيتي ، اصلهم ما بيقولوا البرهان راكب شنو او حميرتي راكب شنو أو كيزانهم الكانوا مقملين ركبوا شنو .. لعنة الله على الجداد الملعون … حملة مقصودة من الكذابين …

  9. الصور دة ، ليه ما صور الناس جواها؟!! البتكلم عن برادو الأصم و برادو أحمد ربيع ممكن بس دليل ولا صورة توضح؟!! قالو و قالو دي ما بتنفع معانا ، شغل المشاطات دة نحن محصنين ضدو و محصنين برضوا ضد الجداد الإلكتروني و ألاعيب الكيزان الملاعين في الوقيعة بين الناس. وقع ليكم ولا نعيدو ليكم؟!!

  10. السلام طبعا الكيزان لازم يقوموا بعمل الفيك بدربوا
    والله نحن نعرف اتحادات الطلاب والعاملين معهم يركبون اخر الموديلات طبعا الجماعه فقدوا الرفاهيه الكانوا يعيشونها والان هم شبه عطاله والمازال يعمل مالاقي طريقه يسرق لانو خائفون حتي السرقوا خائفون يطير منهم

  11. عيب ناس حمدوك و ناس ازالة التمكين و القضاء التساهل مع سفهاء النظام البائد… نظام منحط في قمة السفالة و المتاجرة بالدين, نهبوا البلاد و دمروها: اطاح بهم الشعب و القاهم في مزبلة التاريخ, فما تركوا قطارا او باخرة او طائرة او مشروعا او مصنعا او ارضاالا باعوها لأتفه الشعوب العربية, للقطريين, سفلة العالم, لعنة الله عليهم اجمعين…
    لو ركب حمدوك و مجموعته فاره العربات نحن راضون عنهم, و لو وصل الدولار الذي تاجر به تجار الدين و جعلوه سلعة لن نسمح بكوز نتن ان يتولي امرنا… و الله لو نموت فردا فرداً لن نسمح باي كوز بتولي اي منصب..

  12. انت كاتب تعليقك تحت ود فور .. طبعأ دى مكشوفة ..كوادر الحزب الشيوعى والمندسين من اتباع قحط و(حمدوك العمبلوك )

  13. عربية طيارة شي طبيعي شخص دستوري لازم يتحرك بوسيلة نقل تمكنه من اداء عمله ثم ثانيا العربات اصلا موجودة ما محتاج تستورد من الخارج و القصر الجمهوري عند سقوط الحكومة وجدت به سيارات عديدة ونفس الحال ينطبق على العديد من المؤسسات الحكومي فعلينا ان نتحلى بالموضوعية والمنطق عشان نمشي لقدام لازم نتخلى عن سفاسف الامور

  14. الشغلانة ما دايرة ليها صور.
    يكفي انو وزراء قحت ضاعفوا مرتباتهم من 15 الف الى 150 الف جنيه غير العلاوات والبدلات ال ما خمج.

  15. كمية من جداد وكتائب وسخ الكيزان حايمة ومنتشرة والله فعلا كوزونا اخطر من كورونا في الانتشار ، بس كمان الكوزونا عندهم غباء وانسداد أفق وانعدام رؤيا عجيب ومفتكرين الناس أغبياء زيهم وما شايفين الحقيقة الواضحة زي الشمس إنو هم ككيزان الناس رمتهم في الكوشة خلااااص وختاما بقول لكتائب كوزونا انطمو يا وهم وترسنا صاحي ولو حكومتنا دي خلت المثل والمبادئ الشغالة بيها عشان تبني دولة الحرية والسلام والعدالة كان بليناااكم زمان يا وسخ ، بعدين عارفين انو لجنة ازالة التمكين دي مشوفاكم نجوم الضهر يا… .ولو كوان الأمر ببدنا نحن الثوار ناس اللجنة ديل نركبهم طيارات ولا البراق زاتو عشان ينجزو ويفكفكو صواميلكم صامولة صامولة ويرجعو حقوق البلد النهبتوها جوة كروشكم و… يا وسخ يا أنجاس وحقيقة جيتو من وين ياخ انتو وفعلا الكوز لا دين له وأي كوز حندوسو دوس ونقطونا بسكاتكم يا رمم .

  16. الشئ المعلقين أغلبهم كيزان
    انتو يا كيزان الجابكم هنا شنو الراكوبه دي حقتنا من زمان اتخارجو منها يا وهم وراحت عليكم انشالله اركبو طيارات نحن موافقين. بلا كيزان بلا مرض.تاني في الحلم ما بتلقوها

  17. اذهب الى القصر رئيسا وساذهب الى السجن حبيسا هذه هى بداية حكم بنى كوز للسودان كذب شيخهم وكبيرهم الذى علمهم السحر فبدأ حكمه للسودان بغش الشعب والكذب عليه فالكذب صفة تلازم الكوز اينما حل
    ان كذب الكيزان فقد كذب شيخهم من قبل

  18. واضح أن أغلب المعلقين جداااااااااااد قومو شوفو ليكم شغلة تاني ياكيزان مافي ليكم اقعدوا في قطر وتركيا لمن تموتوا او تتغير الحكومات وبنجيبكم بالانتربول.
    اعوذ بالله من الكيزان والزواحف ماظهر منها وما بطن

  19. الناس شتت الموضوع الاساسي ومسكت في ده كوز وده قحاتي.
    اغلب الثوار الحقيقيين اليوم من الاكتووا بالنار هم ضد قحت الان. حتى ابراهيم شوتايم واولاد الضى اللي كانت لايفاتهم يشاهدها ملايين قبل السقوط هم البوم ضد قحت.
    عشان كدة كونوا الناس تعارض حمدوك ما بالضرورة كوز بس انت اذا اتهيجتا بالضرورة من جداد حمدوك او منتفع بصورة او باخرى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..