في اول رد فعل له کشف القیادي بتجمع المهنیین احمد الربیع لـ(تاسیتي نیوز) تفاصیل اتصاله بعضو تجمع المهنیین ومضة كمال، وقال: حینما اتصلت بومضة لتخرج من الاعتصام کنت اقصد ان تخرج من کولومبیا هي ومن معها من المعتصمین داخل کولومبیا ولیس من مکان الاعتصام.
ونوه احمد الى أن اتصاله بومضة تحديدا جاء بسبب مقابلته لها خلال الیوم في الاعتصام داخل القیادة وتأكده من الفریق کباشي حینها بعزمهم علی فض کولومبیا، واضاف: وذلك لان کباشي اتصل بي بحكم تمثيلي للجنة المیدان داخل الاعتصام.
وكشف الربيع عن انه أتصل بأخرين داخل لجنة المیدان وطلب منهم اقناع الشیوعيین وشباب حركة أو مجموعة قرفنا بمغادرة کولومبیا الی داخل مقر الاعتصام، واضاف: لم اکن اتوقع فض الاعتصام.
وشدد أحمد على اتصاله بالكثيرين بحكم أن ذلك من واجباته ومسؤولياته تجاه المعتصمین.
وأوردت ومضة كمال منشورا قالت فيه أن الربع هاتفها وطالبها بمغادرة الاعتصام والاتصال بالشيوعيين وقرفنا لذات الغرض..
نص ما اوردته ومضة:
شهادة مهمة من عضو مجلس تجمع المهنيين التي قادت الثورة ومضة كمال عن ليلة الغدر:
في اليوم دا من السنة الفاتت طلعنا من الاعتصام على الساعة ٣ وشويه كده في العاده بنطلع قبل الزمن دا بكتير.. كان معاي بندر وارقم وقوقي وامونه، ونحن طالعين كان في ناس قاعده تجي على القياده.. مشينا بي كوبري الحلفايا نزلنا قوقي ونحن ف صينيه المناره البعد الكوبري جات كميه من البكاسي فيها عسكر لابسين لبس الشرطه المبرقع حسبنا البكاسي كانو كم وتلاتين والبوكس فيه من ٦-٨ عسكري ما شفنا سلاح كانو شايلين عصي ودرقات.. بقينا نتشاور انه نرجع القياده ولا نعمل شنو.. ضربنا لشباب كلمناهم بالبكاسي وعددها وقلنا ليهو اننا حنجي كلامهم انو ما تجو لأنكم ما حتقدرو تخشو ف عربات كتيره دعم سريع وشرطه وغالبا حتتعرضو للاعتقال.. نزلنا امونه وكانت مصره انو لو بقي ف سكه رجعه القياده تجوني.. بعد وصلت البيت زي الساعه ٤ونص ٥ الا اتصل علي أحمد ربيع وقال عاوز شيوعي من الشيوعيين البكونو ف شارع النيل قلت ليهو حاشوف ليك واحد منهم قال لي اتصلي بيهم قولي ليهم انو اتصل عليه كباشي وقال انو القوات الجايه دي حدها كولمبيا وما حتصل حدود الاعتصام فنبه ناس التروس ما يجو عليهم.. ما اتناقشت معاه قلت ليهو حاشوف الشباب واكلمهم قال لي خليهم يكلمو برضو ناس قرفنا لانو التروس بتاعت شارع النيل بكونو ف شيوعيين وناس من قرفنا مع الشباب التانين.. بعد داك قال لي لو انتي ف القياده اطلعي.. اتصلت ع بندر وارقم هم سوا كلمتهم بالحاصل وأنهم يتصلو بالشباب هناك يوروهم الكلام دا بس انا رأيي انو القوه دي جايه لفض الاعتصام ودا كان رأيهم برضو وفعلا اتصلو بيهم وعرفو انو القوات الهناك كتيره وانو الناس الهناك متاهبه ومتوقعه فض الاعتصام وف مواكب جاءت ومواكب ما قدرت تدخل.. و بعدها بشويه حصلت المجزره ولم ينجو منها الا الشهداء فاضت أرواحهم وتركونا بجراح لن تندمل.. يمر عام ع ذكراها ولم نقتص لدم الشهداء وما زالت نتائج لجنه التحقيق ف رحم الغيب.. وما زال المفقودين مفقودين.. وامهات الشهداء يتقن لعداله دماء ابنائهن..
كلام كباشي يدينه ويدين المجلس العسكري فهنالك جريمة وهنالك متهمون ولكن لجنة التحقيق بدلا من إستجواب المتهمين وهم كل القوات التي كانت متواجدة في ساحة الإعتصام ساعة فض الإعتصام والقادة المسؤولين عنها ظلت تضيع الوقت في سماع الشهود بينما المجرم الحقيقي الذي أعترف بالجرم ظل يختبي بين حدث ماحدث وتحاول لجنة أديب تبحث عن كبش فداء لتبرير ما حدث وأتهام الدولة العميقة بينما الجرم أرتكبتة الدولة العملية بإيعاز من بعض السفارات التي تضخ الأموال من درهم وريال
ولم ينجو منها الا الشهداء
😥😥😥😥😥😥😥😥
يا الله.. تعبير بليغ شديد
الرحمة والخلود للشهداء
وعاجل الشفاء للجرحى
وعودة المفقودين تامين ولامين ببركة العيد ده
في جزئيه مهمه ، الادعاء بانو كباشي قال ليهم انو جايين الى كولومبيا هذه كانت دعواهم في البدايه لكن بعد ذلك جاء الكباشي وألقى بيانه المعروف والذي في خواتيمه جملة “وحدث ما حدث”, والذي ذكر فيه انه تم اجتماع للمجلس العسكري بحضور بعض الشخصيات المدنيه، وفي نفس السياق وردت عبارة “بالوسائل العسكريه المعروفه” مما يعني أن قصة كولومبيا هي كذبه مفضوحه
طيب نحن عارفين انو المجلس العكسري عليه المسؤليه في فض الاعتصام. طيب الاجتماع كان عشان شنو يقوالنا نحن من جاين الاعتصام. والناس المدنيين الحضور الاجمتماع ديل برصوا مشاركين في الجريمه. ويحب محاسبت كل من حضر الاجمتاع عسكري ولا مدني. الدم قصاد الدم
يايوم. فض الاعتصام.. اصبحنامنك في دهرعنود.. ومجلس جحود كنود… من للتي تدعو بهديل الحمام… ***يايوم فض الاعتصام. ..ان هرج الريب ذاكي الوقود.. ومرج الشك بعيدالخمود… وقدطارت من تلرصاص فيك فراش الهام
.
انت اذا قايلين الحلبى أديب بعمل حاجة انسوا دا أجبن شخص اذا واحد من العساكر بشريط نهروا بترجف.المجلس العسكرى وعلى رأسهم التجويد هم اقتلوا المعتصمين.حسبى الله ونعم الوكيل يمشوا وين من ربنا
وكشف الربيع عن انه أتصل بأخرين داخل لجنة المیدان وطلب منهم اقناع الشیوعيین وشباب حركة أو مجموعة قرفنا بمغادرة کولومبیا الی داخل مقر الاعتصام، واضاف: لم اکن اتوقع فض الاعتصام.
احمد الربيع مارس التمييز بأبلاغ فئة دون الاخرين (الزين لاانتماء لهم سوى الوطن) بان العسكر سوف
يفضون كولمبيا
الذين وقعوا على فض كولمبيا هم مدانون سياسيا وجنائيا . كيف لكم بالموافقة على فض تجمع ثورى
مؤيد للثورة بحجة انتهاكات فردية ؟ ان الثوار المجتمعين فى كولمبيا هم نبض الثورة والشارع السودانى
بجميع مكوناته السياسية والاجتماعية المختلفة .
بعد توقيعكم لفض كولمبيا تشجع العسكر بفض اعتصام القيادة ورأى انكم لاتحسنون تمثيل الثوار بتخازلكم عن شريحة من ثواركم . (تبا لكم )
ثورة الشارع السودانى الحقيقية لم تنفجر بعد .والديل على ذلك اشكال من يمثلوا الثوار من مدنيين وعسكريين .
كضباشي قال إجتمعنا مع وزير الداخلية والدفاع ومدير الشرطة والنائب العام، ووووو، وقررنا فض الإعتصام،،،،،وبعدها حدث ما حدث !!!
التوثيق بالفيديو موجود، ما يلفوا ويدوروا ويختلقوا روايات لا طائل منها !!!!!!!!!!!!!!!!!!!!!!!!
لماذا شاتوا النائب العام فوراً، عندما إختلفت روايته عن رواية العسكر !!!!!
لماذا يقتلوا الأنفس، حتي في كولومبيا، ولا يلجأوا إلي إعتقالهم، بل يستخدمون معهم مصطلح لا يمت للإنسانية بشيئ، وهو ■تنظيف■ كولومبيا ؟؟؟؟؟؟؟؟؟؟؟؟؟؟؟؟؟؟
أرِكزوا، وأبقوا رجال، لو تستطيعون، لأنه أساساً، لا يُوجد في الدنيا أجبن من الذي يرفع البندقية في وجه العزل السلميين، والأنكي، وهم نيام.
اللّهم تقبل شهداءنا في عليين، وجنبنا ووطننا، شر الكيزان، الإرهابيين، الضالين، وخبث وخساسة الديناصور اللّعين،،،،،،،،،آمييييين يارب العالمين.
وحميدتى المسكين شيلوه الليلة……….
انا أطلعت على كل التعليقات , الغريبة مافي زول ذكر الامام بخير ولا شر وعن الموضوع ضربوا طناش ومسكوا في موضوع تاني خالص ( كباشي )
قوى الحرية والتغيير شريك أساسي في فض الاعتصام. الاعتصام كان يشكل عقبة امام قوى الحرية والتغيير في تولي السلطة لذا وافقوا على فضه.
مساكين العبال الماتوا ومساكين اهلهم
‘طيب الناس في كولمبيا ديل ما بشر ما كان تحذرهم برضه ولا حكم عليهم بالقتل ..
جا يكحلها عماها