قدور يكشف مشاركة طه في (أغاني وأغاني)
كشف الإعلامي الكبير السر قدور أن الفنان طه سليمان سيظهر في بعض حلقات برنامج (أغاني وأغاني) هذا العام، إستجابة للطلب الذي قدمه له، وأضاف أن طه يعتبر واحداً من دعامات البرنامج وظهوره هذا العام سيضيف الكثير.
يذكر أن طه اقتحم أمس اجتماع أسرة برنامج (أغاني وأغاني) بمكتب قناة النيل الأزرق،
وتحدث عن الأسهامات الكبيرة لقناة النيل الأزرق في دعم مسيرة الفنانين الشباب، وعن المخزون الفكري والثقافي والتوثيقي لبرنامج (أغاني وأغاني) الذي أصبح مرجعاً للباحثين في جانب الفن والأبداع السوداني، وقال طه سليمان إن إرتباطه بتجربته الدرامية الأولى فرضت عليه التفرغ التام لها، لذلك فإنه اعتذر عن المشاركة هذا العام مؤكداً ثقته في نجاح البرنامج، وعدم تأثره بغياب أحد، وقال إنه حرص على حضور إجتماع أسرة (أغانى وأغانى) لأنه جزء من هذه الأسرة ، وقدم أمنياته الصادقة لزملائه المشاركين بالتوفيق، مؤكداً قدرتهم على تحقيق الإضافات والنجاحات المرجوة.
وكان قد حضر الاجتماع الأستاذ حسن فضل المولى مدير القناة، والأساتذة عمار شيلا مدير البرامج، والسر قدور، والشفيع عبدالعزيز منتج البرنامج، والمخرجين مجدى عوض صديق، وأيمن بخيت، وهيثم السيد الى جانب المطربين المشاركين في البرنامج.
اخر لحظة
((ذكر أن طه اقتحم أمس اجتماع أسرة برنامج (أغاني وأغاني) بمكتب قناة النيل الأزرق وتحدث عن الأسهامات الكبيرة لقناة النيل الأزرق في دعم مسيرة الفنانين الشباب))
الواحد في البدايه كان فاكر اللغه و تحديدا الاملاء في السودان بقي في خطر… لكن يبدو انو بعض صحافيي الغفله ما قادرين يعبِّـــرو (زاتو) عن مادتهم الاعلاميه!!
لما بديت اقرا الجمله الفوق و مريت بـ (أن طه اقتحم اجتماع اسرة اغاني و اغاني) قلت يا رب سترك ما يكون نزل بلنجات في عمك السر قدور و سبب ليهو عاهه الراجل شكلو زعلان (رغم انو طه زاتو ما اظن يكون عندو امكانيات بالمستوي ده).. المهم.. لكن الحمد لله البلنجات جات فينا نحنا و في صبرنا علي تعابير الصحافه في السودان… يا اخوانا حد يقنع الناس دي تشتغل في مجالها و ما اي شي تقراه معناها حتبدع فيهو…. و ده يقودنا لمشكلة اختيار المساقات خلال مرحلة التقديم للجامعات… في الواقع اذا كان الاهل بيعتبرو الطب و الهندسه مجالات بتاعة (قنزب و شرتيت) فلا لوم علي من (يتلب) في مجال الصحافه.. لكن كلمة الحق تقال.. و الله فترنا زاتو نخجل ليكم و نلتمس ليكم في الاعذار تقلبو الغين قاف نستحمل.. تعملو الضمه واو ناكلها في جلدنا.. الليله كمان جابت ليها تعابير شاطحه و بالطريقه دي الواحد حيجيهو شلل رعاش بحكم انو المفردات تنبيء القاريء بالقادم في عجز المقال لكن للأسف مفرداتكم حتخلي الواحد يتوقع شي و ينصدم بشي تاني و لحدي ما المقال ينتهي حيحتاج سمكره من كترة الاصطدامات!!
اللهم طولك يا روح… هسه الواحد لو كان بستغفر قصاد كل حرف يكتبو في حكومة السجم و الرماد و معاها صحافتها المهببه دي، الليله كان دخل الجنه.
اخاطب الأبن المخرج / مجدى عوض صديق أن يهتم اكثر بمظهر المغنيين عندما يكون احد زملائهم يغنى بان يبدوا ولو اصطناعيا تجاوبا وانسجاما مع زمليهم الذى يغنى لأنى شاهدت كثيرا منهم من ينشغل بأى شى مثال : يلأعب ذقنه أو يحك رأسه أو ينظر الى الأرض أو يبدوا شاردا كأنه يفكر فى مشروع الخ … من هذه الأشياء الأنصرافية أو يجلس جلسة غير متجانسة مع جو الأغنية . المطلوب من الجميع مشاركة زميلهم بكل حركات الأنسجام والطرب وان تبدوا عليهم علامات السرور والأنسجام والمرح الخ ….. ولو من نوع المجاملة . ثانيا : التنبية على المغنى ان يمسك المايك بطريقة عامودية ويبعده عن فمه وخاصة المغنيات حيث يكادن ان يبلعن المايك فى فمهن . واخيرا تمنياتى لكم جميعا ببرنامج ناجحا كالمرات السابقة والتحية العظيمة للعم السر قدور وكل عام والجميع بخير .
هههههههههههههههههه هدي اللعب
خلونا نشوف “دنزل واشنطن” زمانة، في اول تجربة درامية. زمن الغفلة.
طه دا اصلاً ماغاب عن البرنامج ، ليه ماعارف .
وبعدين حاجة تانية مختلفة دائما حركة الكاميرا نحو الهدف في القنوات السودانية مامضبوطة، تلقى الزول يتكلم أو يقول في مداخلة وهو ماظاهر الكامير تكون في وادي تاني. مرة جابوا المرحوم محمدية يتكلم عن المرحوم مصطفى سيداحمد > رحمهما الله الإتنين).محمد ماظهر إلاّ بعد ماقرب يخلص حديثه.
يشارك والا ما شارك الامر سيان بزيد حاجة،،،ما عارف كيف ببلعوا الزول ولكن نحترم آراء الناس
((ذكر أن طه اقتحم أمس اجتماع أسرة برنامج (أغاني وأغاني) بمكتب قناة النيل الأزرق وتحدث عن الأسهامات الكبيرة لقناة النيل الأزرق في دعم مسيرة الفنانين الشباب))
الواحد في البدايه كان فاكر اللغه و تحديدا الاملاء في السودان بقي في خطر… لكن يبدو انو بعض صحافيي الغفله ما قادرين يعبِّـــرو (زاتو) عن مادتهم الاعلاميه!!
لما بديت اقرا الجمله الفوق و مريت بـ (أن طه اقتحم اجتماع اسرة اغاني و اغاني) قلت يا رب سترك ما يكون نزل بلنجات في عمك السر قدور و سبب ليهو عاهه الراجل شكلو زعلان (رغم انو طه زاتو ما اظن يكون عندو امكانيات بالمستوي ده).. المهم.. لكن الحمد لله البلنجات جات فينا نحنا و في صبرنا علي تعابير الصحافه في السودان… يا اخوانا حد يقنع الناس دي تشتغل في مجالها و ما اي شي تقراه معناها حتبدع فيهو…. و ده يقودنا لمشكلة اختيار المساقات خلال مرحلة التقديم للجامعات… في الواقع اذا كان الاهل بيعتبرو الطب و الهندسه مجالات بتاعة (قنزب و شرتيت) فلا لوم علي من (يتلب) في مجال الصحافه.. لكن كلمة الحق تقال.. و الله فترنا زاتو نخجل ليكم و نلتمس ليكم في الاعذار تقلبو الغين قاف نستحمل.. تعملو الضمه واو ناكلها في جلدنا.. الليله كمان جابت ليها تعابير شاطحه و بالطريقه دي الواحد حيجيهو شلل رعاش بحكم انو المفردات تنبيء القاريء بالقادم في عجز المقال لكن للأسف مفرداتكم حتخلي الواحد يتوقع شي و ينصدم بشي تاني و لحدي ما المقال ينتهي حيحتاج سمكره من كترة الاصطدامات!!
اللهم طولك يا روح… هسه الواحد لو كان بستغفر قصاد كل حرف يكتبو في حكومة السجم و الرماد و معاها صحافتها المهببه دي، الليله كان دخل الجنه.
اخاطب الأبن المخرج / مجدى عوض صديق أن يهتم اكثر بمظهر المغنيين عندما يكون احد زملائهم يغنى بان يبدوا ولو اصطناعيا تجاوبا وانسجاما مع زمليهم الذى يغنى لأنى شاهدت كثيرا منهم من ينشغل بأى شى مثال : يلأعب ذقنه أو يحك رأسه أو ينظر الى الأرض أو يبدوا شاردا كأنه يفكر فى مشروع الخ … من هذه الأشياء الأنصرافية أو يجلس جلسة غير متجانسة مع جو الأغنية . المطلوب من الجميع مشاركة زميلهم بكل حركات الأنسجام والطرب وان تبدوا عليهم علامات السرور والأنسجام والمرح الخ ….. ولو من نوع المجاملة . ثانيا : التنبية على المغنى ان يمسك المايك بطريقة عامودية ويبعده عن فمه وخاصة المغنيات حيث يكادن ان يبلعن المايك فى فمهن . واخيرا تمنياتى لكم جميعا ببرنامج ناجحا كالمرات السابقة والتحية العظيمة للعم السر قدور وكل عام والجميع بخير .
هههههههههههههههههه هدي اللعب
خلونا نشوف “دنزل واشنطن” زمانة، في اول تجربة درامية. زمن الغفلة.
طه دا اصلاً ماغاب عن البرنامج ، ليه ماعارف .
وبعدين حاجة تانية مختلفة دائما حركة الكاميرا نحو الهدف في القنوات السودانية مامضبوطة، تلقى الزول يتكلم أو يقول في مداخلة وهو ماظاهر الكامير تكون في وادي تاني. مرة جابوا المرحوم محمدية يتكلم عن المرحوم مصطفى سيداحمد > رحمهما الله الإتنين).محمد ماظهر إلاّ بعد ماقرب يخلص حديثه.
يشارك والا ما شارك الامر سيان بزيد حاجة،،،ما عارف كيف ببلعوا الزول ولكن نحترم آراء الناس