مرجعا نثرية اجتماع …وزير الصحة للامدادات الطبية : الاجتماعات من صميم عملي

ما شاء الله على وزراء الثوره و حكومتها الإنتقاليه..
قد يقول عنهم المرجفون و الخونه للدين و الوطن ما شاءوا من هرطقاتهم، لكنهم من المستحيل ان بصفوفهم بالفساد او اللصوصيه او النصب.
شكرا شرفاء بلادي و مناضليها في سبيل السلام و الحريه و العداله.

في العالم كلو ما في حاجة اسمها نثريات في الشغل الداخلي، نثريات دي لو الزول طلع شغل خارج مكان او حدود توظيفهو لاكثر من يوم ممكن ياخد بدل سكن و اعاشة و تذكرة سفر و كدا حتي دي زاتها مفروض يكون ضمن الخطة السنوية للمؤسسة بتوضح عندك كم زيارة للولايات او خارج السودان و كم عدد المسافرين و كم ورشة و عدد المشاركين وووووكدا و بتجاز ضمن الميزانية و بتتم مراجعتها نهاية الخطة او السنة.
الخطاب دا كشف لينا انو لسة الخطط السنوية للمؤسسات تفتقر الموضوعية و غير خاضعة للقياس و التنبؤ من حيث الاهداف و المدة الزمنية المراد انجاز الخطة
و الخطط الزي دي دائما تكون مكلفة و يتبعها فساد و مرات كتيرة واضعو الخطة خطوها كدا عن عمد عشان يلهطو… شوف المثال الحي دا ٥ الف عشان اجتماع و الاجتماع من صميم عملهم ليه يجتمعو بي قروش؟ و ليه اصلا تم اجازة قروش زي دي من وزارة الصحة نفسها يا دكتور اكرم؟ و ليه رجعت القروش دي للصندق؟ ليه ما رجعتها الخزينة العامة او في حساب الكورونا؟ ناس الصندق حيعملو شنو بالقروش دي اكيد حيشلها واحد تاني و بي كدا انت و هم كلو سواء
حقو تصدر قرار بابطال النثريات لكل الناس لانو مافي اجتماع بي قروش و تخت القروش في صندوق كورونا او صندوق من صناديق الصحة الفاضية و الما عاجوا يركب الزلط
و في شئ يا د اكرم انتو لو صدقتو و ختيتو الكلام للناس برررررا بتلقو البيشتغل مجان و البيدعكم بي قروشو زاتو …..بس انتو متين راسكم يجي؟